Fréttablaðið - 20.08.2004, Blaðsíða 12

12 20. ágúst 2004 FÖSTUDAGUR
KOMIÐ TIL HJÁLPAR
Ísraelskur sjúkraliði kemur konu til aðstoð-
ar eftir að palestínskir vígamenn skutu
fimm eldflaugum að ísraelska bænum
Sderot sem liggur nærri Gaza-svæðinu.
Óvissa um þjónustu við eldri börn í Öskjuhlíðarskóla:
Borgin vill að ríkið borgi
SKÓLADAGVIST Borgaryfirvöld og fé-
lagsmálaráðuneytið standa í póli-
tískum deilum um það hvort borgin
eða ríkið eigi að greiða fyrir skóla-
dagvist tíu til sextán ára þroska-
heftra barna við Öskjuhlíðarskóla.
Ef fram fer sem horfir munu börn-
in ekki fá dagvist í skólanum í vetur.
Skólinn hefur séð þessum börn-
um fyrir dagvist um árabil og borg-
in greitt hana. Þjónustan hefur hins
vegar aldrei verið skilgreind og
vegna þessa hefur skólinn farið
fram úr fjárheimildum. Stefán Jón
Hafstein, borgarfulltrúi R-listans
og formaður fræðsluráðs Reykja-
víkur, segir þjónustuna kosta um 20
milljónir króna á ári. Hann segir
borgaryfirvöld telja að ríkið eigi að
sjá um þessa þjónustu. Viðræður
um málið hafi staðið milli ríkis og
borgar í eitt ár án þess að niður-
staða hafi fengist.
Stefán Jón segir að á meðan mál-
ið sé í hnút hafi borgaryfirvöld boð-
ið ríkinu að greiða helming á móti
því til að þjónustan falli ekki niður í
vetur. Ráðuneytið hafi ekki enn
svarað því tilboði. Stefán Jón segist
ekki hafa trú á öðru en málið verði
leyst. ■
LYFJAVERÐ Afsláttur á lyfjaverði,
sem apótekin hafa veitt sjúkling-
um til þessa, snarminnkar, að
sögn talsmanna lyfjasmásala.
Ástæðan er sögð vera sparnaðar-
aðgerðir ríkisins í lyfjamálum
sem komu til framkvæmda fyrr í
sumar. Í þeim felst annars vegar
að ríkið hefur lækkað greiðslu-
þátttöku sína í þremur algengum
lyfjaflokkum, það er magalyfjum,
hjartalyfjum og geðlyfjum. Hins
vegar hafi sparnaðaraðgerðirnar í
för með sér lækkaða álagningu í
heildsölu og smásölu. Þetta minn-
ki svigrúm apótekanna til að veita
sjúklingum þann afslátt sem
tíðkast hafi til þessa. Niðurstaðan
sé sú, að sjúklingar séu að stórum
hluta að greiða hærri krónutölu
fyrir lyf sín heldur en þeir hafi
gert áður en sparnaðaraðgerðir
ríkisins tóku gildi.
Í samtölum við talsmenn
tveggja stærstu lyfjasmásalanna,
sem eru Lyfja og Lyf og heilsa,
kom fram að þegar er farið að
skerða þann afslátt til sjúklinga
sem apótekin hafa haft yfir að
ráða. Skerðingin er afar mismun-
andi eftir því um hvaða lyf er að
ræða en talsmennirnir sögðust ótt-
ast að ef fram heldur sem horfir,
yrði að auka hana, jafnvel afnema
hana með öllu, því áhrif sparnað-
araðgerðanna væru rétt að byrja
að koma fram. Ekkert bólaði á
boðuðum umbótum ríkisins í
rekstrarumhverfi apótekanna.
„Þetta ögrar sjúklingaafslætti,
því þegar verð er lækkað minnkar
svigrúm allra apóteka til að veita
afslátt,“ sagði Þórbergur Egilsson,
yfirmaður lyfjasviðs Lyfju. „Með
þessum aðgerðum var verið að
saxa á afslátt sjúklinganna. Og þó
að verð lækki, er ekki þar með
sagt að sjúklingshlutur lækki, ein-
faldlega vegna þess hvernig hann
er reiknaður út. Ríkið er að spara
og reynslan er farin að sýna að
það bitnar á sjúklingunum,“
Páll Guðmundsson, lyfsali hjá
Lyfjum og heilsu, sagði að með
lækkaðri álagningu og lækkun
lyfjaverðs minnki afsláttur. Af-
sláttur hefði verið mjög mismun-
andi milli lyfjategunda. Á sumum
lyfjum hefði afslátturinn lækkað
verulega og á öðrum fallið alveg
út.
Ingólfur Garðarsson, markaðs-
stjóri Lyfja og heilsu, sagði að
vitaskuld reyndu menn að hag-
ræða í rekstrinum til að koma til
móts við lækkun á heildsölu- og
smásöluverði. En þegar það dygði
ekki til, þyrfti að ganga á sjúk-
lingaafsláttinn.
„Það síðasta sem við viljum er
að skerða afsláttinn,“ sagði hann.
„En ríkið hefur minnkað svig-
rúmið til hans verulega. Aðgerðir
þess frá því í vor hafa verið mjög
harðar og stífar. Ég trúi ekki öðru
en að það hætti að velta vandan-
um yfir á einkageirann heldur
fari að taka til heima hjá sér. Okk-
ur verður vonandi gert kleift að
starfa áfram í samkeppnisum-
hverfi en þessi afsláttarskerðing
er staðreynd í apótekum lands-
ins.“
jss@frettabladid.is
Aðstoðarskólastjóri
Öskjuhlíðarskóla:
Mikilvæg
þjónusta
SKÓLADAGVIST Skólayfirvöld í
Öskjuhlíðarskóla hafa áhyggjur
af því að dagvist eldri skólabarna
verði lögð niður.
Jóna S. Valbergsdóttir, aðstoð-
arskólastjóri Öskjuhlíðarskóla,
segist vonast til þess að niðurstaða
fáist í málið sem fyrst. Þjónustan
sé gríðarlega mikilvæg enda geti
langflest þessara barna ekki séð
um sig sjálf heima hjá sér. Ef þjón-
ustunni verði hætt hljóti það að
þýða að foreldrar barnanna þurfi
annað hvort að hætta fyrr í vinnu á
daginn eða fá einhvern til að sjá
um börnin á daginn. ■

Þriðjudagskvöldið 6. júlí
verður farin göngu- og
fræðsluferð í Elliðaárdal
undir leiðsögn
Einars Gunnlaugssonar
jarðfræðings.

Jarðfræði Elliðaárdals er stórbrotin. Í dalnum má t.d.
finna jökulrákaðar grágrýtisklappir, hraun frá nútíma,
sjávarhjalla og merkileg setlög.

Gangan hefst við Minjasafnið í
Elliðaárdal kl. 19:30 og verður
gengið í tvo klukkutíma.
Jarðfræði Elliðaárdalsins

Göngu- og fræðsluferð á vegum Orkuveitu Reykjavíkur
www.or.is
Fuglar í Elliðaárdal
Þriðjudagskvöldið
20. júlí verður farin
fuglaskoðunarferð í
Elliðaárdal undir leiðsögn
Gunnars Hallgrímssonar
fuglaskoðara.
Mikill fjöldi fugl er í Elliðaárdal
og fj lbreytileikinn miki l. Þátt-
takendur eru hvattir til að taka
með sé sjónauka. Gangan hefst
kl. 19:30 við Minjas fnið í Elliða-
árd l og stendur í rúma tvo tíma.
Fræðsluganga um Elliðaárdal og
upp að Gvendarbrunnum
Laugardaginn 21. ágúst
kl. 10.00 efnir Orkuveita
Reykjavíkur til f æðslu-
göngu frá Minjasafninu í
Elliðaárdal, upp dalinn
að Gvendarbrunnum
undir forystu Einars
Gunn augsson r og K istins H. Þorstei ssonar.
Meðal annars verður hugað að ánni, örnefnum, jarð-
fræði, gróðri og dýralífi. Fjölmargir fræðarar koma til
leiðsagnar. Gengnir verða um 12 km
en boðið verður upp á akst til baka
um kl. 15.30.
STEFÁN JÓN HAFSTEIN
Formaður fræðsluráðs hefur ekki trú á
öðru en málið verði leyst.
SJÚKLINGAAFSLÁTTUR
Talsmenn apótekanna segja sjúklingaafslátt í uppnámi vegna sparnaðaraðgerða ríkisins í lyfjamálum.
Lyfjaafsláttur hjá apó-
tekum snarminnkar
Apótekin hafa minnkað afslátt sinn í kjölfar sparnaðaraðgerða ríkisins í
lyfjamálum. Menn óttast að samkeppnisumhverfið verði úr sögunni ef
ríkið stendur ekki við boðaðar umbætur í rekstrarumhverfi smásölunnar.
12-13 19.8.2004 20:37 Page 2