Fréttablaðið - 28.08.2004, Blaðsíða 2
2 28. ágúst 2004 LAUGARDAGUR
Viðskipti Burðaráss og Orra:
Viðunandi en skulda skýringu
VIÐSKIPTI Viðskipti Orra Vigfússonar
og Burðaráss með ríflega fimm pró-
senta hlut í Íslandsbanka voru undir
núverandi gengi bankans. Viðskipt-
in voru gerð upp á grundvelli fram-
virks samnings frá því í febrúar.
Það þýðir að yfir tímabilið bar
Burðarás gengisáhættuna af bréf-
unum en ekki Orri eins og ætla
mátti. Þetta kemur fram í nýrri til-
kynningu sem send var Kauphöll-
inni eftir að gerð hafði verið at-
hugasemd við skort á upplýsing-
um. Helgi Magnússon er einnig
með samning um hátt í átta pró-
senta hlut í Íslandsbanka við
Landsbankann þar sem Landsbank-
inn ber gengisáhættu.
„Það er niðurstaða okkar af við-
ræðum við aðila að upplýsingarnar
séu viðunandi,“ segir Þórður Frið-
jónsson, forstjóri Kauphallar Ís-
lands. „Það er hins vegar alveg
ljóst að það eru atriði í kringum
þennan samning sem markaðurinn
skilur ekki og eru mjög óvenjuleg-
ar. Þeim hefur ekki tekist að koma
því til skila til markaðarins að
þetta sé byggt á fullkomlega eðli-
legum viðskiptalegum forsendum.
Það væri í þágu markaðarins ef að-
ilum málsins tækist að skýra þetta
með nægjanlega skilmerkilegum
hætti svo að markaðurinn skynji
þessa viðskiptahætti sem eðlilega
og heilbrigða.“ ■
Krefst aðgangs að
öllum gögnum
Helga Jónsdóttir krefst aðgangs að öllum gögnum félagsmálaráðherra
vegna skipunar í stöðu ráðuneytisstjóra. Hún fer einnig fram á rök-
stuðning fyrir valinu. Undrun og hneykslun meðal framsóknarmanna.
STÖÐUVEITING Helga Jónsdóttir borg-
arritari krefst aðgangs að öllum
gögnum hjá Árna Magnússyni fé-
lagsráðherra sem varða á einhvern
hátt mat hans eða ráðgjafa hans á
umsókn hennar um starf ráðuneyt-
isstjóra. Þá fer Helga fram á skrif-
legan rökstuðning Árna fyrir
ákvörðun hans um skipan í starfið.
Árni skipaði, sem kunnugt er,
Ragnhildi Arnljótsdóttur lögfræð-
ing í fyrradag.
Helga styður kröfu sína um rök-
stuðning ákvæði stjórnsýslulaga,
þar sem segir að aðili máls geti
krafist þess að stjórnvald rökstyðji
ákvörðun sína skriflega, hafi slíkur
rökstuðningur ekki fylgt ákvörðun-
inni þegar hún var tilkynnt. Sam-
kvæmt lögum hefur félagsmála-
ráðherra 14 daga til að skila rök-
stuðningi frá því að krafa berst.
„Frekari umfjöllun mín um mál-
ið bíður þess að ég fái rökstuðning
ráðherra í hendur,“ sagði Helga. en
hún á þann kost að kæra skipunina
til umboðsmanns Alþingis eða að
fara með hana beint fyrir dómstóla.
Undrun og hneykslan ríkir inn-
an raða framsóknarmanna eftir að
Árni kunngerði val sitt og skipan í
stöðuna, að því er fram kom í við-
tölum blaðsins í gær. Helga er af
grónum flokksættum og flokks-
bræður hennar sem blaðið ræddi
við voru á einu máli um að þeir
hefðu talið fullvíst að hún fengi
stöðuna, ekki síst í ljósi menntunar
og margþættrar reynslu af störf-
um í stjórnsýslunni.
„Ég varð afar undrandi þegar
ég heyrði þetta,“ sagði Sigrún
Magnúsdóttir, fyrrverandi borgar-
fulltrúi, um skipanina. „Jafnframt
vil ég segja að ég þekki þarna fjöl-
marga umsækjendur sem allir eru
afskaplega hæfir. En þegar ég sá
nafn Helgu meðal þeirra hugsaði ég
að ekki væri hægt að ganga fram
hjá slíkri manneskju.“
Aðrir viðmælendur blaðsins
tóku í sama streng og Sigrún.
Árni ræddi við þrjá umsækjend-
ur áður en hann valdi í starfið. Þeir
voru Helga, Ragnhildur og
Hermann Sæmundsson sem gegnt
hefur starfi ráðuneytisstjóra í
félagsmálaráðuneytinu um nokkurt
skeið.
„Þetta er niðurstaða sem liggur
fyrir og ég tek henni eins og hún
liggur fyrir,“ sagði Hermann. Hann
var skrifstofustjóri í félagsmála-
ráðuneytinu áður en hann var settur
ráðuneytisstjóri, tímabundið.
„Það liggur beint við að taka það
starf aftur en það kunna að vera
fleiri valkostir sem ég er að fara
yfir,“ sagði Hermann og kvaðst
sætta sig við að hafa ekki fengið
starfið.
jss@frettabladid.is
Bandaríkjamenn í Írak:
Gera árás
á Fallujah
ÍRAK, AP Bandaríski herinn varpaði
að minnsta kosti tveimur sprengj-
um í austurhluta írösku borgarinn-
ar Fallujah í gær, að sögn vitna.
Bandaríski herinn hefur ekki tjáð
sig um atvikið.
Talsmenn hers bandamanna í
Írak telja að andófsmenn og skæru-
liðar leiti sér skjóls í borginni.
Bandaríski herinn sat um borgina í
þrjár vikur í apríl en lét öryggismál
í hendurnar á íröskum hersveitum.
Síðan þá hefur herinn skotið flug-
skeytum úr fjarlægð að skotmörk-
um. Á miðvikudaginn féllu fjórir í
árásum Bandaríkjamanna en þeir
segjast hafa ráðist á skæruliða. ■
ALAN GREENSPAN
Segir Bandaríkin verða að skera niður áður
en það verður um seinan.
Alan Greenspan
um félagskerfið:
Brýnt að
skera niður
sem fyrst
BANDARÍKIN, AP Alan Greenspan,
seðlabankastjóri Bandaríkjanna,
segir að Bandaríkin verði að taka
erfiðar ákvarðanir með litlum
fyrirvara ef þingið sker ekki nið-
ur í félagsmálakerfinu og heil-
brigðisgeiranum.
Greenspan segir það rangt af
ríkinu að lofa meiri eftirlaunum
en það getur borgað. Hann sagði
málið vera sérstaklega mikilvægt
um þessar mundir því kynslóðirn-
ar sem fæddust fyrstu tvo áratug-
ina eftir stríð voru sérstaklega
fjölmennar og fara bráðum á
eftirlaun.
Greenspan hefur meðal annars
lagt til að eftirlaunaaldur verði
hækkaður úr 65 ára aldri í 67 ár. ■
Nei, við erum bara að leyfa þeim að
njóta þess með okkur sem við eigum.
Það er hvergi betra vatn en í Hafnarfirði.
Lúðvík Geirsson er bæjarstjóri í Hafnarfirði en
Hafnfirðingr mun sjá Garðbæingum fyrir vatni
þegar illa árar í vatnsbúskap þeirra síðarnefndu.
SPURNING DAGSINS
Lúðvík, eruð þið að ná algeru tangar-
haldi á nágrönnum ykkar?
AÐ STÖRFUM
Flugmenn Landhelgisgæslunnar eiga eftir
að kjósa um undirritaða kjarasamninga.
Verði þeir samþykktir gilda þeir til 2007.
Landhelgisgæslan:
Laun hækka
KJARAMÁL Samningsnefnd flug-
manna Landhelgisgæslunnar hafa
gengið frá kjarasamningi við fjár-
málaráðuneytið hjá ríkissátta-
semjara. Samningurinn gildir til
ársloka 2007 hljóti hann samþykki
níu flugmanna Gæslunnar.
Örnólfur Jónsson, formaður
samningsnefndarinnar, segir við-
ræður hafa dregist vegna sumar-
leyfa en nú eigi aðeins eftir að
ganga frá samningum flugmanna
Flugskóla Íslands. Niðurstaða
samninganna sé trúnaðarmál. ■
MARKAÐURINN VILL MEIRA
Þórður Friðjónsson, forstjóri Kauphallar Ís-
lands, segir að þrátt fyrir betrumbætta til-
kynningu hafi Orra Vigfússyni og Burðarási
ekki tekist að sannfæra markaðinn um að
viðskiptahættirnir séu eðlilegir og heilbrigðir.
HELGA JÓNSDÓTTIR
Krefst gagna og rökstuðnings frá félagsmálaráðherra.
STÖÐUVEITING „Ábyrgðin er mín og
það er mitt mat að Ragnhildur
hafi staðið fremst af þeim þremur
umsækjendum sem kallaðir voru
til viðtals vegna starfs ráðuneyt-
isstjóra,“ sagði Árni Magnússon
félagsmálaráðherra um val sitt í
starfið. Hann sagði að þótt engin
skylda hefði borið til, hefði ráðn-
ingarstofan Mannafl verið fengin
til að leggja mat á hæfi umsækj-
enda. Hún hefði komist að þeirri
niðurstöðu, að þeir sex sem eftir
stóðu, eftir að einn umsækjenda
hafði dregið umsókn sína til baka,
væru vel hæfir en þrír hæfastir.
„Þegar ég var búinn að fara
yfir það sem fólk hefur skrifað,
gert og sagt í viðtölum, auk hlið-
sjónar af þeim verkefnum sem
framundan eru í ráðuneytinu, svo
og mannlegum samskiptum og
öðru sem hafa þarf í huga og taka
með inn í svona ákvörðun, þá er
það mín niðurstaða að Ragnhildur
standi fremst.“
Spurður hvort þau ummæli
sem látin hefðu verið falla undan-
farna daga í röðum framsóknar-
manna, að yngri menn í flokknum
ýttu eldri reynsluboltum út í horn
eða settu fólk á „dauðalistann“,
væru að sannast þarna svaraði
Árni: „Ég kannast ekkert við þess-
ar lýsingar sem þarna eru uppi.
Ég sé ekki hvað þær koma þessu
máli við. Helga er mikil ágætis
kona. Ég veit ekki til þess að hún
hafi komið nálægt stjórnmálum í
langan tíma og skil því ekki hvers
vegna menn eru að reyna að teng-
ja þetta flokkspólitík.“ ■
Félagsmálaráðherra um stöðuveitinguna:
Segir Ragnhildi hæfasta
FÓRNARLAMB HRYÐJUVERKA
Björgunarstarfsmenn bera lík fórnarlambs
sprengjutilræðisins af vettvangi.
Rússland:
Allt bendir til
hryðjuverks
MOSKVA, AP Leifar af sprengiefni
fundust í annarri af tveimur rúss-
neskum farþegaflugvélunum sem
hröpuðu nánast samtímis í áætl-
unarflugi í vikunni. Tsjetsjenskir
hryðjuverkamenn hafa lýst til-
ræðinu á hendur sér.
Rússnesk yfirvöld hafa viljað
láta lítið gera úr möguleikanum á
hryðjuverkum þegar flugvélarnar
hröpuðu og kostuðu 89 manns líf-
ið. Yfirvöld hafa fullyrt að ráðin
hafi verið bót á óeirðum í
Tsjetsjeníu.
En í síðustu viku létust yfir
þrjátíu manns þegar árásir voru
gerðar á lögreglu- og slökkviliðs-
stöðvar í höfuðborg Tsjetsjeníu.
Þannig komi önnur árás uppreisn-
armanna sér illa fyrir forseta-
kosningar í Tsjetsjeníu. ■
FR
ÉT
TA
B
LA
Ð
IÐ
/V
IL
H
EL
M
FÉLAGSMÁLARÁÐHERRA
„Ábyrgðin er mín.“
M
YN
D
A
P
DRENGUR FÉKK HÖFUÐHÖGG
Drengur á fjórtánda ári hlaut höf-
uðhögg í fótboltaleik á Akranesi
og var fluttur með sjúkrabíl til
Reykjavíkur þar sem teknar voru
myndir af höfði hans. Drengurinn
var að spila í úrslitakeppni fjórða
flokks í knattspyrnu.
ÓK OF HRATT ÁN ÖKULEYFIS
Ungur ökumaður sem er rétt
ókominn með bílpróf var tekinn á
121 kílómetra hraða á Ólafsfjarð-
arvegi þar sem hann var á leið
frá Akureyri til Dalvíkur.
BJÖRN BJARNASON
Dómsmálaráðherra skipar í stöðu hæsta-
réttardómara.
Hæstiréttur:
Fimm sækja
um stöðuna
HÆSTIRÉTTUR Umsóknarfrestur um
stöðu hæstaréttardómara rann út
á miðnætti en áður en
Fréttablaðið fór í prentun í
gærkvöld staðfestu fimm
einstaklingar að hafa sent inn um-
sókn sína. Það eru Allan V. Magn-
ússon, Eggert Óskarsson, Eiríkur
Tómasson, Hjördís Hákonardóttir
og Jón Steinar Gunnlaugsson.
Björn Bjarnason dómsmála-
ráðherra skipar í stöðuna en hann
var gagnrýndur af umboðsmanni
Alþingis og kærunefnd jafnréttis-
ráðs eftir síðustu stöðuveitingu
hæstaréttardómara fyrir að hafa
gengið framhjá tveimur núver-
andi umsækjendum, Eiríki og
Hjördísi. ■
■ LÖGREGLUFRÉTTIR