Fréttablaðið - 16.08.2004, Blaðsíða 20
3MÁNUDAGUR 16. ágúst 2004
Láttu gæði og góða reynslu
ráða vali þínu á ofnhitastillum
Danfoss ofnhitastillar fyrir þig
Danfoss hf
Skútuvogi 6 104 Reykjavík
Sími 510 4100 • www.danfoss.isDanfoss er leiðandi í framleiðslu ofnhitastilla
R
A
2
0
0
0
D
B
L
Lágmyndir úr íslensku grjóti:
Fékk steinana í skiptum fyrir teikningar
Einkagarðar geyma oft hinar mestu
gersemar, bæði í gróðri og lista-
verkum. Við hið stílfagra hús að
Skólavörðustíg 30 sem teiknað var
af Guðjóni Samúelssyni eru til
dæmis lágmyndir úr íslensku grjóti
sem vert er að gefa gaum. Ein lítil
mynd snýr út að götunni við hlið úti-
dyranna en á garðsveggnum innan-
verðum bak við húsið er önnur
stærri sem blasir við frá gangstétt-
inni meðfram Baldursgötunni. Sú
sem gerði þessar myndir heitir
Ingibjörg Hannesdóttir og starfaði
lengi sem handavinnukennari en er
komin á eftirlaun. Hún bjó í þessu
húsi um árabil með manni sínum sr.
Guðmundi Óskari Ólasyni sem nú
er látinn. Ingibjörg kveðst hafa gert
lágmyndirnar rétt fyrir 1980 og ein-
nig gosbrunn í garðinn. „Þá teiknaði
ég stundum myndir fyrir hann
Martein Davíðsson listmúrara og
fékk hjá honum steina í staðinn. Ég
slapp við að ganga á fjöllin og ná
mér í grjót en myndirnar úr því
gerði ég ein,“ segir hún. Suma stein-
ana þurfti að saga til en flestir eru
samt eins og þeir komi fyrir úr nátt-
úrunni. Ingibjörg gerir lítið úr eigin
listamannshæfileikum. „Ég er bara
að dunda, mér til ánægjuauka,“ seg-
ir hún. „Tíminn verður svo fljótur
að líða þegar maður fæst við eitt-
hvað sem maður hefur gleði af.“
gun@frettabladid.is
Við málum:
Byrjum efst
og höldum
niður
Margs er að gæta þegar farið er
að mála. Hér eru nokkur heilræði.
1. Lesið á miðann á dósinni til að
glöggva ykkur á innihaldinu og
meðhöndlun þess.
2. Jafnið vel það sem á að mála og
hafið spartlspaðan láréttan þegar
hann er dreginn yfir flötinn. Þá
verður minna að pússa.
3. Breiðið yfir og verjið það sem
ekki má koma málning á.
4. Málning á að hafa svipað hita-
stig og flöturinn sem hún fer á.
5. Þegar málaralímband er notað,
skal það fjarlægt strax eftir mál-
un, áður en það festist of kyrfi-
lega.
6. Þegar málað er, skal byrja efst.
7. Ljósir fletir virðast stærri en
dökkir.
8. Lítið reglulega yfir nýmálaða
veggi, þá er hægt að laga það sem
þarf áður en málningin þornar.
9. Þegar málningin fer óvart á
gler er þó betra að láta hana
þorna, þá er auðvelt að skafa hana
burt með sköfu.
10. Lakkmálið ekki seinnipart
dags úti við því náttfall getur upp-
litað.
11. Passið að gefa hverjum verk-
þætti tíma til að þorna og festa
sig áður en næsti tekur við.
12. Því meiri harka og glans sem
er í málningu, því auðveldara er
að þrífa.
FR
ÉT
TA
B
LA
Ð
IÐ
/V
AL
LI
Burstabær úr grjóti gerður af Ingibjörgu Hannesdóttur.