Fréttablaðið - 11.09.2004, Blaðsíða 41

ætti að hlusta betur á börn, sem
eru í raun hinir einu sönnu frum-
spekingar.
...um heilsuna. Það hefði ekki
komið sér illa að vita hversu
langt hugarorkan dregur og
hversu máttur hennar er stór-
kostlegur. Afl hugans er ólýsan-
legt og má sín meira en margir
vilja kannast við.
...um hjónabandið og ástina. Það
hefði verið skemmtilega snagg-
aralegt að hafa haft um það
nokkra hugmynd að ekkert væri
eilíft og þá einna síst það sem
bindur mann á klafa heilagra
skyldna og ólofanlegra loforða.
Engin ást getur lifað ófrjáls og
engin dafnað nema sú sem á kost
á endurnýjun.
...um fegurðina. Leitin að feg-
urðinni fylgir manni götuna á
enda. Á þeirri göngu hefði verið
gaman að gera sér strax grein
fyrir að huga betur undir steina.
...um kynlíf. Ég hefði ekki viljað
vita neitt meira en ég vissi þegar
ég var tvítug vegna þess að það
hefði tekið af mér allan þann
unað sem felst í sífellt nýrri
reynslu endalausra leyndar-
dóma.
...um áfengi og eiturlyf. Senni-
lega hefði mér þótt meira en
ljúft að horfast í augu við að öll
víma, nema sæluvíman auðvit-
að, ruglar sköpunarkraftinn,
bælir gleðina, skyggir á fegurð-
ina og sendir hamingjunni langt
nef.
...um starfsferilinn. Ég hugleiddi
nú starfsferil ekki mikið á þess-
um árum en hafði þó einhverja
óljósa hugmynd um að mér væri
engin lukka í því að velja mér
ævistarf. Kannski ég hefði haft
töluvert gott af því að sú hug-
mynd hefði verið skýrari í kollin-
um. Ég hef nefnilega þá bjarg-
föstu trú núna að manninum geti
verið það jafnhættulegt að velja
sér ævistarf og maka vegna þess
að honum sé í raun nauðsynlegt að
koma sjálfum sér stöðugt á óvart.
GUÐMUNDUR ÁRNI STEFÁNSSON
ALÞINGISMAÐUR:
...hefði ekki viljað vita
neitt sem ég veit í dag
...um heilsu. Þegar maður er tvítug-
ur veit maður allt og getur allt!
Framtíðin liggur fyrir eins og opin
og óskrifuð bók, og maður bíður
einfaldlega eftir ævintýrum lífsins
til að skrifa lífssöguna jafnharðan.
Því hefði ég ekki viljað vita neitt
tvítugur sem ég veit í dag. Ég hugs-
aði vel um heilsuna, var á fullu í
íþróttum, í nánast ósigrandi hand-
boltaliði FH, og því í toppformi. Ég
hafði ekki áhyggjur af öðru en
ökklameiðslum og fingurbrotum,
sem kæmu í veg fyrir þátttöku í
næsta leik. En vissulega gerði
íþróttaiðkun það að verkum að ég
vissi frá upphafi um gildi góðrar
heilsu.
...um börn og uppeldi. Ég eignaðist
mitt fyrsta barn rétt nýorðinn 21
árs. Var því farinn að búa, eins og
hét þá, með unnustu minni, sem
síðar varð eiginkona mín. Var þá og
er ennþá mikill barnakarl og þá
þegar staðráðinn í því að eignast
mörg börn. Og varð að ósk minni:
Sex barna faðir og eitt barnabarn.
Uppeldið á börnum mínum byggði
ég á hyggjuviti og þekkingu eigin-
konu minnar. Niðurstaðan varð góð
- ég á fína og vel gerða krakka sem
ég er stoltur af. Við hjónin misstum
tvo elstu syni okkar af slysförum
fyrir tæpum 20 árum, þá aðeins
fjögurra og átta ára gamla. Ég
hygg að sú sára lífsreynsla hafi
ennfrekar kennt mér hversu mikil-
væg börnin eru og hversu nauðsyn-
legt er að halda vel utan um þau.
...um hjónabandið og ástina. Ástin
þegar maður er tvítugur er auðvit-
að alfa og omega allra hluta. Ég var
kominn í hjónaband tvítugur. Og
auðvitað réð ástin því. Þarf meira
að segja? Ég þurfti ekki að vita
meira þá, frekar en nú.
...um áfengi og eiturlyf. Eiturlyf
voru og eru eitur í mínum beinum.
Ég hef andstyggð á þeim. Sá sorg-
leg dæmi á menntaskólaárunum
hvernig sumir jafnaldrar mínir
urðu dópinu að bráð. Áfengi var
haft um hönd í mínum vinahópi
þegar ég var tvítugur, en í hófi.
Handboltaiðkunin sá um það. En ég
hafði þá, og hef ennþá gaman af því
að gleðjast með góðum.
...um fegurð. Öll skilningarvit eru
þanin þegar maður er tvítugur og
ég gleypti auðvitað í mig fróðleik
og allt umhverfið. Fegurð í fólki,
ekki síst hjá fallegum stúlkum,
náttúrunni og lífinu sjálfu, umvafði
mann á alla kanta. Ég hygg að
smekkur minn á fegurð hafi lítið
breyst. Ég get verið afskaplega
hrifnæmur.
...um kynlíf. Hvers konar spurning
er þetta?! Kynlíf og tvítugur strák-
ur! Það var auðvitað ofarlega á
baugi. Og maður þóttist vita allt
sem vita þurfti um þann vettvang!
...um pólitík. Ég var harðpólitískur
strax um tvítugt. Kom úr afar póli-
tískri fjölskyldu þar sem stjórnmál
voru á dagskrá oft á dag. Var kom-
inn á fullt í pólitískt starf og grun-
aði innst inni að sá yrði minn vett-
vangur þegar fram liðu stundir.
Það átti eftir að koma á daginn, því
ég varð bæjarfulltrúi 26 ára
gamall, bæjarstjóri 30 ára og frá
þeim tíma hafa stjórnmál verið
mitt aðalstarf.
...um starfsferilinn. Pólitíkin var
alltaf umlykjandi. Hins vegar
stefndi hugur minn á lögfræði og
ég hóf nám í HÍ í þeim fræðum.
Þegar mér opnuðustu svo dyr að
blaðamennsku, dagskrárgerð og
öðru þvílíku, þá tók fjölmiðlun allan
minn huga og þrótt. Og svo brast
pólitíkin á. Kom mér svosem ekkert
á óvart, þegar ég hugsaði til baka.
JÖRMUNDUR INGI
REYKJAVÍKURGOÐI:
...hvað tíminn er langur,
þótt lífið sé stutt
...um börn og uppeldi. Byrði betri,
ber-at maður brautu að, en sé man-
vit mikið. Auði betra, þykir það í
ókunnum stað; slíkt er volaðs vera.
...um heilsuna. Eldur er bestur, með
ýta sonum og sólar sýn, Heilyndi
sitt, ef maður hafa náir, án við löst
að lifa.
...um hjónabandið og ástina.
Hrörnar þöll, sú er stendur þorpi á,
hlýr-at henni börkur né barr. Svo er
maður, sá er manngi ann. Hvað skal
hann lengi lifa.
...um fegurð. Sér hún upp koma,
öðru sinni, jörð úr ægi, iðjagræna.
Falla fossar, flýgur örn yfir, sá er á
fjalli, fiska veiðir
...um kynlíf. Meyjar orðum, skyli
manngi trúa, né því er kveður kona,
því á hverfanda hveli, voru þeim
hjörtu sköpuð, brigð í brjóst um
lagin.
...um trúmál. Deyr fé, deyja frænd-
ur, deyr sjálfur ið sama; en orðstír
deyr aldregi, hveim er sér góðan
getur.
...um áfengi og eiturlyf. Haldi-t
maður á keri, drekki þó af hófi
mjöð, mæli þarft eða þegi; ókynnis
þess vár þig engi maður, að þú
gangir snemma að sofa.
thordis@frettabladid.is
LAUGARDAGUR 11. september 2004 25