Fréttablaðið - 19.08.2004, Blaðsíða 51

FIMMTUDAGUR 19. ágúst 2004
debenhams
S M Á R A L I N D
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
D
EB
2
55
80

08
/2
00
4
Þú færð 2.000 kr. gjafaávísun
í Debenhams þegar þú verslar
fyrir 10.000 kr. eða meira
í barnadeild.
Tilboðið gildir til og með 25. ágúst.
Glaðningur fylgir kaupum í barnadeild.
E-kortshafar fá 2,5% endurgreiðslu
af því sem keypt er í Debenhams.
TILBOÐ
sem klæðir börnin
The Roots: The Tipping Point
„Ég hef lesið nokkra dóma þar sem gagnrýnendur
kvarta sáran yfir því að þetta sé of „poppuð“ plata
frá sveitinni. Ég er ekki einn þeirra, ég elska popp og
svona vil ég hafa góðar poppplötur. Takk fyrir mig.“
BÖS
Animal Collective: Sung
Tongs
„Þrátt fyrir að vera súrari en sítróna er hrein unun
að renna þessari plötu í gegn. Hún getur vissulega
verið erfið áheyrnar á köflum, og maður þarf að
gretta sig einstaka sinnum, en það er vel þess virði.
Það er einkennilegur, en vingjarnlegur andi yfir allri
henni, dálítið eins og að sjá manneskju frosna í
klaka á ströndinni í Nauthólsvík á heitasta degi árs-
ins... eða var það bara enn eitt flassbakkið?“
BÖS
The Album Leaf: In a Safe
Place
„Það er ekkert undarlegt að Sigur Rósar menn hafi
laðast að tónlist Jimmy. Þetta er ambient-elektró-
rokk sem auðveldlega er hægt að líkja við þeirra
eigin tónlist. Þó er öllu léttara yfir The Album Leaf
og lítið um skammdegisdramatík. Eiginlega bara
þvert á móti, því af tónlistinni að dæma hefur Jim-
my greinilega liðið mjög vel hérna.“
BÖS
Singapore Sling: Life is Kill-
ing My Rock’N’Roll
„Töffararnir í Singapore Sling eru við sama heygarðs-
hornið á þessari nýju plötu sinni. Letilegt eyðimerkur-
rokkið, vælandi feedback í bakgrunni og einfaldleik-
inn; allt er þetta til staðar. Breytingin er ekki mikil frá
því á síðustu plötu og kannski ekki mikil þörf á því.
Hún virkaði nefnilega vel og skapaði sveitinni sinn
eigin stíl. Það helsta sem var að þar voru svipaðar
lagasmíðarnar sem leiddi til þess að platan varð
þreytandi til lengdar. Sama er uppi á teningnum hér.“
FB
The Hives: Tyrannosaurus Hives
„The Hives hljóma á nýju plötunni eins og þeir
hljómuðu á fyrri plötunni. Þegar ég tók viðtal við
þá á Hróarskeldu sögðu þeir mér að þeir hefðu
þróað hljóm sinn heilmikið á þessari plötu, en það
er bara ekki satt. The Hives hljóma enn eins og
hópur ofvirkra kaffidrekkandi kórdrengja frá smá-
bæ í Svíþjóð sem trúa því að þeir séu The Ramo-
nes endurfæddir.“
BÖS
Brúðarbandið: Meira!
„Tónlistin er pönk út í gegn með einföldum hljóm-
um og einfaldri úrvinnslu. Enginn snilldar hljóð-
færaleikur, söngur eða eitthvað slíkt heldur meira
reynt að gera hlutina nægilega góða til að þeir
komist til skila og að skilaboðin komist á framfæri.
Þetta er nokkuð skemmtileg plata og augljóst að
Brúðarbandið hefur líka skemmt sér vel.“
FB
Jesse Malin: The Heat
„Vegna þess hversu einsleit platan er mun hún lík-
legast vera skilin eftir í þoku gleymskunnar. En við
áttum rólegar og notalegar stundir saman, ég og
Jesse Malin. Veit samt ekki hvort við munum halda
sambandi.“
BÖS
Badly Drawn Boy: One Plus
One Is One
„Á One Plus One Is One sýnir kappinn á sér nokkr-
ar hliðar. Hann fer dýpra ofan í þjóðlagahefðina en
hann hefur gert áður en gleymir ekki að semja
grípandi lög. Þessi nýjasta afurð Badly Drawn Boy
inniheldur allt það besta sem ég hef heyrt frá
lopahúfumanninum loðna.“
BÖS
The Fiery Furnaces: Gallows-
bird’s Bark
„Miðað við að ég hef ekki enn hitt neinn sem
heldur vatni yfir tónleikum sveitarinnar á Hró-
arskeldu er ég byrjaður að draga þá ályktun að
þessi sveit njóti sín betur á tónleikum. Platan er
vissulega mjög áhugaverð, og góð, en snilldin lek-
ur ekki alveg af henni... maður þarf svolítið að hafa
fyrir því að nudda hana af.“
BÖS
The Flavors: Go Your Own Way
„Go Your Own Way er áreynslulaus poppplata með
sína kosti en hefur því miður ekkert nýtt fram að
færa. Bragðdauft er kannski besta orðið yfir hana.
Kaldhæðnislegt en engu að síður staðreynd.“
FB
!!!: Louden Up Now
„Það er skylda að hlusta á þessa plötu á fullum
styrk og þó þið þurfið að leggja töluvert á ykkur til
þess að finna þessa plötu, látið þá verða af því.
Louden Up Now verður án efa ein af plötum árs-
ins, !!! er bylting.“
BÖS
Velvet Revolver: Contraband
„Velvet Revolver kemur bara nokkuð á óvart, átti
allt eins von á að þetta væri aum tilraun gamalla
rokkara til að ná sér í smá aur enda hefur útkom-
an af svoleiðis ævintýrum verið allt önnur en góð
hingað til. Contraband er hins vegar ágætis frum-
raun frá Velvet Revolver, sem er vonandi komin til
að vera.“
SJ
Fear Factory: Archetype
„Archetype er ekkert meistaraverk, lumar bara á
sprettum hér og þar, en er mér þó meira að skapi
en fyrri verk hljómsveitarinnar.“
SJ
The Cure: The Cure
„Þetta er reiða hliðin á The Cure sem hefur fengið
að fljóta með í nokkrum lögum áður, en sem hef-
ur aldrei verið splæst á heila plötu. Þetta er hug-
rökk plata og tilraunir Ross Robinson ganga upp.
Besta og heilsteyptasta plata The Cure frá því að
Disintegration kom út árið 1989.“
BÖS
Janet Jackson: Damita Jo
„Óumdeilanlega hefur einlægnin verið víðs fjarri
þegar þessi plata, Damita Jo, var unnin. Maður sér
fljótlega í gegnum þunnan undirtón plötunnar og
sígild en dauðþreytt formúlan að selja Janet sem
kynlífstákn. Janet Jackson er fær í flest, sungið get-
ur hún, en hér gerir hún allrækilega í buxurnar.“
SJ
Birgir Örn Steinarsson
Freyr Bjarnason
Smári Jósepsson
[ SMS ]
UM NÝJUSTU PLÖTURNAR
Gagnrýnandi Fréttablaðsins er ennþá að
dilla sér eftir að hafa hlustað gaumgæfi-
lega á nýjustu plötu The Roots, sem er
poppuð í meira lagi.
PLATA VIKUNNAR
| Á HVAÐ ERU GRÚSKARARNIR AÐ HLUSTA? |
Anna Katrín, söngkona af guðs
náð og umsjónarmaður 17/7 á
PoppTívi
„Hef verið að hlusta mikið á nýju plöt-
una með The Hives, Tyrannosaurus
Hives. Mér
finnst hún mjög
góð. Hafði ekk-
ert hlustað á
hina af viti. Þetta
er svolítið svipuð
tónlist samt og
þeir hafa verið
að gera áður.
Þeir halda alveg
sínu striki og það
leynast alveg melódíur í sumum lög-
unum þeirra. Þetta er ekki bara algjört
rokk.“
Benedikt Reynisson, konungur
undirdjúpanna og umsjónar-
maður Karate, X-ið 977
„Ég er búinn að vera í Krautrokk-stuði
síðustu misserin. Það sem er búið að
rata undir nálina og geislann eru plöt-
ur með hljómsveitum á borð við Can,
This Heat og Chrome. This Heat gaf út
plötuna Deceit árið 1981 og var hún
algjör framúrstefna á þeim tíma.
Einnig hef ég verið að hlusta á nýjustu
plötu Wilco, A Ghost is Born, og er
hún frábær. Hið kristilega og án efa
eitt framsæknasta hip-hop tvíeyki
samtímans, Soul Junk, hefur verið í
uppáhaldi hjá
mér lengi og
hef ég verið að
hlusta á 1958
sem kom út
með þeim í
fyrra. Síðast en
ekki síst hef ég
verið að hlusta
fyrstu skífu The
Mae Shi sem heitir Terrorbird og var
hún að koma út fyrir stuttu. Tónlist
þeirra er mjög áköf og á köflum
taugastrekkjandi, einskonar blanda af
Liars, Captain Beefheart, Boredoms
og Devo.
Ólafur Páll Gunnarsson, forseti
Rokklands á Rás 2
„Ég hef lítið hlustað á
tónlist þessa viku. Ég
hef mest verið að hlusta
á disk sem fylgir með
nýjasta Uncut-blað-
inu, hann heitir
Summer of
Motown. Þarna
eru Marvin Gaye,
The Tempta-
tions, The
Supremes og
Smokie Robinsson
and the Miracles.
Þetta er sándtrakk
vikunnar.“