Fréttablaðið - 02.09.2004, Blaðsíða 4
4 2. september 2004 FIMMTUDAGUR
SJÁVARÚTVEGUR „Það er óvenjulega
mikið eftir af karfa en í öðrum
megindráttum má segja að þetta
sé svipað og verið hefur undan-
farin ár,“ segir Ari Arason hjá
upplýsingasviði Fiskistofu. Nýtt
fiskveiðiár hófst í gær en talsvert
var enn eftir af ónotuðum afla-
heimildum þegar því gamla lauk í
fyrradag.
Ari segir það eðlilegt, í sveigj-
anlegu kerfi eins og því íslenska,
að mismunandi mikið sé eftir þeg-
ar hverju slíku fiskveiðiári lýkur.
Óvenjulegast segir hann vera
hversu mikið er eftir af karfa og
eins grálúðu. „Grálúðan hefur
ekki verið að gefa sig en af hverju
kvótinn á karfanum hefur ekki
klárast veit ég ekki. Loðnan tókst
fremur illa til en síldin hins vegar
þeim mun betur.“
Úthlutað var 57 þúsund lestum
af karfa á síðasta fiskveiðiári og
voru eftir tæpar 4.400 lestir þegar
því lauk. Tæplega 5500 lestir voru
eftir af grálúðu en rúmlega 20
þúsund lestum var úthlutað. ■
Endurbætur upp
á rúman milljarð
Þjóðminjasafnið var opnað að nýju í gær. Opnunardegi hefur
margoft verið frestað og heildarfjárútlát ríkisins vegna endurbótanna
eru áætluð um 1,3 milljarðar.
ÞJÓÐMINJASAFN Áætlað hefur verið
að kostnaður ríkisins vegna endur-
bóta safnahúss Þjóðminjasafnsins,
sem var opnað að nýju í gær, nemi
tæpum 1,3 milljörðum króna. Inni í
þeirri tölu er kostnaður vegna upp-
setningar grunnsýningar í húsinu,
en kostnaður við hana hefur verið
áætlaður um 289 milljónir.
Saga endurbótanna spannar nú
um sex ár, en húsinu var lokað árið
1998. Ljóst var að margir voru
orðnir langeygir eftir opnun húss-
ins, enda hafa margar dagsetning-
ar verið nefndar á þessum tíma
sem opnunardagar fyrir safnið.
Upphaflega var til umræðu að
opna það 17. júní árið 2000, svo 17.
júní árið 2001. Næst var 1. desem-
ber árið 2002 nefndur til sögunnar
og svo sumardagurinn fyrsti á
þessu ári. Var þá opnun frestað til
1. september.
Nokkrar ástæður hafa verið
nefndar fyrir töfinni. Bent hefur
verið á að leyndir gallar hafi komið
fram á húsinu. Þannig hafi komið í
ljós að efri hæð hússins hafi verið
steypt í frosti á sínum tíma og að
fyrsta hæðin hafi ekki verið járn-
bundin. Verkið hafi því verið mun
viðameira en gert var ráð fyrir.
Einnig er bent á að það hafi orðið til
að seinka verkinu að verktakafyr-
irtæki sem hafði yfirumsjón með
framkvæmdum varð gjaldþrota.
Nú síðast þegar opnun var frestað
tiltók menntamálaráðherra m.a. þá
ástæðu að geymsluskápar, sérpant-
aðir frá Belgíu, myndu ekki skila
sér í tæka tíð.
Það er því ljóst að í mörg horn
var að líta. Við umræðu á Alþingi í
febrúar á þessu ári svaraði mennta-
málaráðherra því til að nægar fjár-
veitingar væru fyrir hendi til þess
að opna safnið með reisn. Síðan þá
hefur komið fram í svörum ráð-
herrans og formanns fjárlaga-
nefndar að áætlað er að sækja um
100 milljónir í fjáraukalögum nú í
október til þess að mæta frekari
kostnaði. Þess má geta að endur-
reisn safnsins hefur einnig verið
styrkt umtalsvert af einkaaðilum.
Þess má einnig geta að ofan á
þær 1.274 milljónir króna, sem
áætlað hefur verið að endanlega
kosti að gera upp safnið og setja
upp grunnsýninguna, bætast um
144 milljónir. Það er sú upphæð
sem kostaði að setja upp skrif-
stofu- og geymsluaðstöðu fyrir
safnið á meðan á endurbótunum
stóð. Heildarkostnaður, þegar allt
er saman tekið, ásamt fjárframlög-
um einkaðila, er því einhvers stað-
ar nálægt einum og hálfum millj-
arði ef að líkum lætur.
gs@frettabladid.is
Nýr iMac:
Allt byggt í
skjáinn
PARÍS, AP Ný iMac-tölva frá Apple
var kynnt á sýningu í París á þriðju-
daginn. Lengi hefur verið beðið eft-
ir næstu nýjung hjá félaginu sem
hefur sérhæft sig í að bjóða upp á
nýstárlega hönnun á tölvum og
tækjum.
Fyrsta iMac-tölvan sló í gegn hjá
notendum eftir að hún var kynnt
árið 1998. Hin nýja útgáfa er byggð
á svipaðri hugmyndafræði þar sem
tölvan er öll innbyggð í skjáinn í
stað þess að sérstakur tölvuturn sé
tengdur við skjá.
Nýja iMac-tölvan hefur flatan
skjá og er því fyrirferðarminni en
eldri útgáfan. ■
■ SVEITARFÉLÖG
■ SUÐUR-AMERÍKA
Á að leyfa ófaglærðum körlum að
vinna á fæðingargangi LSH?
Spurning dagsins í dag:
Var það þess virði að bíða sex ár eftir
endurbættu Þjóðminjasafni?
Niðurstöður gærdagsins
á visir.is
68,38%
31,62%
Nei
Já
KJÖRKASSINN
Farðu inn á visir.is og segðu þína skoðun
visir.is
Saklaus í fangelsi:
Látinn laus
eftir 17 ár
BANDARÍKIN, AP Clarence Harrison,
44 ára íbúi í Grady í Georgíuríki,
hefur síðastliðin sautján ár af-
plánað lífstíðarfangelsisdóm fyrir
mannrán og nauðgun. Hver ein-
asti dagur hefur verið honum afar
þungbær því hann hefur ætíð
haldið fram sakleysi sínu en talað
fyrir tómum eyrum.
Það var loks í fyrradag að dóm-
stóll í Georgíu komst að því að
Harrison væri saklaus af glæpn-
um og hefur hann verið látinn
laus. DNA-lífsýni sem meðal ann-
ars voru notuð til að sakfella hann
árið 1987 voru skoðuð aftur og
kom þá í ljós að sæðið sem fannst
í fórnarlambinu var ekki hans.
Harrison hefur ekki ákveðið
hvort hann ætli að höfða skaða-
bótamál gegn ríkinu en mjög lík-
legt er talið að hann geri það. ■
Talsvert óveitt af kvóta síðasta fiskveiðiárs:
Óvenjumikið eftir af karfa
ÓNOTAÐUR KVÓTI Á SÍÐASTA
FISKVEIÐIÁRI
Þorskur 883 lestir
Ýsa 1.150 lestir
Ufsi 1.962 lestir
Karfi 4.399 lestir
Langa 139 lestir
Keila 367 lestir
Steinbítur 2.482 lestir
Skötuselur 119 lestir
Grálúða 5.388 lestir
Loðna 171.385 lestir
Þorskígildi 28.808 lestir
LOÐNUVEIÐAR
Fyrir vestan land.
M
YN
D
/Þ
O
R
ST
EI
N
N
G
. K
R
IS
TJ
ÁN
SS
O
N
FYRIRFERÐARLÍTIL TÖLVA
Áhugasamir gestir kynntu sér nýja iMac
tölvu á sýningu í París í vikunni. Tölvan er
öll innbyggð í skjáinn.
MÓTMÆLI Í BUENOS AIRES
Fjöldi fólks mótmælti heimsókn
Rodrigo Rato, framkvæmdastjóra
Alþjóðagjaldeyrissjóðsins, til Bu-
enos Aires í Argentínu í gær.
Margir Argentínumenn kenna
sjóðnum um efnahagskreppuna
sem hófst í landinu árið 2001.
PINOCHET SVARAR TIL SAKA
Nú er ljóst að Augusto Pinochet,
fyrrum einræðisherra í Chile, mun
þurfa að svara til saka fyrir mann-
réttindabrot sem hann er talinn
bera ábyrgð á í stjórnartíð sinni.
Hæstiréttur Chile úrskurðaði í síð-
ustu viku að Augusto Pinochet, fyrr-
verandi einræðisherra, nyti ekki
lengur friðhelgi frá lögsóknum.
GÖNGUR Flóamenn, Skeiðamenn og
Gnúpverjar héldu af stað í fyrstu
leitir haustsins í gær. Nú eru göng-
urnar tveimur dögum styttri en
áður, þökk sé jeppum og hestakerr-
um úr Flóanum, sem flytja menn og
hesta upp í Gnúpverjahrepp. Í
lengstu leit er riðið um virkjana-
svæðið og hin umdeildu Þjórsárver
og alla leið upp að Hofsjökli.
Ari Thorarensen er að fara í sína
34. fjallferð og er þetta í ellefta sinn
sem hann ríður inn yfir Fjórðungs-
sand í lengstu leit. „Friðurinn og
róin á hálendinu gefa manni orku,“
segir Ari. „Það er eitthvað sem
dregur mann í göngur. Ég hef aldrei
átt kindur þarna, svo ekki er ég að
elta þær.“ Ari segir stemninguna í
hópnum vera góða. „Aðbúnaður í
skálunum er orðinn fínn, við fáum
graut á morgnana, förum með nesti
út um daginn og fáum heitan mat í
skálunum aftur að kvöldi. Við sem
förum í lengstu leit gistum í átta
nætur í skálum.“
Leitarmönnum fjölgar á sunnu-
dag og fram að réttum og skiptast
niður eftir því sem á líður. Flóa- og
Skeiðamenn hinkra með sitt safn
meðan Gnúpverjar rétta í Skaft-
holtsrétt föstudag 10. september
og svo lýkur þessum lengstu göng-
um á Íslandi með Reykjaréttum á
Skeiðum á laugardag 11. septem-
ber. Þá hafa þeir sem lengst fara
komið frá Eyrarbakka og haldið
inn að Hofsjökli. ■
Lengstu göngur að hefjast:
Átta nætur í skálum
Á LEIÐ Í LENGSTU GÖNGUR LANDSINS
Áslaug Harðardóttir í Laxárdal, Birkir Þrastarson á Hæli III, Ari Thorarensen í Árborg, Björn Hilm-
arsson á Eyrarbakka, Lilja Loftsdóttir fjallkóngur á Brúnum og Ágúst Ketilsson á Brúnastöðum.
M
YN
D
/S
O
FF
ÍA
S
IG
U
RÐ
AR
D
Ó
TT
IR
HÆKKUÐ FRAMLÖG Áætluð heild-
arúthlutun útgjaldajöfnunarfram-
laga til sveitarfélaga hækkar um
100 milljónir á árinu. Fer úr 2
milljörðum króna í 2,1 milljarð.
Tillaga þessa efnis var samþykkt
á fundi ráðgjafarnefndar Jöfnun-
arsjóðs sveitarfélaga 30. ágúst. Í
tilkynningu kemur fram að tekið
hafi verið tillit til hækkunarinnar
við greiðslu framlaga um mán-
aðamótin og leiðrétting jafnframt
gerð vegna fyrri greiðslna.
NÝR SKÓLI VÍGÐUR Sunnulækjar-
skóli á Selfossi var vígður um
síðustu helgi að viðstöddu fjöl-
menni, að því er segir á vef sveit-
arfélagsins Árborgar. Forseti
bæjarstjórnar, Þorvaldur Guð-
mundsson og formaður skóla-
nefndar, Margrét K. Erlingsdóttir
fluttu ávörp og séra Gunnar
Björnsson blessaði húsið og
starfsemi skólans. Athöfninni
lauk með því að elsti nemandi
skólans, Janus Daði Smárason,
klippti á borða.
ENDUROPNUN ÞJÓÐMINJASAFNS-
INS – ÁÆTLAÐUR KOSTNAÐUR
Hönnun, umsjón og eftirlit 135 millj.
Rif og hreinsun 69 millj.
Endurbætur innan húss og utan 621 millj.
Lóð og bílastæði 80 millj.
Grunnsýning 289 millj.
Annað (búnaður, opinber gjöld o.fl.) 80 millj.
Samtals 1.274 millj.
Heimild: Svar menntamálaráðherra í
umræðu á Alþingi í maí síðastliðnum.
FRÁ OPNUN ÞJÓÐMINJASAFNSINS
Áætlað hefur verið að endurbygging Þjóðminjasafnsins kosti ríkið endanlega um 1,3 millj-
arða. Hafist var handa við framkvæmdina árið 1998.
FR
ÉT
TA
B
LA
Ð
IÐ
/S
TE
FÁ
N