Fréttablaðið - 17.09.2004, Blaðsíða 49

FÖSTUDAGUR 17. september 2004 37
Einn stærsti viðburð-
ur í golfheiminum
Í dag hefst Ryder-keppnin í golfi í Detroit í
Bandaríkjunum en þar etja saman kappi bestu
spilarar Bandaríkjanna og þeir bestu í Evrópu.
GOLF Bandaríkjamenn hugsa Evr-
ópumönnum þegjandi þörfina
þegar Ryder-keppnin í golfi hefst
í dag í Detroit í Bandaríkjunum en
Evrópa er núverandi handhafi
þessa eftirsótta bikars. Allar
stærstu stjörnur Bandaríkjanna
taka þátt en margir klóra sér í
hausnum yfir liði Evrópu sem er
að mestu skipað golfspilurum sem
annaðhvort eru lítt þekktir eða
lifa á fornri frægð.
Golfáhugamenn taka jafnan
andköf þegar stjörnur á borð við
Tiger Woods, Phil Mickelson,
Chris DeMarco eða Davis Love
lyfta kylfu enda hafa þeir allir
margsannað sig á stórmótum.
Öðru máli gegnir um Luke Don-
ald, David Howell eða Ian Poulter
sem allir spila fyrir Evrópu.
Colin Montgomerie er í liðinu
þrátt fyrir að vera kominn niður í
60. sæti á heimslistanum í golfi
svo vonir Evrópu eru því að mestu
bundnar við Sergio Garcia, Dar-
ren Clarke og Padraig Harr-
ington. Harrington er efstur Evr-
ópubúanna á heimslistanum í
golfi en hann hefur spilað undir
getu síðustu vikur og mánuði og
þykir ólíklegur til afreka. Clarke
og Garcia eru báðir óútreiknan-
legir, báðir geta spilað eins og
meistarar en þess á milli fallið í
tóma meðalmennsku.
Ólíklegustu spilarar
Evrópa hefur hins vegar átt því
láni að fagna í Ryder-mótunum að
ólíklegustu spilarar hafa sýnt
ótrúlega takta þegar á hefur þurft
að halda og vel getur verið að liðs-
stjóri Evrópu, Bernard Langer,
veðji á að slíkt gerist aftur.
Hér áður fyrr skipti ekki höf-
uðmáli hvaða tveir keppendur
spiluðu saman. Sú ákvörðun var
tekin með litlum fyrirvara og eft-
ir létt klapp á bakið hófu keppend-
urnir leik. Í dag er allt annað upp
á teningnum og heilmikil vísindi
sem fara í að velja hvert par fyrir
sig enda getur það þegar upp er
staðið skorið úr um hvort liðið á
vinningsmöguleika á sunnudaginn
kemur.
Sjónvarpsstöðin Sýn sýnir
beint frá Ryder-keppninni alla
dagana.
albert@frettabladid.is
BARIST UM BIKARINN Bernard Langer, liðsstjóri Evrópuliðsins og Hal Sutton, liðsstjóri
Ameríkuliðsins sjást hér saman með bikarinn sem keppt er um í Bandaríkjunum.
LIÐSKIPAN Í RYDER-BIKARNUM
Lið Evrópu Lið Bandaríkjanna
Padraig Harrington Tiger Woods
Sergio Garcia Phil Mickelson
Darren Clarke Davis Love III
Miguel Angel Jiminez Stewart Cink
Paul Casey Jim Furyk
Luke Donald Chad Campbell
Lee Westwood Kenny Perry
Thomas Levet Chris DeMarco
Ian Poulter David Toms
Colin Montgomerie Jay Haas
Paul McGinley Chris Riley
David Howell Fred Funk
FYRIRKOMULAGIÐ:
Fjórmenningur
Tveir og tveir eru saman í liði þar
sem þeir skiptast á að slá sömu
kúlu þar til að hún fer ofan í holu.
Það lið sem spilar holuna á færri
höggum vinnur hana og það lið
sem vinnur fleiri holur á hringnum
vinnur einvígið.
Fjórleikur
Tveir og tveir aftur saman í liði en
skor þess sem spilar betur hverri á
holu telur. Annars eins og í fjór-
menningskeppninni að ofan.
Einstalingsleikir
Einn á móti einum sá sem spilar
holun á færri höggum vinnur hana.
Íslenska körfuboltalandsliðið mætir Rúmenum í Keflavík á sunnudaginn:
Friðrik kemur inn í liðið fyrir Eirík
KÖRFUBOLTI Íslenska landsliðið í
körfuknattleik mætir Rúmenum í
undankeppni Evrópukeppninnar í
íþróttahúsinu í Keflavík á sunnu-
daginn. Liðið lék gegn Dönum á
útivelli og uppskar tíu stiga tap.
Sigur í leik helgarinnar er mikil-
vægur, ætli liðið sér að vinna A-
riðilinn og komast í úrslit um að
komast upp í A-deild. Sigurður
Ingimundarson landsliðsþjálfari
hefur gert eina breytingu á lið-
inu frá leiknum í Danmörku.
Miðherjinn Friðrik Stefánsson
kemur inn í liðið í stað Eiríks Ön-
undarsonar en Friðrik gat ekki
leikið með gegn Dönum vegna
fjölgunar í fjölskyldunni. „Með
tilkomu Friðriks mun liðið
hækka töluvert og styrkjast und-
ir körfunum en við lentum í basli
þar í Danmörku,“ sagði Sigurður.
Sigurður segir rúmenska liðið
vera skipað öflugum leikmönn-
um og þar beri helst að nefna
Virgil Stanescu. Leikurinn hefst
kl. 16 á sunnudaginn.