Fréttablaðið - 12.08.2004, Blaðsíða 48
Guðmundur fánaberi
Guðmundur Hrafnkelsson, markvörður
íslenska landsliðsins í handbolta og
aldursforseti íslenska ólympíuhópsins,
verður fánaberi þegar
íslenski hópurinn
gengur inn á Ólymp-
íuleikvanginn á
Aþenu á opnunar-
hátíð leikanna á
morgun. Guðmundur
hefur staðið lengi í
eldlínunni og því þótti tilvalið að hann
yrði fánaberi sem er mikill heiður fyrir
hvern íþróttamann.
Hjörtur Már og Hafsteinn
Ægir í lyfjapróf
Sundmaðurinn Hjörtur Már Reynisson
og siglingamaðurinn
Hafsteinn Ægir Geirsson
voru teknir í lyfjapróf í
ólympíuþorpinu í Aþenu í
gær. Allt gekk vel fyrir sig
og voru þeir félagar ekki
lengi að klára sig af. Það tekur einhvern
tíma að fá niðurstöður úr prófinu en
allir í íslenska ólympíuhópnum voru
teknir í lyfapróf á Íslandi síðasta
mánuðinn fyrir leikana.
32 12. ágúst 2004 FIMMTUDAGUR
ÓLYMPÍULEIKARNIR Þeir sem leggja
leið sína á Ólympíuleikana í
Aþenu ættu að varast að segja
eða gera eitthvað heimskulegt.
Borgin er morandi í eftirlitsbún-
aði þar sem fylgst er með gjörð-
um fólks af eftirlitsmyndavélum
og samskiptin hleruð með rán-
dýrum og háþróuðum tæknibún-
aði.
Eftirlitið er alls staðar og fólk
verður þess auðveldlega vart. Í
loftinu fljúga þyrlur og þar er að
finna eftirlitsloftbelg búinn
margs konar búnaði. Á jörðu
niðri eru myndavélar og örygg-
isverðir sem fylgjast með öllu.
Úti fyrir ströndunum sigla eftir-
litsbátar og neðansjávar eru
málmleitartæki og hljóðsjár.
Ekki eru þó allir á því að þetta
dugi til. Bandaríkjamenn, Bretar
og Ísraelar senda allir eigin ör-
yggissveitir til að gæta sinna
íþróttamanna og heiðursgesta. Í
breska dagblaðinu Times sagði í
gær að þessar sveitir yrðu vopn-
aðar þrátt fyrir að grísk yfirvöld
fullyrði opinberlega að þau
heimili erlendum öryggisvörð-
um ekki að bera vopn.
Öryggisgæslan við dýrasta
íþróttaviðburð mannkynssög-
unnar er sú dýrasta í sögunni.
Kostnaðurinn verður aldrei und-
ir hundrað milljörðum króna.
Það er fimmfalt hærri kostnaður
en var í Sidney í Ástralíu fyrir
fjórum árum og þótti ýmsum
nóg um. Annar samanburður er
sá að kostnaðurinn við öryggis-
gæslu vegna þessarar rúmlega
tveggja vikna löngu íþróttahátíð-
ar er jafn mikill og það kostar að
reka allt íslenska heilbrigðis-
kerfið í heilt ár.
Blaðamaður AP sem fór á
vettvang var þó ekki sannfærður
um ágæti öryggisgæslunnar.
Eftir að hann gekk athuga-
semdalaust framhjá öryggis-
vörðum sem skýldu sér frá hit-
anum í skugga trés og gekk um
ólympíuleikvanginn, sem á að
heita öryggissvæði, sagði hann
að menn væru alltof afslappaðir.
Hann taldi að hann hefði getað
komið fyrir sprengiefnum eða
öðru sem gæti valdið hættu.
Öryggiskostnaðurinn er meira
en tvöfalt hærri en búist var við í
fyrstu. Ástæðan fyrir aukning-
unni er að stórum hluta hættan á
hryðjuverkum. Talið er að heild-
arkostnaður við leikana geti farið
í 900 milljarða króna og ljóst er að
tekjurnar standa hvergi nærri
undir þeim. Talið er að skuldir
sligi Grikki næstu árin. Það væri
þá ekki í fyrsta skipti sem ólymp-
íuleikarnir kæmu í bakið á þeim
sem halda þá.
Eftir að mikill hagnaður varð
af Ólympíuleikunum í Los Angel-
es 1984 sannfærðust margir um
að það færði gæfu að halda leik-
ana. Aðra sögu er þó að segja af
síðustu leikum. Barcelóna gjör-
breytti ímynd sinni með Ólympíu-
leikunum 1992 og vonast Grikkir
til að leikarnir í ár hafi sömu áhrif
fyrir Aþenu. Skuldirnar settu hins
vegar strik í reikninginn fyrir
spænskt efnahagslíf í nokkur ár á
eftir. Yfirvöld í Sidney telja að
það taki áratug að borga upp
skuldirnar frá Ólympíuleikunum
þar fyrir fjórum árum.
„Við köllum þetta bölvun sigur-
vegarans. Borgin sem ofmetur
möguleika Ólympíuleikanna hvað
mest hlýtur þá,“ sagði íþróttahag-
fræðingurinn Evan Osborne í
samtali við New York Times.
brynjolfur@frettabladid.is
Dýrustu leikar sögunnar
Ferðalangar í Aþenu mega gera ráð fyrir að allt sem þeir segja verði hlerað og að allar gjörðir
þeirra verði festar á myndband. Öryggisviðbúnaður er gríðarlegur enda tugþúsundir manna á
vakt með háþróaðan og rándýran eftirlitsbúnað.
Við skiljum ekki...
...forráðamenn KA í Landsbankadeildinni í fótbolta. Á meðan liðið sekkur
dýpra og dýpra í forarsvað fallsvæðsins í deildinni sitja þeir með hendur
í skauti og aðhafast ekki neitt. Liðið hefur ekkert getað í langan tíma en
samt reyndu þeir ekki að styrkja liðið áður en leikmannamarkaðurinn
lokaði eða íhuguðu jafnvel, ef til vill, kannski að skipta um þjálfara.sport@frettabladid.is
Við hrósum...
... hinni sextán ára gömlu Helenu Sverris-
dóttur sem skoraði 24 stig í sínum fyrsta
alvöru A-landsleik þegar Ísland vann
Noreg í opnunarleik Norðurlandamótsins
í kvennakörfubolta í gær.
Við hrósum...
... Knattspyrnufélagi Siglufjarðar
fyrir að hafa haldið glæsilegt mót
fyrir ungar knattspyrnukonur á
Siglufirði um síðustu helgi, stærsta
mót sumarsins. Til hamingju!
HVAÐ? HVENÆR? HVAR?
9 10 11 12 13 14 15
Fimmtudagur
ÁGÚST
■ ■ LEIKIR
20.00 FH og Dunfermline mætast
á Laugardalsvelli í Evrópukeppni
félagsliða.
■ ■ SJÓNVARP
16.45 Heimsmeistaramótið í 9
Ball 2003 á Skjá einum.
Endursýndur þáttur.
18.00 Olíssport á Sýn.
19.15 US PGA TOUR 2004 á Sýn.
20.10 Ryder Cup 2004 -
Countdown á Sýn.
20.40 Kraftasport (Hafnartröllið)
á Sýn.
21.10 European PGA Tour 2003
(KLM Open) á Sýn.
22.00 Olíssport á Sýn.
23.15 UEFA Champions League á
Sýn.
23.30 Ólympíuleikarnir fyrr og nú
(An Olympic Odyssey) á RÚV.
Heimildarmynd um sögu Ólymp-
íuleikanna og framkvæmdir
Grikkja í kringum leikana sem
fram fara í Aþenu nú í ágúst.
MARKI RYANS GIGGS FAGNAÐ Djem-
ba-Djemba og Alan Smith fagna hér fyrsta
marki United sem Ryan Giggs skoraði. AP
Forkeppni meistaradeildar Evrópu í gærkvöld:
Manchester
best í Búkarest
FÓTBOLTI Manchester United er
komið með annan fótinn í meist-
aradeild Evrópu eftir að hafa lagt
rúmenska liðið Dynamo Búkarest
að velli, 2-1, í fyrri leik liðanna í 3.
umferð forkeppni meistaradeild-
arinnar í Búkarest í gærkvöld.
Leikurinn byrjaði þó ekki vel
fyrir enska stórliðið því Suður
Afríkumaðurinn Quinten Fortune
varð fyrir því óláni að skora
sjálfsmark strax á tíundu mínútu
en skot rúmenska sóknarmanns-
ins Danciulescu breytti um stefnu
á Fortune. Varnarmenn Man-
chester United áttu í hinu mesta
basli með fríska leikmenn Dyna-
mo til að byrja með en þegar líða
tók á hálfleikinn náðu þeir betri
tökum á leiknum. Ryan Giggs
jafnaði metin á 38. mínútu eftir
fallegan samleik við Paul Scholes
og í síðari hálfleik réðu leikmenn
Manchester United lögum og lof-
um á vellinum.
Skotinn ungi Liam Miller kom
inn á fyrsta sinn í alvöruleik með
Manchester United þegar síðari
hálfleikur var hálfnaður og hann
hafði aðeins verið inn á tvær mín-
útur þegar hann lagði upp sigur-
mark ensku bikarmeistaranna.
Hann lék upp kantinn, gaf boltann
fyrir og þar varð Alistar, varnar-
maður Dynamo, fyrir því áfalli að
setja boltann í eigið mark. ■
Norðurlandamót kvenna:
Helena með
24 stig af
bekknum
KÖRFUBOLTI Íslenska kvennalands-
liðið vann fjögurra stiga sigur á
Noregi, 77–73, í opnunarleik
Norðurlandamóts kvenna í körfu-
bolta sem fram fer næstu daga í
Arvika í Svíþjóð.
Íslenska liðið lenti níu stigum
undir í fyrsta leikhluta en frábær
innkoma hinnar 16 ára Helenu
Sverrisdóttur af bekknum átti
stærstan þátt í að landa sigrinum
en íslenska liðið hafði eins stig
forskot í hálfleik, 36–35, og leiddi
með 4 stigum, 58–54, fyrir síðasta
leikhlutann. Helena skoraði 24
stig á aðeins 25 mínútum og var
langstigahæst í íslenska liðinu.
Helena nýtti meðal annars 14 af
16 vítum sínum í leiknum.
Signý Hermannsdóttir kom
næst með 12 stig auk þess að spila
frábæra vörn á besta mann
norska liðsins á æsispennandi
lokamínútum.
STIG ÍSLANDS Í LEIKNUM:
Helena Sverrisdóttir 24
Signý Hermannsdóttir 12
Birna Valgarðsdóttir 10
Alda Leif Jónsdóttir 9
Hildur Sigurðardóttir 9
Erla Þorsteinsdóttir 8
Sólveig Gunnlaugsdóttir 5
LEIKIN MEÐ
BOLTANN
Hin 16 ára
gamla Helena
Sverrisdóttir skor-
aði 24 stig gegn
Norðmönnum í
sínum fyrsta alvöru
landsleik.
48-49 (32-33) Sport 11.8.2004 21:38 Page 2