Fréttablaðið - 19.09.2004, Blaðsíða 20
Síðustu starfsdagarnir áður en fólk fer á eftirlaun geta verið erfið-
ir, hvort sem eftirlaunatíminn er ánægjuefni eða ekki. Það er um að
gera að nota tímann vel þessa síðustu daga og gera eitthvað
skemmtilegt með starfsfólkinu eða taka myndir af fólki og umhverfi
á vinnustaðnum sem gaman er að eiga í myndaalbúminu. Vinnan er
stór hluti af lífi fólks og best að skilja vel við hana.
Geta karlmenn ekki hjúkrað? Geta konur ekki lagt símalín-
ur? Sumar starfstéttir eru mjög kynbundnar án þess að til
þess liggi nokkuð annað en hefðbundnar ástæður. Félags-
þjónustan í Reykjavík og Orkuveita Reykjavíkur veittu nú
nýlega námsstyrki til háskólanáms. Félagsþjónustan veitti
tvo styrki til náms í félags-
ráðgjöf en Orkuveitan styrk-
ti fjóra efnilega nemendur í
iðnnám og verkfræði. Það
sem helsta athygli vekur við
þessar styrkveitingar er að
styrkurinn til félagsráð-
gjafanáms er eingöngu veitt-
ur karlmönnum en Orkuveit-
an styrkir eingöngu konur.
„Upphafið að hvoru-
tveggja í er jafnréttisstefnu
Reykjavíkurborgar þar sem
miðað var að því að jafna
hlutfall kynjanna á vinnu-
stöðum á vegum borgarinn-
ar,“ segir Hildur Jónsdóttir,
jafnréttisráðgjafi Reykjavíkurborgar, sem situr jafnframt
í úthlutunarnefnd Orkuveitunnar fyrir þessa styrki. „Árið
1997 setti Vatnsveitan í Reykjavík sér það markmið að
vinna gegn kynjaskiptingu þar innanhúss. Þar voru kynja-
hlutföllin afar ójöfn og ekki útlit fyrir að þau breyttust á
næstunni þar sem flestir starfsmenn sem ráðnir voru
höfðu verkfræði- eða iðngreinapróf og afar fáar konur út-
skrifuðust úr þessum greinum. Því var gripið til þess ráðs
að bjóða þessa styrki og hafa þeir mælst vel fyrir. Þessari
hvatningaraðferð til að hreyfa við náms- og starfsvali
kvenna hélt Orkuveitan svo áfram eftir að Vatnsveitan
sameinaðist henni. Í fyrra var bætt við styrkjaflokki til
kvenna sem eru að læra ýmsar iðngreinar. Markmiðið með
slíkum styrkjum er að hvetja bæði stráka og stelpur til að
velja óhefðbundið og vera bandamenn þeirra sem eru að
ryðja brautina með sýnilegum og virkum hætti í staðinn
fyrir að segja bara að það séu ekki til karlar eða konur til
að gegna þessum störfum og láta þar við sitja,“ segir
Hildur.
Hallur Páll Jónsson, starfsmannastjóri Félagsþjónust-
unnar í Reykjavík, segir nauðsynlegt að hvetja karlmenn
til að nema félagsráðgjöf.
„ 88% þeirra 1.200 starfsmanna sem hjá okkur starfa
eru konur. Við ákváðum að byrja að leiðrétta þennan mun í
ráðgjafastörfunum því stundum vilja skjólstæðingar okkar
frekar skipta við annað kynið en hitt. Svo er oft betra ef
bæði kynin geta haft afskipti af erfiðum málum sem koma
til kasta félagsráðgjafa.“ segir hann. Styrkurinn hefur
verið veittur undanfarin fjögur ár til að hvetja karla til að
fara í nám í félagsráðgjöf í HÍ. Hann er hluti af starfs-
manna- og jafnréttisstefnu Félagsþjónustunnar og mark-
miðið er að fá fleiri karlmenn til ráðgjafastarfa. Styrkþeg-
ar skuldbinda sig til að starfa hjá Félagsþjónustunni í að
minnsta kosti eitt ár eftir að starfsréttindanámi lýkur.
Styrkur þessi er kenndur við Þóri Kr. Þórisson, prófessor
og fyrrum borgarfulltrúa, sem var brautryðjandi nútíma
félagsþjónustu í Reykjavík.
„Þessi styrkveiting eflir Félagsþjónustuna mjög, bæði
inn á við þar sem hann stuðlar að jafnara kynjahlutfalli
starfsmanna og líka út á við til að bæta þjónustuna,“ segir
Hallur og vonast eftir fleiri karlmönnum til að veita félags-
lega ráðgjöf. ■
Þeba Björt Karlsdóttir, símsmiður
og rafvirki, fékk á dögunum styrk
frá Orkuveitu Reykjavíkur til fram-
haldsnáms í rafvirkjun.
Af hverju sóttirðu um styrkinn?
„Ég sá að hann var auglýstur á
netinu og ákvað að láta slag stan-
da og prófa hvort ég fengi þetta.
Ég var búin að læra rafvirkjunina
en á sveinsprófið eftir.“
Af hverju rafvirkjun?
„Ég lærði símsmíði og fyrst ég var
búin með símsmiðinn var lítið mál
að bæta rafvirkjun við. Það eru
alltaf einhverjar konur sem læra
rafvirkjun en ég veit ekki hversu
margar taka meistaraprófið.“
Var styrkurinn hvatning fyrir þig
til að halda áfram að læra?
„Já, auðvitað er heilmikil hvatning
að fá styrk, bæði viðurkenning í
sjálfu sér og svo er gott að fá pen-
inga upp í námskostnaðinn. Ég
lærði rafvirkjunina í kvöldskóla,
sem er rándýrt.“.
Hversu há var upphæðin?
„225.000 sem skiptist milli
tveggja.“
Hvað finnst þér um kynbundnar
styrkveitingar?
„Mér finnst þær eiga fullan rétt á
sér. Ef styrkurinn hvetur konur
áfram til að fara í greinar sem þær
annars myndu ekki fara í þá er
það hið besta mál. Þetta hafði
ekki áhrif á mitt náms- og starfs-
val en var bónus og hvatning til
að halda áfram.“
Eymundur Hannesson fékk styrk
frá Félagsþjónustunni til náms í fé-
lagsráðgjöf haustið 2002.
Af hverju sóttirðu um þennan styrk?
„Ég hugsaði mig lengi um áður en
ég sótti um. Ég vissi um þær kvað-
ir sem fylgdu styrknum og vildi því
vera alveg viss um að ég vildi vinna
í eitt ár hjá Félagsþjónustu Reykja-
víkur. Ég vann svo sumarið 2002
sem ráðgjafi í afleysingum hjá Fé-
lagsþjónustunni og starfsandinn
og allur sá stuðningur sem maður
fékk réð baggamuninn. Fjölbreyti-
leiki mála hefur líka mikið að
segja. Að vinna á svona stórum
vinnustað þar sem faglegur stuðn-
ingur og leiðbeining er til staðar er
gott veganesti fyrir nýútskrifaðan
fagmann.“
Var styrkurinn eða sú staðreynd
að hann var veittur hvatning fyrir
þig til að nema félagsráðgjöf?
„Nei, ég hafði ekki frétt af styrkn-
um þegar ég ákvað að leggja
stund á félagsráðgjafanám. Ég
kom í HÍ haustið 1999 með
ákveðna stefnu sem ég hafði tekið
vorið áður. Ég var það ákveðinn að
ég flutti landshorna á milli til að
leggja stund á þetta tiltekna nám
og hef ekki séð eftir því.“
Hversu hár var styrkurinn?
„200.000 kr. og hann kom sér
mjög vel. Svona nám er dýrt, ekki
síst þegar maður er ekki lengur
unglingur, skuldbindingarnar eru
orðnar meiri og kannski lífsstand-
ardinn hærri.“
Hvað finnst þér um slíka kyn-
bundna styrki?
„Mér finnst jákvæð mismunun rétt,
en það er spurning hvort þetta ber
þann árangur sem vonir stóðu til.
Mér finnst að það þurfi að jafna
hlutfall kynjanna á vinnustöðum
þar sem unnið er með fólki, það er
jú af báðum kynjum.“
Kynbundnir styrkir til náms:
Hreyfa við náms- og
starfsvali karla og kvenna
Sumar starfstéttir eru mjög kynbundnar, en sú skipting þarf ekki að
eiga við rök að styðjast.
Hildur Jónsdóttir er jafnréttisráð-
gjafi Reykjavíkurborgar.
Laus störf
hjá Þjónustumiðstöð Fjarðabyggðar
Fjarðabyggð auglýsir tvö störf verkamanna hjá
Þjónustumiðstöð á Eskifirði og Reyðarfirði.
Laun skv. kjarasamningi launanefndar sveitarfélaga
og Afls-Starfsgreinafélags.
Þá er einnig auglýst tvö störf vélamanna hjá Þjónustu-
miðstöð á Eskifirði og Norðfirði. Skilyrði er að
umsækjendur hafi vinnuvélaréttindi.
Laun skv. kjarasamningi launanefndar sveitarfélaga
og félaga opinberra starfsmanna.
Umsóknarfrestur til 24.september næstkomandi og
skal skila umsóknum á netfangið sem tilgreint er
hér í auglýsingunni.
Nánari upplýsingar eru veittar hjá Þjónustumiðstöð
Fjarðabyggðar í síma 470 9040 eða í tölvupósti:
valgeir@fjardabyggd.is
Stöðvarstjóri í Þjónustumiðstöð
Fjarðabyggðar
Fjarðabyggð auglýsir laust starf
stöðvarstjóra Þjónustumiðstöðvar
Fjarðabyggðar á Norðfirði.
Starfssvið hans er ásamt almennum störf-
um dagleg stjórn miðstöðvarinnar á
Norðfirði í samráði við forstöðumann
þjónustumiðstöðvar.
Laun skv. kjarasamningi launanefndar
sveitarfélaga og félaga opinberra
starfsmanna.
Umsóknarfrestur til 1.október næstkom-
andi og skal skila umsóknum til forstöðu-
manns Þjónustumiðstöðvar á netfangið
sem tilgreint er hér í auglýsingunni eða
á www.job.is.
Nánari upplýsingar veitir Valgeir
Hallvarðsson forstöðumaður
Þjónustumiðstöðvar Fjarðabyggðar
í s:470-9040 eða í tölvupósti:
valgeir@fjardabyggd.is
Þá er einnig að finna nánari upplýsingar á
www.fjardabyggd.is og www.job.is
Eymundur starfar nú hjá Félags-
þjónustunni í Álfabakka.
FR
ÉT
TA
B
LA
Ð
IÐ
/E
.Ó
L.
Hár og förðunarmódel 18-25 ára
óskast á Sebastian sýningu
sem verður haldin í
Borgarleikhúsinu sunnudaginn
26.september kl.14.00.
Á þessari sýningu sýna erlendir
fagaðilar haust og vetrarlínurnar
2004 frá Sebastian í hári og förðun
Skráning er í síma 563 63 00
(Anna eða Rósa)
fyrir fimmtudaginn 23. september.
Smáauglýsingasíminn er 550 5000
auglysingar@frettabladid.is
Þeba Björt leggur stund á meist-
aranám í rafvirkjun.
Þeba Björt Karlsdóttir rafvirki:
Bónus og hvatning
til að halda áfram
Eymundur Hannesson félagsráðgjafi:
Fólk er af báðum kynjum