Fréttablaðið - 11.09.2004, Blaðsíða 46

30 11. september 2004 LAUGARDAGUR
Við mælum með ...
... að silfurdrengirnir í FH hugsi ekki of mikið um hið ótrúlega klúður FH-liðsins árið 1989. Þá eins og í dag gat FH tryggt sér
Íslandsmeistaratitilinn í fyrsta sinn í sögu félagsins með sigri á heimavelli gegn liði sem var í fallbaráttu. Árið 1989 vann Fylkir
hinsvegar meistaraefnin í FH og færði KA-mönnum titilinn og nú er að sjá hvað FH-ingurinn Ólafur H. Kristjánsson og lærisveinar
hans í Fram gera í Kaplakrika á morgun. Ólafur lék einmitt með FH-liðinu fyrir 15 árum síðan og veit í hvað leikmenn
Hafnarfjarðarliðsins eru að ganga í gegnum í leiknum á morgun. Strákar, sagan getur ekki endurtekið sig ... eða hvað?
Vissir þú að ...
... FH-ingar hafa sjö sinnum unnið til
sifurverðlauna í tveimur stærstu mótum
íslenskrar knattspyrnu. Fjórum sinnum á
Íslandsmótinu og þrisvar í bikarnum þar af í
báðum keppnunum á síðasta tímabili.sport@frettabladid.is
KÖRFUBOLTI Íslenska landsliðið í
körfuknattleik lék við Dani í Árós-
um í gær. Leikurinn er liður í und-
ankeppni Evrópukeppninnar og
því til mikilvægt fyrir Íslendinga
að reyna að ná í öll stig sem í boði
eru. Töluverður slangur af Íslend-
ingum lagði leið sína í Árósa en
um 1800 áhorfendur voru við-
staddir leikinn.
Íslendingar náðu yfirhöndinni
strax í fyrsta leikhluta og voru
yfir 26-17 að honum loknum.
Danir voru þó aldrei skammt
undan og náðu með góðum leik í
öðrum fjórðungi að saxa á forskot-
ið og voru yfir í hálfleik, 42-40.
Jafnræði var með liðunum í
byrjun síðari hálfleiks en Danirn-
ir hittu mjög vel gegn svæðisvörn
Íslendinga í lokafjórðungnum og
uppskáru 10 stiga sigur.
Hlynur Bæringsson, miðherji
landsliðsins, sagði að liðið hefði
byrjað vel en svo hafi eitthvað
klikkað. „Við völtum yfir þá í
fyrsta leikhluta. Eftir Það hittnin
datt aðeins niður hjá okkur. Við
hefðum mátt halda uppteknum
hætti í okkar aðgerðum, sérstak-
lega í sókninni“ sagði Hlynur. „Þeir
spiluðu mjög fast á okkur og við
gerðum ekki það sem fyrir okkur
var lagt til að svara því. Svo hitta
þeir eins og rugludallar gegn svæð-
isvörninni okkar í síðasta leikhluta
og kláruðu dæmið þannig“.
Hlynur sagði menn bjartsýna á
framhaldið og stefnan væri tekin
uppávið. „Það er lífsspursmál
fyrir okkur að komast upp úr
þessum riðli og fá þannig að spila
við sterkari þjóðir. Við ætlum
okkur sigur gegn Rúmenum í
Keflavík“ sagði Hlynur.
Sigurður Ingimundarson,
þjálfari Íslendinga, var vonsvik-
inn í leikslok. „Í heildina litið var
þetta mjög lélegt hjá okkur“
sagði Sigurður. „Við byrjuðum
leikinn mjög vel. Síðan herða
þeir vörnina og við verðum eitt-
hvað ragir út frá því. Þá hættum
við að gera það sem að við
höfðum lagt upp, verðum linir og
eigum erfitt með að skora. Allar
aðgerðir okkur nýttust ekki nógu
vel og fyrir vikið náðum við
aldrei að hrista þá almennilega
af okkur. Þá kom ekkert á óvart
hvernig Danirnir léku og þeir
gerðu sína hluti vel“.
Þrátt fyrir tapið er Sigurður
vongóður um að íslenska liðið
muni snúa við blaðinu hér heima.
„Þetta endaði með tíu stiga mun
sem er ekki neitt. Við getum alveg
unnið þá með meiri mun heima og
við tökum þá heima, það er ekkert
öðruvísi“ sagði Sigurður.
Jakob Örn Sigurðarson var
stigahæstur Íslendinga með 15 stig.
Íslenska liðið mætir Rúmenum 19.
september í Keflavík. ■
JAKOB ÖRN SIGURÐARSON var stigahæst-
ur með 15 stig.
Íslenska landsliðið í körfuknattleik atti kappi við Dani í undankeppni Evrópu-
keppninnar í Árósum í gær.
„Vorum alltof linir við þá“
...betri hljómur
ÞÓRÐUR MEIDDIST
Þórður Guðjónsson er meiddur á rist eftir
landsleikinn við Ungverja.
Þórður Guðjónsson hjá
Bochum:
Frá í fjórar
vikur
FÓTBOLTI Þórður Guðjónsson mun
missa af næstum fjórum vikum
hjá liði sínu Bochum í þýsku
Bundesligunni eftir að hafa
meiðst á rist í landsleiknum gegn
Ungverjum á miðvikudaginn.
Þórður gæti hugsanlega misst af
næstu leikjum landsliðsins sem
eru eftir rétt tæpan mánuð en
það flísaðist upp úr vinstri fæti
hans þegar hann sparkaði undir
sólann á einum Ungverjanum í
tapinu í Búdapest á miðvikudag-
inn. Það syrtir því enn í álinn hjá
Þórði hjá þýska liðinu en hann
hefur ekkert fengið að spila í
vetur og hefur fengið það beint
frá þjálfaranum, Peter Neururer,
að hann sé ekki að fara að spila
hjá honum. Þórður hefur reynt að
fá sig lausan en án árangurs og
einu leikirnir sem hann hefur
spilað á tímabilinu eru þrír leikir
með íslenska landsliðinu. ■
Sögulegt val A-landsliðs:
Engin Blika-
stúlka í liðinu
FÓTBOLTI Val Helenu Ólafsdóttur,
landsliðsþjálfara kvenna í knatt-
spyrnu, fyrir æfingaleiki gegn
Bandaríkjunum í lok mánaðarins er
söguleg. Aldrei fyrr í 23 ára sögu
íslenska A-landsliðsins hefur engin
Blikastúlka verið í hópnum. Þetta
kom fram á heimasíðu félagsins í
gær. Erla Hendriksdóttir, fyrirliði
landsliðsins og Breiðabliks í sumar,
hefur skipt yfir í danska liðið
Skovlunde IF og telst því ekki
lengur vera leikmaður Breiðabliks.
Það eru aftur á móti átta Valskonur
í hópnum af 18 en Valsliðið varð
Íslandsmeistari á dögunum í fyrsta
sinn í fimmtán ár. ■