Fréttablaðið - 01.09.2004, Blaðsíða 34

„Ég ætla bara að fara í ræktina og
allt það, kannski borða góðan
mat,“ segir Ruth Reginalds sem
er 39 ára í dag. Undanfarna mán-
uði hefur hún staðið í ströngu við
miklar útlitsbreytingar, auk þess
sem hún er að fara að kenna við
rokkskólann vif.is, ásamt öðru
tónlistarfólki. Hún hefur nýlega
gengist undir lýtaraðgerð og
segir að allt gangi rosalega vel.
„Ég er að byrja að æfa aftur eftir
aðgerðina en ég hef ekkert æft í
þrjár vikur. Reyndar þyngdist ég
ekkert á meðan því ég viðhélt
matarræðinu.“
Síðasti dagur átaksins verður í
kringum 9. september þegar ný
Ruth verður kynnt opinberlega.
„Endanleg dagsetning fer eftir
því hvað ég er dugleg núna en þá
fær fólk að sjá endanlega út-
komu. Það er enn mikið sem á
eftir að gera. Bólgur eru að hjað-
na vegna aðgerðarinnar, hárið er
eftir og þær eiga eftir að dressa
mig upp á skor.is sem eru þvílíkt
að gera mig flotta. Stelpurnar í
Naglafegurð eiga eftir að gera
sitt og svo á ég eftir að fara í
brúnkuklefana. Það er því ýmis-
legt eftir en það verður gaman að
sjá hvernig þetta verður í lokin.“
Af því sem á eftir að koma seg-
ist Ruth mest hlakka til að byrja í
ropejóga. „Það hefur svo mikil
áhrif á þessa kerlingamagavöðva
sem við erum alltaf að berjast
við. Við erum svo lengi að ein-
angra þessa vöðva og finna fyrir
þeim sem er ekkert skemmtilegt.
Með ropejóganu er maður búin að
æfa þá í 40 mínútur áður en
maður veit af. Það sem er búið að
vera erfiðast er að hætta að
reykja og mæli ekki með að neinn
byrji á þeim ósóma. Ég hef átt við
aðra fíkn að stríða en það var ekki
eins erfitt að gefa hana upp á bát-
inn og að hætta að reykja. Mér
finnst að krakkarnir ættu að
hugsa út í þetta áður en þeir byrja
að fikta.“
Ruth segir að allar þessar
breytingar hafi gert sér rosalega
gott, þrátt fyrir að hún sé alltaf
hún sjálf. „Þetta var bara breyt-
ing til góðs. Ég vildi helst óska að
það mætti tala um svona aðferðir
í fjölmiðlum. Fyrir mitt leyti er
þetta eins og að fara á fegrunar-
stofu. Mér finnst að við eigum að
hafa frelsi til að gera það sem við
viljum og meta það sjálf. Það
kalla ég frelsi. Samt sem áður
getur maður ekki farið í lýtaað-
gerð og hugsað að nú muni allt
breytast. Breytingin verður líka
að koma innan frá.“ Hún segist
ekki ætla að byrja að telja árin
upp á nýtt, þrátt yfir að „ný“ Ruth
sé að fæðast. „Ég er þakklát fyrir
mig eins og ég er og langar ekki
til að verða yngri. Ég nenni því
ekki aftur því það er gaman að
þroskast. Ég næ að líta á lífið
öðruvísi í dag, sem verður auð-
veldara með vissan þroska.“ ■
22 1. september 2004 MIÐVIKUDAGUR
LILY TOMLIN
Leikkonan er 65 ára í dag.
BRÚÐKAUP
Brúðhjónin Ilmur Dögg Gísladóttir og
Ágúst Ævar Gunnarsson, Eskihlíð 22,
Reykjavík, voru gefin saman í garði
Einars Jónssonar af fulltrúa sýslumanns,
laugardaginn 28. ágúst.
Brúðhjónin Anna Guðmundsdóttir og
Mark Twomey, búsett á Írlandi, voru
gefin saman í Seltjarnarneskirkju þann
24. júlí. Prestur var sr. Pálmi Matthías-
son.
Brúðhjónin Alma Björk Magnúsdóttir
og Guðmundur Jón Viggósson, Svölu-
ási 1, Hafnarfirði, voru gefin saman í
Hafnarfjarðarkirkju, 17. júlí. Prestur var
sr. Þórhallur Heimisson.
ANDLÁT
Hallfríður Guðmundsdóttir lést laugar-
daginn 28. ágúst.
Jerome Valdimar Wells lést þriðjudag-
inn 24. ágúst á Englandi.
Pétur Hannesson, Giljalandi 12, Reykja-
vík, lést föstudaginn 27. ágúst.
JARÐARFARIR
13.30 Jón Jónsson, frá Brjánsstöðum á
Skeiðum, verður jarðsunginn frá
Grafarvogskirkju.
13.30 Thelma Gígja Kristjánsdóttir
verður jarðsungin frá Lágafells-
kirkju.
14.00 Jóhann Bergur Sveinsson, fyrrv.
heilbrigðisfulltrúi, Þverholti 7,
Keflavík, verður jarðsunginn frá
Keflavíkurkirkju.
Sovéskir skákmeistarar höfðu ein-
okað heimsmeistaratitilinn í skák
frá árinu 1948 þegar kom að þeim
Bobby Fischer og Boris Spasski að
tefla um titilinn í Reykjavík sumar-
ið 1972. Þar til þá höfðu Bandaríkja-
menn aldrei hampað titlinum.
Hinn bandaríski Fischer var 29
ára gamall þegar hann skoraði á
sovéska heimsmeistarann Spasski
en Fischer varð stórmeistari í skák
aðeins 15 ára. Lengi vel var útlit
fyrir að ekkert yrði af áskoruninni,
þar sem Fischer sem frægur var
orðinn fyrir ýmsar sérkröfur, neit-
aði að koma til landsins. Meðal ann-
ars er sagt að hann hafi ekki ætlað
að koma þar sem verðlaunaféð hafi
ekki verið nægjanlega hátt. Einnig
hefur verið sagt að hann hafi neitað
að koma þegar hann uppgötvaði að
uppáhalds sjónvarpsefnið hans stóð
ekki til boða í dagskrá Sjónvarpsins.
Þrátt fyrir að málamiðlanir hafi tek-
ist og keppnin hafist þann 11. júlí,
lauk þrasinu ekki. Fischer vildi ekki
tefla fyrir framan myndavélar og
sagði áhorfendur trufla sig, á
meðan Sovétmenn komu með und-
arlegar ásakanir á hendur Fischer,
meðal annars um að hann truflaði
Spasski með örbylgjum.
Heimsmeistarakeppnin fékk
heimsathygli og var meðal annars
kölluð barátta kapítalisma gegn
kommúnisma. Ef hún var slík bar
kapítalisminn sigur af höndum.
Fischer varði ekki titilinn sinn 1975
gegn sovéskum áskoranda og var
hann því dæmdur af honum. Hann
tefldi ekki opinberlega aftur fyrr en
1992, þegar hann sigraði Spassky
aftur í Serbíu. ■
ÞETTA GERÐIST
BOBBY FISCHER FÆR HEIMSMEISTARATITILINN Í REYKJAVÍK
1. september 1972
„Níutíu og átta prósent fullorðinna þessa lands eru almennilegir,
duglegir og heiðarlegir Bandaríkjamenn. Það eru hin, ömurlegu,
tvö prósent sem fá alla athyglina. En við kusum þau.“
Lily Tomlin um stjórnmálamenn Bandaríkjanna.
Fischer sigrar Spasski
MERKISATBURÐIR 01. 09
1905 Saskatchewan og Alberta verða ní-
unda og tíunda ríki Kanada.
1923 Um hundraðþúsund manns láta
lífið þegar jarðskjálfti skekur Tókíó
og Jókóhama í Japan.
1939 Síðari heimsstyrjöldin hefst þegar
Þýskaland ræðst inn í Pólland.
1945 Bandaríkjamenn fá formlega stað-
festingu á að Japanir gefist upp í
síðari heimsstyrjöldinni. Í Japan er
kominn 2. september.
1951 Bandaríkin, Ástralía og Nýja Sjá-
land skrifa undir ANZUS, varnar-
sáttmálann.
1969 Moammar Gaddafi kemst til valda
í Líbýu.
1985 Dr. Robert Ballard og Jean Louis
Michel finna flakið af Titanic. Flak-
ið finnst 963 mílum norðaustur af
New York og 453 mílum suð-
austur af strönd Nýfundnalands.
1997 Embætti saksóknara í Frakklandi
tilkynna að alkóhólmagn bílstjóra
Díönu prinsessu, daginn sem hún
lést, hafi verið yfir leyfileg mörk.
Hlakkar til að sjá útkomuna
AFMÆLI: RUTH REGINALDS ER 39 ÁRA
Í dag eru liðin hundrað ár frá
fæðingu Guðmundar Böðvarsson-
ar, skáldsins sem sólin kyssti, og
af því tilefni gefur Hörpuútgáfan í
dag út úrval úr ljóðum skáldsins í
bókinni Ljóðöld.
Silja Aðalsteinsdóttir skrifar
inngang að safninu og hún segir að
úrvalið sýni vel hversu sterkt ljóð-
skáld Guðmundur var. Það er rúmt
ár síðan við fórum að huga að því
hvernig við gætum minnst fæð-
ingar skáldsins. Það er auðvitað
hægt að gera ýmislegt á svona
tímamótum en ég held að það hafi
verið mjög gæfurík niðurstaða að
taka ljóðaúrvalið saman þar sem
Guðmundur verður enn betra
skáld þegar maður les úrval verka
hans.“
Fjórmenningarnir völdu ljóðin
hvort í sínu lagi og voru vitaskuld
oft sammála um hvaða ljóð ættu
erindi í bókina. „Það eru þarna um
50-60 ljóð sem mynda ákveðinn
kjarna sem allir voru sammála um
en síðan hafði smekkur hvers og
eins sín áhrif og þannig voru
sumir hrifnari af ástarljóðunum
og aðrir af náttúruljóðunum.“
Böðvar, Silja og aðrir velunn-
arar skáldsins láta ekki staðar
numið með útgáfu Ljóðaldar og
efna til samkomu um Guðmund í
Reykholti í Borgarfirði laugardag-
inn 4. september. Silja og Magnús
Sigurðsson flytja erindi um
skáldið og Bergur Þorgeirsson
stjórnar umræðum á málþingi sem
hefst klukkan 14.
Síðan verður lesið upp úr
verkum skáldsins, Kammerkór
Vesturlands syngur og ljóðaverð-
launum Guðmundar Böðvarssonar
og borgfirskum menningarverð-
launum, sem Minningarsjóður
Guðmundar Böðvarssonar veitir,
verður úthlutað.
Allir eru velkomnir á samkom-
una sem Snorrastofa og Minning-
arsjóður Guðmundar Böðvars-
sonar halda í sameiningu. ■
ALDARMINNING: HUNDRAÐ ÁR FRÁ FÆÐINGU GUÐMUNDAR BÖÐVARSSONAR
Úrval ljóða skáldsins sem sólin kyssti
FR
ÉT
TA
B
LA
Ð
IÐ
/G
VA
RUTH REGINALDS Svona leit hún út eftir lýtaaðgerðina þegar hún var einn dómenda í
Ljósanæturlagakeppninni sem haldin var á Suðurnesjum.
FR
ÉT
TA
B
LA
Ð
IÐ
/V
ÍK
U
R
FR
ÉT
TI
R/
AT
LI
M
ÁR
G
YL
FA
SO
N
BÖÐVAR GUÐMUNDSSON OG SILJA AÐALSTEINSDÓTTIR
Ljóðin í bókinni eru hundrað talsins, sem hlýtur að teljast viðeigandi, og eru valin af
Böðvari syni skáldsins, Silju Aðalsteinsdóttur sem áður hefur ritað ævisögu Guðmundar
og „tveimur stútungsbóndakonum og gömlum aðdáendum Guðmundar,“ eins og Silja
orðar það.
FR
ÉT
TA
B
LA
Ð
IÐ
/G
U
N
N
AR
V
. A
N
D
RÉ
SS
O
N
AFMÆLI
Ragnar S. Halldórsson fv. forstjóri er
75 ára.
Ólöf Nordal myndlistarmaður er 43 ára.