Fréttablaðið - 30.08.2004, Blaðsíða 10

10 30. ágúst 2004 MÁNUDAGUR
MÓTMÆLA BUSH
Mikill mannfjöldi kom saman til mótmæla
í Madison Square Garden í New York í til-
efni af flokksþingi Repúblikanaflokksins
sem fram fer í borginni á morgun.
Opið byggðaþing samtakanna Landsbyggðin lifi:
Auðugra mannlíf – öflugri byggðir
LANDSBYGGÐIN Yfir 80 manns frá
öllum landshornum sóttu opið
byggðaþing að Hólum um helg-
ina á vegum samtakanna Lands-
byggðin lifi. Þar á meðal voru
fulltrúar fjölmargra grasrótar-
samtaka, þingmenn og fulltrúar
stjórnsýslustofana.
Kjörorð byggðaþingsins var
„auðgum mannlíf, eflum byggð-
ir“ og umræður voru fjörlegar
og endurspegla þá grósku sem
er að færast í baráttu almenn-
ings um allt land til að efla
byggðir landsins.
Ragnar Stefánsson, formaður
samtakanna, er ánægður með
hvernig til tókst: „Þingið var
mjög sterkt og áhrifamikið og
menn voru afskaplega sammála
um flestöll mál. Sérstök áhersla
var lögð á gildi grasrótarstarfs í
eflingu byggðar í landinu.“
Í lok þings var samþykkt
ályktun þar sem meðal annars
var tekið til þess að öflugt at-
vinnulíf og bættar samgöngur
séu grundvöllur búsetunnar á
landsbyggðinni og hvatt til öfl-
ugs stuðnings við uppbyggingu
fræðslu- og þekkingarstarfsemi
um land allt. ■
Grannt fylgst með framkvæmd prófkjörs í Flórída:
Síðasta próf fyrir forsetakosningar
FLÓRÍDA Prófkjör fyrir kosningar
til öldungadeildarinnar sem
haldið verður í Flórída á morgun
hefur þegar vakið mun meiri at-
hygli en venja er til með slík
prófkjör, sem oftast vekja ekki
eftirtekt nema rétt í því ríki sem
þau fara fram í. Ástæðan er ein-
föld, prófkjörið er álitið síðasta
prófraunin fyrir kosninga- og
talningabúnaðinn sem komið
var upp eftir klúðrið sem ein-
kenndi talningu atkvæða í Flór-
ída þegar George W. Bush var
kjörinn forseti Bandaríkjanna
fyrir tæpum fjórum árum.
Mannréttindasamtök, verka-
lýðsfélög og ýmis stjórnmálasam-
tök hafa sent hundruð manna til
að fylgjast með framkvæmd próf-
kjörsins, að því er fram kemur í
dagblaðinu Washington Post. Þar
kemur fram að nokkur samtök
hafa ákveðið að senda lögfræð-
inga á staðinn til að vera fólki inn-
an handar ef það lendir í vand-
ræðum með að greiða atkvæði. Í
forsetakosningunum árið 2000
var fjölda fólks sem hafði kosn-
ingarétt vísað frá kjörstað þar
sem það hafði ranglega verið tek-
ið af kjörskrá.
Fleiri en nokkru sinni áður
hafa greitt atkvæði utan kjör-
fundar og hafa efasemdir um
gagnsemi kosninga- og talning-
arbúnaðar verið tilgreindar sem
ein möguleg ástæða fyrir því. ■
Tveir létust í Silkeborg:
Skotbardagi á
skemmtistað
DANMÖRK Maður vopnaður veiði-
riffli gekk berserksgang á
skemmtistað í Silkeborg í gær og
urðu tveir menn fyrir skotum, að
því er fram kemur í danska dag-
blaðinu Politiken.
Klukkan 5.45 að morgni sunnu-
dags réðst hinn 22 ára gamli maður
inn á diskótek bæjarins með riffil-
inn í hendi og skaut af stuttu færi 35
ára gamlan mann og annan 33 ára.
Báðir létust samstundis en lögregl-
an handtók manninn örfáum mínút-
um síðar. Ofsahræðsla braust út
meðal þeirra 75-100 gesta sem voru
á staðnum og áfallahjálp var veitt á
sjúkrahúsinu í Silkeborg. ■
■ MIÐ-AUSTURLÖND
Verð: 39.900kr.
2 fyrir 1
*
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
RV
2
56
87

08
/2
00
4
*Innifalið: Flug, flugvallarskattar, gisting í 7 nætur, akstur til og frá
flugvelli erlendis og íslensk fararstjórn.
Verð m.v. að bókað sé á netinu. Ef bókað er símleiðis eða á skrifstofu
bætist við 2.000 kr. bókunar- og þjónustugjald á mann.
Haustsólin
Örfá
sæt
i - bó
kaðu
stra
x!
Kynntu þér málið á www.urvalutsyn.is
eða í síma 585-4000.
Tilboðið gildir í brottfarir 31. ágúst - 16. sept.
Einungis valdir gististaðir á tilboði.
Fleiri en tveir? Verð á mann er óháð fjölda í gistingu.
á mann í stúdíói í 7 nætur.
Aukavika: 19.900 kr.
Verð: 46.900kr.* á mann í íbúð í 7 nætur.Aukavika: 24.900 kr.
til Portúgal, Mallorca, Benidorm eða Costa del Sol
Í MASTRINU
Brúðurin klifrar upp í mastur á Torfunefs-
bryggju og framkvæmir ljóðrænar hreyfing-
ar í átt að Listagilinu.
GJÖRNINGUR Afar óvenjulegt
„brúðkaup“ fór fram á Akureyri á
laugardag, sem endaði með því að
brúðurin stakk sér í sjóinn í öllum
skrúðanum. Þarna var á ferð lista-
maðurinn Anna Richards sem
gekk að eiga Listagilið svonefnda.
Þegar komið var niður á
bryggjuna klifraði brúðurin upp í
mastur og stökk síðan í hafið í öll-
um brúðarklæðum. Ein brúðar-
meyja hennar, listakonan Hadda,
stökk með henni. Þær syntu síðan
yfir höfnina, eina 200 metra, og
ekki er vitað til að þeim hafi orðið
meint af volkinu. ■
BARIST Í FLÓTTAMANNABÚÐUM
Þrír létu lífið í bardögum sem
brutust út í stærstu flóttamanna-
búðum Líbanons á milli fylgis-
manna Jassers Arafat og ís-
lamskra öfgamanna. Meðal
þeirra sem létust var tánings-
stúlka sem varð fyrir skoti.
FELLDUR AF HERMÖNNUM Ísra-
elskir hermenn felldu vopnaðan
Palestínumann þegar hann reyndi
að læðast inn í Ísrael frá Gaza-
ströndinni ásamt tveimur öðrum
mönnum. Hinir mennirnir flýðu
af vettvangi.
BUSH Á KOSNINGAFUNDI
Klúður í framkvæmd og talningu atkvæða í
forsetakosningunum 2000 olli því að úrslit
réðust ekki fyrr en Hæstiréttur felldi dóm
sinn sem kom í veg fyrir endurtalningu at-
kvæða.
Sérkennilegt brúðkaup á Akureyri:
Brúðurin stökk í hafið
Í HAFIÐ
Brúðurin skellur í hafinu.
RAGNAR STEFÁNSSON
Formaður samtakanna Landsbyggðin lifi,
Ragnar Stefánsson, var mjög ánægður
með hvernig til tókst með byggðaþingið
að Hólum..