Fréttablaðið - 16.08.2004, Blaðsíða 2
2 16. ágúst 2004 MÁNUDAGUR
Tjónið á Flórída metið á allt að 800 milljarða króna:
Eins og eftir sprengjuárás
FLÓRÍDA, AP Íbúar Flórída eru
byrjaðir að hreinsa til í rústun-
um og byggja upp það sem eyði-
lagðist þegar hvirfilbylurinn
Charley gekk þar yfir. Talið er að
skemmdirnar megi meta á allt að
800 milljarða króna og er þá að-
eins horft til þess sem íbúarnir
voru búnir að tryggja áður en
ósköpin gengu yfir.
George W. Bush Bandaríkja-
forseti kom til Flórída í gær til
að kanna aðstæður. Hann flaug
yfir svæðið í þyrlu ásamt bróður
sínum, Jeb Bush ríkisstjóra í
Flórída.
„Þetta lítur út eins og eftir
sprengjuárás. Allt er farið, allt
rifið upp,“ sagði Chad Maxwell
þar sem hann gekk um rústirnar
sem áður voru fasteignasalan
sem hann vann á.
Séra Leroy Martin treysti
kirkju sinni ekki nógu vel eftir
hvirfilbylinn og setti upp stóla
fyrir framan hana þar sem hann
hélt messu. Hann óttaðist að ef
hún yrði haldin innandyra kynni
þakið að gefa sig eða hlutar
hryndu úr loftinu á fólk sem
kæmi til messu. ■
Minni þreifingar
í Evrópumálum
Davíð Oddsson mun ekki þreifa fyrir sér í Evrópumálum líkt og Halldór
Ásgrímsson hefur gert, segir Baldur Þórhallsson. Rökréttast var að hann
tæki við utanríkisráðuneytinu og búast má við að hann stjórni því af festu.
STJÓRNMÁL Ekki má búast við jafn
ítarlegri umfjöllun um Evrópumál
innan utanríkisráðuneytisins og
áður þegar Davíð Oddson verður
utanríkisráðherra, að mati Baldurs
Þórhallssonar, dósents í stjórn-
málafræði við Háskóla Íslands.
Baldur segist ekki vænta breyt-
inga á utanríkisstefnunni enda sé
stjórnarstefnan sú sama og áður en
áherslur geta orðið aðrar. „Halldór
hefur kannað stöðu Íslands í Evr-
ópu og hvaða kostir myndu bjóðast
ef sótt yrði um aðild að Evrópusam-
bandinu. Ég býst ekki við jafn ítar-
legri umfjöllun um Evrópumál und-
ir forystu Davíðs.“
Hannes Hólmsteinn Gissurar-
son, prófessor í stjórnmálafræði,
telur að engar áherslubreytingar
verði á utanríkismálum undir
stjórn Davíðs. „Ég tel að Davíð
verði jafn ötull að viða að sér upp-
lýsingum um Evrópusambandið og
Halldór og muni fylgjast náið með
Evrópuþróuninni, enda er það mjög
mikilvægt.“
Hannes og Baldur eru sammála
um að það hafi verið rökrétt að
Davíð færi í utanríkisráðuneytið.
„Það stendur næst forsætisráðu-
neytinu. Hefði hann farið í annað
ráðuneyti, þá hefði það verið mjög
sérstakt,“ segir Baldur. Hannes
Hólmsteinn segir mörg fordæmi
þess að fyrrverandi forsætisráð-
herra verði utanríkisráðherra, til
dæmis hafi Ólafur Jóhannesson
verið utanríkisráðherra í ríkis-
stjórn Gunnars Thoroddsen eftir að
hafa setið í forsæti tvisvar áður.
„Það er mjög heppilegt að við ráðu-
neytinu taki maður með mikla
reynslu og yfirsýn, eins og Davíð
hefur öðlast sem forsætisráðherra í
þrettán ár.“
Baldur tekur undir að Davíð
komi sterkur inn í ráðuneytið og
segir athyglisvert hversu mikil af-
skipti hann hafi haft af utanríkis-
málum í forsætisráðherratíð sinni.
Hann hafi til dæmis leikið stórt
hlutverk í viðræðum við Banda-
ríkjamenn vegna varnarsamstarfs-
ins. „Davíð beitir mjög harðri
samningatækni og hefur brugðist
við af festu þegar kröfur hafa verið
uppi að Íslendingar greiði meira í
sjóði Evrópusambandsins vegna
aðildar sinnar að EES. Það má búast
við að hann verði afdráttalaus í
utanríkismálum eins og hann hefur
verið sem forsætisráðherra.“
bergsteinn@frettabladid.is
■ LÖGREGLUFRÉTTIR
BÍLL ÚT Í SKURÐ Erlendir ferða-
menn sluppu án meiðsla þegar
þeir misstu stjórn á bíl sínum í
lausamöl með þeim afleiðingum
að bíllinn lenti úti í skurði.
Óhappið átti sér stað í Vestur-
hópi í Húnavatnssýslu, rétt
norðan við Þorfinnsstaði.
SLUPPU MEÐ SKREKKINN Öku-
maður og farþegar sluppu án al-
varlegra meiðsla þegar bíll sem
fólkið var í valt á Næfurholts-
braut í Rangárvallasýslu.
KIND DRAPST Kind drapst en
fólk slapp án meiðsla þegar
kind hljóp í veg fyrir bíl rétt
við Dýrastaði í Norðurárdal í
Borgarfirði. Bíllinn skemmdist
nokkuð.
FIMM SPRENGJUÁRÁSIR Lítil
sprengja sprakk í spænska
strandbænum Llanes í norður-
hluta Spánar í gær skömmu eftir
að ETA-hreyfing Baska hafði var-
að við henni. Þetta var fimmta
sprengjan á viku sem ETA kom
fyrir. Engin þeirra hefur skaðað
fólk eða valdið tjóni að ráði.
LÉST Í ÓVEÐRI Tæplega tvítugur
maður lést eftir að bát hans
hvolfdi á Dóná. Hann var sá eini
sem lét lífið í miklu óveðri sem
gekk yfir suðausturhluta Rúmen-
íu um helgina. Mörg heimili urðu
flóðum að bráð og rafmagn fór af
átján þorpum.
NÝR STJÓRI Í KOSOVO Daninn
Sören Jessen-Petersen hefur tek-
ið við af Finnanum Harri Holkeri
sem yfirmaður Sameinuðu þjóð-
anna í Kosovo. Jessen-Petersen
var áður fulltrúi Sameinuðu þjóð-
anna í Makedóníu og fyrir það
næstráðandi í Flóttamannaaðstoð
Sameinuðu þjóðanna.
„Þetta er hin fullkomna blanda.“
Snorri Már Skúlason, verkefnisstjóri enska boltans
á Skjá einum, en hvort tveggja íslenskir og enskir
þulir lýsa leikjunum þar.
SPURNING DAGSINS
Snorri, hvorir þulanna eru betri?
ÁRNI MATHIESEN
Undrast orð smábátaeigenda.
Sjávarútvegsráðherra:
Furðar sig á
ummælunum
SJÁVARÚTVEGUR „Ég skil ekki hvað
þeir eru að rugla,“ segir Árni
Mathiesen sjávarútvegsráðherra
um þær fullyrðingar að stjórn-
völd hafi svikið loforð um að
veiðiheimildir annarra myndu
ekki skerðast vegna innkomu
smábáta í kvótakerfið. Árni var
mjög önnum kafinn þegar rætt
var við hann og gat því ekki rætt
málið frekar þá stundina en hét
því að gera það síðar.
Arthur Bogason, formaður
Landssambands smábátaeigenda,
sagði í Fréttablaðinu á laugardag
að því hefði verið lofað á æðstu
stöðum að kvóti smábáta yrði ekki
tekinn af öðrum kvóta. Landssam-
band íslenskra útvegsmanna hef-
ur reiknað út að skerðing annarra
vegna innkomu smábáta nemi sjö
prósentum. ■
■ LÖGREGLUFRÉTTIR
BJARGAÐ ÚR SJÁLFHELDU Björg-
unarsveitarmenn frá Húsavík
komu erlendri konu til hjálpar
eftir að hún lenti í sjálfheldu efst
í Húsavíkurfjalli. Konan hafði
farið fram af brúninni en þar
fyrir neðan er bæði bratt og jarð-
vegur laus þannig að henni leist
ekki á blikuna. Ferðafélagi henn-
ar fór eftir hjálp.
VEIÐIGRÆJUM STOLIÐ Brotist var
inn í bíl í Vaglaskógi aðfaranótt
laugardags og verðmætum veiði-
búnaði stolið; stöngum, flugum
og hjólum. Lögreglan á Húsavík
hefur málið til rannsóknar.
ALLT FARIÐ
Skemmdirnar á Flórída eru miklar og tjón
tryggðra muna metið á 800 milljarða.
STJÓRNMÁL Björn Bjarnason,
dóms- og kirkjumálaráðherra,
varaði við óheilbrigðum tengsl-
um milli þeirra sem ráða fjöl-
miðlum og þeirra sem hafa und-
irtökin í verslun og viðskiptum,
í ræðu sem hann hélt á Hólahá-
tíð.
„Mat á atburðum líðandi
stundar mótast mjög af því
hvaða litum mynd er dregin í
fjölmiðlum. Ef heiðarleiki og
réttsýni víkja fyrir þröngri
hagsmunagæslu er auðvelt að
haga áherslum þannig að rangar
ályktanir verði dregnar,“ sagði
Björn. „Spunameistarar í þjón-
ustu þeirra sem vilja slá ryki í
augu fólks með áróðri, leitast
við að færa fréttnæman viðburð
í gott ljós fyrir umbjóðanda sinn
og í óhag andstæðingi hans.“
Björn sagði að á sama hátt og
fólk geti sett síur og varnar-
múra í tölvur sínar, sett viðvör-
un gegn óboðnum pósti eða blöð-
um á bréfalúguna og merki í
símaskrá, væri löggjafanum
fært að setja því hæfilegar
skorður að öll fjölmiðlun færist
á fárra hendur og að óheilbrigð
tengsl væru milli þeirra „sem
eiga tæki til að stýra almenn-
ingsálitinu og hafa undirtökin í
verslun og viðskiptum lands-
manna“.
Björn vildi ekki tjá sig frekar
um innihald ræðunnar þegar
Fréttablaðið leitaði til hans í
gærkvöld. ■
■ EVRÓPA
Sprengjuárás:
Fimmtán
biðu bana
INDLAND, AP Fimmtán létust, þar af
sjö börn, þegar sprengja sprakk í
skrúðgöngu í smábænum Dhemaji í
Assamhéraði í norðausturhluta Ind-
lands. Verið var að fagna þjóðhátíð-
ardegi Indlands sem öðlaðist sjálf-
stæði frá Bretlandi 15. ágúst 1947.
Talið er að hryðjuverkasamtökin
ULFA, sem barist hafa fyrir því frá
1979 að Assam-hérað fái sjálfstæði
frá Indlandi, beri ábyrgð á tilræð-
inu en samtökin höfðu heitið því að
koma í veg fyrir hátíðahöldin á
þjóðhátíðardegi Indlands færu frið-
samlega fram. ■
DAVÍÐ ODDSSON OG ÁSTRÍÐUR THORARENSEN
Davíð hefur haft mikil afskipti af utanríkismálum í forsætisráðherratíð sinni.
BALDUR
ÞÓRHALLSSON
Býst við að Davíð
muni stjórna utan-
ríkisráðuneytinu af
festu.
HANNES
HÓLMSTEINN
GISSURARSON
Rökréttast var að
Davíð tæki við sem
utanríkisráðherra.
Setja má lög gegn samþjöppun á fjölmiðlamarkaði, segir dómsmálaráðherra:
Varar við óheilbrigðum tengslum
BJÖRN BJARNASON
Varaði við óheilbrigðum tengslum þeirra
sem ráða fjölmiðlum og hafa undirtökin í
verslun og viðskiptum.