Fréttablaðið - 17.09.2004, Blaðsíða 54

Spennumyndin Man on Fire eftir
leikstjórann Tony Scott er frum-
sýnd í dag en þar teflir hann fram
Óskarsverðlaunaleikaranum
Denzel Washington í hlutverki
alkóhólistans og fyrrum CIA-
morðingjans Johns Creasy, sem er
kominn á síðasta snúning. Hann
er dreginn hálf áhugalaus aftur
inn í heim spennu og ofbeldis þeg-
ar hann tekur að sér lífvörslu
fyrir auðmann í Mexíkó þar sem
mannrán eru í tísku.
Hann verður því hálfgerð
barnfóstra þar sem hlutverk hans
er að gæta ungrar dóttur millans,
sem Dakota Fanning leikur.
Stelpukrakkinn fer vitaskuld
verulega í taugarnar á gamla
harðjaxlinum. Henni tekst þó að
komast inn fyrir harða skelina og
þegar stúlkunni er rænt hikar líf-
vörður hennar ekki við að grípa til
örþrifaráða.
Hvernig er að leika fyllibyttu?
Nú þykir Washington vera hið
mesta prúðmenni og engar svæsn-
ar drykkjusögur fara af honum.
Þurfti hann þá að æfa sig í því að
vera fullur þegar hann undirbjó sig
fyrir hlutverkið?
„Nei. Ég þurfti að hugsa um per-
sónuna, hvað hún segir og hvað hún
gerir. Maður fer í gegnum alls kon-
ar tilfinningar og líður eins og
róna. Allt það sem áfengi getur
kallað fram gerði það í hans tilfelli.
Hann var sokkinn í myrkur og er á
barmi þess að fremja sjálfsmorð
en ég gekk auðvitað ekki svo
langt,“ segir Washington og hlær.
Washington segist heldur ekki
hafa séð ástæðu til þess að prufa
ólíkar áfengistegundir til þess að
átta sig á muninum á þeim. „Ég hef
aldrei verið viskímaður. Ég kann
hins vegar vel að meta flösku af
góðu víni. Jack Daniels er ákveðið
stig sem sumir drykkjumenn fara á
en ég hef aldrei náð því.“
En hefur Washington einhvern
tíma verið í þeirri stöðu að vilja
drekka til að gleyma?
„Ekki meðvitað. Ég hef aldrei
hugsað með sjálfum mér: „Oh, ég
hata heiminn.““
Ekki spenntur fyrir Hollywood
Þrátt fyrir að hafa lifað og
hrærst í kvikmyndum árum sam-
an segist Washington aldrei hafa
horft mikið á bíómyndir. „Ég
lærði leiklist í skóla og hugsaði
með mér að kannski myndi ég ein-
hvern tíma leika á Broadway fyrir
800 dollara á viku. Ég leiddi hug-
ann aldrei að Hollywood. Ég og fé-
lagar mínir vorum New York-leik-
arar og litum niður á Hollywood.
Ég meina, hvað er Hollywood?
Það er ekki einu sinni raunveru-
legur staður. Í hvert skipti sem ég
fer þangað er eitthvað fólk að
ganga um og horfa á handaför í
gangstéttinni. En þegar ég segi
Hollywood, er ég þá að tala um
sjálfan mig? Ég er leikari. Ég geri
bíómyndir. Er ég þá að líta niður á
sjálfan mig? Ég fer í það minnsta
ekki á frumsýningar nema vinir
mínir bjóði mér.“ ■
Stutt- og heimildarmyndahátíðin
Nordisk Panorama skellur á með
látum í Reykjavík fimmtudaginn
24. september. Hátíðin stendur yfir
í sex daga og á þeim tíma verða
rúmlega 120 mislangar kvikmynd-
ir sýndar þannig að þeir sem vilja
sjá allt verða að hafa sig alla við.
Ýmsar uppákomur verða í gangi
í tengslum við hátíðina en sú sér-
kennilegasta verður væntanlega
sundbíóið sem Nordisk Panorama
og ÍTR bjóða upp á í Sundhöllinni.
„Við ætlum að sýna mynd sem heit-
ir Watercolours. Þetta er mjög við-
eigandi þar sem myndin fjallar um
lítinn strák sem er að fara á sund-
námskeið,“ segir Anna Marín hjá
Nordisk Panorama.
Watercolours er finnsk stutt-
mynd eftir Kai Nordberg sem er 12
mínútna löng og er sögð fjalla um
gleðina í lífinu og smá sorg sem
fylgir því þegar börn þurfa að
busla óstudd í hinum stóra heimi.
„Við vörpum myndinni upp á
vegg í Sundhöllinni og svo verður
hægt að hlusta á hljóðið undir yfir-
borðinu þannig að fólk getur legið í
mestu makindum á kút, horft á
vegginn og haft eyrun ofan í vatn-
inu til að hlusta. Þetta er geggjuð
hugmynd og mér vitanlega hefur
þetta ekki verið gert áður hérna.
Það hafa verið haldnir tónleikar í
sundi en bíósýning er eitthvað alveg
nýtt,“ segir Anna Marín, sem reikn-
ar með miklum fjölda í sundbíóið.
Eitthvað fyrir alla
Það er þó margt annað spenn-
andi í boði á Nordisk Panorama og
það má auðvitað ekki gleyma því
að hér er virtasta stutt- og heimild-
armyndahátíð Norðurlanda á ferð-
inni. Um 60 myndir keppa til verð-
launa en þær voru valdar úr 450
innsendum verkum. Síðan eru al-
þjóðlegar hliðardagskrár með öðr-
um eins fjölda mynda.
Myndirnar eru eftir alls konar
fólk, jafnt yfirvegaða sannleiks-
leitendur og djarft tilraunafólk,
og þarna gefst tækifæri til að sjá
margt það nýjasta og frumleg-
asta sem er verið að gera í kvik-
myndageiranum. Það má nefna
sem dæmi tónlistarmyndir eins
og Rocket Brothers um dönsku
sveitina Kashmir og Rubber Soul
frá Serbíu og Svartfjallalandi,
pólitískar myndir eins og The
Corporation, smellnar myndir á
borð við Peptalk, Elexir, Home
Game, Grubby Girls, stuttar og
skondnar heimildamyndir You
Were There With Your Friend
Frank, Arks og svívirðilega nær-
göngular heimildarmyndir eins
og Do You Love Me? og Father to
Son.
Í keppninni eru sex íslenskar
myndir eftir Ragnar Bragason,
Rúnar Rúnarsson, Grím Hákonar-
son, Þorkel Harðarson, Örn Marinó
Arnarson og Sævar Sigurðsson.
Utan keppni verða heimsfrumsýnd-
ar fjórar glóðvolgar íslenskar,
fyrsta mynd Jóns Gnarr, Með mann
á bakinu, heimildarmynd Ragn-
heiðar Gestsdóttur um gerð
Medúllu og ókláruð mynd Frosta
Runólfssonar um Mínus, auk Faux,
heimildarmyndar hinnar frönsk-ís-
lensku Solveigar Anspach um mál-
verkafölsunarmálið mikla á Íslandi.
Áhugaverðar stuttmyndir
Kjarnadrykkur (Elixir) er gam-
ansöm sýn á samskipti innflytj-
enda og hins dæmigerða ljóshærða
Svía sem tekur í vörina. Fjögur
börn innflytjenda í Svíþjóð drekka
úr sömu gosdós og breytast óvænt
í Svía. Myndin er eftir Babak
Najafi, Írana sem sest hefur að í
Svíþjóð.
Guli merkimiðinn (Det gula
märket ) er eftir Jan Troell sem er
einn þekktasti kvikmyndagerðar-
maður Svía. Samkvæmt ESB-regl-
um frá Brussel verður nú að merk-
ja allt búfé, skrá og rannsaka. Höf-
undurinn stillir upp andstæðunum
sveitasælu og reglugerðaverki
Evrópusambandsins.
Polaris er stórskemmtileg
teiknimynd um stóru spurninguna
hvort við þurfum yfirleitt á öðru
fólki að halda. Er samlíf leiðin til
hamingju eða henni til trafala? Öllu
máli skiptir að vera á leiðinni. ■
42 17. september 2004 FÖSTUDAGUR
Ómissandi á DVD
Futurama eru hreint út sagt kostulegir teiknimyndaþættir úr smiðju höf-
unda The Simpsons. Fjórir árgangar eru nú fáanlegir á DVD og ættu að vera
skyldueign á heimilum allra þeirra sem telja sig hafa gott skopskyn. Ævintýri
pítsusendilsins Fry sem vaknar árið 3000 eftir 1000 ára svefn, drykkfellda
vélmennisins Bender og félaga þeirra eru þegar best lætur tær snilld.
[ SMS ]
UM MYNDIRNAR Í BÍÓ
BEFORE SUNSET Gagnrýnandi Frétta-
blaðsins er yfir sig hrifinn af þessari fram-
haldsmynd Before Sunrise og segir hana
vera snilld.
Before Sunset
Þó svo að mynd um tvær heimspekilega sinnaðar
manneskjur að daðra í París í rauntíma hljómi
óneitanlega dálítið tilgerðarlegt, þá tekst leikstjór-
anum að búa til ótrúlega góða mynd fyrir þá sem
hafa áhuga á manneskjum í allri sinni dýpt, til-
raunakenndri kvikmyndalist og afspyrnugóðum
leik. Snilld.
GS
Terminal
„Spielberg kann auðvitað öðrum fremur að spila á
tilfinningar áhorfenda og því er nánast óhjákvæmi-
legt annað en að gleðjast og þjást með Viktori.
Það eykur svo enn á samkenndina með persón-
unni að Tom Hanks, sem á það til að vera hund-
leiðinlegur, er í toppformi og gerir aðalpersónunni
prýðileg skil.“
ÞÞ
Dís
„Myndin er í raun runa af misfyndnum og
skemmtilegum atriðum sem mynda frekar veika
heild. Dís skilur því ekki mikið eftir sig en er hins
vegar fyrirtaks skemmtun og þar sem Íslendingum
er ekkert sérstaklega lagið að gera skemmtilegt
bíó er ekki hægt að segja annað en að Dís sé
himnasending.
Skemmtilegar persónur og skondnar uppákomur
eru aðall myndarinnar sem fær fólk oft til þess að
skella upp úr.“
ÞÞ
Ken Park
„Larry Clark er á svipuðum nótum í Ken Park en
gengur þó enn lengra í bersöglinni og hikar ekki
við að flagga getnaðarlimum og sýna sáðlát í nær-
mynd. Þetta er sem sagt mynd sem ætlað er að
stuða.“
ÞÞ
The Bourne Supremacy
„Hraðinn er slíkur í atburðarás, klippingu og öðru
að varla er hægt að mæla með því að fara á
myndina nema maður sé tiltölulega skýr í kollin-
um. Sem sagt ekki of þunnur eða með nefrennsli
á háu stigi. Annars er hætt við að þráðurinn tapist.
Reyndar má þó segja um þessa mynd að þó svo
að þráðurinn tapist á stöku stað má samt hafa
gaman að henni. Hún er nefnilega vel gerð, vel
leikin og í alla staði hin ánægjulegasta afþreying.“
GS
The Village
„Þorpið er ekkert sérlega æsandi fyrir aðdáendur
þess konar mynda, en það sem Shyamalan gerir
betur í þessari mynd en í Sjötta skilningavitinu og
Unbreakable að minnsta kosti er að koma í gegn
ógnvænlegri sýn á eðli samfélaga í anda Thomas
Hobbes; það er óttinn sem heldur samfélaginu
saman, hversu einfalt sem það er.“
SS
„Fry, af öllum þeim vinum sem ég hef átt… ert þú sá fyrsti.“
– Vélmennið Bender er ekki beint aðlaðandi persónuleiki og
má því prísa sig sælan að eiga í það minnsta einn vin.
Buslað í 120 myndum
ANNA MARÍN Segir það vissulega geggjaða hugmynd að sýna bíómynd í sundi en
reiknar með að fólk hópist í Sundhöllina til að horfa á finnska stuttmynd um lítinn dreng
sem fer á sundnámskeið. Fyrir utan sundmyndina getur fólk séð vel yfir hundrað kvik-
myndir í Regnboganum án þess að fækka fötum eða blotna.
Denzel í ljósum logum
DENZEL WASHINGTON Leikur gamla
fyllibyttu sem tekur sig á þegar hann þarf
að bjarga ungri stúlku sem var rænt á
meðan hún var í vörslu hans. Þá sýnir
þessi ljúfi leikari að hann getur verið harð-
ur í horn að taka.
FR
ÉT
TA
B
LA
Ð
IÐ
/P
JE
TU
R