Fréttablaðið - 30.08.2004, Blaðsíða 4

4 30. ágúst 2004 MÁNUDAGUR
Ræningjarnir ófundnir:
Munch-ræningjar
tengdir við bankarán
NOREGUR Ekki hefur enn tekist að
upplýsa hverjir rændu málverkum
eftir Edvard Munch en rannsókn-
ardeild norsku lögreglunnar grun-
ar að sömu menn hafi framið
bankarán í Osló á síðasta ári sem
enn er óupplýst. Á fréttavef Verd-
ens gang kemur fram að ránin hafi
verið skipulögð með svipuðum
hætti og að ræningjarnir hafi beitt
sömu aðferðum til að hreinsa eftir
sig slóð og ummerki á flóttanum.
Einn eða fleiri menn biðu í stolnum
bíl fyrir utan ránsstaðinn í báðum
tilfellum og áður en ræningjarnir
skiptu um bifreið úðuðu þeir
flóttabifreiðina að innan með
slökkvitæki. Mennirnir voru vopn-
aðir sams konar byssum í báðum
ránunum og í bæði skiptin voru
undankomubílarnir skildir eftir í
botnlangagötu. Lögreglunni hafa
borist yfir 200 vísbendingar um
ránið á frægustu verkum norska
listamannsins Edvards Munch, Óp-
inu og Madonnu, en er óviss um
hver var að verki. Ópið er til í fjór-
um eintökum en tíu ár eru liðin frá
því annarri útgáfu af því var stolið
úr Listagallareríi Noregs í Osló. ■
Útnefningarhátíð í
skugga mótmæla
Tugir þúsunda hafa streymt til New York vegna flokksþings repúblikana
þar sem George W. Bush tekur við útnefningu sem forsetaefni flokksins.
Stríðið í Írak og baráttan gegn hryðjuverkum eru í brennidepli.
BANDARÍKIN, AP Á þriðja þúsund
þingfulltrúar, fimmtán þúsund
blaðamenn og tugþúsundir mót-
mælenda eru komin til New York
þar sem flokksþing repúblikana
hefst í dag. Með því má segja að
kosningabarátta George W. Bush
Bandaríkjaforseta hefjist form-
lega en hann verður formlegur út-
nefndur forsetaefni repúblikana á
fimmtudag, lokadegi þingsins.
Repúblikanar leggja upp með
að lýsa Bush sem öflugum leið-
toga sem leiddi þjóðina í gegnum
hörmungarnar sem riðu yfir með
hryðjuverkaárásunum 11. sept-
ember 2001. Bush sjálfur eftirlæt-
ur öðrum sviðið fyrstu dagana og
hefur verið á kosningaferðalagi
síðustu daga. Hann mun hins veg-
ar flytja aðalræðuna. Þar er hann
sagður leggja áherslu á næstu
fjögur ár eftir kosningarnar í nóv-
ember, hvernig Bandaríkin verði
á seinna kjörtímabili hans.
Baráttan gegn hryðjuverkum
er fulltrúum á flokksþinginu ofar-
lega í huga en 62 prósent þeirra
nefna hana sem eitt af þremur
mikilvægustu verkefnum nýrrar
ríkisstjórnar að loknum kosning-
um í skoðanakönnun AP-frétta- stofunnar. 56 prósent nefndu
efnahagsmál og fjórðungur
skattamál. Þegar afstaða þingfull-
trúa til ákveðinna málaflokka var
skoðuð kom í ljós að 72 prósent
eru andvíg hjónaböndum samkyn-
hneigðra en aðeins þrjú prósent
hlynnt þeim. 58 prósent eru and-
víg réttinum til fóstureyðingar en
fimmtán prósent fylgjandi.
Mikið hefur verið um mótmæli
í New York síðustu daga og er
gert ráð fyrir að þau haldi áfram
þar til flokksþinginu lýkur. Í gær
tóku tugþúsundir manna þátt í
mótmælagöngu á Manhattan þar
sem stríðinu í Írak var mótmælt
og þess krafist að Bandaríkjaher
yrði kallaður heim.
Mótmælin beinast að margvís-
legum málefnum. Sumir berjast
fyrir rétti innflytjenda, aðrir
fyrir réttindum samkynhneigðra
og enn aðrir fyrir heilbrigðisþjón-
ustu fyrir alla. Þá hefur verið vak-
in athygli á málefnum Palestínu-
manna og þess krafist að bundinn
verði endi á ofsóknir í Súdan. ■
Tilkynnt um jarðskjálfta
úti af Siglufirði:
Jörð skelfur
undir sjó
JARÐSKJÁLFTAR Jarðskjálfta hefur
orðið vart um 22 kílómetra norð-
norðaustur af Siglufirði. Hrinan
fór rólega af stað á föstudag en
frá því klukkan eitt aðfaranótt
laugardags og til klukkan tvö
eftir hádegi náði hún hámarki
með skjálftum sem mældust 2,8
á Richter-kvarða.
Klukkan sex á sunnudags-
morguninn fór ný hrina af stað
og nú þegar hafa alls mælst yfir
120 jarðskjálftar á svæðinu.
Árið 2001 varð hrina á sama stað
og mældist stærsti skjálftinn 3,6
á Richter. ■
Fangamisþyrmingar:
Fleiri játi á
sig sök
BERLÍN, AP Bandarískur hermaður
sem játaði að hafa misþyrmt föng-
um segist vona að aðrir feti í hans
fótspor og axli ábyrgð á gjörðum
sínum.
Ivan Frederick liðþjálfi sagði
að fangarnir hefðu verið niður-
lægðir að undirlagi leyniþjónustu-
manna. „Þeir sögðu okkur að hóta
föngunum með hundum, reyna að
fá meiri upplýsingar, neita þeim
um mat og klæði, niðurlægja þá,“
sagði Frederick í viðtali við þýska
tímaritið Der Spiegel.
„Ég svara til saka fyrir minn
þátt fyrir dómstólum en ég vona
að aðrir taki mig sér til fyrir-
myndar og axli ábyrgð. Það eru
sannarlega fleiri sem bera ábyrgð
á því sem gerðist í Abu Ghraib og
margir þeirra hafa ekki enn verið
ákærðir.“ ■
■ NORÐURLÖND
■ LÖGREGLUFRÉTTIR
■ EVRÓPA
Ætti að afnema vaxtabótakerfið?
Spurning dagsins í dag:
Var það rétt ákvörðun hjá Árna Magnússyni
félagsmálaráðherra að skipa Ragnhildi Arn-
ljótsdóttur í stöðu ráðuneytisstjóra?
Niðurstöður gærdagsins
á visir.is
70%
30%
Nei
Já
KJÖRKASSINN
Farðu inn á visir.is og segðu þína skoðun
visir.is
SKEMMDIR SKOÐAÐAR
Þrátt fyrir vopnahlé var sprengjum skotið á
sum hverfi Bagdad í gær.
Sadr-hverfi:
Hlé gert á
bardögum
BAGDAD, AP Eins dags hlé var gert
á bardögum í Sadr-hverfinu í
Bagdad í gær meðan samninga-
menn hinna ýmsu fylkinga
ræddu saman um hvernig mætti
draga úr spennu og átökum í
hverfinu. Deginum fyrr höfðu
tíu manns látist í bardögum í
hverfinu.
Íraskir ættbálkahöfðingjar,
embættismenn, stjórnmála-
menn úr röðum sjíamúslima og
bandarískir herforingjar ræddu
leiðir til að draga úr átökum sem
hafa verið reglulegur viðburður
í þessu fátækrahverfi í Bagdad.
Harkan hefur heldur aukist
undanfarnar vikur eftir að til
bardaga kom í Najaf á nýjan leik
fyrir fjórum vikum. ■
Forsetinn hélt starfi sínu leyndu fyrir vinum Dorritar:
Sagðist vinna við mannauðsstjórnun
FORSETAFRÚIN Ólafur Ragnar
Grímsson forseti sagði vinum
Dorritar Moussaieff að hann
fengist við mannauðsstjórnun
þegar þau voru að byrja að draga
sig saman, að því er fram kemur í
breska blaðinu Sunday Times. Þar
er að finna mikla umfjöllun um
Dorrit þar sem segir að þrátt fyrir
að hún sé lítt þekkt meðal almenn-
ings sé hún mjög fræg meðal
þeirra ríku og frægu. Undanfarið
hafi frægð hennar enn farið vax-
andi vegna hjónabands hennar og
forsetans.
Að því er fram kemur í blaðinu
hélt Ólafur Ragnar raunverulegu
starfi sínu leyndu þar sem Dorrit
vildi ekki vekja of mikla athygli.
Kveikjan að giftingu Ólafs
Ragnars og Dorritar er sögð sú að
Dorrit hafi gefið honum úr í af-
mælisgjöf sem hann var ekki sátt-
ur við. Þegar hún spurði hann
hvað hann vildi þá fá er Ólafur
Ragnar sagður hafa svarað: „Ég
vil að þú giftist mér“.
Mikið er fjallað um auð hennar
og tengsl við ríkt, frægt og valda-
mikið fólk. „Tengslanet hennar er
goðsagnakennt,“ er haft eftir
margmilljarðamæringnum Steve
Schwarzman. „Það skemmtilega
við að hún giftist Ólafi er að hún
er eina forsetafrúin sem getur
gengið um með margra milljóna
króna skartgripi án þess að nokk-
ur spyrji hver mútaði henni,“
segir leikarinn Michael Caine í
samtali við blaðið. ■
STJÓRNARFLOKKAR TAPA FYLGI
Sænsku stjórnarflokkarnir hafa
svo naumt forskot á hægriflokk-
ana að það er vel innan skekkju-
marka. Jafnaðarmenn, Vinstri-
flokkurinn og Græningjar hafa
samanlagt 49,3 prósent sam-
kvæmt nýrri skoðanakönnun og
hafa tapað hálfu fjórða prósentu-
stigi á tveimur mánuðum.
ÓHAPP VIÐ LAUGARÁS Það
óhapp varð við Laugarás í Bisk-
upstungum á sextánda tímanum
í gær að hestur sparkaði í
anditið á manni. Maðurinn var
umsvifalaust fluttur til Reykja-
víkur á slysadeild. Áverkar
hans virtust við fyrstu sýn ekki
vera mjög alvarlegir.
HRAÐAKSTUR Á SUÐURLANDI
34 ökumenn voru teknir við
hraðakstur um helgina í ná-
grenni við Selfoss. Ekki var um
sérstakt átak að ræða af hálfu
lögregl heldur venjubundið
hraðaeftirlit.
KRABBAÞJÓFAR Á KREIKI Lög-
reglan í Keflavík hafði á sunnu-
dagsmorguninn afskipti af fjór-
um mönnum sem voru að tína
krabba á eignalandi í Garð-
skaga í óleyfi landeigenda. Að
sögn lögreglu er þetta ekki í
fyrsta sinn sem landeigandi
verður var við mannaferðir í
óleyfi um landareign sína sem
virðast vera í þessum tilgangi.
Grunur leikur á að krabbarnir
hafi verið tíndir fyrir veitinga-
stað. Lagt var hald á um 14 kg
af smáum kröbbum og eru þeir
í góðu yfirlæti hjá lögreglunni í
Keflavík, sem stefnir á að
sleppa þeim aftur við fyrsta
tækifæri.
SEX LÉTUST Í FLÓÐUM Fjögur
börn og tvær konur létu lífið í
miklum vatnavöxtum í Rúmeníu.
Þúsundir heimila urðu fyrir
skemmdum og ræktarlönd bænda
fóru á kaf með tilheyrandi
skemmdum.
SJÓNVARPAÐ ÚR RÉTTARSAL
Bresk stjórnvöld hafa ákveðið að
leyfa sjónvarpsupptökur í dóm-
stólum í tilraunaskyni. Upptök-
urnar verða hins vegar ekki
sendar út í sjónvarpi að svo
stöddu. Síðar kann þó að fara svo
að leyft verði að sjónvarpa úr
réttarsal til að auka traust al-
mennings á dómskerfinu, að sögn
Falconer lávarðar.
ÓPIÐ
Frægasta listaverki Edvards
Munch var stolið í síðustu viku en málið er
enn óupplýst.
FORSETI OG FORSETAFRÚ
„Fyrri forsetafrúr hafa einbeitt sér að Íslandi en ég tel að hlutverk mitt eigi að vera að
vekja athygli á Íslandi,“ sagði Dorrit í viðtali við Sunday Times.
MÓTMÆLT Á MANHATTAN
Fjöldi fólks tók þátt í mótmælum gegn stríðinu í Írak, degi áður en flokksþing repúblikana
hófst. Meðal mótmælenda voru Michael Moore, Jesse Jackson og Danny Glover.
FLOKKSÞING REPÚBLIKANA
Mannfjöldi og kostnaður
Fjöldi fulltrúa: 2.508
Yngsti fulltrúi: Átján ára
Sjálfboðaliðar: 8.000
Ferðast til New York: 50.000
Lögreglumenn: 10.000
Blaðamenn: 15.000
Kostnaður: Sjö til átta milljarðar
Löggæslukostnaður: Fimm milljarðar