Fréttablaðið - 11.09.2004, Blaðsíða 2
2 11. september 2004 LAUGARDAGUR
Mikil hækkun KB banka:
Verðmætið sama og fjárlögin
VIÐSKIPTI Bréf KB banka tóku stökk
í gærmorgun strax þegar viðskipti
hófust. Bréfin hækkuðu um 7,61
prósent yfir daginn, en höfðu
hækkað um fimm prósent fyrir há-
degi.
Verðmæti bankans hækkaði um
nítján milljarða króna og er nú rúm
272 milljarðar sem er um það bil
fjárlög íslenska ríkisins.
Ástæða hækkunarinnar er talin
vera ný greining Íslandsbanka á
hlutabréfum bankans. Greiningar-
skýrslan var send viðskiptavinum
Íslandsbanka eftir lok markaða í
fyrradag, eins og venja mun vera.
Hún spurðist síðan hratt út. Grein-
ing Íslandsbanka setti matsgengið
514 á KB banka, en gengið var 460
fyrir opnun markaðar. Gengið fór í
500 í einum viðskiptum dagsins en
endaði í genginu 495.
Sérfræðingar á markaði meta
hækkunina svo að markaðurinn sé
afar næmur fyrir jákvæðum frétt-
um. Ekki er algengt að greining á
fyrirtæki valdi slíkum viðbrögðum
á markaði. Bréf að verðmæti um
1,5 milljarðar króna skiptu um
hendur í gær. ■
Framsókn leiði
Evrópuumræður
Halldór Ásgrímsson, utanríkisráðherra segir „ábyrgðarleysi“ að útiloka
aðild að Evrópusambandinu. Hann líkir þó enn sjávarútvegsstefnu
Evrópusambandsins við „nýlendustefnu.“
STJÓRNMÁL „Sá dagur kann að koma
að við sjáum hagsmunum okkar
best borgið innan dyra í Evrópu-
sambandinu“. Þetta sagði Halldór
Ásgrímsson formaður Framsókn-
arflokksins í síðustu ræðu sinni
sem utanríkisráðherra á fundi
þingflokks og landstjórnar flokks-
ins í Borgarnesi í gær. „Ég hef ekki
sagt hvenær, en ég veit að við verð-
um að fara í þessa vinnu og við
Framsóknarmenn eigum að hafa
forystu í þeim efnum“.
Halldór sagði það ábyrgðarleysi
að útiloka aðild að ESB, það væri
„bara hluti af framtíðinni að ræða
þetta“, hvort sem mönnum líkaði
betur eða verr. „Það þýðir ekkert
að forðast að segja óþægilega hluti
þótt menn hrökkvi við og segi sig
jafnvel úr flokknum“.
Halldór nefndi sérstaklega
reynslu Norðmanna sem víti til
varnaðar; þeir hefðu tvisvar samið
um aðild án nægjanlegs undirbún-
ings og aðildarsamningar síðan
verið felldir í þjóðaratkvæða-
greiðslu. „Við megum ekki lenda í
sömu sporum og Norðmenn. Við
værum að bregðast hlutverki okk-
ar í stjórnmálum ef við neituðum
möguleikanum á að sækja um.“
Halldór sagði að opin og víðtæk
umræða yrði að vera í þjóðfélaginu
og síðan þyrfti að vega og meta á
yfirvegaðan hátt kosti þess að ger-
ast aðili.
Utanríkisráðherra dró ekkert úr
gagnrýni sinni á sjávarútvegs-
stefnu Evrópusambandsins og líkti
henni á ný við „nýlendustefnu“. At-
hygli vakti að Halldór vék í veiga-
miklum atriðum frá skrifuðum
texta í ræðu sinni í Borgarnesi og
hnykkti mjög á orðum sínum um
hugsanlega aðild Íslands að ESB.
Með orðum sínum í Borgarnesi
vill utanríkisráðherra bersýnilega
slá á fullyrðingar um sinnaskipti í
Evrópumálunum eins og stjórnar-
andstaðan hefur sakað hann um
eftir ræðu hans á Akureyri á mið-
vikudag. En hafa meintar mis-
jafnar áherslur utanríkisráðherra
í opinberum málflutningi undan-
farið ekki boðið upp á ólíkar túlk-
anir? „Ég hef aldrei útilokað aðild
að Evrópusambandinu, það er
bara röng túlkun á mínum orðum“
sagði Halldór Ásgrímsson í viðtali
við Fréttablaðið. „Hins vegar
verða menn að átta sig á að aðild
að Evrópusambandinu er ekkert
einfalt mál og sjálfsagt. Það blasa
við mjög mörg úrlausnarefni sem
skipta miklu máli fyrir hagsmuni
Íslands og því verður ekki komist
hjá því að tala um þau eins og þau
eru.“
as@frettabladid.is
Disney fyrirtækið:
Eisner mun
hætta 2006
LONDON, AP Hinn umdeildi forstjóri
Disney, Michael Eisner, hefur
afráðið að hætta störfum hjá félag-
inu þegar samningur hans rennur
út árið 2006. Hann tilkynnti stjórn
félagsins um ákvörðun sína með
bréfi á fimmtudag.
Eisner hefur stjórnað Disney
síðan 1984. Hann hefur sætt mikilli
gagnrýni á undanförnum misser-
um og stóð naumlega af sér van-
trauststillögu á síðasta aðalfundi
félagsins.
Meðal þeirra sem harðast hafa
gagnrýnt Eisner er Roy Disney,
bróðursonur Walt Disney, upphafs-
manns fyrirtækisins. ■
Borgarritari:
Kvartar til
umboðs-
manns
ATVINNUMÁL „Þessi rökstuðningur
er ekki, að mínum dómi, svar við
spurningum mínum. Ég mun því
vísa málinu til umboðsmanns Al-
þingis,“ sagði Helga Jónsdóttir
borgarritari um rökstuðning Árna
Magnússonar félagsmálaráðherra
fyrir að ráða Ragnhildi Arnljóts-
dóttur í starf ráðuneytisstjóra
félagsmálaráðuneytisins.
„Þessi rökstuðningur sýnir svo
ekki verður um villst, að þessi
ákvörðun er tekin með málefna-
legum hætti, fullkomlega,“ sagði
félagsmálaráðherra í gærkvöld.
„Þessi umsækjandi hefir ákveðið
að fela umboðsmanni Alþingis að
fjalla um málið og ég ætla ekki að
munnhöggvast við hana fremur
en aðra umsækjendur. Niðurstað-
an liggur fyrir.“ ■
„Frekar væri að skoða í alvöru mögu-
leika á sveigjanlegum vinnutíma til að
ekki séu allir á ferðinni á sama tíma. “
Rætt er um að gatnakerfi Reykjavíkur sé sprungið.
Karl Steinar Valsson, aðstoðaryfirlögregluþjónn í
Reykjavík, segir árekstra með mesta móti og
kennir um umferðarþunga kvölds og morgna.
SPURNING DAGSINS
Þarf ekki bara að skrúfa upp há-
markshraðann?
NEMENDUR Í SÚÐAVÍK
Annar hver nemandi grunnskólans
í Súðavík er í tónlistarnámi.
Súðavíkurskóli:
Vilja nema
tónlist
SÚÐAVÍK Rúmlega helmingur allra
grunnskólanemenda í Súðavík er í
tónlistarnámi. Tónlistarskólinn á
Ísafirði er þar með útibú og eru
nemendurnir 21.
Breytingar á aðstöðu til tónlist-
arkennslu í Súðavík hafa verið
miklar milli ára. Nýr útibússtjóri
tók við, nýtt hljóðver reis í
tónlistastofu grunnskólans og ný
hljóðfæri voru keypt ásamt tölvu
með upptökutæki. Hallgrímur
Sveinn Sævarsson útibússtjóri
segir á vef Súðavíkurhrepps
spennandi starf vera framundan.
Í Súðavík hugsi þeir ekki um
kennaraverkfall heldur skipu-
leggi sig algerlega án þess að gera
ráð fyrir því. Annars færi vinnan
og útkoma hennar mjög fljótlega
að bitna á nemendunum. ■
MIKIL HÆKKUN
Greining Íslandsbanka hækkaði verðmat
sitt á KB banka verulega. Viðbrögð mark-
aðarins voru óvanalega sterk og hækkaði
verðmæti bankans um nítján milljarða
króna.
FR
ÉT
TA
B
LA
Ð
IÐ
/V
IL
H
EL
M
FUNDUR FRAMSÓKNAR Í BORGARNESI
Athygli vakti að Halldór Ásgrímsson vék í veigamiklum atriðum frá skrifuðum texta í ræðu
sinni í Borgarnesi og hnykkti mjög á orðum sínum um hugsanlega aðild Íslands að ESB.
VIÐSKIPTI Fjárfestingarfélagið
William Demant Invest A/S hefur
aukið hlut sinn í stoðtækjafyrir-
tækinu Össuri. Félagið er nú
þriðji stærsti hluthafinn í Össuri
með 14 prósenta hlut.
Tveir af þremur stærstu eig-
endum Össurar nú eru erlendir
fjárfestingarsjóðir og er Össur
sennilega það félag í Kauphöll
Íslands sem mestan áhuga hefur
vakið hjá alþjóðlegum fjárfest-
um.
Litið er svo á að fjárfesting
William Demant sé langtímafjár-
festing sem komi Össuri til góðs
þar sem mikil þekking á fram-
leiðslu og markaðssetningu
tækjakosts fyrir heilbrigðisgeir-
ann sé til staðar hjá Demant.
„Við erum mjög ánægðir með
að fá þetta fyrirtæki í hluthafa-
hópinn og yfir þeirri tiltrú sem
þeir sýna félaginu. Það sem er
mjög gott er að þetta er fyrir-
tæki í framleiðslu á tækjabúnaði
í heilbrigðisgeiranum og við
munum kanna möguleika á því
hvernig við getum unnið saman
þótt engar ákvarðanir hafi verið
teknar um það,“ segir Jón Sig-
urðsson, forstjóri Össurar. ■
William Demant eykur hlut sinn í Össuri:
Forstjóri fyrirtækisins ánægður
með nýju hluthafana
FR
ÉT
TA
B
LA
Ð
IÐ
/V
IL
H
EL
M
JÓN SIGURÐSSON
Forstjóri Össurar segir það ánægjuefni að
félagið William Demant sé komið í hóp
stærstu hluthafa Össurar. Hann sér tæki-
færi í samstarfi fyrirtækjanna.
MEIRI VINNA Í SEPTEMBER
Í ágúst voru að meðaltali 4.452
atvinnulausir, sem jafngildir 2,9
prósenta atvinnuleysi, sem er það
sama og í ágúst í fyrra. Atvinnu-
leysi í Reykjavík var í ágúst 3,5
prósent en 1,9 á landsbyggðinni,
mest 2,8 á Norðurlandi eystra en
minnst 1 prósent á Norðurlandi
vestra. Vinnumálastofnun telur
líklegt að atvinnuleysi á landinu
öllu minnki í september og verði
á bilinu 2,6 til 2,9 prósent.
Sjómannasambandið:
Deilt um
samninga
KJARADEILA Stjórn Sjómannasam-
bands Íslands mótmælir í ályktun
harðlega þeim vinnubrögðum sem
forstjóri og eigandi útgerðar-
fyrirtækisins Brims hf. viðhefur
gagnvart áhöfnum einstakra
skipa sem fyrirtækið gerir út.
Forsvarsmenn Brims hafa
sagt brýnt að fyrirtækið fengi
eitthvað fyrir þá miklu fjárfest-
ingu sem væri í þessu stóra
skipi.
Um eitt helsta baráttumál sjó-
manna og útvegsmanna ræðir
þar sem útvegsmenn vilja fækka
mönnum um borð í svo tækni-
væddum skipum og skipta hlut
þeirra sem hverfa á braut; þrem-
ur fjórðu til útgerða og einum
fjórða til sjómanna. ■
■ ATVINNUMÁL