Fréttablaðið - 12.08.2004, Blaðsíða 4
VEÐUR Hitinn í Reykjavík náði 24,8
stigum í gær og er það hæsti hiti
sem mælst hefur í höfuðborginni.
Gamla metið hljóðaði upp á 24,3
stig og var sett 9. júlí árið 1976 að
sögn Björn Sævars Einarssonar,
veðurfræðings á Veðurstofu Ís-
lands.
Hitinn á landinu í gær mældist
hæstur 29,2 stig á Egilsstaðaflug-
velli og jafnaði hæsta hita sem
mældur hefur verið með nútíma-
mælitækjum, á Kirkjubæjar-
klaustri árið 1991. Hæsti hiti sem
lesinn hefur verið af mæli hér á
landi var hins vegar 30,5 stig, á
Teigarhorni árið 1939.
„Þetta er hlýjasti loftmassi sem
komið hefur hingað til lands síðan
mælingar hófust,“ segir Björn
Sævar en hitinn í gær fór víða yfir
27 stig. Áfram var svalast í þoku-
lofti við Húnaflóa og í Skagafirði
en lægsti hiti á landinu mældist
10,8 stig í Litlu-Ávík á Ströndum.
Notkun Reykvíkinga á köldu
vatni var lítið eitt meiri í hitanum í
gær en hún er yfirleitt að sögn Sig-
urðar E. Sigurðssonar, vakthafandi
vélfræðingsins hjá Orkuveitu
Reykjavíkur. Sigurður segir hins
vegar heitavatnsnotkunina sér-
staklega litla í veðurblíðunni í gær.
Í gær notuðu Reykvíkingar um
2.300 rúmmetra af köldu vatni á
klukkustund en venjuleg notkun er
um 2.000 rúmmetrar að sögn
Sigurðar. Heitavatnsnotkun Reyk-
víkinga í gær nam tæplega þrjú
þúsund rúmmetrum á klukkustund
sem Sigurður segir mjög lítið. Til
samanburðar nefnir hann venju-
legan júlídag á árinu og var notk-
unin þá ríflega fjögur þúsund
rúmmetrar á klukkustund.
„Ég býst við að aukinn þrýsting-
ur myndist á að taka sumarfrí á
þessum tíma og jafnvel til þess að
vinnustöðum loki á heitustu svæð-
um,“ segir Ari Edwald, fram-
kvæmdastjóri Samtaka atvinnu-
lífsins, aðspurður um áhrif góða
veðursins á atvinnulífið.
Ari segir ómögulegt að slá á
hversu miklir fjármunir geti tapast
við það að skrifstofur loki vegna
veðurs. „Það má þó auðvitað gera
sér í hugarlund að slíkir dagar
hægi nokkuð á atvinnulífinu.“
Ari bendir þó á að margir hópar
séu í þeirri aðstöðu að verða að
leiða góða veðrið hjá sér. „Ég býst
þó við því að allir sem aðstöðu hafa
reyni í einhvern hátt að njóta veð-
urblíðunnar.“
helgat@frettabladid.is
4 12. ágúst 2004 FIMMTUDAGUR
SKIPULAGSMÁL Gert er ráð fyrir
að Austurbær verði ekki rifinn
og að byggt verði nýtt þriggja
hæða hús við Njálsgötu í
Reykjavík í drögum að nýju
deiliskipulagi. Skipulags- og
byggingarnefnd samþykkti á
fundi sínum í gær að kynna til-
löguna hagsmunaaðilum á svæð-
inu.
„Gert er ráð fyrir leiksvæði á
austurhorni reitsins auk þess
sem lagt er til að leyft verði að
byggja þriggja hæða hús við
Njálsgötu,“ segir Margrét
Þormar, arkitekt hjá Skipulags-
og byggingarsviði Reykjavíkur-
borgar. „Bílageymslur hússins
verði alfarið neðanjarðar auk
þess sem gert er ráð fyrir að
ásýnd þess verði sem mest í takt
við umhverfið.“ ■
Slökkvilið á Flórída:
Áttu aldrei
möguleika
FLÓRÍDA, AP Slökkviliðsmenn á
Flórída eru ekki óvanir því að
eiga við elda sem kvikna í kjölfar
eldinga. Þeir voru hins vegar
teknir í bólinu þegar eldingu
laust niður í gamla slökkvistöð í
timburhúsi í dreifbýli norðar-
lega á Flórídaskaganum.
Liðsmenn slökkviliðsins voru
þegar kallaðir út og voru snöggir
á staðinn. Þeir gátu hins vegar
lítið annað gert en að horfa á
slökkvistöðina brenna til grunna,
þar sem allur útbúnaður þeirra
til slökkvistarfa var þar innan
dyra. ■
Erlendir ferðamenn:
Kaupa lopa-
peysur þrátt
fyrir hita
VEÐUR Erlendir ferðamenn fjár-
festa í lopapeysum þrátt fyrir
hitabylgju að sögn Lindar Hilm-
arsdóttur, starfsmanns Ramma-
gerðarinnar.
Lind hefur ekki orðið vör við
minni sölu hlýrra flíka þótt hit-
inn undanfarna daga hafi verið
mun hærri en Reykvíkingar eiga
að venjast. „Útlendingarnir eru
náttúrlega ekki spenntir yfir hit-
anum eins og við enda margir
vanir slíkum hita,“ segir Lind.
Að sögn Lindar kom fjöldi
fólks í verslunina í gær og hik-
uðu erlendu ferðamennirnir
ekki við að máta og kaupa lopa-
peysur þrátt fyrir hitann. ■
■ VIÐSKIPTI
Er raforkuverð til stóriðja of
ódýrt?
Spurning dagsins í dag:
Eiga Íslendingar að veiða meiri síld á
Svalbarðasvæði en Norðmenn leyfa?
Niðurstöður gærdagsins
á visir.is
31,65%
68,35%
Nei
Já
KJÖRKASSINN
Farðu inn á visir.is og segðu þína skoðun
visir.is
Pink í Bláa lóninu:
Dónaleg við
ljósmyndara
UPPÁKOMA Poppstjarnan Pink
kunni því illa að ljósmyndari Vík-
urfrétta tæki af henni myndir
þegar hún heimsótti Bláa lónið
upp úr hádegi í gær. Hún hélt sem
kunnugt er tónleika í Laugardals-
höll í fyrrakvöld sem gengu vel og
dreif hún sig strax í lónið daginn
eftir. Þar reyndi ljósmyndari Vík-
urfrétta, Atli Már Gylfason, að ná
myndum af henni og fór það svo
mjög í taugarnar á stjörnunni að
hún skvetti yfir hann vatni og
sýndi honum löngutöng. Var hún
umkringd íslenskum lífvörðum
allan tímann og voru þeir við hlið
hennar ofan í lóninu sjálfu. ■
VILDI FRIÐ Í BLÁA LÓNINU
Stórstjarnan og fyrirmyndin Pink sýndi ljós-
myndara Víkurfrétta löngutöng í Bláa lóninu.
METHAGNAÐUR HJÁ CISCO Hagn-
aður bandaríska tölvufyrirtækis-
ins Cisco Systems jókst um 42 pró-
sent á síðasta ársfjórðungi miðað
við árið í fyrra. Félagið hagnaðist
um 1,4 milljarða dala (um 100
milljarða króna) á síðustu þremur
mánuðum. Rekstrarbatinn er
skýrður með aukinni fjárfestingu
fyrirtækja í upplýsingatækni.
RÉTTARHÖLDUM FRESTAÐ Verj-
endur í fyrsta refsimálinu vegna
fjársvika orkufyrirtækisins Enron
hafa fengið framlengdan frest til
að undirbúa vörn sína. Um er að
ræða fyrrverandi starfsmenn En-
ron og fjármálafyrirtækisins
Merril Lynch. Réttarhöldin hefjast
18. ágúst. ■
Aldrei heitara
í Reykjavík
Hitinn í Reykjavík náði 24,8 stigum í gær og er það hæsti hiti sem mælst
hefur í höfuðborginni. Hlýjasti loftmassi síðan mælingar hófust.
VEÐUR Verksmiðjur Emmessís
munu starfa aukalega alla helgina
til þess að fylla á lager fyrirtækis-
ins að sögn Atla Hergeirssonar
markaðsfulltrúa. Ísblöndusala
fyrirtækisins var fjórum sinnum
meiri í hitabylgjunni í gær en á
venjulegum degi.
„Þetta er ótrúlegasti dagur
sem við munum eftir og allt alveg
dýrvitlaust,“ segir Atli. Íssalan í
gær hljóp á þúsundum lítra að
sögn Atla en nákvæm sölutala
fæst ekki uppgefin.
„Við höfum vart undan að
dreifa þessum ís til allra þeirra
sem hringja,“ segir Atli en bíl-
stjórar fyrirtækisins unnu margir
langt fram eftir kvöldi við dreif-
ingu íssins. Einn frystibíll tekur
rúm fjögur tonn af ís að sögn Atla.
Einnig var unnið fram á kvöld í
verksmiðju fyrirtækisins til þess
að fylla á lagerinn á ný eftir átök
dagsins. ■
Verksmiðjur Emmessís starfa alla helgina vegna mikillar íssölu:
Salan fjórfalt meiri en á venjulegum degi
Í KULDAGALLA Á HEITASTA DEGI Í REYKJAVÍK
Meðan flestir sleiktu sólina í gær vann þessi ungi maður hörðum höndum að því að
koma ís til sólbakaðra Reykvíkinga.
Drög að deiliskipulagi við Austurbæ:
Þriggja hæða hús við Njálsgötu
AUSTURBÆR OG NÁGRENNI
Gert er ráð fyrir því að Austurbær standi og leyft verði að byggja þriggja hæða hús við Njáls-
götu í drögum að nýju deiliskipulagi. Myndin sýnir skuggavarp húsanna á hádegi 21. júní.
RÍFUR Í SIG RIFSBER
Það eru fleiri en mannfólkið sem njóta góðs af veðurblíðunni. Gróðurinn blómstrar og
fuglarnir hafa nóg að bíta og brenna.
STRANDARSTEMNING
Mikill fjöldi fólks safnaðist saman í Naut-
hólsvík í gær enda hlýjasti dagur í Reykja-
vík síðan mælingar hófust.
FR
ÉT
TA
B
LA
Ð
IÐ
/G
VA
FR
ÉT
TA
B
LA
Ð
IÐ
/E
.Ó
L
S
N
O
R
R
A
B
R
A
U
T
NJÁLSGATA
04-05 11.8.2004 21:02 Page 2