Fréttablaðið - 08.09.2004, Blaðsíða 12

12 8. september 2004 MIÐVIKUDAGUR
EINN LÉST Í SPRENGJUÁRÁS
Sjúkraliðar vinna hér við að fjarlægja lík
manns sem lést í sprengjuárás á Ali al-
Haidri, borgarstjóra Bagdad. Al-Haidri
slapp ómeiddur en einn óbreyttur borgari
lést og margir særðust.
VIÐSKIPTI Samherji hefur keypt
hluti í tveimur evrópskum sjávar-
útvegsfyrirtækjum. Kaupverðið
er samtals nálægt tveimur og
hálfum milljarði króna.
Annars vegar jók Samherji
hlut sinn í þýska útgerðarfélaginu
CR Cuxhaven Reederei úr 30 í 65
prósent. Kaupverð hlutarins var
17,3 milljónir evra (um 1,6 millj-
arðar króna).
Hins vegar keypti dótturfélag
Samherja helmingshlut í Boyd
Line Ltd. í Bretlandi. Kaupverð
þess hlutar er 6,5 milljónir Sterl-
ingspunda (um átta hundruð millj-
ónir króna).
Í frétt frá Samherja kemur
fram að eftir kaupin ráði félög,
sem Samherji á eignaraðild að,
yfir um tuttugu þúsund
þorskígildistonnum í sameigin-
legum kvóta Evrópusambandsins.
Til samanburðar er kvóti Sam-
herja á Íslandsmiðum um 25 þús-
und þorskígildistonn.
Í gær var einnig tilkynnt um að
Samherji hefði aukið hlut sinn í
Síldarvinnslunni hf. Samherji
keypti 3,6 prósent fyrir tæplega
260 milljónir króna og á félagið og
dótturfélag þess nú ríflega 37 pró-
sent í Síldarvinnslunni. ■
Vinna allt að átján tíma á dag
Um eitt þúsund íbúar Hafnarfjarðar eru af erlendum uppruna. Samkvæmt nýrri úttekt nýta þeir
sér lítið þjónustu Alþjóðahúss og telja íslenskukennslu á villigötum.
NÝBÚAR Nýbúar í Hafnarfirði nýta
sér ekki þjónustu Alþjóðahúss ef
marka má úttekt á þjónustu Hafn-
arfjarðarbæjar sem nú liggur
fyrir. Í fyrra voru 566 einstakling-
ar með erlent ríkisfang búsettir í
bænum, þar af flestir frá Póllandi.
Þá er áætlað að svipaður fjöldi
hafi þegar fengið íslenskan ríkis-
borgararétt og því megi gera ráð
fyrir að heildarfjöldi íbúa af er-
lendum uppruna í Hafnarfirði sé
um eitt þúsund.
Í viðtölum sem tekin voru við
nýbúa kemur fram að fáir þeirra
vita af starfsemi Alþjóðahúss, en
þar er rekin lögfræði- og félagsráð-
gjöf, og enn færri nýta sér þjónust-
una þrátt fyrir að Hafnarfjarðar-
bær greiði Alþjóðahúsi fimm millj-
ónir á ári fyrir þjónustu við nýbúa
í bænum. Sumir sem rætt var við
sögðu að þeir hefðu ekki tíma til að
sækja þjónustuna til Reykjavíkur
vegna langs vinnutíma. Sérstak-
lega sögðust Pólverjar vinna mikið
og margir þeirra senda peninga
heim til Póllands. Einn viðmælend-
anna sagði þetta fólk vera mjög
þreytt og lifa eins ódýrt og það geti
til þess að geta sent sem mesta
peninga til heimalandsins. Dæmi
séu um að fólk vinni átján klukku-
stundir á dag. Fólkið vinni mikið á
meðan það er á Íslandi og taki sér
svo frí í nokkra mánuði til þess að
fara til Póllands. Taldi viðmæland-
inn mikilvægt að stjórnvöld
reyndu að rjúfa þessa einangrun
fólks og íslenskukennsla væri best
til þess fallin.
Filippseyingar sem talað var
við sögðu að þeim fyndust Íslend-
ingar taka þeim illa ef þeir töluðu
ensku. Þeir tóku því undir mikil-
vægi íslenskukennslu. Hins vegar
fannst þeim dýrt að taka íslensku-
námskeið og erfitt að stunda nám
samhliða vinnu. Enginn þeirra
hafði sótt íslenskunámskeið hjá
Námsflokkum Hafnarfjarðar, þar
sem þeim fannst námskeiðin dýr
og skila litlum árangri.
Fram komu hugmyndir um að
nýbúum yrði boðið á íslenskunám-
skeið þegar þeir kæmu til lands-
ins, til dæmis í hálft ár.
Í úttektinni segir að á Íslandi
þurfi útlendingar að taka 150
stundir í íslensku til þess að geta
fengið búsetuleyfi og ríkið niður-
greiði námið að einhverju leyti. Í
nágrannaríkjum sé fjöldi kennslu-
stunda talsvert fleiri og hið opin-
bera taki þar meiri þátt í kostnaði
við námið. Þannig fái útlendingar
í Svíþjóð ókeypis kennslu í allt að
525 klukkustundir og útlendingar
í Noregi fái 850 klukkustundir.
ghg@frettabladid.is
AFGANISTAN, AP Sár fátækt, öryggis-
leysi og mikill hægagangur í upp-
byggingu Afganistans eru megin-
efni kosningabaráttunnar sem nú
er hafin, þeirrar fyrstu í sögu
landsins. Átján frambjóðendur
hafa gefið kost á sér í forseta-
kosningunum sem fara fram eftir
mánuð.
„Fólkið sem sveik ykkur, eyði-
lagði heimili ykkar og drap ást-
vini ykkar á sér engan stað í
minni ríkisstjórn,“ sagði
Massooda Jalal, eina konan sem
býður sig fram til forseta, þegar
hún ávarpaði um fimmtíu ekkjur
á einum fyrsta kosningafundin-
um. Flestar eða allar höfðu
konurnar misst eiginmenn sína í
stríðunum sem hafa hrjáð
Afganistan síðustu áratugi. Jalal
fór sérstaklega hörðum orðum um
stríðsherra sem enn eru valda-
miklir í Afganistan og ráða stór-
um hlutum landsins.
Sigurstranglegastur í kosning-
unum er Hamid Karzai, núver-
andi bráðabirgðaforseti. Meðal
annarra frambjóðanda eru nokkrir
stríðsherrar, reitt ljóðskáld og
fyrrum aðstoðarmaður fyrrver-
andi konungs Afganistans. ■
■ BANDARÍKIN
ÍSLENSKUKENNSLA
Nýbúar geta ekki sótt kennslustundir vegna langs vinnutíma.
HUNDUR
Smygl á hundum getur haft alvarlegar af-
leiðingar, að því er fram kemur á vef Yfir-
dýralæknisembættisins.
KOSNINGAVEGGSPJÖLDIN TALIN
Starfsmaður kjörstjórnar telur veggspjöld sem auglýsa kosningarnar. Kosningabaráttan
hófst formlega í gær.
Fylgiskönnun:
Hnífjafnt í
Bretlandi
BRETLAND, AP Munur á fylgi
tveggja stærstu stjórnmálaflokka
Bretlands mælist innan skekkju-
marka í nýrri skoðanakönnun
Populus um fylgi flokkanna.
Verkamannaflokkurinn nýtur
stuðnings 32 prósenta kjósenda en
Íhaldsflokkurinn 30 prósenta.
Verkamannaflokkurinn hefur
tapað miklu fylgi í kjölfar innrás-
arinnar í Írak en það hefur ekki
dugað Íhaldsflokknum til að auka
fylgi sitt að ráði. Þess í stað hafa
Frjálslyndir demókratar bætt við
sig fylgi og njóta nú stuðnings 26
prósenta kjósenda samkvæmt
skoðanakönnuninni. ■
Fyrsta kosningabaráttan formlega hafin í Afganistan:
Uppbygging í brennidepli ENGIR ÁVEXTIR Næstum 90 pró-
sent af ávaxtauppskerunni á
ákveðnum svæðum í Flórída er
talin ónýt. Fellibylirnir Frances
og Charley fóru illa með appel-
sínutré og aðra uppskeru.
Tjónið er metið á hundruð
milljóna íslenskra króna.
BÍRÆFNIR ÞJÓFAR Tugir manna
hafa verið handteknir víðsveg-
ar um Flórída vegna þjófnaða.
Fólkið nýtti sér þær aðstæður
sem sköpuðust þegar fólk
skyldi hús sín og verslanir eftir
mannlaus þegar fellibylurinn
Frances reið yfir. Brotist var
inn í fjölda verslana og íbúða.
■ EVRÓPA
STOKKAR UPP Í STJÓRNINNI Tony
Blair, forsætisráðherra Bret-
lands, ætlar að gera breytingar á
stjórn sinni fyrir vikulokin. Hann
greindi frá þessu á mánaðar-
legum blaðamannafundi sínum
sem haldinn var í gær. Hann neit-
aði því hins vegar að um ein-
hverjar deilur væri að ræða
innan ríkisstjórnarinnar.
■ AFRÍKA
FLÓÐHESTAR DREPAST Sextíu
flóðhestar hafa drepist í þjóð-
garði í Úganda undanfarna tvo
mánuði. Ekki er vitað hvað
veldur því að flóðhestarnir drep-
ast og þrátt fyrir rannsóknir hafa
engir vírusar greinst í þeim.
Yfirdýralæknir:
Varar við
hundaæði
SJÚKDÓMAR Á vef Yfirdýralæknis er
varað við smygli á hundum frá
löndum þar sem vitað er að hunda-
æði hefur komið upp. Þann 21.
ágúst drapst 4 mánaða gömul
hvolptík úr hundaæði í Frakklandi.
Henni hafði verið smyglað inn í
Frakkland í júníbyrjun um Spán frá
Agadir í Marokkó.
Hvolpurinn sýndi einkenni
hundaæðis frá 18. ágúst, en dagana
2. til 21. ágúst komst hann í snert-
ingu við stóran hóp fólks og hunda.
Fram kemur að náinn samgangur-
inn hafi þegar kostað 29 hunda lífið
auk þess sem meðhöndla hafi þurft
nokkrar manneskjur sem komust í
návígi við hvolpinn.
Hundaæði hefur langan sýking-
arferil og getur borist í fólk við bit. ■
FR
ÉT
TA
B
LA
Ð
IÐ
/R
Ó
B
ER
T
ÞORSTEINN MÁR BALDVINSSON
Forstjóri Samherja virðist hyggja á útrás.
Fyrirtækið á nú næstum jafnmikið af kvóta
í Evrópusambandinu eins og á Íslandi.
Samherji í útrás:
Fjárfestir fyrir
2,5 milljarða í Evrópu