Fréttablaðið - 02.09.2004, Blaðsíða 18

18 2. september 2004 FIMMTUDAGUR
SIKHAR FAGNA
Talið er að allt að tvær og hálf milljón sikha
taki þátt í hátíðahöldum í tilefni af 400 ára
afmæli Sri Guru Granth Sahib, helgrar
bókar sikha. Fjöldi fólks lagði leið sína í
Gullna musterið í Amritsar á Indlandi.
Sjúkrahús og heilsugæslustöð Akraness:
Sértekjur hækkuðu um sex prósent
HEILBRIGÐISMÁL Rekstur sjúkra-
hússins og heilsugæslustöðvar-
innar á Akranesi var jákvæður
sem nemur 2,4% af heildar-
tekjum samkvæmt uppgjöri
fyrstu sex mánaða ársins, að því
er kemur fram í upplýsingum frá
heilbrigðisráðuneytinu.
Sértekjur hækkuðu um 6,6%
milli ára. Hækkun þeirra stafar
fyrst og fremst af aukinni út-
seldri þjónustu til annarra heil-
brigðisstofnana.Ý Launagjöld
samkvæmt uppgjörinu hækka
um 2,3% á milli tímabila sem er í
samræmi við áætlun. Lækninga-
og hjúkrunarvörukostnaður
hækkar nokkuð umfram það sem
gert hafði verið ráð fyrir. Á-
stæður má rekja beinlínis til auk-
innar starfsemi og fjölgunar að-
gerða, einkum liðskiptaaðgerða
en þeim fjölgar um 50% á milli
ára þetta tímabil. Skurðaðgerð-
um fjölgar í heild um ríflega 9%
á milli tímabila, hæst er hlutfallið
í liðskiptaaðgerðum og kvensjúk-
dómaaðgerðum. Á flestum öðrum
sviðum er ennfremur um aukn-
ingu að ræða. Legudögum fjölgar
nokkuð á þessu tímabili og
skýrist það af eðli þeirra aðgerða
sem fengist er við. Þróunin hefur
hinsvegar verið sú undanfarin ár
að legudögum fækkar á SHA eins
og á öðrum sjúkrahúsum og
nefna má að frá 1997 hefur legu-
dögum á SHA fækkað um 500 á
ári hverju, sjúklingum fjölgar þó
umtalsvert. ■
RÉTTARHÖLDUM FRESTAÐ Fresta
þarf endurteknum réttarhöldum
yfir Mounir el Motassadeq um
viku. Ástæðan er sú að helsti lög-
maður hans slasaðist í mótor-
hjólaslysi. Motassadeq var fund-
inn sekur um hryðjuverk en æðri
dómstóll fyrirskipaði að aftur
yrði réttað í máli hans.
FYRRUM RÁÐHERRA HANDTEK-
INN Króatar hafa handtekið
Lkube Boskovski, fyrrum innan-
ríkisráðherra Makedóníu.
Boskovski er sagður hafa fyrir-
skipað morð á sjö ólöglegum inn-
flytjendum. Hann lét líta út fyrir
að þeir væru hryðjuverkamenn
til að láta líta út fyrir að
Makedónar stæðu sig í barátt-
unni gegn hryðjuverkum.
Fangelsi í París:
Hálfkláruð
göng fundust
FRAKKLAND, AP Þrenn hálfkláruð
göng og skóflur hafa fundist undir
La Sante-fangelsinu í París.
Göngin komu í ljós eftir að
nokkrir fangar sem urðu varir við
undarleg hljóð undir klefum
sínum létu fangelsismálayfirvöld
vita. Ekki liggur enn fyrir hvort
nota hafi átt göngin, sem áttu upp-
tök sín fyrir utan fangelsið en
náðu ekki inn í það, til að hjálpa
föngum að flýja eða fremja
skemmdarverk í fangelsinu.
Margir af hættulegustu föng-
um Frakklands, meðal annars ís-
lamskir hryðjuverkamenn, eru í
La Sante. Búið er að fylla upp í
göngin og færa alla hættulegustu
fangana á annan stað. ■
FLEIRI HEIMSÆKJA HORNAFJÖRÐ
Rúmlega 130 þúsund ferðamenn
heimsóttu Hornafjörð í sumar,
segir á vef sveitarfélagsins.
Guðrún Ingimundardóttir, starfs-
maður Jöklasafnsins, segir
lengdan afgreiðslutíma hafa
skilað aukinni aðsókn. Þá kemur
fram að 7.000 manns hafi gist í
smáhúsum á tjaldstæðinu og
tjaldstæði bæjarins hafi fjórum
sinnum verið fullt í sumar.
■ SVEITARFÉLÖG
■ EVRÓPA
AKRANES
Sjúkrahúsið hefur aukið útselda þjónustu til annarra heilbrigðisstofnana.
HAGYRÐINGAR MÆTAST Meðal at-
riða á Ljósanótt í Reykjanesbæ í
kvöld er hagyrðingakeppni, þar
sem landslið hagyrðinga er sagt
munu mætast og kveðast á undir
dyggri stjórn Karl Ágústs Úlfs-
sonar. Á vef bæjarfélagsins kem-
ur fram að yrkisefnið sé „að
sjálfsögðu Reykjanesbær og
Ljósanótt“. Hagyrðingakvöldið
hefst klukkan átta í kvöld í Stap-
anum og stendur fram til ellefu,
eða allt eftir andagift kvöldsins.
■ UPPÁKOMUR