Fréttablaðið - 22.08.2004, Blaðsíða 62

Hvernig ertu núna? Þreytt en glöð.
Hæð: 1.71 (eða því held ég fram).
Augnlitur: Grágrænn.
Starf: Verkefnisstjóri viðburða hjá Höfuð-
borgarstofu.
Stjörnumerki. Tvíburi.
Hjúskaparstaða: Í sambúð.
Helstu afrek: Það nýjasta var í gær.
Helstu veikleikar: Þolinmæði og léttlyndi.
Helstu kostir: Þolinmæði og léttlyndi.
Uppáhaldssjónvarpsþáttur: Fréttir og
Kastljós.
Uppáhaldsmatur: Kínverskur réttur með
nautakjöti og hrísgrjónum sem maðurinn
minn býr til. Gæti borðað hann í öll mál.
Uppáhaldsveitingastaður: 101.
Uppáhaldsborg: Reykjavík – augljóslega.
Uppáhaldsíþróttafélag: Þetta er snúið.
Mestu vonbrigði lífsins: Ég man í alvöru
ekki eftir neinum í svipinn.
Áhugamál: Skemmtilegt fólk.
Hvað ætlaðir þú að verða þegar þú yrðir
stór? Leikkona og rithöfundur.
Skelfilegasta lífsreynslan: Þegar mér var
skipað úr lest á Interrail-ferðalagi um
miðja nótt.
Hver er kynþokkafyllstur? Men in uni-
form.
Trúir þú á álfa? Aldrei hitt neinn – held
ég.
Hvaða dýr myndir þú helst vilja vera?
Einhver fugl með stórt og mikið vænghaf.
Áttu gæludýr? Já.
Besta kvikmynd í heimi: Casablanca.
Besta bók í heimi: Ódauðleikinn eftir
Kundera.
Næst á dagskrá: Samgönguvika og bíl-
lausi dagurinn í september.
Skipuleggur MenningarnæturBakhliðin
Á SIF GUNNARSDÓTTUR
Sýningin Draught/Trekkur sem er
samsýning tólf breskra listamanna
var opnuð í Græna sal KlinK og
BanK í gær. Sem forskot á sæluna
var boðið til foropnunar á föstu-
daginn og mætti þar fjöldi manns.
Meðal gesta var Dorrit Moussaieff
og lét hún vel af því sem bar fyrir
augu. Þeir sem eiga verk á sýning-
unni eru þau Ólöf Björnsdóttir,
sem hafði milligöngu um sýning-
una, Patricia Ellis, Vinita Hassard,
Ulli Knall, Tonico Lemos Auad,
Cedar Lewisohn, Goska Macuga,
Caroline McCarthy, Eline Mc-
George, Jeroen Offerman, Saki
Satom, David Waterworth og Neil
Zakiewicz. Allir listamennirnir
hafa sýnt verk sín víðs vegar um
heim, en búa og starfa í London,
fyrir utan Jeroen Offerman sem
býr nú í Hollandi.
Í tilefni sýningarinnar mun
Marcus Verhagen listfræðingur
halda fyrirlestur í KlinK og BanK
klukkan 16 í dag um sýninguna.
Veislu dagsins lýkur ekki með
þeim fyrirlestri því kletschmer-
hljómsveitin Schpilkas, með þeim
Hauki Gröndal og Helga Sv. Helga-
syni, mun halda tónleika í KlinK og
BanK í kvöld klukkan 21.30. ■
Trekkur breskra listamanna
SIF BJÖRNSDÓTTIR, NÍNA MAGNÚS-
DÓTTIR ÓLÖF BJÖRNSDÓTTIR
OG DORRIT MOUSSAIEFF
Verk tólf breskra listamanna eru nú til sýnis í
Græna sal KlinK og BanK gallerí í Brautarholti.
22. ágúst 2004 SUNNUDAGUR
Söngskóli fyrir allar konur
Skólastjóri Margrét J. Pálmadóttir
Innritun frá 23. ágúst kl. 15 –19
virka daga
Kennsla hefst 13. september
Einsöngsdeild Allir aldurshópar
Unglingadeild 12 -17 ára
Stakir söngtímar (karlar velkomnir!)
tónfræði – tónlistarsaga - undirleikur
Stúlknakór Reykjavíkur
Kór I syngjandi forskóli Stúlkur fæddar ´97-´99
Kór II Stúlkur fæddar ´92-´96
Kór III Stúlkur fæddar ´87-´91
Kórskóli kvenna Undirbúningsdeild kór/einsöngur
Gospelsystur Reykjavíkur Inntökupróf 8. sept. kl. 16-19
Vox Feminae Inntökupróf 8. sept. kl. 16-19
Domus Vox ehf. Skúlagata 30,101 Reykjavík.
Sími 511-3737 Fax 511-3738
www.domusvox.is netfang: domusvox@domusvox.is
■ VEISTU SVARIÐ?
Svör við spurningum á bls. 6
1
3
2
The Velvet Underground.
Nærri þriðjungur þjóðarinnar.
Birkifeti.
Örlögin höguðu því þannig að ég
mætti örlítið of seint á tónleika Lou
Reed. Það er að segja að ég gekk
seinna inn í salinn en hann. Hafði
verið fyrir utan að bíða eftir félög-
um mínum og lent á spjalli við hina
og þessa, án þess að hafa neinar
áhyggjur af því að kappinn væri
byrjaður. Það var kannski merki
þess að ég var ekkert sérstaklega
spenntur. Hitti strák fyrir utan sem
vann við það að redda Lou Reed
kræsingum baksviðs. Hann sagði
mér að Lou hefði heimtað að fá kaffi
frá Starbucks og ekkert annað. Til
allrar lukku var hægt að tala flug-
freyju frá Flugleiðum til þess að
kippa því með sér frá New York.
Hvernig þau héldu því heitu allan
þennan tíma er mér hins vegar
hulin ráðgáta.
Þegar ég svo gekk inn í Höllina
var ekki hægt að heyra að hann
væri byrjaður. Tónlistin var það
lágstemmd að hún heyrðist varla
frammi. Reed þykir greinilega
vænt um hljóðhimnur okkar.
Pollrólegur rokkhundur
Mætingin var góð, gott ef það var
bara ekki uppselt. Það fyrsta sem
ég tók eftir þegar ég gekk í salinn
var það að Lou hafði látið setja upp
tvo stærðarinnar skerma við sitt
hvorn enda sviðsins. Þetta er í
fyrsta sinn sem ég sé það í Laugar-
dalshöll og það svínvirkaði.
Þegar ég tók viðtal við Lou Reed
fyrir nokkrum vikum síðan sagði
hann mér að hann eyddi minnst
tveimur klukkustundum á dag í að
hugleiða. Það útskýrir kannski
hversu afslappaður hann er? Get
ekki ímyndað mér að þessi maður
missi nokkurn tímann stjórn á skapi
sínu. Ja, nema kannski þegar hann
fær ekki kaffi frá Starbucks?
Lou Reed renndi sér í gegnum
lögin eins og ekkert væri auðveld-
ara. Allir slógu mjög létt á hljóðfæri
sín og í lágstemmdustu köflunum
var vel hægt að tala við næstu
manneskju við hliðina án þess að
þurfa hækka málróminn. Lou virtist
sæll og glaður.
Stemningin yfir hjómsveitinni
var eins og hún væri nýkomin úr
tveggja tíma gufubaði. Allir svo
nettir á því og skælbrosandi að þeir
smituðu vellíðan út frá sér. Þetta
voru ekki tónleikar sem ýttu undir
bjórdrykkju eða partístand. Betra
hefði verið að raða upp Lazyboy-
stólum á gólf Hallarinnar og leyfa
fólki að sökkva í sófann og njóta
innri kyrrðar Lou og félaga. Aldrei
hafa stúkumiðar í Laugardalshöll
verið jafn verðmætir. Þessi ró bitn-
aði örlítið á flutningnum, því lögin
hefðu stundum mátt vera flutt af
meiri innlifun.
Ég ætla ekki að þykjast þekkja
nýrra efni Lou og það var kannski
þess vegna sem ég átti oft erfitt
með að tengja. Ég hafði gaman af
því hvernig hann endurútsetti nokk-
ur af eldri lögum sínum, sérstak-
lega var flott útgáfan af Velvet Und-
erground-laginu Venus in Furs. Þar
fékk sellóleikarinn að njóta sín með
nokkurra mínútna löngu sólói. Gott
ef ég fann ekki fyrir smá vott af
gæsahúð renna upp eftir bakinu á
því augnabliki.
Bestu lögin geymd fyrir
uppklappið
Önnur eldri lög voru flutt á þreytt-
ari hátt. Rödd Lou hljómar náttúr-
lega frá náttúrunnar hendi eins og
kappinn hafi verið vakandi í 10
daga. Mér finnst það heillandi, en
ég get ómögulega skilið af hverju
hann getur bara ekki sungið söng-
línurnar eins og þær eru á plötun-
um. Þær eru mun fallegri en þeir
útúrdúrar sem hann fer stöðugt í.
Þetta eyðilagði t.d. þá ánægju að
heyra hann flytja lagið Sweet Jane.
Lou er stórkostlegur laga- og texta-
höfundur en ég verð að viðurkenna
að oftast hef ég heillast meira af
lögum hans þegar aðrir en hann
flytja þau. Útgáfa Cowboy Junkies
af Sweet Jane er miklu betri en
hans eigin, og þá fær lagið fyrst að
njóta sín.
Lou var betri eftir uppklapp og
þá færðist örlítið meira fjör í leik-
inn, en bara örlítið. Þá skellti hann
sér í slagarana. Byrjaði á Satellite
of Love og fór svo beint í hið stór-
kostlega lag Perfect Day. Áhorfend-
ur tóku undir, og þá leið mér fyrst
eins og ég væri á tónleikum með
stórstjörnu.
Í seinna uppklappi renndi Reed
svo í Walk on the Wild Side og áhorf-
endur virtust fara sáttir heim.
Ég var þó nokkuð langt frá því að
vera heillaður upp úr skónum þó
svo að þetta hafi verið ágætis tón-
leikar. Lou tókst þó að drekkja öll-
um krafti mínum og ég fór bara
heim að sofa.
Birgir Örn Steinarsson
■ MYNDLIST
FR
ÉT
TA
B
LA
Ð
IÐ
/R
Ó
B
ER
T
[ TÓNLEIKAR ]
UMFJÖLLUN
Lou Rítalín?
LOU REED
LAUGARDALSHÖLL, FÖSTUDAGINN 20. ÁGÚST
FR
ÉT
TA
B
LA
Ð
IÐ
/S
TE
FÁ
N
62-63 (42-43) fólk aftasta 21.8.2004 21:11 Page 2