Fréttablaðið - 04.09.2004, Blaðsíða 36

Þegar skyggja tekur og þaðfer að kólna úti, lífgast sjón-varpsdagskráin við. Þessa
dagana eru sjónvarpstöðvarnar
að keppast við að kynna gullperl-
ur sínar þennan veturinn, bæði
fyrir hinn almenna sjónvarpsá-
horfenda sem og auglýsendur.
Öllum þáttum er lýst sem „bráð-
skemmtilegum“ eða „sérstaklega
áhugaverðum“ en það verðum við
áhorfendur sem munum endan-
lega dæma um á hvað verður
horft og hvaða sjónvarpsþættir
munu slá í gegn í vetur.
Auk gamalla og góðra andlita á
skjánum, verða nýir dagskrárliðir
kynntir. Við munum sjá vinsælan
danskan þátt í Sjónvarpinu, ís-
lenskan „bachelor“ þátt á Skjá
Einum og Reykjavíkurnætur á
Stöð 2. Allir þessir þættir eru lík-
legir til vinsælda og án efa verður
um þá rætt í kaffistofum, frímín-
útum og á götum úti í vetur. Þá á
líka eftir að ræða um hver verði
nýja íslenska Idol-stjarnan og
hvort sé nú skemmtilegra að
fylgjast með Silfri Egils á Stöð 2,
Brennidepli í Sjónvarpinu eða
nýja umræðuþættinum með
Katrínu Jakobs og Illuga Gunn-
arssyni á SkjáEinum.
Auk þessara dagskrárliða sem
tíundaðir eru hér á síðunni mun-
um við komast að því í næstu viku
hvaða íslensku þættir verða í boði
hjá Sjónvarpinu en dagskrárstjóri
innlends efnis hefur enn ekki
kynnt vetrardagskrána.
SKJÁREINN
Sjónvarpsstöðin SkjárEinn mun
gera nokkrar breytingar á dag-
skrá sinni í vetur frá því í fyrra.
Nýjungagjörn innlend dagskrár-
gerð mun vera áberandi auk
ýmissa erlendra þátta, bæði nýrra
og gamalla, en stöðin hefur lengi
sýnt mikið af slíku erlendu
skemmtiefni. Helgi Hermannsson
dagskrárstjóri segir að með því að
hafa tryggt sér sýningarréttinn á
enska boltanum muni markhópur
SkjásEins breytast til muna, áður
hafi meginmarkhópur stöðvarinn-
ar verið konur undir fimmtugu en
með enska boltanum munu karl-
menn í auknum mæli fara að
horfa á stöðina.
Íslenskt efni
Af innlendu efni má nefna Skjás-
bingóið sem dagskrárstjóri stöðv-
arinnar segist vona að muni koma
út eins og Bingó með blöndu af 70
mínútum og Jackass. Stjórnandi
Bingósins verður Vilhelm Anton
Jónsson, eða Villi Naglbítur eins
og hann er betur þekktur. Bingóið
mun verða á dagskrá á sunnu-
dögum og geta áhorfendur prent-
að út bingóspjöld á netinu og
tekið þátt í gamninu. Bingó þykir
örugglega ekki með skemmtilegri
afþreyingarleikjum en á skjánum
mun leikurinn verða poppaður
upp svo um munar og slegið á
létta strengi.
Annað innlent efni verður um-
ræðuþátturinn Sunnudagsþáttur-
inn sem hefst í október. Þátturinn
verður á sunnudögum í stjórn
Katrínar Jakobsdótur og Illuga
Gunnarssonar auk tveggja blaða-
manna en enn er ekki komið á
hreint hverjir það verða. Sá þátt-
ur verður með óhefðbundnu sniði
því eins og flestir vita þá eru
hvorki Katrín né Illugi hlutlaus í
pólitík og ætti þátturinn því að
geta haft nokkuð skemmtanagildi
fyrir áhorfandann.
Íslensk útgáfa sjónvarpþáttar-
ins Bachelor verður einnig tekin
til sýninga og ber heitið Á biðils
buxum. Þátturinn verður veiga-
mesti innlendi dagskrárliður
SkjásEins í vetur þar sem fólk í
makaleit leitast við að finna sér
maka fyrir framan alþjóð. Spenn-
andi verður að fylgjast með
hvernig slíkur þáttur mun ganga
hér á landi og hvort margir munu
rugla saman reitum sínum og
verða með því fyrstu sjónvarps-
hjón landsins og því kannski óhjá-
kvæmilega eign almennings sem
horfði á hjónabandið verða til í
beinni á skjánum. Popppunktur
verður á dagskránni en með nokk-
uð breyttu sniði því þær hljóm-
sveitir sem lent hafa í efstu sæt-
unum hin síðustu ár munu etja þar
kappi í sannkallaðri meistara-
keppni. Djúpa laugin verður að
sjálfsögðu einnig á sínum stað.
Erlent efni
SkjárEinn hefur í gegnum tíðina
sýnt mikið magn erlendra spennu-
og skemmtiþátta, á því verður
engin breyting í vetur. Þátturinn
The L-Word, eða Orð sem byrjar á
L, hefur göngu sína en um er að
ræða þáttaröð um hóp samkyn-
hneigðra vinkvenna í LA sem er
eins konar lesbísk útgáfa af Sex
And the City.
Frá framleiðendum O.C. kem-
ur dramatísk þáttaröð um lífið í
háskólabænum Aþenu.
Annar nýr þáttur er The
Mountain sem mun vera sam-
bland af O.C. og Dynasty. Þáttur-
inn fjallar um það reiðarslag sem
ættingjar Davids Carver, sem
byggði upp mikla skíðaparadís,
verða fyrir þegar hann deyr og
þeir komast að því að hann hefur
ánafnað veldi sínu syninum David
sem snéri ungur að árum bakinu
við fjölskyldunni.
Af öðru efni má nefna O.C. sem
notið hefur gríðarlegra vinsælda
hjá ungu fólki hér á landi.
Af erlendum veruleikasjón-
varpsþáttum má nefna America’s
Next Top Model 2, The Simple
Life þar sem fylgst er með dekur-
dúkkunum Paris Hilton og Nicole
Richie í lífsins ólgusjó og fimmtu
syrpunni af The Bachelor.
SJÓNVARPIÐ
Margir af helstu góðkunningjum
áhorfenda Ríkissjónvarpsins snúa
aftur á skjáinn í september. Ber
þar hvað helst að nefna þættina
um Sopranofjölskylduna sem
hefjast 20. september með James
Gandolfini í aðalhlutverki. Af
öðru efni má hvað helst nefna
Frasier, Bráðavaktina, Alias,
Gilmore Girls, Scrubs auk seinni
syrpu bresku dramaþáttanna um
Forsythe-ættina. Lokaþættir The
Office verða einnig á dagskrá sem
kitla munu hláturtaugar lands-
manna sem aldrei fyrr.
Nýtt af nálinni
Af nýju erlendu efni á RÚV ber
hvað hæst dönsku þættina Kroni-
ken sem verða á dagskrá á sunnu-
dögum. Þátturinn hlaut allt að 80%
áhorf í Danmörku sem telst ein-
stakt, ekki einu sinni Á tali hjá
Hemma Gunn hlaut þvílíkt áhorf
þegar sá þáttur var og hét. Gaman
verður að fylgjast með hvað lokk-
aði Dani svona að skjánum þegar
þátturinn var sýndur. Kroniken
hefst sunnudaginn 3. október.
Af öðru erlendu ber að nefna
Fortysomething með breska grín-
leikaranum Hugh Laurie í aðal-
hlutverki sem miðaldra fjöl-
skylduföður í tilvistarkreppu.
Einnig verða sýndir breskir verð-
launaþættir þar sem sögur
Geoffreys Chaucer úr Kantara-
borg eru settar fram í nútímaleg-
um búningi. Af öðru efni má minn-
ast á Line of Fire sem er banda-
rískur spennuþáttur um sérsveit
innan FBI og The Worst Week of
My Life sem er breskur þáttur og
fjallar um ýmsar hremmingar
sem tilvonandi brúðhjón lenda í á
leið sinni upp að altarinu.
Heimildaefni
Mikið verður um heimildaefni eins
og alltaf hjá RÚV. Breskir þættir í
fjórum hlutum, Human Instinct,
sem fjalla um eðli mannsins verða
sýndir auk þriggja þátta um stór-
fljótið Níl sem og heimildarmynd
um síðustu daga Pompeiborgar
áður en hún grófst undir ösku í
eldgosi. Sýnd verður Óskarsverð-
launamynd Michaels Moore, Bowl-
ing for Columbine sem og heimild-
armyndir um lífshlaup merkra
listamanna eins og Picasso,
Matisse og Michelangelo.
Nánari upplýsingar um inn-
lenda dagskrá RÚV verða gefnar
upp síðar þar sem Rúnari Gunnars-
syni dagskrárstjóra innlends efnis
þótti ekki við hæfi að greina frá því
að svo stöddu en hann mun líklega
gera það í næstu viku.
24 4. september 2004 LAUGARDAGUR
KRONIKEN Þessir dönsku þættir sem hafa hlotið fádæma áhorf í Danmörku verða á
dagskrá Sjónvarpsins í vetur.
Sjónvarpsstöðvar landsins skipta nú út sumardagskránni og setja í loftið nýja dagskrá fyrir veturinn. Mikið er þar um nýtt efni sem ekki er
vanþörf á að kynna fyrir landsmönnum auk eldra efnis sem margir bíða eftir með mikilli eftirvæntingu:
Setið við sjónvarpið í vetur
ENSKI BOLTINN SkjárEinn sýnir enska boltann í vetur eins og flestum ætti að vera
kunnugt. Vonandi verður Eiður okkar á skotskónum eins og svo oft áður.