Fréttablaðið - 11.09.2004, Blaðsíða 18

„Kærastinn minn varð 26 ára á mið-
vikudaginn þannig að við héldum
gríðarlegt kaffiboð og ég reyndi að
vera myndarleg í eldhúsinu,“ segir
Ragnhildur Steinunn Jónsdóttir,
Ungfrú Ísland og leikkona í söng-
leiknum Fame.
Annars bar það hæst hjá
Ragnhildi í vikunni að hún tók við
nýju hlutverki í Fame þar sem hún
leysti Maríu Þórðardóttur af hólmi,
en hún er farin til Englands í leik-
listarnám. Ragnhildur er að vísu
ekki alveg ókunnug hlutverki Maríu
þar sem hún stökk óvænt inn í hlut-
verkið á annarri sýningu eftir að
María meiddist.
„Þá fékk ég sólarhring til þess að
læra allan textann og ná nokkrum
„bítum“ á trommurnar,“ segir
Ragnhildur, sem eyddi vikunni
meðal annars í að undirbúa sig fyrir
hlutverkaskiptin. „Þessar tvær per-
sónur eru mjög ólíkar en dans-
stelpan sem ég lék var svona bleik
stelpa með krullur en nú er ég orðin
rokkari, með gadda og ólar. Algjör
pönkari.“
Söngleikurinn hefur gengið
vonum framar í sumar og seldir
miðar eru komnir yfir 20.000. Sýn-
ingum fer að öllum líkindum fækk-
andi þar sem setið er um Smáralind-
ina næstu mánuðina. „Við höfum
Smáralindina út september og það
væri óskandi að við gætum verið
þar lengur en eins og staðan er í dag
er framhaldið óljóst.“
Ragnhildur stundar einnig nám í
sjúkraþjálfun við læknadeild HÍ.
„Ég er á þriðja ári og verknáms-
tímabilið var að hefjast þannig að
ég vinn á Reykjalundi frá 8 til 16 á
daginn. Það er mjög spennandi að
fara loksins að yfirfæra það sem
maður hefur lært á lífið sjálft,“
segir Ragnhildur, sem ætlar að
reyna að slappa af um helgina og
fara að sjá Dís í bíó á milli þess sem
hún lemur húðir í Fame. ■
Hljómsveitin Logar frá Vest-
mannaeyjum fagnar fjörutíu ára
afmæli sínu í kvöld en sveitin
rekur upphaf sitt til ársins 1964.
Þá voru þeir félagar Grétar
Skaptason, Helgi Hermannsson,
Henry A. Erlendsson og Hörður
Sigmundsson í hljómsveitinni
Skuggar. Sveitin hætti þetta ár en
félagarnir stofnuðu Loga strax í
framhaldinu og fengu gítarleikar-
ann Þorgeir Guðmundsson til liðs
við sig.
Sveitin náði strax miklum vin-
sældum í Eyjum og spilaði allar
helgar í Samkomuhúsinu. Á vertíð-
um voru svo vitaskuld haldin böll í
nánast öllum landlegum og þá var
stiginn trylltur dans óháð því
hvaða vikudagur var. Félagarnir
sáu þá um að halda uppi stuðinu og
spiluðu iðulega fyrir fullu húsi.
Vinsældir sveitarinnar bárust
að sjálfsögðu til meginlandsins og
árið 1974 rokseldu Logar hljóm-
plötuna Minning um mann og það
vill svo skemmtilega til að gamli
umboðsmaðurinn þeirra, Ámundi
Ámundason, ætlar að mæta í
afmælishófið í Eyjum í kvöld og
afhenda þeim löngu verðskuldaða
platínuplötu.
„Það er auðvitað betra að gera
hlutina seint en aldrei,“ segir
Ámundi sem viðurkennir fúslega
að strákarnir hafi átt platínu-
plötuna inni hjá sér í 30 ár. „Platan
seldist í vel yfir 17.000 eintökum
sem var rosalega gott á þessum
árum. Hún seldist stöðugt upp og
ég hafði ekki undan að panta
þannig að ég hefði getað selt miklu
meira ef ég hefði einhvern tíma
getað annað eftirspurninni. Þetta
var aðalplatan 1974 en þá var Gísli
Helgason með þátt um Eyjagosið í
Útvarpinu. Þegar platan kom fyrst
fór ég með 1000 eintök klukkan
níu um morguninn í Fálkann á
Laugavegi 24 sem var aðalplötu-
búðin í þá daga. Þeir hringdu svo
klukkan ellefu og þá var platan
uppseld og þeir vildu fá 3.000 ein-
tök til viðbótar og þar með var
fyrsta upplagið búið.“
Ámundi gaf plötuna út undir
merki sínu ÁÁ hljómplötur og
segir Minningu um mann vissulega
hafa átt sinn þátt í að halda nafni
hans á lofti. „Það er svo skrítið að
alltaf þegar nafn mitt ber á góma
talar fólk um Minningu um mann,
Don´t Try to Fool Me, Draum okkar
beggja og Joe the Mad Rocker. Þó
ég hafi gefið út yfir 40 plötur þá
standa þessar upp úr.“
En hvað varð til þess að Ámi
afhenti ekki Logum gullplötuna
þegar vinsældir þeirra voru í há-
marki? „Þetta var svoleiðs
mokstur að ég hafði bara ekki
undan. Það gilti það sama um þessa
plötu og vinnuvettlingana í Kaup-
félaginu á Raufarhöfn. Það var
alveg sama hversu mikið var pant-
að það var aldrei til nóg. Ég var því
á hlaupum í Reykjavík og þeir í
Eyjum og svo var ég umboðsmaður
allra helstu hljómsveita landsins
og var að fá Ray Charles til lands-
ins þannig að það var brjálað að
gera á þessum tímapunkti.“ ■
18 11. september 2004 LAUGARDAGUR
D.H. LAWRENCE
Rithöfundurinn sem gerði á sínum tíma usla
með Lady Chatterley´s Lover fæddist á þessum
degi árið 1885, fyrir 119 árum síðan.
AFMÆLI
Kristinn R. Ólafsson í Madrid er 52 ára.
ANDLÁT
Unnsteinn Beck hrl., Árskógum 6, lést
29. ágúst. Jarðarförin hefur farið fram í
kyrrþey.
Gunnhildur Aagot Gunnarsdóttir,
Þórðarsveig 1, lést 29. ágúst. Útför hefur
farið fram í kyrrþey.
Hekla Ásgrímsdóttir, Furulundi 15c,
Akureyri, lést 4. september.
Wilhelm Magnús Alexandersson Ol-
brich, Háaleitisbraut 54, lést 4. septem-
ber.
Haukur Smári Guðmundsson lést 6.
september.
Jón Víðir Steindórsson, frá Teigi, lést 7.
september.
Þórarinn Þórarinsson húsasmíðameist-
ari lést 8. september.
Árni Guðmundsson, áður Fellsmúla 2,
lést 9. september.
JARÐARFARIR
13.00 Gísli Gíslason verður jarðsunginn
frá Narfeyrarkirkju á Skógarströnd.
13.00 Ástrós Reginbaldursdóttir verður
jarðsungin frá Grindavíkurkirkju.
14.00 Ingibjörg Guðmundsdóttir, Syðri-
Á, Ólafsfirði, verður jarðsungin frá
Ólafsfjarðarkirkju.
14.00 Guðný Sigurbjörnsdóttir Fann-
dal, hjúkrunarfræðingur og tón-
listarkenari, verður jarðsungin frá
Siglufjarðarkirkju.
14.00 Stefán Jóhannsson, Eyjahrauni
11, verður jarðsunginn frá Landa-
kirkju, Vestmannaeyjum.
14.00 Bergvin Karl Ingólfsson, frá
Húsabakka, Aðaldal, verður jarð-
sunginn frá Húsavíkurkirkju.
15.00 Sigrún Jónsdóttir, Aðalgötu 14,
Stykkishólmi, verður jarðsungin
frá Stykkishólmskirkju.
Sovétleiðtoginn fyrrverandi
Nikíta Krústsjev lést á þessum
degi árið 1971. Krústsjev var einn
litríkasti og mest áberandi per-
sónuleikinn í kaldastríðsátökum
stórveldanna og var á valdatíma
sínum í brennidepli helstu og
hættulegustu deilumála Sovét-
ríkjanna og Bandaríkjanna.
Krústsjev fæddist í Rússlandi
árið 1894 og varð fljótt hallur und-
ir kommúnisma þó hann færi ekki
að klífa valdastigann fyrr en um
1930. Hann var dyggur stuðnings-
maður Stalíns og hélt trúnaði leið-
togans á meðan aðrir lykilmenn í
röðum kommúnista urðu reiði og
vænisýki Stalíns að bráð.
Eftir seinni heimsstyrjöldina
kom Stalín Krústsjev til æðstu
metorða bæði innan Kommún-
istaflokksins og ríkisstjórnar-
innar. Þegar Stalín féll frá töldu
margir að Krústsjev myndi
missa tökin en hann kom mönn-
um heldur betur í opna skjöldu
og með því að mynda ýmis sam-
bönd innan flokksins og hersins
var hann nánast orðinn einráður
í kringum 1955.
Sovétmenn þóttu koma illa út
úr Kúbudeilunni við Bandaríkja-
menn 1962 og tveimur árum síðar
boluðu andstæðingar leiðtogans
honum frá völdum. ■
ÞETTA GERÐIST
FYRRUM SOVÉTLEIÐTOGINN NIKÍTA KRÚSTSJEV DEYR
11. september 1971
Krústsjev fellur frá
Logar fá tímabæra platínuplötu
AFMÆLI: HLJÓMSVEITIN LOGAR ER 40 ÁRA
„Ég get aldrei áttað mig á því hvort draumar mínir
séu sprottnir upp úr hugsunum mínum eða hugsanir
mínar uppspretta drauma minna.“
- Það vafðist svolítið fyrir D.H. Lawrence hvernig hlutirnir gerjuðust í kollinum á honum.
...betri hljómur
VIKAN SEM VAR: RAGNHILDUR STEINUNN
Breyttist úr bleikri
stelpu í gaddapönkara
ÞETTA GERÐIST LÍKA
1789 George Washington, forseti
Bandaríkjanna, tilnefndi Alexand-
er Hamilton fyrsta fjármálaráð-
herra ríkjabandalagsins.
1883 James Cutler fékk einkaleyfi fyrir
hinni bráðsnjöllu uppfinningu
sinni, póstlúgunni, sem var fyrst
notuð í Elwood-byggingunni í
Rochester.
1954 Fegurðarsamkeppnin Ungfrú
Ameríka var sýnd í fyrsta sinn á
sjónvarpsstöðinni ABC. Ungfrú
Kalifornía, Lee Ann Meriwether,
bar sigur úr býtum það árið.
RAGNHILDUR STEINUNN JÓNSDÓTTIR Tók við hlutverki Maríu Þórðardóttur í Fame í
vikunni. „Þetta er ofboðslega gaman, ekki síst þar sem ég var ráðin í sýninguna sem
dansari og er ánægð með að vera treyst fyrir þessu hlutverki.“
ÁMUNDI ÁMUNDASON Skellir sér til Eyja með platínuplötu sem hann hefði átt að
afhenda Logum árið 1974. Þá var bara of mikið að gera. „Það verður gaman að uplifa
fegurð Loganna í Eyjum og hlusta á Gylfa Ægisson syngja flottasta lagið í dag með
Milljónamæringunum.“
NIKÍTA KRÚSTSJEV Þessi litríki persónu-
leiki og fyrrum leiðtogi Sovétríkjanna dó á
þessum degi árið 1971.