Fréttablaðið - 20.09.2004, Blaðsíða 2
2 20. september 2004 MÁNUDAGUR
BERLÍN, AP Hægriöfgamenn fengu
álíka mikið fylgi í fylkisþings-
kosningunum í Brandenborg og
jafnaðarmannaflokkur Gerhards
Schröder kanslara. Báðir flokk-
arnir fengu á milli níu og tíu pró-
sent atkvæða samkvæmt út-
gönguspám. Gangi þær spár eftir
hafa jafnaðarmenn beðið sinn
versta ósigur í sögunni.
Gott gengi öfgahægriflokka í
Brandenborg og Saxlandi veldur
mörgum áhyggjum. „Þetta hlýtur
að vera aðvörun fyrir lýðræðis-
flokka Þýskalands,“ sagði
Laurenz Meyer, framkvæmda-
stjóri Kristilegra demókrata, sem
töpuðu miklu fylgi.
Flokkur lýðræðislegs sósíal-
isma, arftaki austurþýska komm-
únistaflokksins, vann á í Branden-
borg og jók fylgi sitt úr 23,3 pró-
sentum í síðustu kosningum í 28,4
prósent nú. Hægriöfgaflokkurinn
Þýsk þjóðareining fékk nær sex
prósenta fylgi og tryggði sér því
setu á fylkisþingi Brandenborgar
næsta kjörtímabilið.
Kristilegir demókratar töpuðu
meirihluta sínum í Saxlandi, fóru
úr 57 prósentum í 44 prósent. ■
VERKFALL Hafið er verkfall 4.500
grunnskólakennara um land allt
og þurfa því rúmlega 43 þúsund
skólabörn heima að sitja þar til
deila kennara og launanefndar
sveitarfélaga leysist.
Samningaviðræður stóðu yfir
fram til miðnættis í nótt en sam-
kvæmt heimildum Fréttablaðsins
ber enn mikið í milli og ekki er út-
séð um hvenær eða hvort samn-
ingar náist.
Fyrir utan Karphúsið í gær af-
hentu grunnskólabörn úr Hafnar-
firði samninganefnd kennara og
sveitarfélaga undirskriftalista
með um 200 nöfnum grunnskóla-
nema í Hafnarfirði. Var skorað á
deilendur að semja sem fyrst og
hugsa um framtíð barnannna í
landinu.
Margrét Guðjónsdóttir, Elín
Sigurðardóttir og Katrín Hall-
grímsdóttir, allar úr Hvaleyrar-
skóla, sögðu af því tilefni í samtali
við Fréttablaðið að þær styddu
fyllilega kröfur kennara. „Við
viljum að kennarar fái hærri laun.
Þetta er erfitt starf, við nemendur
getum verið ótrúlega erfið. Vinnu-
dagurinn er langur og launin eru
allt of lág,“ sögðu þær.
Þær sögðust sjálfar vera með
frábæra kennara og það skipti
miklu máli fyrir ungt fólk að hafa
góðar fyrirmyndir.
Samkvæmt upplýsingum frá
Kennarasambandi Íslands eru
meðallaun grunnskólakennara um
210 til 215 þúsund krónur á mán-
uði. Byrjunarlaun 24-27 ára nýút-
skrifaðra grunnskólakennara eru
rúm 130 þúsund á mánuði.
Kröfur grunnskólakennara eru
meðal annars þær að byrjunar-
laun verði sambærileg við laun
framhaldsskólakennara. Byrjun-
arlaun framhaldsskólakennara
eru tæp 240 þúsund á mánuði.
Þá vilja kennarar draga úr
kennsluskyldu, minnka kennslu-
skyldu umsjónarkennara, auka
lágmarksundirbúning á forræði
kennara og afnema launapotta.
Grunnskólakennarar fóru síð-
ast í dagsverkfall 27. október
1997. Þremur árum áður stóðu
þeir í sex vikna verkfalli ásamt
framhaldsskólakennurum.
Tekist hefur að semja um kjör
kennara í nokkrum einkareknum
grunnskólum. Til að mynda fer
einungis hluti kennara í Ísaks-
skóla í verkfall, Hjallaskólakenn-
arar fara ekki í verkfall og ekki
heldur kennarar Landakotsskóla
og Tjarnarskóla.
sda@frettabladid.is
„Nei, ég er bara alls ekki í rusli. Ég er
svo dugleg að flokka að það fellur
lítið rusl til hjá mér.“
Björk Vilhelmsdóttir borgarfulltrúi er formaður
nefndar sem leggur til hækkun á sorphirðugjaldi í
Reykjavík. Nefndin leggur líka til að þeir sem
sætta sig við minni sorphirðu borgi minna.
SPURNING DAGSINS
Björk, eruð þið ekki í rusli yfir þessu?
Bílslys á Hellisheiði:
Þriggja bíla
árekstur
ÁREKSTUR Þriggja bifreiða árekst-
ur varð á Hellisheiði við Hafra-
vatnsveg seinnipart sunnudags og
voru sjö fluttir á slysadeild en
enginn alvarlega slasaður. Loka
þurfti hluta af Suðurlandsvegi
vegna slyssins í rúman klukku-
tíma og myndaðist mikil röð bíla
en umferð var hleypt framhjá inn
í Heiðmörk. Bílarnir þrír eru mik-
ið skemmdir en að sögn lögreglu
er það mesta mildi að ekki hafi
orðið nein alvarleg slys á fólki. ■
Stóru flokkarnir töpuðu stórt í fylkiskosningum í Þýskalandi:
Hægriöfgamenn í sókn
SIGURSÆLL
Holger Apfel og félagar í Lýðræðislega
þjóðarflokknum fögnuðu góðri kosningu í
Saxlandi. Þeim er lýst sem hægriöfga-
mönnum.
Kennaraverkfall hafið
Rúmlega 43 þúsund skólabörn þurfa heima að sitja í dag því ekki tókst að leysa launadeilu
kennara og sveitarfélaga fyrir miðnætti, en þá hófst boðað verkfall 4.500 grunnskólakennara.
MARGRÉT GUÐJÓNSDÓTTIR, ELÍN SIGURÐARDÓTTIR OG KATRÍN HALLGRÍMSDÓTTIR ÚR HVALEYRARSKÓLA
„Við viljum að kennarar fái hærri laun. Þetta er erfitt starf, við nemendur getum verið ótrúlega erfið. Vinnudagurinn er langur og launin eru allt of
lág,“ sögðu þær. Þær sögðust sjálfar vera með frábæra kennara og það skipti miklu máli fyrir ungt fólk að hafa góðar fyrirmyndir.
FR
ÉT
TA
B
LA
Ð
IÐ
/G
VA
Starfsmönnum Klumbu
komið til hjálpar:
Engum sagt
upp störfum
BRUNI Fundur verður haldinn í
dag með þeim 25 starfsmönnum
fiskverkunarhússins Klumbu í
Ólafsvík, sem brann til kaldra
kola aðfaranótt laugardags, þar
sem framtíð fólksins verður
rædd. Meðal starfsmanna er að
finna nokkur hjón og því nokkur
heimili sem fá innkomu sína ein-
ungis frá Klumbu. „Við gerum
allt sem við getum fyrir fólkið
okkar, það veit hug okkar og við
ætlum engum að segja upp,“
segir Leifur Halldórsson, sem er
eigandi Klumbu ásamt tveimur
sonum sínum. ■
Kínversk stjórnmál:
Jiang lætur
af völdum
KÍNA, AP Jiang Zemin, fyrrum for-
seti Kína, hefur látið af síðasta
stóra embættinu sem hann gegn-
di í kínverskum stjórnmálum.
Hann sagði af sér formennsku í
yfirstjórn kínverska hersins á
fundi miðstjórnar kínverska
kommúnistaflokksins. Við því
embætti tekur eftirmaður hans á
forsetastóli, Hu Jintao.
Jiang Zemin átti að gegna emb-
ættinu til ársins 2007 en sagði af
sér og sagðist í yfirlýsingu alltaf
hafa ætlað sér að segja af sér öll-
um embættum í þágu langtíma
þróunar flokks og þjóðar. ■
VALDASKIPTI
Jiang Zemin hefur afsalað sér völdum í
hendur Hu Jintao.
FRAMBOÐ Ágúst Einarsson prófess-
or hefur ákveðið að gefa kost á sér
til embættis rektors Háskóla Ís-
lands, en nafn hans hefur verið
nokkuð í umræðunni síðan Páll
Skúlason tilkynnti að hann sæktist
ekki eftir endurkjöri. „Ég tel mikil-
vægt að bæta stjórnsýslu Háskóla
Íslands, sérstaklega á sviði fjár-
mála, og gæta hagsmuna skólans
gagnvart stjórnvöldum,“ segir
Ágúst. Hann segir háskólann að
mörgu leyti standa á tímamótum,
hann hafi stækkað mikið og eigi í
harðri samkeppni við innlenda og
erlenda skóla. „Það er brýnt að taka
á málum með hagsmuni skólans í
fyrirrúmi. Það bíða mörg verkefni
sem þarf að taka á. Margir virðast
treysta mér til þess og ég er þakk-
látur fyrir það. Svo kemur í ljós
hvað verður,“ segir Ágúst.
Menntamálaráðuneytið mun aug-
lýsa stöðu háskólarektors í janúar-
mánuði næstkomandi en rektors-
kjör fer fram um miðjan mars. ■
Hræringar í Háskóla Íslands:
Ágúst Einarsson í
rektorsframboð
ÁGÚST EINARSSON
Hefur ákveðið að gefa kost á sér til emb-
ættis rektors Háskóla Íslands.
Bílvelta:
Jeppi í Laxá
SLYS Jeppabifreið valt af brú út í
Laxá í Aðaldal í gær. Ökumaður
jeppans kom akandi yfir brúna þar
sem annar bíll kom á móti en áttaði
sig ekki á að brúin væri einbreið.
Þegar stefndi í harðan árekstur ók
jeppinn út af og valt heila veltu nið-
ur sex til átta metra við árbakkann
þar sem áin er grynnri. Þrír voru
fluttir til aðhlynningar á sjúkrahús
með minniháttar meiðsli. Lögregl-
an segir það mildi að ekki fór verr
en jeppabifreiðin er ónýt. ■
MARGIR SÆRÐIR Um tuttugu
manns særðust þegar sprengja
sprakk undir lögreglubíl í borg-
inni Mersin í suðurhluta Tyrk-
lands. Tveir voru í lífshættu að
sögn lækna. Kúrdískir uppreisn-
armenn og íslamskir vígahópar
hafa staðið fyrir árásum í Tyrk-
landi undanfarið.
■ EVRÓPA