Fréttablaðið - 22.08.2004, Blaðsíða 17
SUNNUDAGUR 22. ágúst 2004
www.worldclass.is
JÓGA
Ropeyoga
Ropeyoga sameinar hug, líkama og
sál. Ropeyoga eykur upptöku
súrefnis í líkamanum og styrkir
kviðinn, miðju líkamans, bætir virkni
sogæðakerfisins og beinir orkunni
í jákvæðan farveg.
Kennari: Brynjúlfur Jónatansson, jógakennari frá Kripalu í
Bandaríkjunum.
Námskeiðið byrjar 1. september.
Jóga á meðgöngu
Námskeiðið byggist á styrktar-, teygju-
og öndunaræfingum til að auðvelda
meðgöngu og fæðingu. Aðaláhersla er
lögð á mjaðma- og grindarbotns-
æfingar, stöður sem styrkja líkamann,
öndunaræfingar og slökun.
Kennari: Sólveig Jónasdóttir, jógakennari frá Kripalu í
Bandaríkjunum.
Námskeiðið byrjar 1. september.
Minnum á mömmutíma sem eru opnir tímar ætlaðir
nýbökuðum mæðrum og börnum þeirra.
Jóga fyrir börn og foreldra
Jóga er góð leið til að læra að slaka á,
auka líkamsvitundina, styrkja líkamann
og næra andann. Jóga getur hjálpað
börnum að róa sig niður og taka betur
eftir. Skemmtileg og skapandi stund
fyrir börn og foreldra.
Aldursflokkar: 4-6 ára, 7-9 ára
og 10-12 ára.
Kennari: Guðrún Arnalds, RCYP kennari í barnajóga.
Námskeiðið byrjar 6. september.
Námskeiðin standa í átta vikur. Skráning er hafin í
síma 553 0000. Takmarkaður fjöldi.
Aðgangur í Laugardalslaugina, tækjasali og opna tíma
í World Class.
Athugið úrval opinna jógatíma á worldclass.is
A
P
a
lm
an
na
te
ng
sl
Fyrirtæki bera í raun aldrei skatta
Samkvæmt amerísku leiðinni
eru velferðarríki með háa skatta
og launatengd gjöld talin dæmd
til að dragast aftur úr og verða
undir í samkeppni á alþjóða-
mörkuðum. Rökin eru þau að
fjármagnið flýji frá háskatta-
löndum og finni sér svigrúm í
viðskiptavænna umhverfi.
„Við höfum farið þá leið að
lækka fjármagnstekjuskatt á
fyrirtæki verulega og ég er
sammála þeirri stefnu,“ segir
Jón Baldvin. „Spurningin um
skattbyrði fyrirtækja er hins
vegar ekki öll þar sem hún sýn-
ist. Fyrirtæki bera í raun aldrei
skatta því þau hafa flest við
venjulegar aðstæður möguleika
á að velta þeim annað hvort yfir
á neytendur eða eigendur. Það
er því skynsamlegt að spenna þá
skatta ekki upp úr öllu valdi því
þeir hafa bara ófyrirséð hliðar-
áhrif. Spurning er hins vegar
hvernig rétt sé að mismuna
skattlagningu á tekjur, launa-
tekjur versus allra handa fjár-
magnstekjur, arðgreiðslur,
hlutabréfaeign og þess háttar.“
Getum lært af Eistum
Í skattamálum segir Jón Bald-
vin að íslensk stjórnvöld geti lit-
ið til Eistlands.
„Það er dæmi um land sem
hefur farið lágskattaleiðina.
Eistar eru núna með 26 prósent
flatan tekjuskatt og stefna á að
lækka hann í áföngum niður í 20
prósent. Ólíkt mörgum öðrum
ríkjum skattleggja Eistar fjár-
magnstekjur eins og launatekj-
ur og mismuna því ekki einstak-
lingum eftir því hvort tekjur
þeirra eru fyrir vinnu eða vegna
arðgreiðslna. Þeir hafa hins
vegar engan tekjuskatt á fyrir-
tæki ef arðurinn er endurfjár-
festur. Þannig hafa þeir inn-
byggt í kerfið hvata til að tak-
marka útgreiðslu á arði með því
að hvetja fyrirtæki til að endur-
fjárfesta. Þeir telja þetta vera
lykilinn að auknum hagvexti.“
Ósveigjanlegar reglur á
vinnumarkaði hafa dregið úr
sköpun nýrra starfa á evru-
svæðinu og ýtt undir atvinnu-
leysi þar, að sögn Jóns Baldvins.
Hann segir ástandið í Þýska-
landi einkar slæmt vegna þessa.
„Ástæðuna fyrir því að
Þýskaland er efnahagslega í
lamasessi má að hluta rekja til
sameiningar Þýskalands. Fram-
leiðnin í Austur-Þýskalandi var
miklu lægri en stjórnvöld höfðu
gert ráð fyrir. Meginástæðan
fyrir efnahagslægðinni er hins
vegar hversu sköpun nýrra
starfa í þýskum iðnaði er feiki-
lega dýr. Launin eru mjög há, en
há framleiðni í vesturhlutanum
stendur undir því, en síðan eru
87 prósenta launatengd gjöld til
að standa undir hinum og þess-
um velferðargreiðslum. Þetta
þýðir að frá sjónarmiði atvinnu-
rekendans borgar sig ekki að
fjárfesta í nýjum störfum.“
Ágætt samráð á Íslandi
Jón Baldvin segir það alveg ljóst
að ósveigjanlegar reglur á vinnu-
markaði geti haft mjög slæmar
afleiðingar á hagsæld. Í sumum
sambandsríkjum Þýskalands séu
til lög sem beinlínis banni upp-
sagnir starfsmanna eða geri þær
það erfiðar að það borgi sig ekki
fyrir atvinnurekendur að reka
fólk úr vinnu eða ráða. Þýska-
land sé dæmi um velferðarríki
sem hafi farið vitlausar leiðir og
skattleggi í raun sköpun nýrra
starfa. Hann segir að Finnar hafi
farið allt öðru vísi að.
„Þegar þeir voru að vinna sig
út úr kreppunni var haft samráð
við verkalýðshreyfinguna. Gegn
því að fara ekki í niðurskurð á
velferðarþjóðfélaginu sætti hún
sig við að sjá fram á allverulegt
atvinnuleysi við umbyltinguna
frá gamla iðnaðarþjóðfélaginu
yfir í þetta nýja þjóðfélag sem
þeir hafa verið að skapa. Hún
stóð ekki á móti eins og þýska
verkalýðshreyfingin hefur
gert.“
Jón Baldvin segir að á Íslandi
hafi verið ágætis samráð milli
stjórnvalda og verkalýðshreyf-
ingarinnar eftir þjóðarsáttina
árið 1990.
„Sveigjanleiki á íslenska
vinnumarkaðnum er miklu
meiri en á evrusvæðinu – miklu
meiri.“
Hlynntur áminningarfrumvarpinu
Á síðasta þingi lagði ríkisstjórn-
in fram frumvarp um breyting-
ar á lögum um réttindi og skyld-
ur opinberra starfsmanna. Sam-
kvæmt frumvarpinu þarf for-
stöðumaður ríkisstofnunar ekki
lengur að áminna starfsmann
formlega áður en til uppsagnar
kemur. Töluverðar deilur urðu
um frumvarpið á þingi og sam-
tök opinberra starfsmanna mót-
mæltu því harðlega. Jón Baldvin
segir frumvarpið hins vegar
skref í rétta átt. Hann setur
spurningarmerki við það hvort
stjórnvöld hafi kynnt málið
nægilega vel fyrir verkalýðs-
hreyfingunni, þ.e. hvaða til-
gangi breytingarnar þjónuðu og
að þær myndu skila árangri til
lengri tíma litið.
„Ég var alltaf á móti ævi-
ráðningum. Framfarir þjóðfé-
lagsins eru háðar breytingum.
Það verður að vera hægt að inn-
leiða breytingar. Ef þröskuldar
og girðingar eru reistar verður
stöðnun.“
Íslensk pólitík of persónugerð
Þegar Jón Baldvin er spurður út í
stöðu íslenskra stjórnmála í dag
er fátt um svör.
„Ég vil lítið tjá mig um íslensk
stjórnmál að sinni umfram það að
ég náttúrlega fylgist með þeim.
Ég ber þau saman við það póli-
tíska umhverfi sem ég bý nú við í
Finnlandi. Í Finnlandi er stjórn-
málaástandið mjög stöðugt. Fylgi
flokka breytist nánast ekkert. Mál
eru yfirleitt rædd afskaplega mál-
efnalega og pólitíkin er lítið per-
sónugerð. Þar er óhemjumikið af
sérfræðingum og stofnunum sem
skila skýrslum og álitsgerðum.
Umræðan fer fram á grundvelli
athugana og staðreynda. Þar eru
engin væniviðbrögð, taugavið-
brögð eða geðshræringarvið-
brögð. Pólitíkin er ekki persónu-
gerð. Menn eru ekki að ata hvern
annan auri með persónulegum
ávirðingum. Þetta er munurinn á
finnskum og íslenskum stjórn-
málum.“
Aðspurður um það hvaða álit
hann hefði á ráðherrastólaskipt-
um Sjálfstæðisflokks og Fram-
sóknarflokks og fjölmiðlamálinu
sagðist hann ekkert vilja tjá sig
um þau.
Jón Baldvin, sem hefur verið
sendiherra í Bandaríkjunum og
nú í Finnlandi í sjö ár segir að
sendiherratíð sinni fari senn að
ljúka, þó hann viti ekki nákvæm-
lega hvenær.
„Þá kem ég heim og ég hlakka
til.“
Útilokar ekki að fara í pólitík á ný
Þegar Jón Baldvin er spurður
hvort hann hyggist koma aftur inn
í íslensk stjórnmál segir hann:
„Ég hef engin áform uppi um það.
Ég vil samt ekki útiloka neitt, ég
finn mér eitthvað að gera.“
Aðspurður hvort hann sjái ein-
hvern pólitískan vettvang fyrir
sig á Íslandi segir hann Samfylk-
inguna vera þann vettvang.
„Ég er jafnaðarmaður og Sam-
fylkingin er jafnaðarflokkur.“ ■
nntun á Íslandi
FRAMFARIR ERU HÁÐAR BREYTINGUM Jón Baldvin segir frumvarp um breytingar á lögum um réttindi og skyldur opinberra starfs-
manna skref í rétta átt. Samkvæmt frumvarpinu þarf forstöðumaður ríkisstofnunar ekki lengur að áminna starfsmann formlega áður en
til uppsagnar kemur.
16-17 helgarefni jón baldv copy 21.8.2004 19:33 Page 3