Fréttablaðið - 08.09.2004, Blaðsíða 14

14 8. september 2004 MIÐVIKUDAGUR
BREYTT EFTIRLAUNAKERFI
Kínverskir ráðamenn segja nauðsynlegt að
byggja upp nýtt eftirlaunakerfi á næstu
tveimur áratugum sem taki við af núver-
andi kerfi þar sem landsmönnum er heitið
öryggi frá vöggu til grafar.
Ekkert varð af hluthafafundi í Opnum kerfum:
Unnið að sáttum hluthafahópa
VIÐSKIPTI Ekkert varð af fyrir-
huguðum hluthafafundi hjá Opn-
um kerfum í gær. Kögun, stærsti
hluthafinn, fór fram á fundinn
fyrir tæpum mánuði síðan en
féll frá kröfunni í gær. Í tilkynn-
ingu frá Kögun segir að félagið
telji að flokkadrættir í hluthafa-
hópi Opinna kerfa séu ekki til
hagsbóta.
Útlit var fyrir að barátta yrði
milli Kögunar og Frosta Bergs-
sonar, stjórnarformanns og
stofnanda Opinna kerfa, um
meirihluta í stjórninni.
Fulltrúar fylkinganna tveggja
munu reyna að jafna ágreining
sinn í stað þess að efna til kosn-
ingar. Kögun á 35,77 prósent í fé-
laginu og Frosti tæplega sautján
prósent.
Gunnlaugur M. Sigmundsson,
forstjóri Kögunar, segist telja að
tillaga hans hefði náð fram að
ganga en ljóst hafi verið að erfitt
væri að knýja fram breytingar í
félaginu ef mikil fyrirstaða yrði
innan stjórnarinnar. Því hafi
Kögun ákveðið að draga tillögu
sína til baka. „Það væri því
miklu betra að reyna að ná
saman um stjórn heldur en að
reyna að ná saman inni í stjórn
eftir að það væri búið að fara í
gegnum slíka kosningu,“ segir
hann.
Hann telur að með þessari að-
gerð hafi Kögun viljað skapa
svigrúm til áframhaldandi við-
ræðna.
Frosti Bergsson segir ljóst að
ef farið hefði verið út í kosningu
í stjórn hefði hún orðið mjög tví-
sýn. „Ég vona bara að menn nái
samkomulagi sem taki mið af
hagsmunum allra hluthafa og
starfsmanna og viðskiptavina
félagsins,“ segir Frosti. ■
Met viðskiptahalli
ógnar stöðugleika
Leita þarf aftur til ársins 1946 til að finna viðlíka viðskiptahalla og spá Íslandsbanka fyrir árið 2007
gerir ráð fyrir. Kallar á aðhald í opinberum rekstri og markvissa peningastjórnun Seðlabankans.
VIÐSKIPTI Viðskiptahallinn og verð-
bólgan eru stóru áhyggjuefnin í
hagstjórn næstu tveggja ára og
helsta ógnin við efnahagslífið.
Greining Íslandsbanka spáir
því að halli af viðskiptum við út-
lönd verði tólf prósent á árinu
2006. „Það þarf að leita aftur til
ársins 1946 til þess að finna sam-
bærilegan viðskiptahalla,“ segir
Ingólfur Bender, forstöðumaður
Greiningar Íslandsbanka. Hann
fylgdi úr hlaði þjóðhagsspá Grein-
ingardeildar á morgunverðarfundi
í gær.
Ingólfur segir að horfurnar í
efnahagsmálum séu bjartar, en
blendnar. Verulega muni reyna á
stjórn ríkisfjármála og peninga-
stefnu Seðlabankans. Greining Ís-
landsbanka hefur áhyggjur af því
að aðhald í ríkisfjármálum verði
ónógt og þungi hagstjórnarinnar
verði á herðum Seðlabankans.
Framundan er hagvaxtartíma-
bil. Hagvaxtartímabil sem hvorki
er langt né mikið að vöxtum í sögu-
legu samhengi. Sögulega hár við-
skiptahalli samhliða er því
áhyggjuefni. Ingólfur segir hall-
ann ógnun við gengi krónunnar.
„Tvo þriðju hallans má rekja til
aukinna fjárfestinga. Þessi hluti
hallans kallar ekki á leiðréttingu
gengisins.“ Halli sem tilkominn er
vegna aukinnar einkaneyslu og
lítils sparnaðar kallar hins vegar
að öllum líkindum á lækkun gengis
krónunnar fyrr eða síðar.
Ingólfur segir mikla óvissu um
tímasetninguna. „Versti tíminn á
slíka leiðréttingu væri á miðju
tímabili stóriðjuframkvæmdanna.
Það myndi gera baráttu við verð-
bólgu mjög erfiða.“ Saman færu
þá hratt vaxandi þjóðarútgjöld
vegna fjárfestinga og bætt staða
útflutningsgreina sem hvort um
sig stuðlar að þenslu í hagkerfinu.
Ingólfur segir að skoða verði
verðbólguspána í þessu ljósi. Tals-
verð óvissa sé um þessa fram-
vindu. Heimilin hafa verið drif-
kraftur hagvaxtarins að undan-
förnu og einkaneysla vaxið langt
umfram kaupmátt. Eignir hafa
einnig hækkað mikið. Ingólfur
segir að erfitt sé að meta hvort um
eignabólu sé að ræða. Mælikvarð-
ar við verðgreiningu fasteigna og
hlutabréfa bendi ekki til mikils of-
mats. „Það er helst að krónan sé of-
metin,“ segir Ingólfur
Greining Íslandsbanka spáir
mjúkri lendingu hagkerfisins 2007
og að hagvöxtur taki við sér á ný
2008. Til þess að svo megi verða
þurfi ríki og sveitarfélög að beita
aðhaldi í rekstri og Seðlabankinn
að beita vaxtahækkunum með
markvissum hætti. Íslandsbanki
óttast hins vegar að hagstjórn
verði ekki nægjanlega góð og telur
hagstjórnarblöndu Seðlabankans
og hins opinbera ekki sannfærandi
við upphaf hagsveiflu. Það þurfi að
bæta ef hætturnar eigi ekki að yf-
irskyggja jákvæðar hliðar kom-
andi hagvaxtarskeiðs. ■
Bandaríkjadalur 72,33 -0,52%
Sterlingspund 128,52 -0,60%
Dönsk króna 11,77 -0,23%
Evra 87,52 -0,23%
Gengisvísitala krónu 122,33 0,10%
KAUPHÖLL ÍSLANDS - HLUTA-
BRÉF
Fjöldi viðskipta 218
Velta 598 milljónir
ICEX-15 3.407 0,04%
MESTU VIÐSKIPTIN
Kaupþing Búnaðarbanki hf. 297.011
Opin kerfi Group hf. 91.455
Bakkavör Group hf. 42.012
MESTA HÆKKUN
Burðarás hf. 0,77%
Og fjarskipti hf. 0,56%
Kaupþing Búnaðarbanki hf. 0,33%
MESTA LÆKKUN
Kögun hf. - 1,58%
Medcare Flaga hf. -0,76%
Fjárfestingafélagið Atorka hf. -0,64%
ERLENDAR VÍSITÖLUR
DJ * 10.324,9 0,63%
Nasdaq * 1.856,5 0,65%
FTSE 4.565,6 0,04%
DAX 3.889,0 0,04%
NIKKEI 11.298,9 -1,18%
S&P * 1.119,6 0,54%
* Bandarískar vísitölur kl. 18.30
Við höfum nú þegar
uppfært allt okkar
námsefni fyrir Windows
XP og Office 2003
hugbúnaðarpakkann
fyrir hið íslenska
umhverfi.
60 stunda hagnýtt og skemmtileg tölvunámskeið
sem er sniðið að þörfum byrjenda. Farið af mikilli
þolinmæði yfir námsefnið, sem er allt á íslensku.
Kennt er á þau forrit sem mest eru notuð þ.e.
Windows, Word, Internetið og Tölvupóst.
Þetta námskeið hentar vel þeim sem hafa enga
eða mjög takmarkaða tölvuþekkingu.
Flest stéttarfélög styrkja félagsmenn til náms
hjá NTV. Ertu búinn að kanna þinn rétt?
Morgunnámskeið
Mán. - mið. - fös. 8:30-12:30
Byrjar 13. sept. - 8. okt.
Verð: 34.200 stgr.
Kvöld- & helgarnámskeið
Þri. - fim. 18-22 og
lau. 8:30-12:30.
Byrjar 14. sept - 14. okt.
GUNNLAUGUR M. SIGMUNDSSON
Forstjóri Kögunar telur að tillaga hans um
nýja stjórn hefði náð fram að ganga.
VIÐSKIPTI Hlutabréfaverð hefur
hækkað miklum mun hraðar á
Íslandi en í nokkrum nágranna-
löndum það sem af er þessu ári.
Í Vegvísi Landsbankans í gær
kemur fram að íslenska hluta-
bréfavísitalan hafi hækkað um
61 prósent frá áramótum.
Annars staðar hafa hækkanir
verið mun hægari.
Í Vegvísi í gær er þess einnig
getið að nú sé verðmæti skráðra
hlutabréfa meira en sem nemur
landsframleiðslu Íslands. Í lok
ársins var verðmæti hlutabréfa
á markaði 82 prósent af lands-
framleiðslu. Hlutfallið var
lægra í Danmörku (56 prósent)
og Þýskalandi (41 prósent) en
hærra í bæði Svíþjóð (94 pró-
sent) og Bretlandi (128 prósent).
Nú er markaðsverðmæti fyr-
irtækja á Íslandi 127 prósent af
landsframleiðslu. ■
HLUTABRÉFAVÍSITÖLUR -
BREYTING FRÁ ÁRAMÓTUM
Ísland (ICEX) 61,20%
Danmörk (KFX) 12,14%
Svíþjóð (OMX) 9,36%
Bretland (FTSE) 1,93%
Þýskaland (DAX) -1,70%
Hlutabréfaverð:
Hækkunin mest hér
Íslenskir bankamenn:
Fá sænska
heiðursorðu
VIÐSKIPTI Hreiðar Már Sigurðsson,
forstjóri KB banka og Sigurður
Einarsson stjórnarformaður hafa
verið sæmdir heiðursorðu af
sænsku krúnunni. KB banki rekur
viðamikla starfsemi í Svíþjóð.
Aðspurður staðfesti Hreiðar
Már að hafa verið sæmdur orð-
unni en vildi að öðru leyti lítið tjá
sig. „Ég er lítill orðufræðingur,“
segir hann. Hann staðfesti þó að
þetta væri fyrsta heiðursmerkið
sem hann hafi verið sæmdur. ■
HREIÐAR MÁR OG SIGURÐUR
Fengu sænska heiðursorðu frá kónginum.
GENGI GJALDMIÐLA
HÆTTUR Í HAGVEXTINUM
Framundan eru ár hagvaxtar í íslensku samfélagi. Það veltur á því hvernig á málum er haldið hvort lok stóriðjuframkvæmda skapa vand-
ræði í efnahagslífinu. Íslandsbanki hefur áhyggjur af miklum viðskiptahalla og að efnahagsstjórn verði ekki nægjanlega aðhaldssöm.
EFNAHAGSHORFUR AÐ MATI ÍSLANDSBANKA:
Bjartar horfur Hættur
Hagvaxtartímabilið rétt hafiðVaxandi og mikið ójafnvægi
Kaupmáttur vaxandi Hætta á þenslu
Eignir miklar og að aukast Hætta á niðursveiflu eftir stóriðjuframkvæmdir
Krónan sterk Eignaverðbólga hugsanlega til staðar
Góður aðgangur að fjármagni Skuldsetning mikil
Langtímavextir lágir og lækkandi Útflutingur í hægum vexti
Mikil útrás og vaxandi Sterk króna
Aukin samkeppni Líkur á rangri hagstjórnarblöndu
FR
ÉT
TA
B
LA
Ð
IÐ
/G
VA