Fréttablaðið - 31.08.2004, Blaðsíða 6
6 31. ágúst 2004 ÞRIÐJUDAGUR
Áhugi á nýjum bankalánum:
Fundur til að mæta fræðsluþörf
VIÐSKIPTI „Það er þó nokkuð
mikið um að fólk hafi komið til
þess að fá okkur til að endur-
fjármagna lánin,“ segir Friðrik
Halldórsson, framkvæmdastjóri
viðskiptabankasviðs KB banka.
KB banki boðar til fræðslu-
fundar um nýju lánin í kvöld og
annað kvöld. Friðrik segir að þó
margir hafi beðið bankann um
að endurfjármagna lán sín séu
þeir miklu fleiri sem hafi spurst
fyrir og leitað upplýsinga.
„Þessi fundur er til þess að
svara þörfinni sem við finnum
fyrir hjá fólki sem vill skoða
málið betur.“
Friðrik segir að auk fyrir-
spurna þá hafi umferð á heima-
síðu bankans og í lánareiknivél
verið mikil. „Fólki gefst tæki-
færi á þessum fundi að kynna
sér möguleikana betur. Þarna
verður fjöldi sérfræðinga sem
getur svarað spurningum fólks
um lánin.“
Hann segir að þarna fái fólk
tækifæri til þess að koma utan
vinnutíma og skoða hvort endur-
fjármögnun henti því. Það sé um
að gera fyrir þá sem vilja kynna
sér málið að nýta tækifærið.
„Þetta er mál allrar fjölskyld-
unnar.“ ■
Lögreglan ætti
að prófa smábíla
Ólíkt því sem gerist víða erlendis eru hér engir smábílar notaðir til
lögreglustarfa. Hægt væri að kaupa fjóra slíka fyrir hvern þann Volvo
sem embættin nota mikið og ná þannig fram umtalsverðum sparnaði.
LÖGREGLUMÁL „Eitt helsta vanda-
málið er að búnaður lögreglubíla
er það mikill orðinn að hann
kemst illa fyrir í smærri bílum,“
segir Guðmundur H. Jónsson,
aðstoðaryfirlögregluþjónn hjá
embætti Ríkislögreglustjóra. Lög-
reglubílar á Íslandi eru flestir af
stærri gerðinni og vekur athygli
að það á líka við um höfuðborgar-
svæðið. Víða erlendis eru lög-
reglumenn á smærri bifreiðum
sem henta borgarumferð betur,
eyða og menga minna og spara
þannig talsverða fjármuni.
Eðlilegt er að lögregluembætti
noti mismunandi tegundir bif-
reiða vegna mismunandi verk-
efna sinna en margir telja að
spara megi mikið með skynsam-
legri kaupum en verið hefur.
Ekkert lögregluembætti hér á
landi notar reglulega smærri bíla
en Opel Vectra, en slíkir bílar
kosta frá tveimur milljónum
króna. Lögreglan í Reykjavík
notar slíkar bifreiðar talsvert en
einnig er mikið um Volvo S80 sem
eru helmingi dýrari. Slíkir bílar
kosta allt að fimm milljónum
króna. Þá kostar sú tegund mótor-
hjóla sem notuð er hjá Lögregl-
unni í Reykjavík einnig tæpar
fimm milljónir. Öflug hjólin eru
ekki notuð þar sem þau koma að
hvað bestum notum, á þjóðvegum
landsins.
Geir Jón Þórisson, yfirlög-
regluþjónn í Reykjavík, segir
höfuðborgina varla samanburðar-
hæfa við erlendar borgir hvað
þetta varðar. „Þar eru borgar-
kjarnar mun stærri en hér þar
sem svæði hvers bíls er mikið
stærra. Hér eru bílar sendir um
alla borg eftir aðstæðum en sinna
ekki eingöngu ákveðnum
svæðum.“
Guðmundur H. Jónsson, telur
hins vegar vel þess virði að prófa
smærri bíla í borginni og síðan sé
hægt að draga ályktanir. „Þetta
hefur að sjálfsögðu mikið með
starfsaðstöðu lögreglumannanna
að gera. Það má færa fyrir því rök
að bílarnir þurfi að vera af ákveð-
inni stærð, en mér þætti eðlilegt
að eitthvert embættanna prófaði
smábíl á borð við þá sem notaðir
eru víða erlendis til að fá saman-
burðinn.“
albert@frettabladid.is
Sparisjóður Reykjavíkur
og nágrennis:
Góð afkoma
hjá SPRON
VIÐSKIPTI Sparisjóður Reykjavíkur
og nágrennis hagnaðist um rúm-
lega þrettán hundruð milljónir
eftir skatta á fyrri helmingi þessa
árs. Á sama tímabili í fyrra var
hagnaður sparisjóðsins ríflega
tvö hundruð milljónir.
Hagnaður SPRON er fyrst og
fremst kominn til af gengis-
hagnaði vegna umsýslu með
hlutabréf. Á fyrri helmingi ársins
nam gengishagnaður bankans
rúmlega 1,6 milljörðum króna,
sem er nokkurn veginn jafnt og
hagnaður sjóðsins áður en tekið er
tillit til skatta. ■
Maraþonárásin:
Klerkurinn
dæmdur
AÞENA, AP Írski presturinn Corneli-
us Horan, sem réðst á brasilíska
hlauparann Vanderlei de Lima
þegar hann var fremstur í mara-
þonhlaupi Ólympíuleikanna á
sunnudag, hefur verið dæmdur til
eins árs fangelsisvistar. Fang-
elsisdómurinn er þó skilorðsbund-
inn til þriggja ára.
Horan var einnig sektaður um
andvirði hátt í 300 þúsund króna
fyrir árásina.
Kaþólska kirkjan á Írlandi
bannaði Horan að sinna prests-
störfum fyrir áratug síðan. Hann
á við geðræn vandamál að stríða
og var tekið tillit til þess við
dómsuppsögu. ■
■ VIÐSKIPTI
GENGI GJALDMIÐLA
Bandaríkjadalur 72,43 0,43%
Sterlingspund 129,72 -0,18%
Dönsk króna 11,74 0,01%
Evra 87,26 -0,01%
Gengisvísitala krónu 121,85 -0,23%
KAUPHÖLL ÍSLANDS - HLUTA-
BRÉF
Fjöldi viðskipta 341
Velta 1.953 milljónir
ICEX-15 3.383 -1,36%
Mestu viðskiptin
Tryggingamiðstöðin hf. 389.352
Össur hf. 371.750
Bakkavör Group hf. 355.880
Mesta hækkun
Bakkavör Group hf. 1,89%
Actavis Group hf. 1,08%
Mesta lækkun
Burðarás hf. -3,70%
Marel hf. -2,73%
Kaupþing Búnaðarbanki hf. -2,15%
Erlendar vísitölur
DJ * 10.172,7 -0,22%
Nasdaq * 1.844,6 -0,94%
FTSE 4.490,1 óbr.**
DAX 3.838,9 -0,32%
NIKKEI 11.184,5 -0,22%
S&P * 1.109,6 0,40%
* Bandarískar vísitölur kl. 16.50
** Breskir markaðir voru lokaðir í gær
VEISTU SVARIÐ?
1Á hvaða maraþonhlaupara var ráðistí Aþenu?
2Hvar geta forkólfar verkalýðsfélagastundað sérsniðið nám?
3Hvar standa sex ungir austfirskirlistamenn að sýningu?
Svörin eru á bls. 30
HORAN Í ÁHORFENDASKARANUM
„Ísrael er uppfylling spádómsins segir
Biblían“ stóð á baki klerksins.
MIKILL ÁHUGI
Friðrik Halldórsson hjá KB banka segir
marga hafa óskað eftir skuldbreytingu, en
mun fleiri spurst fyrir. Bankinn hyggst
halda fræðslufund til að svala forvitni fólks
um ný húsnæðislán bankanna.
FR
ÉT
TA
B
LA
Ð
IÐ
/V
IL
H
EL
M
LÖGREGLAN Á BLÖNDUÓSI
Lögreglan notar margskonar bíla í eftirliti víða um land. Fram eru komnar hugmyndir um
að taka upp notkun smábíla í Reykjavík, líkt og tíðkast hjá lögregluyfirvöldum víða erlend-
is í borgum.
ÍSLANDSBANKI FÆR A Matsfyrir-
tækið Fitch Ratings hefur staðfest
lánshæfismat Íslandsbanka.
Bankinn fær einkunnina A fyrir
langtímaskuldbindingar og F1 fyrir
skammtímaskuldbindingar. Fram
kemur að horfur séu á að lánshæf-
ismatið verði stöðugt áfram.
VAXTALÆKKUN ÍSLANDSBANKA
Íslandsbanki tilkynnti í gær um
hálfs prósentustigs vaxtalækkun á
helstu inn- og útlánum, sem gildi
taka á morgun. Í tilkynningu segir
einnig að ákveðið hafi verið að
lækka vexti minna á tveimur
sparnaðarleiðum; Lífeyrissparnaði
og Framtíðarreikningi, um 0,25
prósentustig. Bankinn vill með
þessu undirstrika mikilvægi lang-
tímasparnaðar.