Fréttablaðið - 02.09.2004, Blaðsíða 49
37FIMMTUDAGUR 2. september 2004
Hér bjóðum við annars vegar
upp á kennslu í AutoCad (60
stundir) þar sem unnið er með
ýmsar teikningar og hins vegar
3D StudioMax (120 stundir) þar
sem sömu teikningar eru
gæddar lífi, t.d. með þrívíddar-
og hreyfieiginleikum.
Að námskeiðinu loknu eiga
nemendur að vera færir um að
leysa krefjandi verkefni á eigin
spýtur enda er mikil áhersla
lögð á verklegar æfingar.
Viðmót í AutoCad
AutoCad teikningar
Viðmót í 3D Studio Max
Tvívíð og þrívíð líkanagerð
Flutningur á milli forrita
Lýsing og efnisáferð
Hreyfimyndagerð
Myndsetning
Lokaverkefni
Námsgreinar:
Námskeiðið hefst 13. sept.
og lýkur 6. des.
Upplýsingar og innritun
í síma 544 4500 og ntv.is
ENSKA ER OKKAR MÁL
• Talnámskeið - 7 vikur
• Viðskiptanámskeið
• Einkatímar
• Enskunám erlendis
• Kennt á mismunandi stigum
• Barnanámskeið (5-15 ára)
• Málfræði og skrift
• Þjóðfélagsleg umræða
• Kvikmyndaumræða
• Frítt kunnáttumat og ráðgjöf
Enskunámskeið að hefjast
Hringdu í síma 588 0303 • FAXAFENI 8 • www.enskuskolinn.is
Þjóðarspegillinn í núinu
Jæja, þá er loksins búið að opna
Þjóðminjasafnið og eins gott. Þessi
spegill þjóðarinnar, eins og Þor-
gerður Katrín Gunnarsdóttir
menntamálaráðherra kallar safnið í
hátíðardagskrá, hefur verið lokað-
ur svo lengi að þjóðin er hætt að
vita hvernig hún lítur út. Það sést
best á því hversu illa fólki getur
gengið að klæða sig fyrir stórhátíð
á borð við þá að sjálft Þjóðminja-
safnið er opnað. Þótt stór hluti
gesta væri í viðeigandi pússi (helst
þeir sem voru komnir til vits og ára
og höfðu lært að klæða sig áður en
safninu var lokað seint á síðustu
öld), voru allt of margir sem mættu
dressaðir eins og þeir væru rétt að
líta upp úr skúringafötunni eða af
einhverjum vinnupallinum, í galla-
buxum, vindblússum og úlpum.
Hvað er að þessu fólki? Hvað er
það að mæta ef það getur ekki sýnt
þjóðarspeglinum tilhlýðilega virð-
ingu á slíkum hátíðardegi? Núið
þarf að taka sig saman í andlitinu.
Þetta var þeim mun meira til
vansa að dagskráin sem safnið bauð
upp á var flott, ræður stuttar,
velhugsaðar og velfluttar, söngur
dásamlegur úr börkum Skólakórs
Kársnesskóla og mezzósópransins
Guðrúnar Jóhönnu Ólafsdóttur, að
ógleymdum bráðskemmtilegum
rímnaflutningi Hilmars Arnar
Hilmarssonar og Steindórs Ander-
sen, svona rím og raf. Veitingar
gómsætar, guðaveigarnar flæddu
ómælt og allt rann ljúflega niður í
mannskapinn sem var harla glaður
með sinn menningararf.
Safnið sjálft? Jú, það hefur held-
ur betur tekið stakkaskiptum.
Breytingarnar hafa tekist vel, hús-
ið er flott og það verður auðveldara
að skoða safnið í framtíðinni. Bisk-
upinn yfir Íslandi, herra Karl Sig-
urbjörnsson, minntist liðinna tíma
á safninu og talaði einkum um safn-
verðina, gömlu konurnar sem sátu
með prjónana sína og sussuðu á
fólk ef það talaði of hátt. Þótt nú-
tíminn sé smart væri nú frekar
leiðinlegt ef prjónakonunum yrði
úthýst. Prjónaskapur speglar jú
iðjusemi íslensku kvenþjóðarinnar.
Um sjö hundruð manns var boð-
ið á opnunarhátíðina og ekki að sjá
annað en að flestir þeirra hefðu
mætt. Forseti (sem heyrðist ljúka
lofsorði á hönnun hússins) og for-
setafrú, ríkisstjórnin, þingmenn,
þotulið, listamenn, forstöðumenn
byggðasafna víða um land, háskóla-
rektor og -kennarar, starfsmenn
safnsins til margra ára – og svo illa
klædda fólkið.
Það eina sem fór úrskeiðis var
uppsetningin á því að forsætisráð-
herra klippti á borðann til að opna
safnið fyrir gestum og gangandi.
Hann var látinn snúa baki í mynda-
vélar og gesti.
En, sem sagt, Þjóðminjasafnið
opið, búið að koma upp spennandi
sýningum – og eins gott að gefa sér
tíma til að skoða þær, því ólíkt því
sem var í gamla safninu er hægt að
þræða sig eftir sögunni, í máli,
myndum og minjum. ■
ÁNÆGÐIR HÁTÍÐARGESTIR
Forsetahjónin ásamt Margréti Hallgrímsdóttur og Þorgerði Katrínu Gunnarsdóttur mennta-
málaráðherra.
RÍM OG RAF
Kvæðamaðurinn Steindór Andersen flutti
rímur við raftónlist Hilmars Arnar Hilmars-
sonar.
PRÚÐBÚNIR GESTIR
Biskupinn yfir Íslandi, herra Karl Sigurbjörnsson, flutti blessun og naut síðan dagsins með
öðrum gestum.
FULLT ÚT ÚR DYRUM
Um 700 manns var boðið á opnun safnsins og líklegt að flestir þeirra hafi mætt.
ÍSLENSK SÖNGLÖG
Guðrún Jóhanna Ólafsdóttir mezzósópran
hreif gesti með söng sínum.
MÆTTUR TIL LEIKS
Davíð Oddsson forsætisráðherra opnaði safnið formlega og er hér ásamt eiginkonu sinni,
Ástríði Thorarensen, og Þorgerði Katrínu Gunnarsdóttur menntamálaráðherra.
FR
ÉT
TA
B
LA
Ð
IÐ
/M
YN
D
IR
/S
TE
FÁ
N