Fréttablaðið - 11.09.2004, Blaðsíða 6
6 11. september 2004 LAUGARDAGUR
Réttarhelgi á Suðurlandi:
Þetta er hátíðisdagur
RÉTTIR Skaftholtsréttir í Gnúp-
verjahreppi og Hrunaréttir voru í
gær og í dag er réttað í Reykjarétt
á Skeiðum og í Tungnarétt í
Biskupstungum.
„Þetta er hátíðisdagur,“ segir
Loftur Eiríksson, bóndi í Steins-
holti í Gnúpverjahreppi. Hann
verður 83 ára 16. september og
hefur ekki misst úr réttum síðan
hann var þriggja eða fjögurra ára.
„Ég tvímennti á hesti með systur
minni þegar ég var lítill og man að
einu sinni duttum við bæði af baki
á leiðinni. Ég fór í mínar fyrstu
göngur 1939, eldri bræður mínir
hleyptu mér ekki að fyrr. Þá hafði
rignt mikið og vaxið í vötnum svo
fé fór á sund og við stóðum upp-
fyrir mitti úti í Fossá að draga féð
upp á bakkann á réttum stað. Ég
fór fyrst yfir Fjórðungssand 1945
en fór ekki oft í göngur. Ég fór
hins vegar í mörg sumur sem
fylgdarmaður með góðum hópi
fólks í hestaferðir um sunnanvert
hálendið og víðar.“
Loftur er hættur búskap en á
eina á, tvílembda, og væntir þess
að heimta fé sitt af fjalli í réttum. ■
Andaðist í höndum
lögreglumanna
33 ára maður lést í átökum við lögregluna í Keflavík. Ríkissaksóknari hefur falið lögreglunni í
Reykjavík rannsókn málsins. Hörður Jóhannesson, yfirlögregluþjónn í Reykjavík, segir engan
grun vera um harðræði að hálfu lögreglunnar.
MANNSLÁT „Ég sá lögreglubíla og
fór út á götu til að athuga hvað
væri að gerast, þá sá ég að lögregl-
an veitti manninum hjartahnoð og
reyndi að lífga hann við,“ segir
Linda Björk Gylfadóttir, nágranni
33 ára gamals manns sem lést í
átökum við lögregluna í Keflavík
um klukkan hálf sex á fimmtudag.
Lögreglan í Reykjavík rannsakar
málið.
„Enginn grunur er um harðræði
af hálfu lögreglunnar. Á þessu stigi
miðast rannsóknin fyrst og fremst
við að upplýsa hvað gerðist og hver
sé dánarorsök mannsins,“ sagði
Hörður Jóhannesson, yfirlögreglu-
þjónn í Reykjavík, í gær. Krufning
fer fram í dag.
Lögreglan hafði upphaflega
afskipti af manninum eftir að faðir
hans hafði verið færður á lögreglu-
stöðina illa á sig kominn en hann
hafði verið á gangi á Hafnargötu í
Keflavík. Faðirinn var í annarlegu
ástandi og var hringt á heimili
hans. Þar var sonur hans fyrir
svörum og þótti lögreglu ástæða til
að kanna ástand hans. Tveir lög-
reglumenn fóru á vettvang og kom
maðurinn á móti þeim á lóð húss-
ins, æstur og árásargjarn, að sögn
lögreglu. Hann var hávaxinn og
nokkuð mikill um sig. Í tilkynningu
frá lögreglu segir að maðurinn hafi
haft í hótunum við lögreglumenn-
ina og veist að þeim. Mikil átök
urðu á milli lögreglumannanna og
mannsins. Eftir að tekist hafði að
koma honum í handjárn varð hann
alvarlega veikur og lést skömmu
síðar. Ekki er hægt að segja til um
dánarorsök en líklegt er talið að
hjartað hafi gefið sig í átökunum.
Linda Björk segist hafa séð
manninn sem lést skömmu áður en
átökin komu upp. Hann hafi ráfað
um næstu götu og hafi virst vera í
uppnámi, berfættur í joggingbux-
um og bol. Hún hafi þó ekki velt
ástandi hans fyrir sér því hann hafi
átt við andleg veikindi að stríða og
að sjá svona til hans hafi ekki verið
sérstaklega óvenjulegt.
Heimildir blaðsins herma að
átök hafi orðið á milli feðganna
fyrr um daginn og að faðirinn hafi
verið með einhverja áverka en það
fékkst ekki staðfest hjá lögreglu.
Feðgarnir hafa báðir átt við andleg
vandamál að stríða.
„Ríkislögreglustjóri sendi okk-
ur tvo menn til að rannsaka vett-
vang. Við töldum ekki rétt að sjá
um rannsóknina sjálfir, það er ekki
vani í svona málum,“ segir Karl
Hermannsson, yfirlögregluþjónn í
Keflavík. Hann segir það hafa
verið eðlileg viðbrögð að kanna
ástand á heimili föðurins því hann
hafi verið illa á sig kominn. Prestur
og læknir voru kallaðir á lögreglu-
stöðina til að sinna manninum og
fór hann þaðan í þeirra umsjá að
sögn Karls. Hann segir þá hafa
sent ríkissaksóknara öll gögn máls-
ins í gær.
Maðurinn sem lést hét Bjarki
Hafþór Vilhjálmsson, til heimilis
að Íshússtíg 5 í Keflavík. Bjarki
var fæddur í ágúst árið 1971. Hann
var barnlaus og ókvæntur.
hrs@frettabladid.is
GENGI GJALDMIÐLA
Bandaríkjadalur 72,03 -0,14%
Sterlingspund 128,80 0,08%
Dönsk króna 11,83 0,04%
Evra 87,98 0,05%
Gengisvísitala krónu 122,23 -0,32%
KAUPHÖLL ÍSLANDS - HLUTABRÉF
Fjöldi viðskipta 320
Velta 2.435 milljónir
ICEX-15 3.528 2,89%
Mestu viðskiptin
Kaupþing Búnaðarbanki hf. 1.550.333
Bakkavör Group hf. 147.863
Actavis Group hf. 128.888
Mesta hækkun
Kaupþing Búnaðarbanki hf. 7,61%
Kaldbakur hf. 3,92%
Flugleiðir hf. 3,53%
Mesta lækkun
Landsími Ísland hf. -9,57%
Samherji hf. -0,79%
Medcare Flaga hf. -0,76%
Erlendar vísitölur
DJ * 10.256,7 -0,32%
Nasdaq * 1.881,6 0,64%
FTSE 4.545,1 0,16%
DAX 3.886,0 0,90%
NIKKEI 11.083,2 -0,79%
S&P * 1.118,6 0,02%
*Bandarískar vísitölur kl. 17.10.
VEISTU SVARIÐ?
1Hversu margir hafa brotið reglurFélagsbústaða og misst húsnæði sitt
vegna þess á árinu?
2Hvar starfar Ómar Valdimarsson ávegum Rauða krossins?
3Hvenær á ný útgáfa Biblíunnar aðkoma út hjá JPV útgáfu?
Svörin eru á bls. 39
ÍSHÚSSTÍGUR 5 Í KEFLAVÍK
Maðurinn lést eftir átök við lögreglu í garðinum við heimili hans. Hann tók ógnandi og
æstur á móti lögreglumönnunum að hennar sögn.
FR
ÉT
TA
B
LA
Ð
IÐ
/E
IN
AR
Ó
LA
BÖRNIN SKEMMTU SÉR
Ungir fjárbændur huga að marki gimbrar í
Skaftholtsrétt.
ALDURSFORSETAR Í SKAFTHOLTSRÉTT
Hjalti Gestsson ráðunautur (til vinstri) og Loftur Eiríksson, bóndi í Steinsholti, spjalla saman.
■ HEILBRIGÐISMÁL
ÚTBOÐ UM HELGINA Ríkiskaup
auglýsa um helgina eftir tilboð-
um í byggingu fyrsta áfanga
viðbyggingar við Heilbrigðis-
stofnun Suðurlands á Selfossi.
Um er að ræða nýbyggingu sem
rísa á vestan við núverandi
sjúkrahúsbyggingu og tengjast
henni með léttbyggðri tengiálmu.