Fréttablaðið - 20.08.2004, Blaðsíða 28

Skólasetning verður í grunnskólum
Reykjavíkur eftir nokkra daga. Fyr-
ir flestar fjölskyldur er það til-
hlökkunarefni. Þær tilfinningar
sem foreldrar nemenda í 5.-10. bekk
Öskjuhlíðarskóla finna til eru
blendnar. Þeir gleðjast með börnum
sínum við skólabyrjun en á sama
tíma kvíða þeir vetrinum. Ástæðan
er sú að fræðsluráð Reykjavíkur
virðist hafa ákveðið að starfrækja
ekki skóladagvist fyrir þennan hóp
nemenda en slík þjónusta hefur ver-
ið til staðar frá árinu 1993. Þessi
ákvörðun fræðsluráðs Reykjavíkur
felur í sér algera stefnubreytingu í
þjónustu Reykjavíkurborgar við
þennan hóp nemenda.
Nemendur Öskjuhlíðarskóla eru
þroskaheft börn. Mörg þeirra eru
með flókna fötlun og atferlistrufl-
anir. Þau búa flest við verulega fé-
lagslega einangrun og eiga mörg
hver einu vini sína í skólanum.
Skóladagvistin er þeim því mjög
mikilvæg og þau njóta samvistanna
hvert með öðru.
Skóladagvist var sett á laggirnar
til að tryggja foreldrum (ekki síst
mæðrum) 6-9 ára barna í Reykjavík
jafnrétti á vinnumarkaði. Foreldr-
um er þannig tryggð gæsla barna
sinna sem ekki eru fær um að vera
ein heima. Nemendur í 5.-10. bekk
Öskjuhlíðarskóla eru ekki færir um
að vera einir heima. Sömu rök gilda
því fyrir því að tryggja þessum for-
eldrum jafnrétti á vinnumarkaði á
við foreldra barna í 1.-4. bekk.
Haustið 2003 var skóladagvist
ekki starfrækt á haustönn fyrir
nemendur 7.-10. bekkjar Öskjuhlíð-
arskóla vegna manneklu. Það
ástand hafði í för með sér mjög al-
varlegar afleiðingar fyrir fjölskyld-
ur nemenda. Foreldrar urðu fyrir
vinnutapi sem hafði veruleg áhrif á
fjárhagsafkomu fjölskyldnanna.
Dæmi eru um að einstæðu foreldri
með einhverft barn hafi verið sagt
upp störfum vegna fjarveru frá
vinnu sem skortur á skóladagvist
hafði í för með sér. Ástandið hafði
einnig veruleg áhrif á líðan barn-
anna, sem upplifðu enn meiri fé-
lagslega einangrun en fyrir var.
Mörg þeirra þoldu illa það óöryggi
sem fylgdi skorti á skóladagvist.
Afleiðingar þessa voru hegðunar-
erfiðleikar og geðræn einkenni sem
m.a. þurfti að meðhöndla með lyfja-
meðferð sem annars hefði verið
óþörf.
Þær afleiðingar sem skortur á
skóladagvist hafði á líf umræddra
fjölskyldna haustið 2003 eru ráða-
mönnum Reykjavíkurborgar og fé-
lagsmálaráðuneytis fullkunnar og
hefðu átt að verða hvati til að tryg-
gja að slíkt ástand skapaðist aldrei
aftur.
En raunin er ekki sú. Reykjavík-
urborg hefur nú valið að leggja
þessa þjónustu niður. Það er leikur í
því stríði sem Reykjavíkurborg og
félagsmálaráðuneytið hafa valið sér
að há nú á haustdögum. Engin lausn
virðist í sjónmáli í því stríði og þeir
sem munu þjást eru fötluð börn og
fjölskyldur þeirra. Slík átök eru
hvorki Reykjavíkurborg né félags-
málaráðuneytinu til sóma og í litlu
samræmi við þá félagshyggju sem
báðir aðilar vilja kenna sig við. Báð-
ir aðilar hljóta að þurfa að íhuga
hvort tilgangurinn helgi í raun með-
alið. Fjölskyldur fatlaðra barna búa
við nægt álag fyrir þó stjórnvöld
skapi þeim ekki enn frekari erfið-
leika og vanlíðan vegna pólitískra
deilna.
Foreldra- og styrktarfélag
Öskjuhlíðarskóla skorar á Reykja-
víkurborg að tryggja nú þegar
starfrækslu skóladagvistar fyrir
nemendur 5.-10. bekkjar Öskjuhlíð-
arskóla með því að fela ÍTR það
verkefni og afstýra þannig þeim al-
varlegu og óþörfu afleiðingum sem
annars blasa við nemendum og fjöl-
skyldum þeirra.
Foreldra- og styrktarfélag
Öskjuhlíðarskóla skorar á félags-
málaráðherra að beita sér af alvöru
í þessu máli í samræmi við tilmæli
Umboðsmanns barna og tryggja
starfrækslu skóladagvistar í Öskju-
hlíðarskóla. ■
„Verðhækkun á heimsmarkaðs-
verði á bensíni hefur komið niður
á íslensku efnahagslífi. Á fyrstu
sex mánuðum ársins var flutt inn
bensín og olía fyrir tæpa 8 ma.kr.
samanborið við 6,7 ma.kr. á sama
tímabili í fyrra. Stærsti hluti
þessa innflutnings er í formi
gasolíu eða vegna olíunotkunar
sjávarútvegsins en á fyrstu sex
mánuðum þessa árs var flutt inn
gasolía fyrir rúma 4,1 ma.kr.
Verðhækkun á heimsmarkaðs-
verði á olíu kemur illa niður á
þessari grein efnahagslífsins.
Breytingarnar koma einnig illa
niður á flutningastarfsemi sem
nýtir þessa afurð mikið. Þannig
var innflutningur á flugvélabens-
íni 1,1 ma.kr. á fyrri árshelmingi.
Talsvert er hins vegar um að
framvirkir samningar séu þar
gerðir um bensínkaup og eiga
áhrifin því eftir að koma fram í
þeirri grein haldist verðið hátt. Þá
verða bifreiðaeigengur fyrir
þessu en verð á bensíni í smásölu
hefur hækkað um 12% frá ára-
mótum og má búast við frekari
hækkun á næstunni ef heims-
markaðsverðið helst hátt eða
hækkar frekar. Smásöluverð á
bensíni og olíu stendur nú hærra
hér á landi en það hefur gert í yfir
heilan áratug. Heilt á litið er
hækkun á heimsmarkaðsverði á
bensíni til þess fallin að draga úr
hagvexti hér á landi, auka við-
skiptahallann og verðbólguna.
Hækkunin eru því ekki góð tíð-
indi fyrir íslenskt efnahagslíf.
Verðbólga eykst
Verðbólga hér á landi mælist nú
2,8% og hefur hún nær tvöfaldast
frá áramótum samkvæmt sam-
ræmdri vísitölu neysluverðs sem
Hagstofan birti í morgun. Eftir að
hafa haldist lág og undir meðal-
talsverðbólgu í viðskiptalöndum
okkar allt frá lokum árs 2002 hef-
ur þróunin snúist við og mælist
verðbólgan hér á landi nú meiri
en í ESB ríkjunum og á evrusvæð-
inu annan mánuðinn í röð. Staða
hagkerfisins í alþjóðlegum sam-
anburði hefur því versnað hvað
þetta varðar að undanförnu. Þótt
munurinn á verðbólgunni hér og í
viðskiptalöndunum sé nú lítill í
samanburði við þann mun sem
mældist þegar verðbólgan rauk
hér upp í lok árs 2001 í kjölfar
skarprar gengislækkunar krón-
unnar ber að líta á aukna verð-
bólgu sem viðvörunarmerki.
Verðbólgan nú er umfram það
sem ásættanlegt getur talist – hún
er umfram verðbólgumarkið
Seðlabankans, umfram verðbólg-
una í þeim löndum sem við viljum
helst bera okkur saman við, hún
vegur að kaupmættinum og kem-
ur niður á samkeppnisstöðu inn-
lendra fyrirtækja. Seðlabankinn
hefur nú þegar brugðist við þessu
með vaxtahækkunum upp á
0,95%. Að okkar mati mun bank-
inn herða aðhaldið enn frekar á
næstu mánuðum“.
Úr Morgunkornum Íslands-
banka 19. ágúst.
20. ágúst 2004 FÖSTUDAGUR28
Nú fer sumri að halla og strax í
næstu viku hefjast grunnskólarn-
ir. Þá skipta börn á öllum aldri út
sumardótinu og í stað þess kemur
skólataska og skólabækur. Þá
verður ekki lengur tími til að eyða
deginum við leik með vinum og
félögum heldur tekur við skóla-
lærdómur vetrarins, tímabil sem
getur orðið skemmtilegt og fræð-
andi.
Hinsvegar getur stærsta
áskorun krakkanna orðið fyrir
utan veggi skólans, í umferðinni.
Því miður heyrum við fréttir á
hverju hausti af börnum sem
lenda í slysum á leið í eða úr skól-
anum. Mörg þessara barna eru
lengi að ná sér og missa þess
vegna úr hluta vetrarins vegna
slysa. Sum ná sér jafnvel aldrei
vel og þurfa að lifa við afleiðingar
slyss allt sitt líf.
Til að reyna að fyrirbyggja og
fækka slysum á skólabörnum vill
Slysavarnafélagið Landsbjörg
koma með nokkur heilræði til for-
eldra og forráðamanna sem þeir
ættu að brýna fyrir börnunum
áður en skólinn hefst.
Veljið öruggustu leiðina í skól-
ann. Leiðin þarf að vera sem styst
og því færri götur sem þarf að
fara yfir, því betra. Gefið ykkur
tíma til að ganga nokkur skipti
með börnunum í skólann og sýna
þeim leiðina.
• Kennið börnunum að þekkja öll
helstu umferðarmerkin og að
nota gangbrautarljós þar sem
þau eru.
• Að fara öruggt yfir götu er mik-
ilvægast af öllu. Kennið þeim að
stoppa og líta vel til beggja hliða
og hlusta áður en gengið er yfir
götu. Notið gangbrautir þar sem
þær eru. Ef ekki eru gangbraut-
ir, notið þá hraðahindranir og
þrenningar á götum.
• Kennið þeim að fara ekki yfir
götu á milli kyrrstæðra bíla.
• Munið, foreldrar eiga að vera
fyrirmynd. Það er tilgangslítið
að kenna börnum eitt og gera
eitthvað annað sjálfur. Hver
kannast ekki við það að gera
eitthvað eins og pabbi eða
mamma gerðu þegar maður
var lítill?
Að fara á hjóli eða hlaupahjóli í
skólann er vinsælt fyrstu vik-
urnar. Auðvitað hætta öll börn
að hjóla í skólann þegar hálkan
byrjar. Börn yngri en 10 ára
eiga ekki að hjóla úti í umferð-
inni og ættu þar af leiðandi ekki
að hjóla í skólann ef þau þurfa
að hjóla í umferð á leiðinni.
Hér eru nokkur atriði sem þarf
að hafa í huga til viðbótar við of-
angreint þegar farið er á hjólinu
eða brettinu í skólann.
• Hjálmur bjargar. Það á alltaf
að nota hjálm, eins og það nota
allir öryggisbelti þegar þeir
keyra í bíl. Það er margsannað
að hjálmar bjarga mannslífum,
en því miður er staðan orðin sú
að hjálmanotkun fer minnk-
andi meðal barna og þó sér-
staklega meðal unglinga.
• Farið yfir leiðina og veljið þá
öruggustu. Það er líka gott að
fara yfir þær leiðir sem barnið
notar til að komast til bestu
vinanna.
• Börn eiga ekki að hjóla eftir að
skyggja tekur.
• Hvar á síðan að geyma hjólið
eða brettið í skólanum? Það
verður að hugsa allt til enda og
ef það er ekki góð aðstaða til
geymslu við skólann er jafnvel
betra að sleppa því að fara á
hjólinu eða brettinu.
Komum heil heim! ■
VALGEIR ELÍASSON
UPPLÝSINGAFULLTRÚI LANDSBJARGAR
UMRÆÐAN
BJALLAN HRINGIR
Veljið öruggustu leiðina í skólann
Skóladagvist í Öskjuhlíðarskóla
GERÐUR AAGOT ÁRNADÓTTIR
FORMAÐUR FORELDRA- OG STYRKTAR-
FÉLAGS ÖSKJUHLÍÐARSKÓLA
UMRÆÐAN
SKÓLI FYRIR ALLA
Óhagstæð þróun
íslensks efnahagslífs
ÆVINTÝRI GRIMS
28-37 (28-29) Umræðan 19.8.2004 15:55 Page 2