Fréttablaðið - 20.08.2004, Blaðsíða 49
41FÖSTUDAGUR 20. ágúst 2004
Gæsaveiðitímabilið byrjaði fyrir
alvöru í morgun og fóru margir
strax á fyrsta klukkutímanum
sem veiði var leyfileg. Víða hefur
sést mikið af gæs og ennþá meira
af rjúpunni, en hana má alls ekki
skjóta.
„Ég ætla á gæs um leið og það
má, en ég hef aldrei séð eins mik-
ið af rjúpu og er núna, hún er alls
staðar,“ sagði skotveiðimaður sem
ætlaði vestur á firði til veiða.
„Það er búið að vera mikið að
gera, margir ætla fyrstu dagana
sem má skjóta,“ sagði Jóhann
Vilhjálmsson byssusmiður í gær,
en þá mætti hver veiðimaðurinn
af öðrum til að láta athuga byss-
urnar fyrir gæsavertíðina. „Ég
ætla ekki alveg strax en það hefur
sést mikið af fugli víða um land,“
sagði Jóhann og hélt áfram með
næsta viðskiptavin. Tíminn var
naumur.
Mikið af gæs hefur sést vestur
í Dölum, á Suðurlandinu og fyrir
austan og því næsta víst að þau
hundruð veiðimanna víða um land
sem hófu veiðina í morgun eiga
eftir að fá mikið á næstu dögum.
Litlar flugur að virka í Kverná
Laxveiðin gengur enn vel og segir
Ásgeir Ásmundsson að vel veiðist
í neðri hluta Skógár. „Litlar flugur
virka vel í Kverná en tommutúbur
eru að virka í Skógá. Yfir 50 laxar
hafa veiðst í sumar og er fjórðung-
ur þess afla úr Kvernánni,“ sagði
Ásgeir og bætti við að 1.500 sil-
ungar hefðu veiðst.
Veiðimenn sem voru að koma úr
Eldvatni voru með 15 væna fiska.
Sjóbirtingarnir voru frá fimm
pundum upp í þrettán pund en
stærstu bleikjurnar fimm pund. ■
JÓNAS JÓNSSON
Hann fékk einn fimm punda á fluguna Heimasætuna á svæði tvö í Eyjafjarðará.
Lögreglumaður í Bangladess
neyddi par til þess að gifta sig
eftir að fólkið hafði logið til um
það að vera gift til þess að fá
hótelherbergi. Hringt var í lög-
regluna í smábænum Rajshahi og
tilkynnt um ráðabrugg parsins og
rauk lögreglumaðurinn þá af stað
og handtók fólkið. Niðri á lög-
reglustöð sagði hann svo parinu,
þeim Mominur Rahman Chowd-
ury og Shefali Khatun Shelley, að
þau yrðu að gifta sig strax ellegar
að maðurinn yrði kærður fyrir
nauðgun.
Karlmaðurinn lét undan þrýst-
ingi og eftir að lögreglumaðurinn
hafði fengið samþykki foreldra
þeirra rauk hann með þau að
næstu kapellu og fylgdist með
parinu ganga í hjónaband.
Stjórnvöld í Bangladess eru
mjög íhaldssöm og þar í landi eru
til lög um það að karl og kona sem
bóka sig saman inn á hótel verði
að vera gift. Meirihluti þjóðarinn-
ar er múslimar og þar í landi eru
flest hjónabönd ákveðin af ætt-
ingjum brúðhjónanna.
Fyrir giftingu eru fjölskyldu-
meðlimir oft eins og velsæmis-
verðir og þegar fólk giftir sig hef-
ur það oftast eytt litlum sem eng-
um tíma saman. ■
Par neytt til þess að gifta sig eftir ástarfund
BRÚÐHJÓN Ástin hefur önnur lögmál í
ríkjum íslams.
Ungt par í Bangladess var neytt til þess
af lögreglunni að gifta sig eftir að hafa
átt ástarfund á hóteli þar í landi.
■ SKRÝTNA FRÉTTIN
Ákveðið hefur verið að gefa götu-
blaðið Reykjavík Grapevine út
áfram fram eftir vetri. Upphaf-
lega ætlaði ritstjórn blaðsins að-
eins að gefa út átta blöð á þessu
ári yfir sumartímann, eins og í
fyrra. En eftir óvenjugóð við-
brögð lesenda og auglýsenda í ár
ætla félagarnir að halda áfram að
hafa lifibrauð af útgáfunni. Blaðið
mun þó koma út mánaðarlega í
vetur en ekki hálfsmánaðarlega
eins og í sumar.
„Feitari blöð og meira að lesa,
fleiri klósettferðir,“ segir Jón
Trausti Sigurðarson um framtíð
blaðsins um leið og hann afhendir
blaðamanni nýjasta eintakið. Æv-
intýraleg mynd af Björk Guð-
mundsdóttur prýðir forsíðuna.
„Það kom okkur mest á óvart
hversu margir Íslendingar lesa
blaðið,“ segir Hilmar Steinn Grét-
arsson en blaðið er eina íslenska
götublaðið sem skrifað er á ensku.
„Við tókum því þá ákvörðun að
halda áfram í vetur. Ferðamanna-
tímabilið er ekki lengur bara þrír
mánuðir, það er allt árið fyrir utan
nokkra dauða mánuði á ári.“
Blaðið ætti því að skila sér í
hendur fólks á fyrsta föstudegi
hvers mánaðar í vetur.
Saga Grapevine er nokkuð fal-
leg. „Við útskrifuðumst saman og
bjuggum í Prag í nokkra mánuði.
Þar var svona svipað götublað
sem sá okkur fyrir öllum upplýs-
ingum. Hvar við ættum að þvo
fötin okkar, hvar maður fær íbúð,
hvar við ættum að drekka og hvar
skemmtilegustu tónleikarnir
voru. Áður en við fórum heim átt-
uðum við okkur á því að það væri
ekkert svona blað á Íslandi, bara
bæklingar. Eftir að við komum
heim eyddum við þremur mánuð-
um í undirbúningsvinnu og gerð-
um þetta bara.“
Jón Trausti segist stoltur af því
að geta kallað Grapevine eina al-
vöru götublaðið þar sem Orðlaus
og Vamm séu bæði send heim til
fólks. Þeir hafa einnig verið
þekktir fyrir það hversu lítið þeir
eru fyrir það að fegra þjóðina
okkar. Þeir fjalla oft um hitamál í
þjóðfélaginu og útskýra þau fyrir
gestum. „Við erum heldur ekkert
að drulla yfir þjóðina, við erum
bara að sýna raunveruleikann,“
segir Hilmar.
„Landið er bara eins og það
er, það hefur enginn neitt upp úr
því að tala betur eða verr um
það en það er,“ segir Jón
Trausti. „Okkur hafa nú ekki
borist neinar bréfasprengjur
ennþá. Við höfum fengið eitt-
hvað af rasistapóstum, en það er
bara hressandi að fara í taug-
arnar á fólki sem maður má fara
í taugarnar á.“ ■
■ VEIÐI
GUNNAR BENDER
■ skrifar um veiði.
Grapevine leggst
ekki í vetrardvala
ÚTGÁFA
REYKJAVÍK GRAPEVINE
■ Mun halda áfram útgáfu út veturinn
vegna góðs gengis í sumar.
RITSTJÓRN REYKJAVIK GRAPEVINE
Segjast finna fyrir töluverðum lestri að utan þegar þeir taka viðtal við íslenskar stórstjörnur. Meðal annars rataði viðtalið við Sigur Rós á
vefsvæðið pitchforkmedia, sem sérvitrir áhugamenn um tónlist lesa á hverjum degi.
FR
ÉT
TA
B
LA
Ð
IÐ
/J
Ó
N
R
. Á
R
SÆ
LS
SO
N
Ætluðu á gæs
strax í morgun
48-49 (40-41) Skripo 19.8.2004 18:40 Page 3