Fréttablaðið - 20.08.2004, Blaðsíða 46

FORMÚLA Ítalskir fjölmiðlar
spöruðu ekki stóru orðin í umfjöll-
un sinni um leik Íslands og Ítalíu í
fyrrakvöld. Þrátt fyrir að þar færi
fyrsti landsleikur Marcello Lippi
og upphafið á nýju tímabili í ítöl-
skum fótbolta var eins og Ítalir
vildu ekki gera alltof mikið úr
óförum sínum á Íslandi.
„Ef þetta á að vera fyrsta
skrefið í uppbyggingunni fyrir
HM 2006, er erfitt að sjá fyrir sér
að Ítalía verði með í Þýskalandi.
Fyrsta landslið Lippis tapaði og
það illa á Íslandi í æfingaleik sem
nýi þjálfarinn ímyndaði sér að
yrði öðruvísi.
Þetta er miklu alvarlegra en 2-
0 tapið segir til um og það er ekki
hægt að hlusta á neinar afsakanir
um æfingaleysi. Vandamálið er
alltaf það sama: hinn mikli munur
sem er á okkur og andstæðingum
okkar hvað viðkemur áhuga á
leiknum og baráttuvilja.“ segir La
Repubblica í umsögn um lands-
leik Ítala og Íslendinga.
Blaðið telur leikinn staðfesta
áður vitað getuleysi liðsins og er
eins og aðrir fjölmiðlar þreytt á
landsliðinu og nennir ekki að eyða
miklu púðri í að skamma einstaka
leikmenn né að tala um leikinn
yfirhöfuð. Fáar stórkarlalegar
fyrirsagnir birtust, flestar voru
eins og vænta mátti einhverskon-
ar útúrsnúningar á ís og frosti.
„Ísland frysti Ítalíu Lippi’s“ segir
La Gazzetta dello Sport, „Ísköld
vatnsgusa“, segir Corriere della
Sera.
Vilja gefa Lippi tækifæri
Svo virðist sem menn vilji gefa
þjálfaranum tækifæri til að sanna
sig í komandi leikjum í und-
ankeppni HM. Lippi fékk ekki
einu sinni einkunn í sumum blöð-
um, leikurinn talinn ómarktækur.
Sú mikla eftirvænting sem var í
gangi eftir ráðningu Lippis, virð-
ist horfin með öllu eftir þessa út-
reið.
Eina haldreipið sem reynt er að
festa hendur á er hjátrúin: „goð-
sögnin Enzo Bearzot tapaði einnig
fyrsta leik sínum með landsliðið
en svo reis upp hið undursamlega
heimsmeistaraár 1982,“ segir La
Gazzetta dello Sport sem olli und-
irrituðum gífurlegum vonbrigð-
um með því að fremja stílbrot í
takt við skipbrot liðsins og víkja
frá þeirri hefð sinni að láta menn
hafa það óþvegið.
Ítölsku blaðamennirnir sem
voru á landsleiknum voru eins og
í hálfgerðu móki eftir leikinn og
þurfti að draga út úr þeim með
töngum álit þeirra á leiknum er
blaðamaður Fréttablaðsins gekk á
þá.
Engin horfir nema mamma
„Það er verst að enginn horfir
á leikinn nema mamma mín,“
sagði Alessandro Nesta aðspurður
um það fyrir leikinn gegn Íslend-
ingum hvort það væri ekki mikill
heiður fyrir hann að vera fyrirliði
í leiknum.
Viðhorf Nesta virðist hafa end-
urspeglað áhuga Ítala á leiknum.
Enginn nennti að horfa, enginn
nennti að spila og enginn nennti
að skrifa.
einarlogi@frettabladid.is
38 20. ágúst 2004 FÖSTUDAGUR
ÚR ÍÞRÓTTAHEIMINUM
Ígærdag voru höf-uðstöðvar gríska
f r já ls íþrót tasam-
bandsins í Aþenu
rýmdar vegna
sprengjuhótunar.
Sprengjusérfræð-
ingar með leitar-
hunda voru sendir inn í bygginguna
en engin sprengja fannst. Mjög lík-
legt er talið að hótunin tengist lyfja-
og sviðsetningarmáli grísku sprett-
hlauparanna, Kostadinos Kenteris og
Ekaterini Thanou, sem sett hefur
gríska íþróttaheiminn á annan end-
ann.
Það fékkst staðfest hjá forseta Al-þjóðalyftingasambandsins að
fimm lyftingamenn hefðu fallið á
lyfjaprófum sem tekin voru fyrir
Ólympíuleikana í Aþenu. Þeir sem
féllu í þessa gryfju eru frá Ungverja-
landi, Indlandi, Marokkó, Tyrklandi
og Moldavíu. Á mánudag var lyft-
ingakona frá Myanmar rekin heim frá
Ólympíuleikunum vegna neyslu ana-
bólískra stera.
Fjórir íslenskiríþróttamenn hafa
hingað til verið
teknir í lyfjapróf á
Ólympíuleikunum í
Aþenu. Það eru þeir
Hjörtur Már Reyn-
isson sundkappi
Hafsteinn Ægir
Geirsson siglingakappi Dagur Sig-
urðsson handknattleiksmaður og
tugþrautarkappinn Jón Arnar Magn-
ússon. Tekin eru bæði þvag- og
blóðsýni og er niðurstöðu að vænta
úr prófunum á næstu dögum.
Skóladagar í
Flash
Peysur frá 2990
Gallabuxur
áður 5990 Nú 3990
Úlpur 5990
Opið til kl. 22 á Menningarnótt
Söluhæsta fartölvan í Evrópu
ACER
tækni
SÍÐUMÚLA 37 - SÍMI 510 6000
WWW.SVAR.IS
tækni
FARTÖLVUR
TÁKNRÆNAR MYNDIR Hér fyrir ofan má sjá þrjár táknrænar myndir frá leik Íslands og
Ítala. Fyrst Heiðar Helguson að vinna skallabolta gegn sér stærri mönnum, þá vonbrigði
Gianluigi Buffon og loks fögnuð íslensku strákanna í leikslok.
Enginn nennti að horfa
enginn nennti að spila
Tapið gegn Íslandi endurspeglar getuleysi
Ítala samkvæmt ítölskum fjölmiðlum í gær.
46-47 (38-39) SPORT 19.8.2004 21:49 Page 2