Fréttablaðið - 01.09.2004, Blaðsíða 2

2 1. september 2004 MIÐVIKUDAGUR
Óvissa ræstitækna í Hafnarfirði:
Óttast lægri laun við útboð á ræstingum
ÚTHÝSING Sjötíu af um eitt hundrað
starfsmönnum við ræstingar fyrir
Hafnarfjarðabæ mættu á fund
Verkalýðsfélagsins Hlífar í fyrra-
kvöld. Fólkið er í óvissu um starfs-
skilyrði sín vegna viðræðna Hafn-
arfjarðarbæjar við fyrirtækið Sólar
ehf., sem átti lægsta útboð í ræst-
ingar á öllum stofnunum bæjarins.
Kolbeinn Gunnarsson, formaður
verkalýðsfélagsins, er uggandi
vegna lægsta tilboðsins sem hljóði
upp á sjö milljónir króna á mánuði
sem sé um þremur milljónum lægra
en bærinn greiði nú. Því sé erfitt að
skilja hvernig hlutinir eigi að ganga
óbreytt upp.
Lúðvík Geirsson, bæjarstjóri
Hafnarfjarðar, segir mikilvægt að
ná fram hagræðingu við rekstur
bæjarins: „Auðvitað skiptir máli að
tryggja að það sé gert í góðri sam-
vinnu og samstarfi við aðila til að
tryggja að við séum ekki að fá lak-
ari þjónustu en við höfum í dag.“
Kolbeinn segir að sjálfsagt verði
verulegar breytingar á starfi fólks-
ins og launakjörum: „Ég get ekki
séð annað en verktakinn sem eigi
lægsta tilboðið sé ekki að reikna
með sama kostnaði og ræstingar
kosta bæinn í dag.“
Lúðvík segir að það fyrirtæki
sem taki við ræstingum í bænum
taki við þeim skyldum og ábyrgð
varðandi réttindi og samninga
starfsfólksins. Hann segir vinnutil-
högun starfsfólksins breytast og
ljóst sé að núverandi samningum
þess verði sagt upp en öllum boðin
störf hjá fyrirtækinu aftur sam-
kvæmt nýju starfsskipulagi. ■
Gjaldeyrislánin
hefðu borgað sig
Hópur háskólanema á Bifröst segir að það hefði borgað sig fyrir lántak-
endur að vera með gjaldeyrislán fremur en verðtryggð íslensk lán á
síðustu tíu árum. Vel þarf þó að fylgjast með þróun slíkra lána.
VAXTAMÁL Töluvert ódýrara hefði
verið að taka lán í erlendum
gjaldmiðli heldur en að taka
verðtryggð íslensk lán á bestu
kjörum fyrir tíu árum síðan.
Þetta er niðurstaða fimm við-
skiptafræðinema í Háskólanum
á Bifröst.
Í rannsókninni er borið saman
hver afdrif láns hefðu orðið ef
það hefði verið tekið árið 1994.
Borið er saman hver staða þess
væri hefði verið notast við bestu
lánakjör á innlendum markaði
og ef notast hefði verið við
gjaldeyrislán. Í gjaldeyrislánum
felst ákveðin gengisáhætta en
engin verðtrygging. Við það
bætist að vextir erlendis eru
mun lægri heldur en hér á landi.
Niðurstaðan er sú að á síðustu
tíu árum hefði það borgað sig að
taka gengisáhættuna frekar en
þá áhættu sem fylgir verðtrygg-
ingunni. Lægri vextir erlendis
vega upp á móti gengissveiflu.
Að sögn Elvu Bjarkar Barkar-
dóttur, eins höfundar verkefnis-
ins, virðist sem hin nýju láns-
kjör bankanna, sem kynnt voru í
síðustu viku með 4,4 prósent
vöxtum til langs tíma með verð-
tryggingu, séu ekki heldur betri
kostur en erlend og óverðtryggð
gjaldeyrislán. Hún leggur þó
áherslu á að fólk verði að geta
staðist sveiflur í afborgunum
vegna breytinga á gengi.
Hjálmar Blöndal, sem einnig
átti þátt í verkefninu, segir að
helsta niðurstaða vinnuhópsins
sé sú að verðbólgan á Íslandi sé
há og það geri verðtryggð lán
dýr. Hann segir að útlit sé fyrir
að verðbólga verði áfram há á
Íslandi sérstaklega vegna mik-
illa framkvæmda í landinu og
því sé líklegt að lán í erlendri
mynt verði enn um sinn hag-
kvæmari kostur fyrir íslenska
neytendur.
„Krónan virðist í nokkuð
góðri stöðu og þess vegna er
ljóst að okkar mati að í dag er
mun hentugra að taka lán í er-
lendri mynt. því fylgir hins
vegar sú kvöð að menn þurfa að
fylgjast vel með lánunum sínum.
Menn geta gert það upp við sig
hvort það borgi sig að fylgjast
með lánunum sínum einn dag í
mánuði og greiða nokkur hund-
ruð þúsund krónum minna í
vexti,“ segir Hjálmar.
thkjart@frettabladid.is
Vatnavextir:
Lokað í
Þórsmörk
VATNSRENNSLI Flugbjörgunar-
sveitin á Hellu varð að aðstoða
fjölmarga ferðamenn við Þórs-
mörk í gær en miklir vatna-
vextir hafa verið í ám í nágrenn-
inu og er ófært með öllu yfir
Krossá.
Rennsli í Steinholtsá var svo
mikið að trukkur björgunar-
manna flaut upp en dekk bílsins
eru mannhæðarhá. Vel gekk að
aðstoða þá sem á þurftu að halda
og engin vandkvæði hlutust af.
Búist er við að áfram verði
rennsli með mesta móti næstu
daga og komast því fáir í Þórs-
mörk á meðan. ■
Evrópusambandið:
Meirihluti
vill aðild
KÖNNUN Tveir af hverjum
þremur landsmönnum eru
hlynntir aðildarviðræðum við
Evrópusambandið þrátt fyrir að
nær helmingur sé andvígur
aðild að því er fram kemur í
nýrri skoðanakönnun Gallup
fyrir Samtök iðnaðarins.
Samkvæmt könnuninni eru
71 prósent þeirra sem taka af-
stöðu fylgjandi aðildarvið-
ræðum en 29 prósent andvíg.
Andstæðan er öllu meiri þegar
spurt er beint um aðild að
Evrópusambandinu, 53 prósent
eru hlynnt aðild en 47 prósent
andvíg. Þegar allir aðspurðir eru
skoðaðir kemur í ljós að 61 pró-
sent er fylgjandi aðildarviðræð-
um, 24 prósent andvíg og fimm-
tán prósent taka ekki afstöðu. 42
prósent eru fylgjandi aðild, 37
prósent andvíg og 21 prósent ó-
ákveðin eða svara ekki. ■
■ FANGELSI
FANGINN GAF SIG FRAM Fanginn
sem flýði af Litla-Hrauni um
kvöldmatarleytið á mánudag gaf
sig fram í gærmorgun og er því
kominn í gæslu fangelsisyfir-
valda á nýjan leik. Mikil leit var
gerð að honum í fyrrakvöld, bæði
á Suðurlandi og höfuðborgar-
svæðinu.
Ég varð miklu fróðari.
Skarphéðinn Berg Steinarsson er stjórnarformaður
Norðurljósa sem hafa áhuga á tímaritaútgáfu.
Hann greindi frá því í Fréttablaðinu í gær að
meðal annars hefðu átt sér stað viðræður við
Fróða áður en Oddi keypti fyrirtækið.
SPURNING DAGSINS
Skarphéðinn, varstu nokkurs fróðari?
Svanhildur Hólm
Valsdóttir:
Hættir í
Kastljósinu
ATVINNUMÁL Svanhildur Hólm
Valsdóttir, einn umsjónarmanna
Kastljóssins í ríkissjónvarpinu,
hættir þar innan tíðar og tekur við
starfi umsjónarmanns Íslands í
dag á Stöð 2, samkvæmt heim-
ildum Fréttablaðsins.
Aðspurð sagðist Svanhildur
ekki vera að hætta í bráð í Kast-
ljósinu en neitaði að öðru leyti að
tjá sig um málið. Vitað er að
mikill titringur er innan RÚV
vegna þessa, enda stutt síðan önn-
ur vinsæl dagskrárgerðarkona,
Eva María Jónsdóttir, fór einnig
yfir á Stöð 2 þar sem hún mun sjá
um vikulega þætti í vetur. ■
Í HAFNARFIRÐI
Bærinn gekk frá samningi við fyrirtækið
Sólar í gær. Ljóst er að á fjórða tug millj-
óna sparast árlega við úthýsinguna. Starfs-
fólk er uggandi um að kjör þeirra breytist.
SPARNAÐUR EF TEKIN ERU LÁN Í ERLENDRI MYNT
Að mati fimm háskólanema á Bifröst væri staða þess sem hefði tekið lán í erlendri mynt
fyrir tíu árum betri en þeirra sem tóku verðtryggð lán á íslenskum markaði.
Hermannaveiki:
Veiki rakin
til rakatækja
SVÍÞJÓÐ, AP Nokkur fjöldi Svía
hefur veikst af hermannaveiki í
sumar og er talið að sjúkdóminn
megi rekja til rakatækja í græn-
metisborðum verslana. Tólf
hafa greinst með hermannaveiki
í sumar og hefur einn þeirra lát-
ist, þó er ekki vitað hvort það sé
af völdum hermannaveikinnar
en hann þjáðist einnig af öðrum
alvarlegum sjúkdóm.
Við rannsókn kom í ljós að
hermannaveikibakteríu var að
finna í rakatæki í verslun í
Umeaa. Eftir það hvatti lands-
samband sænskra smásala þá til
að slökkva á rakatækjum í
búðum sínum. ■
SVANHILDUR HÓLM
Úr Kastljósi Sjónvarpsins yfir í Ísland í dag
á Stöð 2.
M
YN
D
/S
IG
U
RÐ
U
R
JÖ
KU
LL
Ó
LA
FS
SO
N
FR
ÉT
TA
B
LA
Ð
IÐ
/H
AR
I
MOSKVA, AP Átta létu lífið þegar kona
sprengdi sjálfa sig og aðra í loft upp
fyrir utan neðanjarðarlestarstöð í
Moskvu. Þrjátíu manns til viðbótar
særðust í árásinni sem var gerð
þegar fjölmargt fólk átti leið um
stöðina. Árásin átti sér stað viku eft-
ir að tvær rússneskar farþegaflug-
vélar sprungu í loft upp, að því er
talið er af völdum tveggja tsjetsjen-
skra kvenna.
Yuri Luzhkov, borgarstjóri í
Moskvu, sagði að konan hefði
verið á leið að lestarstöðinni þeg-
ar hún kom auga á tvo lögreglu-
menn. Þá hefði hún snúið við og
sprengt sig í loft upp innan um
fjölda fólks.
„Fólk lá deyjandi á torginu,“
sagði Alexei Borodin sem kom á
staðinn, ásamt móður sinni,
skömmu eftir árásina. „Það lágu
líkamshlutar út um allt…Við
vorum á gangi innan um líkams-
hluta,“ sagði hann og kvaðst hafa
séð alla vega fimm einstaklinga
sem voru mjög illa særðir. „Einn
ungur maður reyndi að standa
upp og gat það ekki.“ ■
Kona sprengdi sig í loft upp við neðanjarðarlestarstöð:
Átta látnir og tugir særðir
GERT AÐ SÁRUM VEGFARANDA
Margir þurftu á hjálp sjúkraliða að halda eftir árásina. Þessi særðist lítillega í árásinni.