Fréttablaðið - 20.08.2004, Blaðsíða 44
36 20. ágúst 2004 FÖSTUDAGUR
ÓLYMPÍULEIKAR Íslandsmet númer
tvö á Ólympíuleikunum féll í gær
þegar Hjörtur Már Reynisson
bætti eigið met í 100 metra flug-
sundi. Íslandsmet Hjartar var
55,46 sekúndur en hann kom í
mark í Aþenu á 55,12 sekúndum.
Glæsilegur tími en því miður
dugði það ekki til þess að fleyta
Hirti áfram í sundinu.
„Þetta var svo sem ágætt en ég
hefði viljað synda hraðar,“ sagði
Hjörtur Már af mikilli hógværð
eftir sundið. „Ég hefði viljað
synda undir 55 sekúndum. Ég er
alveg pottþéttur á því að ég á það
inni.“
Hjörtur byrjaði sundið geysi-
lega vel og leiddi um tíma. Það
dró síðan af honum á síðustu
metrunum og hann játaði það að
hann hefði verið orðinn þreyttur.
„Mér fannst sundið ganga
ágætlega en ég hefði viljað eiga
meiri kraft inni síðustu tíu
metrana. Ég var eiginlega orðinn
sprunginn. Ég ætlaði reyndar að
byrja á fullu en ég lagði síðan
ekki alveg í það. Það var líka
kannski eins gott að ég gerði það
ekki,“ sagði Hjörtur kátur en
hann er ekkert á því að slaka á
þótt leikarnir séu á enda. Það á að
halda áfram á fullri ferð.
„Ég tek mér kannski hálfa
viku í frí þegar ég kem heim. Ég
ætla að æfa áfram því ég fer á
HM í október og ég þarf að vinna
í snúningnum og stungunni því
það mót fer fram í 25 metra laug.
Ég get bætt mig mikið þar og
ætla að gera það. Það er ekki
spurning,“ sagði Hjörtur Már
Reynisson.
henry@frettabladid.is
ÓLYMPÍULEIKAR „Eins og við mátti
búast gerði sundkappinn Örn
Arnarson ekki miklar rósir í 50
metra skriðsundi í Aþenu í gær.
Tími hans, 23,84 sekúndur, er
samt viðunandi því hann undirbjó
sig ekki fyrir leikana með það í
huga að keppa í þessu sundi. Örn
var sjötti í sínum riðli.
„Ég gerði nokkur mistök í
þessu sundi. Ég tók allt of mikið
af tökum og var farinn að sóla um
mitt sundið. Það verður bara að
hafa það, held ég. Ég er samt í
sjálfu sér ekkert ósáttur því þetta
er alveg þokkalegur tími en hefði
vissulega getað orðið betri,“ sagði
Örn skömmu eftir að hann steig
úr lauginni í Aþenu í gær en Ís-
landsmet hans er 23,15 sekúndur.
Þrátt fyrir að Ólympíuleikarn-
ir hjá Erni hafi aðeins staðið yfir
í tæpar 24 sekúndur að þessu
sinni er hann ánægður með dvöl-
ina í Aþenu. Hann sagði sjálfur
um daginn að þrátt fyrir von-
brigðin að geta ekki keppt í sínum
sterkustu greinum ætlaði hann að
reyna að hjálpa félögum sínum og
vera hluti af hópnum.
„Það er góður mórall í þessum
hópi og allir ná mjög vel saman
sem skiptir öllu. Fólk er sífellt að
rífa hvert annað upp þegar á þarf
að halda og það er alveg frábært.
Það er búið að vera virkilega
gaman að taka þátt í þessu
hérna,“ sagði Örn Arnarson.
henry@frettabladid.is
Sólaði um mitt sund
Örn Arnarson komst ekki áfram í 50 metra
skriðsundi á ÓL í gær.
Íslandsmet hjá Hirti
Hávær köll í Pavilion:
Íslensk stemning
ÁFRAM ÍSLAND
Íslenskir áhorfendur létu vel í sér heyra í Aþenu í fyrradag þegar handboltalandsliðið lagði
Slóvena að velli með fimm marka mun.
FRÉTTABLAÐIÐ/TEITUR
HJÖRTUR MÁR
Hann var svekktur með sundið í gær þótt hann hefði bætt Íslandsmetið.
FRÉTTABLAÐIÐ/TEITUR
ÖRN Á FLUGI
Örn komst ekki áfram í 50 metra skriðsundi í gær enda ekki hans sterkasta grein.
FRÉTTABLAÐIÐ/TEITUR
ÓLYMPÍULEIKAR Nokkur fjöldi Íslend-
inga er staddur í Aþenu til þess að
fylgjast með Ólympíuleikunum.
Meirihluti þeirra var mættur í
Pavilion-höllina í fyrradag til
þess að fylgjast með íslenska
handboltalandsliðinu leika gegn
því slóvenska.
Slóvenar eru klárlega með ein-
hverju bestu handboltaáhorfend-
ur í heimi og þeir voru svona
helmingi fleiri en Íslendingarnir í
Pavilion. Slóvenarnir standa
ávallt er þeir hvetja sitt lið og
engu líkara var en þeir væru á
heimavelli, slík voru lætin.
Íslenska áhorfendurnir hóp-
uðu sig síðan saman í síðari hálf-
leik og létu kröftuglega í sér
heyra allt til leiksloka. Eftir því
sem leið á leikinn dró úr söng-
mætti Slóvena og lítið annað en
Ísland, Ísland heyrðist síðustu
mínútur leiksins.
Íslenskir sjónvarpsáhorfendur
fengu ekki að njóta stríðsdansins
sem íslensku áhorfendurnir stigu
í leikslok því þeir sátu í sömu
stúku og sjónvarpsvélarnar eru.
Vonandi að þetta ágæta fólk verði
„réttu“ megin í næsta leik og
flaggi íslenska fánanum áberandi
framan í heiminn.
henry@frettabladid.is
Hjörtur Már Reynisson sýndi allar sínar bestu hliðar í 100 metra
flugsundinu í Aþenu. Honum fannst hann eiga meira inni.
Grískir hlauparar:
Sviðsettu slys
SAKBITINN
Spretthlauparinn gríski, Kostadinos Kenter-
is, er í vondum málum. Sömu sögu má
segja um Ekaterini Thanou.
ÓLYMPÍULEIKAR Nú bendir allt til
þess, samkvæmt frumrannsókn
grísku lögreglunnar, að sprett-
hlaupararnir grísku, Kostadinos
Kenteris og Ekaterini Thanou,
hafi sviðsett mótorhjólaslys sem
þau sögðust hafa lent í síðastliðið
fimmtudagskvöld eftir að þau
mættu ekki í boðað lyfjapróf. Í
kjölfarið var ákveðið að setja þau
í keppnisbann.
Haft hefur verið eftir háttsett-
um embættismanni að rannsókn
grísks saksóknara sýni fram á að
annaðhvort hafi slysið ekki átt sér
stað, eða þá að spretthlaupararnir
hafi sjálfir sett slysið á svið í
þeim tilgangi að veita sjálfum sér
áverka. Öll kurl eru ekki enn kom-
in til grafar í þessu sorglega máli,
sem þegar hefur sett svartan blett
á ólympíuleikana. Málið á án efa
eftir að draga mikinn dilk á eftir
sér. Grískum almenningi svíður
það sérlega sárt að Kenteris skuli
tengjast slíku máli því hann átti
einmitt að tendra ólympíueldinn á
opnunarhátíðinni og var afar vin-
sæll og virtur í heimalandinu.
44-45 (36-37) SPORT 19.8.2004 20:40 Page 2