Fréttablaðið - 11.09.2004, Blaðsíða 14
K aup Símans á fjórðungi í Skjá einum og út-sendingarrétti enska boltans hafa vakið miklaathygli. Brynjólfur Bjarnason, forstjóri fyrir-
tækisins, segir kaupin gerð til að styrkja Símann og
auka verðmæti félagsins, sem að öllum líkindum
verður selt úr ríkiseigu á næstu mánuð-
um.
Brynjólfur var ráðinn
forstjóri Símans sumarið
2002 eftir kreppu í
stjórnun félagsins.
Hann var sá maður
sem þar til bær
stjórnvöld treystu
best til að rétta
kúrsinn í þessu
risavaxna ríkis-
fyrirtæki sem
beðið hafði hnekki
vegna gjörða
fyrri stjórnenda.
B r y n j ó l f u r
fæddist í júlí 1946
og varð því 58 ára í
sumar. Hann ólst
upp í Hlíðunum og
varð fljótlega
mikill Valsari eins
og tíðkast með
unga drengi á
þeim slóðum.
Þótti hann
skemmtilegur og
fjörmikill krakki
og eftirsóttur í
hópi vina og kunn-
ingja.
Eftir grunnskóla-
nám í Austurbæjar-
skóla og Gaggó aust fór
Brynjólfur í Versló og
svo í viðskiptafræðina í
HÍ. Þaðan hélt hann í MBA-
nám í Minnesota í Bandaríkj-
unum og var með fyrstu
Íslendingunum til að nema
þau fræði. Heimkominn
réðst hann til Vinnuveit-
endasambandsins og
stýrði hagdeild þess
um þriggja ára skeið
en varð forstjóri Al-
menna bókafélags-
ins 1976. Brynjólfi
er menningin í
blóð borin, afi
hans í móðurætt
var Brynjólfur
J ó h a n n e s s o n ,
einn dáðasti leik-
ari þjóðarinnar á
sinni tíð. Hjá AB
var Brynjólfur í
sjö ár, eða þar til
Davíð Oddsson, þá borg-
arstjóri í Reykjavík, fól honum framkvæmdastjórn í
Búr, Bæjarútgerð Reykjavíkur. Fyrstu misserin hans
þar fóru í að búa fyrirtækið undir sameiningu við
Ísbjörninn og úr varð Grandi, sem Brynjólfur stýrði
farsællega í sautján ár.
Þegar Brynjólfur hóf störf í sjávarútvegi var fátítt
að menn með viðskiptafræðimenntun stæðu í brúm
útgerðarfélaganna. Reynsla af sjósókn var algengari
bakgrunnur stjórnenda. Má því segja að hann hafi
komið með nýja sýn inn í greinina, sem með einföld-
un má segja að snúist frekar um athuganir á tölum en
öldulagi við ákvarðanir. Þetta má þó ekki skilja á þann
veg að Brynjólfur hafi ekki haft vit á veiðum og
vinnslu í framkvæmdastjóratíð sinni hjá Granda.
Aldeilis ekki. Hann er fljótur að setja sig inn í mál og
sankaði á örskotsstundu að sér þekkingu og fróðleik
um allt sem snýr að sjávarútvegi. Hann hafði heldur
ekki verið lengi í starfi þegar ábyrgðarstöður í sjáv-
arútvegi hlóðust á hann. Stjórnarseta í LÍÚ kom fljót-
lega til skjalanna sem og í Sölumiðstöð hraðfrystihús-
anna og Samtökum fiskvinnslustöðva. Síðar
varð hann stjórnarmaður á Hafrann-
sóknastofnuninni. Auk fjölmargra
starfa í viðskiptalífinu er hann
ræðismaður Chile á Íslandi
og félagi í Rótarýklúbbi
Reykjavíkur.
Brynjólfur og Grandi
voru lengi taldir til Kol-
krabbans, afls í ís-
lensku viðskiptalífi, og
í mörg ár voru á floti
kenningar um mikla
uppstokkun meðal
stjórnenda fyrir-
tækja innan þessarar
lausbeisluðu blokkar.
Reglulega voru
sagðar fréttir og
sögur af stólabreyt-
ingum manna og var
Brynjólfur ýmist á
leiðinni að verða
forstjóri SH eða
Eimskipafélags-
ins. Allt var þetta
byggt á sandi og
það var ekki fyrr en
fyrir tveimur árum
sem hann söðlaði um
og varð þá forstjóri
Símans.
Brynjólfur er
sagður afskaplega klár
maður sem á gott með að
greina kjarnann frá hism-
inu. Hann nýtur víðtæks
trausts, sem birtist meðal
annars í því að kraftar hans
hafa verið eftirsóttir í stjórn-
um fyrirtækja. Hefur hann víða
setið, ekki bara sem fulltrúi til-
tekinna afla eða eigenda,
heldur vegna hæfileika.
Einum heimildarmanni
varð að orði að fyrir-
tæki sem hefði
Brynjólf í stjórn
sinni væri gott
fyrirtæki. Hann á
gott með að fá
fólk til að vinna
með sér og er
óhræddur við að
fela undirmönn-
um sínum völd og
ábyrgð. Hann er
vaskur til verka,
sem sést meðal annars
á því að eftir hálfs árs starf hjá
Símanum gjörbylti hann skipulagi og stjórnun-
arteymi félagsins.
Brynjólfur er gallharður sjálfstæðismaður og
hefur gegnt trúnaðarstöðum fyrir flokkinn. Hann var
í hópi manna sem beittu sér fyrir að Davíð Oddsson
yrði formaður flokksins og hefur Davíð ávallt getað
reitt sig á hann. Hann hefur lengi verið meðal örfárra
nánustu trúnaðarmanna forsætisráðherra og er talinn
hafa tekið að sér forstjóraembættið hjá Símanum
fyrir eindregin tilmæli hans. Líkt og hjá flestum
öðrum er lífið ekki bara vinnan og í frístundum veiðir
Brynjólfur Bjarnason lax. Hann er líka mikill fjöl-
skyldumaður og ræktar bæði hana og garð sinn við
sumarbústaðinn í Fljótshlíð af alúð og natni. Brynjólfur
er tvíkvæntur og sex barna faðir. ■
11. september 2004 LAUGARDAGUR 14
DAGUR B.
EGGERTSSON
BORGARFULLTRÚI
Getur verið að harð-
orðar ræður gegn
Evrópusambandinu séu fyrst
og fremst orðaleikir til
heimabrúks?
,,
SKOÐUN DAGSINS
Halldór Ásgrímsson fráfarandi
utanríkisráðherra vakti athygli í
vikunni. Hann sagðist fyrir sitt
leyti útiloka aðild að Evrópusam-
bandinu nema sjávarútvegsstefna
þess breyttist. Þessi afstaða er
ekki ný. Sá harði tónn sem ráð-
herrann valdi orðum sínum var
það hins vegar. Halldór áttaði sig
nefnilega á því fyrir nokkrum
misserum að til að tryggja fram-
tíðarhagsmuni Íslands þyrftu
stjórnvöld að eiga hlut í ákvörðun-
um innan ESB. Þeir framtíðar-
hagsmunir eru miklu víðtækari og
margþættari en orð Halldórs nú
gáfu til kynna. Og það veit hann.
Harði tónninn er þó heldur ekki
nýr. Ummæli ýmissa stjórnmála-
manna um Evrópusambandið hafa
löngum minnt á vel upp alda ung-
linga sem tala niðrandi um fjar-
stadda foreldra sína til að stækka í
augum félaganna. Innst inni vita
þeir að leiðin liggur í Versló og við-
skiptafræðina „af því að pabbi
vildi það“. Kjafturinn í garð ESB
er til að breiða yfir núverandi
stöðu: framsal fullveldis og skil-
yrðislausa hlýðni. Samfélagið er í
flestum efnum þegar orðið hluti af
ESB.
Á meðan stjórnmálamenn tala
flytja fyrirtækin verksmiðjur og
fjármagn til Evrópu. Actavis
byggir upp á Möltu, Samherji á
32% af þorskkvóta ESB í Barents-
hafi, Björgólfsfeðgar sækja fram í
fjarskiptastarfsemi Austur-Evr-
ópu og fjármálastofnanir hafa gert
Norðurlönd og Bretland að heima-
markaði. Atvinnulífið er löngu
gengið í Evrópusambandið.
Leikreglur um samkeppni og
viðskipti eru jafn evrópskar. Nýjar
tillögur um samkeppnismál snúa
ekki síst að því hvort hérlend
samkeppnisyfirvöld fái sömu
heimildir og Eftirlitsstofnun EFTA
og framkvæmdastjórn Evrópu-
sambandsins fær í málefnum
íslenskra fyrirtækja (án þess að
Alþingi ráði þar nokkru). Evrópu-
reglur settu boðuðum fjölmiðlalög-
um sömuleiðis skorður að margra
mati. Sú skoðun var vissulega um-
deild. Enginn efaðist þó um að fjöl-
miðlalögin yrðu að víkja ef þau
stönguðust á við tilskipanir ESB.
Ef til vill ekki að undra að um-
ræður um Evrópumál snúist um
sjávarútveg. Ísland er einfaldlega
gengið í Evrópusambandið að
flestu öðru leyti. Gjaldið sem þarf
að greiða fyrir sjávarútvegs-
hnútinn er að Ísland er eitt fárra
ríkja sem eru fjarverandi við
borðið þar sem framtíð Íslands og
Evrópu ræðst. Líkt og við ríkis-
stjórnarborðið danska á nítjándu
öld. Getur verið að harðorðar
ræður gegn Evrópusambandinu
séu fyrst og fremst orðaleikir til
heimabrúks? Að kjark skorti til að
benda á að hugsanlega þurfi ein-
hverju að fórna til að Íslendingar
öðlist áhrif á lög og reglur í eigin
landi? Eða er utanríkisráðherra að
hefja baráttu fyrir að Ísland gangi
úr Evrópusambandinu? ■
Einangrunaröfl og ofurtollakempur
Utanríkisráðherra flutti ræðu á
sjávarútvegsráðstefnu á Akureyri
8. sept. sl. Í ræðunni snerist ráð-
herra algerlega gegn ESB og hugs-
anlegri aðild Íslands að samband-
inu. Vakti þetta mikla athygli, þar
eð utanríkisráðherra hefur undan-
farin ár verið mjög jákvæður gagn-
vart ESB og ávallt rætt um ESB á
jákvæðum nótum.
Einnig vakti þessi umsnúningur
ráðherra mikla athygli vegna þess
að fyrir 2 árum flutti hann ræðu í
Berlín þar sem hann setti fram þá
skoðun að Ísland ætti að geta gerst
aðili að ESB án þess að afsala sér yf-
irráðum yfir fiskveiðilögsögunni.
Kvað hann þetta gerlegt með því að
Ísland yrði sérstakt og sjálfstætt
fiskveiðistjórnunarsvæði sem ekki
mundi heyra undir Brussel.
Össur Skarphéðinsson, formaður
Samfylkingarinnar, segir að utan-
ríkisráðherra hafi algerlega snúist í
afstöðunni til ESB. Sé ráðherrann
greinilega í gíslingu hjá Sjálfstæð-
isflokknum í þessu máli. Davíð
Oddson tekur við starfi utanríkis-
ráðherra 15. september. Vitað er að
hann er algerlega andvígur aðild
Íslands að ESB og hefur hann haft
allt aðra skoðun á því máli en núver-
andi utanríkisráðherra. Hætta var
því á því að mikill ágreiningur yrði
uppi í afstöðunni til ESB um leið og
Davíð tæki við embætti utanríkis-
ráðherra. Halldór hefur því ákveðið
að bakka í utanríkismálunum og
varpa skoðun sinni varðandi Ísland
og ESB fyrir róða, hvort sem hann
hefur gert það fyrir þrýsting frá
Davíð eða að eigin frumkvæði.
Margir áhugamenn um aðild
Íslands að ESB höfðu gert sér vonir
um að þegar Halldór settist í stól
Davíðs mundu áhrif hans aukast og
aðild Íslands að ESB mundi þokast
nær. En þessir menn hafa nú orðið
fyrir miklum vonbrigðum. Ljóst er
að áhrif Halldórs munu minnka.
Hann tekur upp stefnu Davíðs varð-
andi afstöðuna til ESB. ■
Utanríkisráðherra
snýst gegn ESB
BJÖRGVIN GUÐMUNDSSON
VIÐSKIPTAFRÆÐINGUR
UMRÆÐAN
EVRÓPUSAMBANDIÐ
Margir áhugamenn
um aðild Íslands að
ESB höfðu gert sér vonir um
að þegar Halldór settist í
stól Davíðs mundu áhrif
hans aukast og aðild Íslands
að ESB mundi þokast nær.
,,
Íþróttadagur fjölskyldunnar
- laugardaginn 11. september kl. 13:00-16:00
Framarar taka í notkun nýjan og glæsilegan
gervigrasvöll á félagssvæði sínu í Safamýri
og kynna vetrarstarf deilda félagsins.
Kynnið ykkur fjölbreytta dagskrá á
FRAM-síðunni: www.fram.is
* Íslandsmeistarar FRAM í flokki 40 ára og eldri leika
við stjörnulið Ómars Ragnarssonar
* Yngri flokkar keppa við foreldra
* Meistaraslagur í strand-handbolta
* Skothraði mældur í handbolta og fótbolta
* Leiktæki og þrautir
* Kaffihlaðborð í FRAM-húsi og pylsur fyrir börnin
Hittumst öll í Safamýri - áfram FRAM!
MAÐUR VIKUNNAR
Vaskur til verka
BRYNJÓLFUR BJARNASON
FORSTJÓRI SÍMANS
TE
IK
N
IN
G
: H
EL
G
I S
IG
./
H
U
G
VE
R
K
A.
IS