Fréttablaðið - 12.09.2004, Blaðsíða 30
22 12. september 2004 SUNNUDAGUR
FÓTBOLTI Arsenal sýndi enn og aftur
mátt sinn og megin en liðið bar
sigurorð af Fulham á útivelli í gær
en þá fóru fram átta leikir í ensku
úrvalsdeildinni í knattspyrnu. Það
tók Arsenal góðan tíma að brjóta
vörn Fulham á bak aftur en þegar
það gerðist opnuðust flóðgátt-
irnar. Það var Svíinn Freddie
Ljungberg sem kom Arsenal yfir á
62. mínútu eftir frábæra sendingu
frá Thierry Henry. Hann var svo
aftur á ferðinni þremur mínútum
síðar en í þetta sinn kom sending-
in frá Dennis Bergkamp. Þriðja
markið leit svo dagsins ljós á 71.
mínútu og þar var að verki hinn
frábæri Jose Antonio Reyes.
Arsenal er því með fullt hús stiga
og það virðist fátt geta stoppað
þetta lið.
Eiður Smári klúðraði góðu færi
Chelsea tapaði hins vegar
sínum fyrstu stigum á leiktíðinni
en liðið gerði markalaust jafntefli
við Aston Villa á Villa Park. Leik-
urinn var ágætur og í það heila
frekar jafn. Liðin voru svipað
mikið með boltann en færin voru
reyndar ekkert alltof mörg. Eiður
Smári Guðjohnsen kom inn á sem
varamaður í liði Chelsea þegar um
hálftími var eftir af leiknum og
hann fékk nokkuð gott færi á
lokamínútunni en það var frekar
þröngt og skot hans fór yfir. Fram-
kvæmdastjóri Chelsea, Portúgal-
inn Jose Mourinho, var afar ó-
sáttur eftir leik og sendi dómara
leiksins tóninn. „Við hefðum átt að
fá vítaspyrnu þegar (Didier)
Drogba var felldur og ég er sann-
færður um að ef hér hefði verið
um að ræða (Ruud Van) Nistelrooy
eða (Thierry) Henry, hefði víti
verið dæmt,“ sagði hundfúll
Íslandsvinurinn, Jose Mourinho.
United jöfnuðu á 90. mínútu
Það gengur lítið hjá Man-
chester United í upphafi þessarar
leiktíðar og liðið uppskar aðeins
jafntefli gegn Bolton á Reebok.
Það var Argentínumaðurinn
Gabriel Heinze sem kom
Manchester United á bragðið í
sínum fyrsta leik með félaginu
með marki á 43. mínútu. Kevin
Nolan jafnaði metin átta mínútum
síðar en lokakaflinn var drama-
tískur í meira lagi. Gamla brýnið
Les Ferdinand virtist hafa tryggt
Bolton sigurinn á 90. mínútu en
David Bellion var ekki á því að
samþykkja það og hann jafnaði
metin þegar tvær mínútur voru
komnar fram yfir venjulegan leik-
tíma.
Sir Alex Ferguson var að von-
um ókátur með þessa niðurstöðu.
„Leikmenn mínir eru að leggja
verulega hart að sér en þeir eru
ekki að njóta þess nægilega vel að
spila fótbolta þessa dagana. Þeir
gefast hins vegar aldrei upp og
það er jákvætt, sagði Ferguson.“
Rekinn útaf fyrir að fagna
Newcastle fékk Blackburn í
heimsókn en bæði lið mættu til
leiks framkvæmdastjóralaus.
Graeme Souness er reyndar
nýráðinn framkvæmdastjóri
Newcastle en Blackburn hafði
samið við félagið að Souness
myndi ekki stjórna liðinu í þessum
leik. 3-0 Sigur Newcastle var
öruggur og sanngjarn.
Liverpool átti ekki í miklum
erfiðleikum með nýliða WBA og
Everton gerði góða ferð til
Manchester og lagði City að velli,
0-1.
Það var Ástralinn Tim Cahill
sem skoraði eina mark leiksins á 62.
mínútu en fékk síðan gula spjaldið
fyrir að fagna aðeins of mikið. Það
þýddi brottvísun því hann hafði
fengið að líta það gula áður. Er þetta
ekki einum of mikið af því góða?
Það fannst Kevin Keegan, fram-
kvæmdastjóra Manchester City.
„Þetta er alveg fáránlegt, að
reka mann útaf fyrir að fagna, ha.
Svona reglur gera fótboltanum ekki
gott. Einhver náungi situr á
skrifstofunni sinni í Sviss og býr til
svona fáránlegar reglur. Ég
vorkenni stráknum því þessi
brottvísun var svo heimskuleg og
tilgangslaus,“ sagði reiður
Keegan.
Middlesborough vann Birming-
ham, 2-1, í hörkuleik og þá áttust við
Portsmouth og Crystal Palace þar
sem heimamenn unnu 3-1.
sms@frettabladid.is
LJUNBERG FAGNAR Svíinn Fredrick Ljungberg fagnar hér fyrsta marki Arsenal í 3–0 sigri
á Fulham í gær einu af nítján mörkum ensku meistaranna í fyrstu fimm leikjunum. AP
Enn og aftur Arsenal-sigur
Englandsmeistararnir eru í ótrúlegu formi og eru með fullt hús stiga. Chelsea tapaði sínum
fyrstu stigum og Manchester United er enn í vandræðum.
...minnstur í heimi
17. umferð 1. deildar karla í knattspyrnu í gær:
Valur og Þróttur upp
FÓTBOLTI Valsmenn og
Þróttarar endurheimtu
sætin sín í Landsbanka-
deild karla á nýjan leik í
gær þegar 17. umferð 1.
deildar karla fór fram.
Valsmenn voru svo gott
sem komnir upp fyrir
leikinn en tryggðu sætið
endanlega sem og sigur í
deildinni í annað sinn á
þremur árum.
Þróttarar kórónuðu
ótrúlega endurkomu
með sínum fimmta sigri í
röð, nú 2–1 á Haukum.
Það var Eysteinn Pétur
Lárusson sem skoraði
sigurmarkið á síðustu sekúnd-
unum og tryggði félaginu úrvals-
deildarsætið á nýjan leik. þróttur
var aðeins með 11 stig eftir fyrri
umferðina en hefur fengið 17 stig
úr úr síðustu átta leikjum sínum.
Þeir Matthías Guðmundsson,
Stefán Helgi Jónsson,
Hálfdán Gíslason og
Jóhann Möller skoruðu
mörkin í 0–4 sigri Vals á
stjörnunni í Garðabæ en
heimamenn eru í bullandi
fallhættu í neðsta sæti
þegar aðeins einn leikur er
eftir.
Það er enn mikil spenna
í fallslagnum þar sem
fjögur lið geta enn fallið,
Stjarnan (-12), Njarðvík (-
8) og Haukar (0) eru öll
með 18 stig (markatala
innan sviga) og Völsungar
eru með stigi meira eftir
2–1 sigur á Njarðvík í gær.
Blikar unnu nágranna sína í
HK, 5–1, í dag og gerðu endanlega
út um vonir HK um sæti í
úrvalsdeildinni í fyrsta sinn.
Ragnar Gunnarsson skoraði þrjú
fyrstu mörk Blika og Olgeir
Sigurgeirsson hin tvö. ■
Fjögurra marka tap Valsstelpna í Evrópukeppninni í Svíþjóð:
Eigum góðan möguleika
HANDBOLTI Valsstelpur töp-
uðu gegn sænska liðinu
Önnered HK í Evrópu-
keppni félagsliða í hand-
knattleik í gærdag. Loka-
tölur urðu 30-26 en leikur-
inn fór fram í Gautaborg.
Valsstelpur, sem eru ný-
krýndir Reykjavíkur-
meistarar, eiga því ágæt-
an möguleika á að slá út
þetta sænska lið.
Valsstelpur lentu mest
sex mörkum undir en voru
síðan nálægt því að jafna
metin í síðari hálfleik. Þær
misstu síðan aðeins þráð-
inn á lokakaflanum og
fjögurra marka tap því
staðreynd. Guðríður Guð-
jónsdóttir, þjálfari Valsstelpna,
var nokkuð sátt með úrslitin.
„Við getum alveg slegið þetta
lið út og við stefnum að
sjálfsögðu að því. Þetta
sænska lið er í svipuðum
styrkleikaflokki og við en
er nokkuð ólíkt okkur,
þær eru stærri og sterk-
ari en á móti kemur að við
erum sneggri og hreyfan-
legri.“
Árný Björg Ísberg var
markahæst í Valsliðinu
með 6 mörk og þær
Ágústa Edda Björnsdótt-
ir og Katrín Andrésdótt-
ir skoruðu 4 mörk hvor.
Berglind Íris Hansdóttir
var hins vegar besti leik-
maður Vals og varði 20
skot.
Seinni leikur liðanna
verður háður næstkomandi laug-
ardag og fer hann fram í
Valsheimilinu að Hlíðarenda. ■
ÚRSLIT GÆRDAGSINS:
Aston Villa–Chelsea 0–0
Bolton–Man. Utd. 2–2
0–1 Heinze (44.), 1–1 Nolan (52.), 2–1
Ferdinand (90.), 2–2 Smith (90.)
Fulham–Arsenal 0–3
0–1 Ljungberg (62.), 0–2 sjálfsmark
(65.), 0–3 Reyes (71.).
Liverpool–WBA 3–0
1–0 Gerrard (16.), 2–0 Finnan (42.), 3–0
Luis Garcia (60.).
Man. City–Everton 0–1
0–1 Cahill (60.).
Middlesbrough–Birmingham 2–1
1–0 Viduka (27.), 1–1 Heskey (42.), 2–1
Viduka (48.).
Newcastle–Blackburn 3–0
1–0 sjálfsmark (9.), 2–0 Shearer (16.), 3–0
O´Brien (83.).
Portsmouth–Crystal Palace 3–1
1–0 Fueller (3.), 1–1 Granville (43.), 2–1
Berger (47.), 3–1 sjálfmark (85.).
LEIKUR DAGSINS Í DAG:
Tottenham–Norwich Kl. 15.05
LEIKUR Á MORGUN:
Charlton–Southampton Kl. 19.00
LEIKIR GÆRDAGSINS
ENSKA ÚRVALSDEILDIN
HETJA ÞRÓTTARA
Mark Eysteins
Lárussonar tryggði
Þróttum sæti í efstu
deild á nýjan leik.
VARÐI VEL
Berglind Íris
Hansdóttir varði 20
skot gegn sænska
liðinu Önnered í
gær.