Fréttablaðið - 19.08.2004, Blaðsíða 57
„Hún verður ívið stærri en í fyrra,“
segir Víðir Reynisson hjá Hjálpar-
sveit skáta í Reykjavík um flug-
eldasýninguna sem slær botninn í
Menningarnótt. Víðir hefur haft
umsjón með sýningunum mörg
undanfarin ár og gætir sín á að hafa
hana aldrei eins. „Það er alltaf eitt-
hvað að bætast við og nú eru komn-
ar nýjar bombur sem eflaust vekja
lukku.“ Erfitt er að slá á umfang
sýningarinnar en hún mun standa í
um tíu mínútur. Skotið er úr tveim-
ur opnum gámum sem báðir eru
troðnir af flugeldum. „Að auki
erum við með stórar sýningatertur
sem við dreifum um hafnarbakk-
ann.“
Víðir og hans menn hófu undir-
búning fyrir um tíu dögum en alls
koma sex hjálparsveitarmenn að
skipulagningu og uppsetningu sýn-
ingarinnar. Víðir játar aðspurður að
miklar pælingar liggi að baki. „Það
þarf að huga vel að litasamsetningu
og þeirri hæð sem flugeldarnir ná.
Þetta þarf að stilla allt saman svo
myndin verði sem fallegust.“ Upp-
byggingin er líka mikilvæg, sýning-
in fer hægt af stað en þó með
nokkrum hápunktum, krafturinn
eykst um miðbikið og endirinn á að
vera þannig að hann festist í hugum
fólks.
Þó að Víðir hafi annast flugelda-
sýningar í átján ár hefur hann sjálf-
ur séð þær fáar. Hann er nefnilega
með hugann við stjórnborðið, þaðan
sem öllu er stýrt, og má lítt vera að
því að horfa til himins. ■
FIMMTUDAGUR 19. ágúst 2004
Ef fer eins og í fyrra verða það ekki
Metallica, Lou Reed, Korn eða aðr-
ar erlendar stórstjörnur sem spila á
stærstu tónleikum ársins hér á
landi. Lögreglan í Reykjavík áætlar
að um 80 þúsund manns hafi séð
Stuðmenn, Sálina hans Jóns míns
og Quarashi á Menningarnótt í
fyrra. Ef veðurspáin gengur eftir á
laugardag er vel hugsanlegt að
svipaður fjöldi safnist saman til
þess að sjá Egó, Brimkló, Írafár og
Leaves.
„Þetta var mitt barn í fyrra og
eftir tónleikana leið mér bara eins
og Rocky Balboa eftir að hann var
nýbúinn að rota Rússann,“ segir
Ólafur Páll Gunnarsson, forseti
Rokklands á Rás 2, sem ýtti þeirri
hugmynd af stað í fyrra að halda
stærðarinnar tónleika á bakkanum.
„Í fyrra var þetta sett upp sem af-
mælistónleikar Rásar 2 og þá voru
engin áform um að gera þetta aftur.
Svo tókst þetta bara svo vel, þetta
eru einfaldlega fjölmennustu tón-
leikar sem haldnir hafa verið á
landinu. Ég bjóst við mörgum, en
þetta var alveg framar öllum mín-
um vonum. Þegar eitthvað tekst
svona vel er bara ekki hægt að
bakka út.“
Þessa dagana er undirbúnings-
vinnan á fullu fyrir tónleikana, og
hljóðkerfaleiga Exton undirbýr að
setja upp eina mögnuðustu úti-
veislu sem haldin hefur verið hér á
landi. Einnig segir Óli Palli að
ómögulegt sé að halda svona tón-
leika án styrktaraðila og að tölu-
verð vinna hafi farið í það að trygg-
ja þá.
„Þetta er náttúrlega síðasta at-
riðið fyrir flugeldasýninguna þan-
nig að þetta spilar allt saman. Í
fyrra kom fólk fyrr niður á bakk-
ann og safnaðist saman á þessu
svæði. Þetta var algjörlega stór-
kostlegt.“
Tónleikunum verður útvarpað í
beinni útsendingu og svo fara upp-
tökurnar inn á safn Rásarinnar þar
sem þær verða geymdar „um aldur
og ævi“, eins og Óli orðar það.
Greinilega gerir hann sér mikla
grein fyrir mikilvægi Rásar 2 sem
sögulegs safns tónlistarmenningar á
Íslandi. „Við reynum að hafa breidd
í þessu. Það hefur lítið heyrst í -
Leaves lengi. Svo vildum við hafa
poppband, eins og Írafár. Menning-
arnótt er skemmtun fyrir alla fjöl-
skylduna, þannig að við reynum að
stíla inn á það. Hver sveit spilar í 30
til 40 mínútur. Gömlu brýnin Brim-
kló og Egó enda þetta svo.“
Skemmtileg staðreynd að Egó
skuli loka tónleikunum á eftir Brim-
kló í ljósi þess að Bubbi Morthens
söng nú einu sinni, reyndar með Ut-
angarðsmönnum, sönglínuna; „Ég er
löggiltur öryrki. Hlusta á HLH og
Brimkló!“
Leaves stígur á svið kl. 20.30.
Plötusnúðurinn Óli Ofur, sem er
ekki Óli Palli, ætlar að renna lögum
í gegn frá 19.30. ■
„Leið eins og Rocky Balboa“
TÓNLIST
MENNINGARNÓTT
■ Óli Palli á Rás 2 undirbýr stærstu tón-
leika ársins á Hafnarbakkanum.
QUARASHI
Gestarapparinn Opee og Steini stara yfir mannhafið á tónleikum Quarashi í Hafnarbakkanum í fyrra.
Flugeldasýningin aldrei glæsilegri
FLUGELDAR Á LOFTI
Nokkrum nýjungum verður bætt inn í sýn-
inguna í ár.