Fréttablaðið - 28.08.2004, Blaðsíða 12

12 28. ágúst 2004 LAUGARDAGUR
SLAPPAÐ AF
Rússneski dýfingakappinn Dimítrí
Dobroskok sést hér við keppni í dýfingum
af tíu metra palli á Ólympíuleikunum í
Aþenu. Af myndinni að dæma virðist hann
fara niður í mestu makindum.
Tryggingastofnun og tannlæknar:
Beingreiðslur
hafa tvöfaldast
HEILBRIGÐISMÁL Beingreiðslur
Tryggingastofnunar til tannlækna
hafa aukist hratt á síðustu árum.
Á síðustu fimm til sex árum hafa
þær tvöfaldast. Á síðasta ári
greiddi TR í fyrsta sinn meira en
helming af öllum greiðslum sín-
um vegna tannlækninga beint til
tannlækna, að því er fram kemur
á vefsíðu TR.
Að sögn Reynis Jónssonar yfir-
tryggingatannlæknis hefur TR
hvatt tannlækna, eins og lækna og
stjórnendur lyfjaverslana, til að
krefja Tryggingastofnun beint um
greiðslu á hluta trygginganna í
kostnaði og innheimta þá aðeins
af sjúklingum þann hluta reikn-
ings sem þeim ber að greiða.
Reynir segir ánægju ríkjandi með
viðbrögð tannlækna við þeirri ósk
að spara fólki sporin og fara fram
á beingreiðslu frá Trygginga-
stofnun. Stefnan sé sú að veita
viðskiptavinum sem besta og skil-
virkasta þjónustu. Liður í þeirri
viðleitni sé að greiða tannlækna-
reikninga beint til tannlækna til
að spara tryggðum einstaklingum
umstang við að sækja hlut trygg-
inganna til Tryggingastofnunar
eða umboða hennar. ■
Sýknaður af mann-
drápi af gáleysi
Þjóðverji var sýknaður af manndrápi af gáleysi þegar hann ók ölvaður og velti bíl á Krísuvíkur-
vegi í lok júlí síðastliðins. Vinnufélagi mannsins lést af áverkum sem hann hlaut í slysinu. Þótti
dómnum leika vafi á að maðurinn hefði sýnt af sér slíkt gáleysi að það nægði til sakfellingar.
DÓMSMÁL Fjörutíu og fjögurra ára
Þjóðverji var í Héraðsdómi
Reykjaness sýknaður af mann-
drápi af gáleysi þegar hann ók
ölvaður og velti bíl á Krísuvíkur-
vegi þann 24. júlí
síðastliðinn. Einn
farþeganna í bíln-
um lést af áverk-
um sínum fimm
sólarhringum eft-
ir slysið. Bílstjór-
inn var sakfelldur
fyrir ölvunarakst-
ur og sviptur öku-
réttindum í sex
mánuði.
Farbann sem
Þjóðverjinn var
úrskurðaður í
skömmu eftir
slysið rann út í
gær. Þegar dóm-
urinn var kveðinn
upp vildi ákæruvaldið fá það stað-
fest hjá manninum að verjanda
hans yrði heimilt að taka við
áfrýjun ef til hennar kæmi. Þjóð-
verjanum var einnig gert að
greiða sextíu þúsund króna sekt í
ríkissjóð innan fjögurra vikna ella
sæta fjórtán daga fangelsi. Hon-
um var einnig gert að greiða
fjórðung málsvarnarlauna verj-
anda síns.
„Ég er ánægður með að hann
skuli vera sýknaður af manndrápi
af gáleysi. Það var ekki hjá því
komist að hann fengi sekt fyrir
ölvunarakstur og sviptingu öku-
leyfis, það lá fyrir,“ segir Hilmar
Ingimundarson, verjandi Þjóð-
verjans, um dóminn. Hilmar segir
mikinn létti fyrir skjólstæðing
sinn að vera ekki dæmdur fyrir að
vera valdur að dauða samstarfs-
manns síns.
Í dómnum segir: „Þótt sú hátt-
semi ákærða að aka undir áhrif-
um áfengis sé bæði refsiverð og
ámælisverð verður eigi sakfellt
fyrir manndráp af gáleysi fyrir
það eitt og sér. Til þarf að koma
sönnun um beint orsakasamband
milli þess ástands ákærða að vera
undir áhrifum áfengis, slyssins og
afleiðinga þess þannig að rekja
megi slysið til þessa ástands
ákærða.“ Þykir leika vafi á að
hann hafi sýnt af sér slíkt gáleysi
við akstur þegar slysið varð að
það nægi til að dæma hann fyrir
manndráp af gáleysi. Litið er til
þess að ekkert bendi til of hraðs
aksturs heldur virðist sem hann
hafi misst vald á bílnum í beygju.
Þar var lausamöl og aðstæður erf-
iðar og ökumaðurinn var óvanur
þeim aðstæðum. Allir vafi kom
Þjóðverjanum í hag.
hrs@frettabladid.is
Alríkisdómstóll:
Bannað að
eyða fóstri
BANDARÍKIN, AP Bandarískur alríkis-
dómari hefur úrskurðað að bann við
fóstureyðingum, sem var lögbundið í
Bandaríkjunum í nóvember síðast-
liðnum, brjóti á stjórnarskrá landsins
því það gerir ekki ráð fyrir fóstureyð-
ingu ef heilsa konunnar er í tvísýnu.
Dómsins hafði verið beðið með
mikilli eftirvæntingu. Í rökstuðningi
sínum sagði dómarinn að hæstiréttur
hefði tekið af öll tvímæli um það að
bann gegn fóstureyðingum yrði að
fela í sér undantekningar af heil-
brigðisástæðum. Dómari í San
Francisco hafði þegar úrskurðað
bannið ólöglegt en tveir aðrir dómar-
ar eiga eftir að kveða upp úrskurð. ■
,,Hilmar
segir mik-
inn létti fyr-
ir skjól-
stæðing
sinn að
vera ekki
dæmdur
fyrir að
vera valdur
að dauða
samstarfs-
manns síns.
UTANRÍKISRÁÐHERRA
Leggur sérstaka áherslu á mikilvægi þess
að koma samstarfi og samráði Norður-
landa og Eystrasaltsríkjanna í fastari og
skilvirkari skorður.
Utanríkisráðherrar:
Samstarfið í
fastar skorður
UTANRÍKISMÁL Halldór Ásgrímsson
utanríkisráðherra leggur sérstaka
áherslu á mikilvægi þess að koma
samstarfi og samráði Norður-
landa og Eystrasaltsríkjanna í
fastari og skilvirkari skorður,
ekki síst hvað varðar skoðana-
skipti um viðeigandi málefni Evr-
ópusambandsins og Evrópska
efnahagssvæðisins.
Þetta kom fram í máli Halldórs
á árlegum samráðsfundi utanrík-
isráðherra Norðurlandanna og
Eystrasaltsríkjanna í Palanga í
Litháen. Á fundinum var meðal
annars fjallað um sameiginleg
hagsmunamál ríkjanna og al-
þjóðamál sem eru ofarlega á
baugi um þessar mundir. ■
Áhrif hlýindasumars:
Kjötfönn horfin úr Esju
VEÐURFAR Snjó hefur í sumar tekið
upp í Esjuhlíðum á stöðum þar
sem afar fátítt er að það gerist og
er snjór með öllu horfinn úr suð-
urhlíðum fjallsins fjórða árið í
röð. „Þetta gerðist líka árið 1999,
en þar áður hafði fönn líklega ekki
tekið upp í Gunnlaugsskarði hér
sunnan megin síðan árið 1964,“
segir Páll Bergþórsson, fyrrum
veðurstofustjóri. Hann segir fyrst
vitað til að fönn hafi tekið upp í
Gunnlaugsskarði árið 1929 en það
hafi endurtekið sig oft á hlýju ár-
unum á fjórða áratugnum.
Gísli Þórðarson, áhugamaður
um göngur í Esju, segir fönn nú
hafa tekið upp innst í Blikdal í
vestanverðu fjallinu þar sem heit-
ir Kjötfönn. Sagnir eru um fannir
sem sjaldan tekur upp. Ein slík
segir að taki upp fönn í Hrútagili í
norðurhlíðunum fylgi harður vet-
ur. Gísli segir þó draga úr þjóð-
trúnni að þá fönn hafi tekið upp
1939 og ágætur vetur fylgt á eftir.
Páll Bergþórsson telur að rekja
megi trúna á að harður vetur fylgi
góðu sumri aftur til 1880 þegar
gott sumar var á undan miklum
frostavetri. „Á kuldatímum getur
verið að komi hlý sumur þó hörkur
séu og kuldar norður í höfum. En ef
sjór er mjög hlýr norðurundan,
eins og núna, þá eru nær engar
líkur á að slíkar spár gangi eftir.“
Jón Magnússon lögmaður telur
að í sumar hafi fönn horfið úr Esju-
hlíðum rúmum mánuði fyrr en
venjulega. Hann segir þó smáræði
enn í norðurhlíðum fjallsins. ■
TANNLÆKNAR
Beingreiðslur Tryggingastofnunar til tann-
lækna hafa tvöfaldast á síðustu fimm til
sex árum.
BLIKDALUR Í VESTANVERÐRI ESJU
Á svonefndum Fossurðum í Blikdal er alla jafna stórfönn sem kallast Kjötfönn og tekur
nær aldrei upp. Nú ber svo við að allur snjór er úr Blikdal.
FR
ÉT
TA
B
LA
Ð
IÐ
/G
ÍS
LI
Þ
Ó
RÐ
AR
SO
N
SÝKNAÐUR AF MANNDRÁPI AF GÁLEYSI
Dómnum þótti leika vafi á að Þjóðverjinn hefði sýnt af sér slíkt gáleysi að það nægði til
sakfellingar. Aðstæður hefðu verið erfiðar þar sem slysið varð og ekkert benti til of hraðs
aksturs.
FR
ÉT
TA
B
LA
Ð
IÐ
/S
TE
FÁ
N