Fréttablaðið - 12.08.2004, Blaðsíða 10

10 12. ágúst 2004 FIMMTUDAGUR
GLÍMT Á HORNSTRÖNDUM
Hilmar Kjartansson og Hjalti Már Björns-
son stigu íslenska glímu í Aðalvík á Horn-
ströndum í sumar. Þeir voru á ferð með
gönguhópnum „Sárir og súrir fætur“ og
nutu veðurblíðunnar og náttúrufegurðar.
Bensínstöðvar úti á landi:
Bjóða ekki upp á sjálfsafgreiðslu
NEYTENDUR Bíleigendur njóta ekki
sjálfsafgreiðsluafsláttar á bensín-
stöðvum Olíufélagsins ESSO víða
á landsbyggðinni.
Pétur Steingrímson ætlaði
sjálfur að dæla bensíni við stöðina
í Varmahlíð í Skagafirði um síð-
ustu helgi. „Þá var mér sagt að
það stæði ekki til boða og ég yrði
að greiða fyrir fulla þjónustu,“
segir hann. Verð með fullri þjón-
ustu er 113 krónur fyrir lítra af 95
oktana bensíni.
Á heimasíðu ESSO má finna
lista yfir bensínverð á nokkrum
stöðvum ESSO. Þar segir: „Á öll-
um öðrum þjónustustöðvum ESSO
um landið er tveggja krónu af-
sláttur af eldsneytislítra í sjálfs-
afgreiðslu.“ Þetta segist Pétur
skilja sem boðið væri upp á sjálfs-
afgreiðslu á öllum bensínstöðvum
félagsins.
Heimir Sigurðsson hjá ESSO
segir að ekki sé boðið upp á sjálfs-
afgreiðslu á öllum bensínstöðvum
félagsins en það standi til bóta.
Hann viðurkennir að orðalag sé
óljóst á heimasíðunni og segir því
munu verða breytt. ■
Of fátæk til að
kaupa í matinn
Misskipting auðsins fer vaxandi í Ísrael. Tekjur helmings landsmanna duga ekki fram að næstu
útborgun og sjöundi hver Ísraeli kveðst lenda í vandræðum með matarkaup vegna fátæktar.
ÍSRAEL Laun annars hvers Ísraela
duga ekki til að ná endum saman
og sjöundi hver Ísraeli á ekki
nógu mikinn pening til að kaupa
mat, samkvæmt nýrri tekjukönn-
un ísraelsku hagstofunnar sem
greint er frá í dagblaðinu Jerusal-
em Post.
Ísraelskt efnahagslíf hefur, líkt
og efnahagur Palestínumanna,
hrunið vegna átaka Ísraela og
Palestínumanna undanfarin ár.
„Hér eru nú tvær þjóðir. Önnur
rík, hin fátæk. Á því leikur enginn
vafi. Fjármálaráðherrann er Hrói
Höttur hinna ríku,“ sagði verka-
lýðsforkólfurinn Etti Peretz.
Peretz sagði í útvarpsviðtali að
fæðuskortur yrði til þess að skaða
líkamsbyggingu, skilningsvit og
heilsu fólks. „Þetta þýðir að hluti
ísraelskra barna elst upp með van-
þroska líkama og að sumir hinna
öldruðu íbúa Ísraels eru að farast úr
fátækt,“ sagði hann.
Könnunin leiðir meðal annars í
ljós að munurinn á milli ríkra og fá-
tækra fer stækkandi. Á nær fjöru-
tíu prósentum heimila hafa íbúar
ekki efni á því að hita heimili sín og
meira en helmingur Ísraela kvaðst
hvorki hafa keypt sér föt né skó árið
sem tekjukönnunin tók til. Fjórði
hver maður bjó við að lokað hefði
verið fyrir síma eða rafmagn á
sama tímabili.
Versnandi afkoma almennings
hefur mikil áhrif á hversu líklegt
fólk er til að leita sér lækninga.
Nær helmingur þeirra sem þurfti
að leita til tannlæknis sleppti því
vegna kostnaðar. Sjötti hver Ísraeli
sleppti því að leysa út lyf sem
læknar ávísuðu á og annar hver
Ísraeli sem er ekki með sjúkra-
tryggingu sagðist hafa gefið hana
upp á bátinn vegna fjárhagserfið-
leika. Að einu leyti kann fátæktin
þó að hafa stuðlað að betri heilsu.
Rúmlega fjórðungur reykingafólks
kvaðst hafa þurft að hætta að reyk-
ja eða draga úr reykingum vegna
kostnaðar.
Þrátt fyrir þetta lýsti nær helm-
ingur sig ánægðan með efnahagsá-
standið. Tveir af hverjum fimm
telja að staða sín batni á næstu
árum en fjórðungur Ísraela telur
hana munu versna. ■
Arnold Schwarzenegger:
Fádæma
vinsæll
KALIFORNÍA, AP Arnold Schwarzen-
egger er vinsælasti ríkisstjóri í
Kaliforníu í þrjátíu ár, samkvæmt
nýrri skoðanakönnun. Um 65%
kjósenda í ríkinu styðja leikarann
og hasarhetjuna sem hefur gegnt
embætti í níu mánuði.
Stuðningur við ríkisstjórann
nær langt inn í raðir demókrata
en 45 prósent þeirra eru sáttir við
Schwarzenegger. Níu af hverjum
tíu repúblikönum í Kaliforníu eru
sáttir við störf síns manns. Sér-
fræðingar vestan hafs telja ólík-
legt að Schwarzenegger haldi
þessum vinsældum til lengri tíma
litið. ■
Grunnskólar Akureyrar
Upphaf skólastarfs skólaárið 2004 - 2005
Nemendur skulu koma í skólana föstudaginn 20. ágúst. n.k. sem hér segir:
Lundarskóli,Oddeyrarskóli,Síðuskóli,Glerárskóli,Giljaskóli og Hlíðarskóli
Nemendur í 2., 3. og 4. bekk klukkan 9:00.
Nemendur í 5., 6. og 7. bekk klukkan 10:00.
Nemendur í 8., 9. og 10. bekk klukkan 11:00.
Sérdeild Giljaskóla – Nemendur mæti klukkan 09:00
Hlíðarskóli – Nemendur mæti klukkan 10:00
Nemendur Brekkuskóla skulu koma í skólann 23.ágúst n.k. sem hér segir:
Nemendur í 2.-5. bekk mæti í neðra hús skólans klukkan 9:00
Nemendur í 6.-7.bekk mæti í nýbyggingu skólans klukkan 10:00
Nemendur í 8.-10. bekk mæti í Íþróttahöllina klukkan 11:00
Akureyrarbær
Skóladeild
Glerárgötu 26
600 Akureyri
Börn sem fara í 1. bekk verða boðuð sérstaklega með bréfi til viðtals í skólunum ásamt aðstandendum sínum.
Foreldrar eru hvattir til að koma með börnum sínum fyrsta skóladaginn.
Skólastjórar
Mike Wallace:
Hálfníræður
í járnum
BANDARÍKIN, AP Sjónvarpsmaðurinn
góðkunni úr fréttaskýringaþætt-
inum 60 mínútum var handjárnað-
ur og færður á lögreglustöð eftir
að hafa lent í útistöðum við stöðu-
mælaverði í New
York á þriðjudag.
Wallace er 86
ára gamall en hann
lét stöðumælaverði
hafa það óþvegið er
hann sá þá hafa af-
skipti af bílstjóra
sínum sem hafði
lagt ólöglega.
Sögðu stöðumæla-
verðirnir að
Wallace hefði ver-
ið afar dónalegur
og meira að segja
veist að öðrum þeirra. Öldungn-
um var þó sleppt að lokinni yfir-
heyrslu á lögreglustöð. ■
BENSÍN
Á heimasíðu ESSO segir að boðið sé upp
á afslátt vegna sjálfsafgreiðslu á öllum
stöðvum.
NÝFLUTT TIL ÍSRAELS
Hin tveggja ára Nahomi er meðal þeirra sem hafa flutt til Ísraels í sumar þrátt fyrir bágan
efnahag landsmanna.
FISKVEIÐAR Fátt er vænlegra fyrir
íbúa Neskaupstaðar til að ná sér
niður eftir innrás þúsunda ferða-
manna á Neistaflug sem fram fór
þar í bæ um verslunarmanna-
helgina en að tylla sér á bryggju-
kant í blíðviðri og dorga. Það er
einmitt það sem þau Ólöf og
Bjarki gerðu um helgina en
margir aðrir bæjarbúar flýðu á
vit ævintýra úti í löndum. Er ekki
óalgengt að fjöldi fólks láti sig
hverfa að afloknu Neistaflugi,
sem er stærsta hátíð á Austur-
landi á ári hverju.
Ekki höfðu skötuhjúin fengið
fisk þegar blaðamenn bar að en
orðið vör oftar en einu sinni. ■
FALLEGUR DAGUR
Ekki var mikið upp úr krafsinu að hafa en veðurblíðan er með ólíkindum í Neskaupstað.
Neskaupstaður:
Dorgað í blíðunni fyrir austan
FR
ÉT
TA
B
LA
Ð
IÐ
/G
VA
EKKI DAUÐUR
ÚR ÖLLUM
ÆÐUM
Hálfníræður
Mike Wallace var
færður í járnum
á lögreglustöð.
10-11 11.8.2004 21:04 Page 2