Fréttablaðið - 25.08.2004, Blaðsíða 10
25. ágúst 2004 MIÐVIKUDAGUR
Tímamót:
Frelsi Parísar
fagnað
PARÍS, AP Frakkar fögnuðu í gær að
60 ár eru liðin síðan París var
frelsuð úr haldi Þjóðverja. Af því
tilefni reyndu menn að draga lær-
dóm af stríðinu.
AP fréttastofan ræddi við tugi
hermanna og andspyrnumanna
sem voru í París árið 1944 og
sáttatónn var í þeim öllum. Þeir
segja að þeim hafi orðið ljóst
fyrir löngu að það yrði að leggja
allan ágreining við fjandvini til
hliðar og vinna að friði í álfunni.
Frakkland og Þýskaland eru tvö
öflugustu samstarfsríkin í
Evrópusambandinu í dag.
Litlu mátti muna að París hefði
verið sprengd í loft upp þegar
ljóst var að Þjóðverjar bæru
lægri hlut. ■
Ekki stendur til
að breyta kerfinu
Sjávarútvegsráðherra sér það í hendi sér að sértækar aðgerðir komi niður á
þeim sem ekki njóta þeirra. Hann segir að líta verði til þess að slíkar aðgerð-
ir kunni að skapa sátt um kerfið og því styrkja stöðu sjávarútvegsins í heild.
SJÁVARÚTVEGUR Árni M. Mathiesen
sjávarútvegsráðherra segir að ekki
komi til greina að fella niður út-
flutningsálag á kvóta. Hann segist
þó sjá það í hendi sér að sértækar
aðgerðir, eins og útflutningsálag,
byggðakvóti og línuívilnun bitni á
byggðarlögum sem ekki njóti slíkra
aðgerða.
Bæjarstjórinn í Vestmannaeyj-
um, Bergur Ágústsson, heldur því
fram að sértækar aðgerðir í sjávar-
útvegsmálum hafi kostað Eyja-
menn um fjögur hundruð milljónir
á síðustu tveimur árum og yfir
milljarð sé litið lengra aftur í tím-
ann.
„Það er eðli aðgerða eins og
byggðakvóta og línuívilnunar að
það er verið að taka úr hinum al-
menna potti og úthluta á sértækan
hátt. Þar af leiðandi tapa þeir sem
ekki njóta sértækrar úthlutunar
eða ívilnunar. Ég hef ekki reiknað
þetta út fyrir byggðarlögin og veit
ekki hvað þeir eru með inni í þess-
um útreikningum og hvort þeir eru
réttir,“ segir Árni um staðhæfingar
bæjarstjórans.
Hann segist hins vegar sjá í
hendi sér að áhrif sértækra að-
gerða geti verið á þá lund sem
Bergur lýsir en veit ekki hvort þær
komi verr niður á einu byggðarlagi
umfram annað. Árni bendir hins
vegar á að réttlæting hinna
sérstæku aðgerða sé meðal annars
fólgin í því að skapa meiri sátt um
fiskveiðistjórnunarkerfið og auka
þannig stöðugleika í rekstrarum-
hverfinu.
„En ástæða aðgerðanna er sú að
menn telja að þær styrki kerfið í
heild sinni og auki sátt um kerfið.
Þannig að staða þeirra sem eru í al-
mennu úthlutuninni er öruggari og
tryggari. Jafnvel þótt einhverjir
geti reiknað þetta á þennan hátt þá
gæti vel verið að það hefðu aðrir og
verri hlutir getað gerst,“ segir
Árni.
Um útflutningsálagið, sem leg-
gst á fisk sem fluttur er ferskur á
markaði í útlöndum, segir Árni að
ekki standi til að endurskoða það
fyrirkomulag. „Enda er það mjög
gagnrýnt hversu mikið er flutt úr
landi af óunnum fiski og að ekki sé
skylt að bjóða upp allan fisk innan-
lands áður en hann fer úr landi. Það
er auðvitað dálítið mismunandi eft-
ir verstöðvum hversu mikið er flutt
óunnið úr landi og það getur vel
verið að Vestmannaeyjar séu þar
ofarlega á blaði,“ segir Árni M.
Mathiesen.
thkjart@frettabladid.isSMS LEIKUR
HALLE BERRY ER
Viltu miða?
Vinningar verða afhenTir hjá BT Smáralind. Kópavogi.
Með því að taka þátt ertu kominn í SMS klúbb. 99 kr/skeytið
Sendu SMS skeytið BT CAT á númerið
1900 og þú gætir unnið.
9. hver vinnur.
Vinningar eru:
Miðar á myndina · Catwoman tölvuleikir
DVD myndir · Margt fleira.
Sjáðu myndina
Spilaðu leikinn
Sprengjutilræði við ráðherra:
Misstu
marks
BAGDAD, AP Menntamálaráðherra
Íraks slapp ómeiddur úr
sprengjutilræði í úthverfi
Bagdads í gærmorgun. Einn mað-
ur lést í tilræðinu, sem beindist
gegn bílalest ráðherrans, og tveir
aðrir slösuðust.
Svo vildi til að Sami Mudhafar
menntamálaráðherra var ekki í
bílalestinni þegar sprengjan
sprakk í vegarkanti í vesturhluta
höfuðborgarinnar. Var bílalestin á
leið heim til ráðherrans að sækja
hann. Sá sem lést í sprengingunni
var lífvörður ráðherrans. ■
HÆFÐU EKKI SKOTMARKIÐ
Lífvörður menntamálaráðherra Íraks lést í sprengjutilræði sem beindist gegn ráðherran-
um. Sprengja sprakk í vegarkanti þegar bílalest ráðherrans fór hjá og lagði eina bifreiðina
í rúst eins og sjá má.
M
YN
D
A
P
PARÍS FRJÁLS
Frakkar fögnuðu Bandarískum hermönnum þegar þeir komu til Parísar í ágúst árið 1944.
ÁRNI M. MATHIESEN
Sjávarútvegsráðherra telur að þótt sértækar aðgerðir í sjávarútvegi kunni að bitna á viss-
um byggðarlögum þá liggi stærri hagsmunir í því að skapa sátt um kerfið í heild.