Fréttablaðið - 20.09.2004, Blaðsíða 8

20. september 2004 MÁNUDAGUR
TÓNLEIKAFERÐ Stuðmenn héldu í
síðustu viku í sína fyrstu ferð til
Rússlands og hafa móttökur þar
verið mjög góðar og mikið um það
fjallað í rússneskum blöðum og
sjónvarpi. „Rússar eru afar góðir
heim að sækja og allt hefur geng-
ið eins og best verður á kosið. Allt
sem að okkur snýr hefur verið til
mikillar fyrirmyndar,“ segir Jak-
ob Frímann Magnússon í Stuð-
mönnum. Lengi hafði staðið til að
Stuðmenn myndu sækja Rússa
heim en var það fyrir frumkvæði
ræðismanns Íslands í Pétursborg
að það varð að veruleika og sá
hann jafnframt um alla kynningu
og undirbúning í tengslum við
tónleikaferðina. Um það leyti sem
náðist í Jakob Frímann stóð yfir
fjórða sjónvarpsviðtal Stuðmanna
í ferðinni og var það rétt áður en
þeir stigu á svið með sína síðustu
tónleika í þessari ferð. „Við erum
búin að fá forsmekkinn af fyrrum
höfuðborg þessara gamla stór-
veldis og virðist sem hjörtun slái
með svipuðum hraða á Íslandi og
Rússlandi. Við myndum hiklaust
þiggja boð aftur ef það bærist,“
segir Jakob Frímann. ■
FJARSKIPTI Fjarskiptafélagið eMax
hefur í sumar byggt upp þráðlaust
dreifikerfi í Borgarfirði og á
Suðurlandi við Þingvallavatn og í
Grímsnesi. Nokkur hundruð
sumarhúsaeigenda nýta sér þjón-
ustuna að sögn Stefáns Jóhannes-
sonar, framkvæmdastjóra eMAX.
Hann segir bændur á þessum
svæðum líka nýta sér þjónustuna í
auknum mæli.
Stefán segir að tæknin sem
eMax noti sé mun ódýrari lausn á
dreifikerfi fyrir landsbyggðina en
stóru símafélögin bjóða upp á.
,,eMax treystir sér fullkomlega til
að setja upp og reka öflugt dreifi-
kerfi fyrir landsbyggðina fyrir
mun lægri upphæð en það myndi
kosta Símann. Þar að auki tel ég
að það myndi taka mun skemmri
tíma fyrir okkur, innan við tvö ár,
að ná til meginþorra landsbyggð-
arinnar“.
eMax býður
upp á háhraða-
tengingu sem
dreift er með
sendum á möstr-
um. Sendingin
nær um 25 til 30
kílómetra frá
mastrinu og not-
andinn verður að
hafa sjónlínu í sendinn. Stefán
segir að önnur fjarskiptafélög
bjóði ekki upp á þráðlaus dreifi-
kerfi á landsbyggðinni. eMax sé
hins vegar að efla þjónustuna á fá-
mennum stöðum. ,,Ég get nefnt
Grenivík og Vík í Mýrdal sem
dæmi. Það eru of lítil sveitarfélög
fyrir ADSL-þjónustu Símans sem
byggist á koparköplum sem lagðir
eru í jörð. Þetta borgar sig fyrir
okkur því tæknin sem við notum
er ódýrari en tækni stóru félag-
anna.“ Þá séu fimm til tíu önnur
sveitarfélög til skoðunar hjá fé-
laginu, sem njóta ekki háhraða-
þjónustu um þessar mundir. Þráð-
lausa tengingin getur borið alla þá
þjónustu sem hægt er að flytja um
ADSL-kerfið, að sögn Stefáns, þar
á meðal sjónvarpssendingar.
Stefán segir að eMax vilji
bjóða upp á þessa þjónustu sem
víðast á landsbyggðinni. Það sé
mun hagkvæmara en uppbygging
á dreifikerfi Símans sem stjórn-
málamenn hafi einblínt á og kann
að kosta fimm milljarða króna.
,,Þessi umræða er á villigötum“,
segir Stefán. ,,ADSL-tæknin hent-
ar ekki á dreifbýlustu stöðunum
og ef menn ætla að neyða Símann
til að byggja það upp með niður-
greiðslu frá ríkinu er um leið
verið að skemma fyrir fyrirtækj-
um eins og okkar sem eru í þessu
upp á eigin reikning. Við yrðum
þó sennilega að fá meðgjöf á allra
fámennustu stöðunum en hún yrði
ekki nærri eins há og rætt er um í
tilfelli Símans.“
ghg@frettabladid.is
,,ADSL-
tæknin
hentar ekki
á dreifbýl-
ustu stöð-
unum.
Byggja upp þráðlaust
dreifikerfi úti á landi
Fyrirtæki á fjarskiptamarkaði vill byggja upp þráðlaust dreifikerfi á
landsbyggðinni í samkeppni við Símann. Framkvæmdastjóri segir
umræðu stjórnmálamanna um uppbyggingu Símans á villigötum.
STEFÁN JÓHANNESSON
Fjarskiptafyrirtækið eMax hefur byggt upp þráðlaust dreifikerfi í Borgarfirði og á Suðurlandi.
STUÐMENN
vöktu athygli fjölmiðla í Rússlandi.
Stuðmenn slá í gegn:
Góðar viðtökur í Rússlandi