Fréttablaðið - 22.08.2004, Blaðsíða 50

ÓLYMPÍULEIKAR Sænska sjöþrautar-
konan Caroline Klüft tryggði sér
glæsilegan sigur í sjöþraut í gær
en þessi 21 árs gamla íþróttakona
frá Borås bætti Ólympíugullinu
við heimsmeistaratitla sína
innan- og utanhúss frá því í fyrra.
Klüft var rétt við það að brjóta
7.000 stiga múrinn, hlaut alls
6.952 stig, en hún er aðeins ein
þriggja kvenna sem hefur
afrekað það, gerði það þegar hún
vann heimsmeistaratitilinn í
fyrra. Kluft vann sjöþrautina
með 517 stiga mun sem eru
ótrúlega miklir yfirburðir.
ÓLYMPÍULEIKAR Fram undan er
stærsta kvöld ævinnar hjá fim-
leikakappanum Rúnari Alexand-
erssyni er hann keppir í úrslitum
á bogahesti.
Upphaflega takmarkið hjá
Rúnari var að komast í úrslit í
fjölþraut en hann gerði ekki ráð
fyrir því að komast í úrslit á boga-
hesti enda komast aðeins átta
bestu áfram þar. Hann fór aftur á
móti á kostum á bogahestinum í
undankeppninni, fékk 9,737 í ein-
kunn sem dugði honum til þess að
komast í úrslit. Frábær árangur.
Blaðamaður Fréttablaðsins
hitti Rúnar í Ólympíuþorpinu
fyrir nokkrum dögum síðan og
hann var gríðarlega vel stemmd-
ur. Hann var fyrst spurður að því
hvernig honum hefði liðið er hann
var kominn í úrslitin.
Fannst ég vera heppinn
„Mér fannst ég vera heppinn
og það mjög heppinn. Þetta var
samt eitt besta mót sem ég hef
tekið þátt í. Ég hef aðeins einu
sinni áður gert betur,“ sagði
Rúnar af einstakri hógværð en
ætli hann hafi ekki verið ánægð-
ur með æfinguna sína á bogahest-
inum?
„Jú, en þetta var ekki fullkom-
ið,“ sagði Rúnar og þjálfari hans,
Guðmundur Þór Brynjólfsson,
skaut því inn í að þegar þeir hefðu
séð hvað það væru háar einkunnir
á bogahestinum hefðu þeir ákveð-
ið að taka ekki mikla áhættu og
keyra frekar öruggar æfingar en
erfiðar.
Gera sömu æfingu betur
Rúnar ætlar að gera sömu æf-
ingar í úrslitunum í kvöld en bara
betur. Hann telur sig eiga meira
inni. „Ég er alveg viss um að ég á
meira inni og get gert betur. Það
þarf að fínpússa nokkra hluti í æf-
ingunum. Draumurinn hjá mér er
að vinna gull og ég hef fulla trú á
því að ég geti unnið gullverðlaun
hérna,“ sagði Rúnar kokhraustur
en telur þjálfarinn að það sé virki-
lega möguleiki að Rúnar geti unn-
ið gullið?
„Við þurfum að gera eins vel
og við getum og aðrir þurfa að
gera ekki eins vel og þeir geta.
Þetta er bara spurning um að hitta
rétta daginn þar sem allt gengur
upp. Getan er til staðar. Það er
ekki spurning. Hausinn er líka í
lagi þannig að það getur allt
gerst,“ sagði Guðmundur Þór.
henry@frettabladid.is
30 22. ágúst 2004 SUNNUDAGUR
ÚR ÍÞRÓTTAHEIMINUM
Matthew Pin-sent vann sín
fjórðu gullverðlaun í
röð á Ólympíuleik-
unum þegar breska
liðið sigraði í ferær-
ingi. Bretar og
K a n a d a m e n n
komu, að því er virtist, hnífjafnir í
mark og þurftu dómarar að styðjast
við myndbandsupptöku af atvikinu
til að skera úr um hverjir hrepptu
gullið. Gríðarleg fagnaðarlæti brut-
ust út meðal Breta þegar úrslitin
voru tilkynnt en Kanadamenn voru
skiljanlega svekktir að sjá á eftir
fyrsta sætinu.
Búið er að víkjaþremur dómur-
um fimleikakeppn-
innar á Ólympíu-
leikunum úr starfi.
Það var Alþjóðafim-
l e i k a s a m b a n d i ð
sem tók þessa
ákvörðun eftir að Suður-Kóreumenn
höfðu kært störf dómara í fjölþraut
karla. Gáfu dómararnir kóreskum
keppanda of fá stig sem varð til þess
að Bandaríkjamaðurinn Paul Hamm
fór með sigur af hólmi. Með þessu
viðurkennir fimleikasambandið að
dómararnir hafi gert mistök en úrslit
fjölþrautarkeppninnar munu þó
standa óbreytt.
Franska kvennalandsliðið í hand-bolta er komið í 8 liða úrslit eftir
að hafa lagt lið Angóla að velli, 29-
21. Frakkar komust í 10-2 á fyrstu
fimmtán mínútum leiksins og höfðu
sex marka forystu í hálfleik.
Pecqueux Rolland var markahæst í
franska liðinu með átta mörk. Lið
Angóla eygir enn möguleika á að
komast í úrslitin en það er að duga
eða drepast fyrir liðið í síðasta leik
undankeppninar, gegn Dönum á
morgun.
Landslið Nýja-Sjá-lands í
körfuknattleik kom
firnasterku liði
Argentínumanna í
opna skjöldu í fjör-
ugum leik þar sem
hinir síðarnefndu
báru sigur úr býtum, 98-94. Luis Al-
berto Scola, miðherja Argentínu-
manna, fannst mótspyrna Nýsjá-
lendinga skemmtileg. „Liðið kom
skemmtilega á óvart og sýndi að
maður á aldrei að vanmeta and-
stæðing sinn. Leikmenn liðsins léku
af mikilli tilfinningu og við náðum
sem betur fer að halda einbeiting-
unni og halda fengnum hlut. Við
erum ánægðir með að vera komnir í
átta liða úrslit,“ sagði Scola og bætti
við að keppnin hefði verið með
skemmtilegasta móti.
Allt bendir til aðþ j á l f a r i n n
Christos Tsekos
beri ábyrgð á lyfja-
misnotkun grísku
spretthlauparanna
Kostas Kenteris og
Katerinu Thanou,
sem eru talin hafa
sviðsett bílslys til að sleppa við lyfja-
próf. Alls fannst 641 kassi af efedríni
í skemmu sem Tsekos notaði til æf-
inga. Málið er litið mjög alvarlegum
augum í Grikklandi.
Ætla að vera inni á topp tíu
Jón Arnar Magnússon hefur keppni í tuþrautinni í Aþenu í dag.
ÓLYMPÍULEIKAR Tugþrautarkappinn
Jón Arnar Magnússon er mættur
til Aþenu og hann hefur keppni í
tugþrautinni í dag. Jón Arnar er
kominn á seinni stig síns ferils og
Ólympíuleikarnir í Aþenu verða
hans síðustu leikar. Það var gott
hljóð í Jón Arnari þegar við hittum
hann í blíðunni í Ólympíuþorpinu.
„Ég er í mjög fínu standi. Ég
hef ekkert verið meiddur í langan
tíma, sem er alveg frábært. Það er
mikill kostur að geta loksins mætt
á mót án þess að vera að glíma við
einhver meiðsli,“ sagði Jón Arnar
en hann mætti síðast á stórmót al-
gjörlega heill heilsu árið 1998
þannig að það var kominn tími á að
lukkan léki aðeins við hann. „Það
fór heldur betur að halla undan
fæti eftir það,“ sagði Jón Arnar
kíminn.
Alls taka 42 keppendur þátt í
tugþrautinni og Jón Arnar hefur
sett sér skýr markmið fyrir leik-
ana. „Ég væri mjög ánægður með
tíunda sætið og tel það vera raun-
hæft. Allt fyrir ofan það væri síð-
an bónus,“ sagði Jón Arnar, sem
hefur átt í nokkrum vandræðum
með klára þrautir á stórmótum
síðustu ár.
Ætli eitt af takmörkunum í Aþ-
enu sé að komast loks í gegnum
heila þraut? „Það hefur verið helst
út af þessum blessuðu meiðslum
sem hafa alltaf verið að spilla
fyrir. Nú er ekkert þannig í gangi
og það er í rauninni ekkert mál að
klára þraut þegar maður er heill
og því stefni ég ótrauður á að
klára þetta mót,“ sagði Jón Arnar,
sem er ánægður með hvernig
undirbúningur fyrir mótið hefur
gengið.
„Æfingarnar hafa gengið rosa-
lega vel, þetta hefur allt verið að
koma núna síðustu vikuna svo að
þetta lítur bara vel út.“
Eins og áður segir verða þetta
síðustu ólympíuleikar Jóns Arnars
en hann er samt ekkert á því að
hætta strax öllu sprikli. „Ef mér
gengur vel núna kemst ég inn á
EM innanhúss og það væri gaman
að taka það því mér hefur alltaf
gengið vel á innahússmótunum.
Eftir það fer ég kannski aðeins að
slaka á,“ sagði Jón og brosti breitt.
Eins og svo oft áður er Jón
Arnar búinn að safna myndarlegu
skeggi fyrir stórmót. Eftirminni-
legt er þegar hann litaði skeggið í
íslensku fánalitunum á ÓL í
Atlanta 1996 en ætlar hann að
endurtaka leikinn núna? „Nei, það
var svo helvíti vont á bragðið að
ég geri það ekki aftur. Ég mun
annað hvort mæta til leiks með
þetta skegg eða ég raka allt af.
Bæði skeggið og hárið. Það er
aldrei að vita hverju ég tek upp
á,“ sagði Jón Arnar Magnússon
glaðbeittur.
henry@frettabladid.is
6952 STIG HJÁ KLÜFT Hin sænska
Caroline Klüft vann glæsilegan sigur.
LÉTTUR Á ÞVÍ Jón Arnar Magnússon er sáttur við það að vera laus við öll meiðsli fyrir
tugþrautarkeppnina á Ólympíuleikunum í Aþenu en hún hefst í dag.
RÚNAR KEPPIR UM GULLIÐ Í KVÖLD Rúnar Alexandersson keppir til úrslita á bogahesti í kvöld á Ólympíuleikunum í Aþenu en hann
er í átta manna úrslitum eftir frábærar æfingar í undankeppninni. Hér sést hann í æfingum sínum á tvíslánni.
Stefni á að vinna gullið
Rúnar Alexandersson er hvergi smeykur fyrir úrslitakeppnina á bogahesti sem fer fram í kvöld.
Frjálsíþróttakeppni Ólympíuleikanna í Aþenu byrjuð:
Klüft vann yfirburðasigur
Bandaríska draumaliðið:
Enn eitt tapið
ÓLYMPÍULEIKAR Bandaríska körfu-
boltalandsliðið, svonefnt drauma-
lið, tapaði með fjórum stigum
fyrir Litháen í gær, 94-90, eftir að
hafa lengstum haft forustuna í
leiknum.
Litháar skoruðu 13 þrista í
leiknum og fyrirliði þeirra
Sarunas Jasikevicius skoraði 7
þeirra og alls 28 stig. Richard
Jefferson skoraði mest, 20 stig,
fyrir bandaríska liðið og Tim
Duncan kom næstur með 16 stig.
Litháar hafa unnið alla fjóra
leiki sína á leikunum en Banda-
ríkjamenn eru í 3. sæti í riðlinum
með tvo sigra og tvö töp.
Michael Phelps:
Átta verðlaun
ÓLYMPÍULEIKAR Bandaríski sund-
maðurinn Michael Phelps skráði
nafn sitt á spjöld sögunnar með
því að verða fyrsti sundmaðurinn
til þess að vinna átta verðlaun á
einum og sömu leikunum.
Phelps vann áttundu verðlaun
sín og sjötta gullið þó án þess að
keppa þegar félagar hans í boð-
sundssveitinni unnu 4x100 metra
fjórsund. Phelps keppti með í
undanrásum og fær því gull.
Phelps vann fjögur einstak-
lingsgull sem er met, 2 brons og
svo 2 gull með boðsveitum
Bandaríkjanna. Hann ætlaði sér
þó að vinna átta gull en tókst ekki.
FR
ÉT
TA
B
LA
Ð
IÐ
/T
EI
TU
R
FR
ÉT
TA
B
LA
Ð
IÐ
/T
EI
TU
R
50-51 (30-31) sport sun 21.8.2004 20:58 Page 2