Fréttablaðið - 20.09.2004, Blaðsíða 10

20. september 2004 MÁNUDAGUR
Börn niður í tólf
ára reyna sjálfsvíg
Landlæknisembættið segir börn hér á landi, allt niður í 12-13 ára, gera til-
raunir til sjálfsvígs. Yngsti einstaklingurinn sem fallið hefur fyrir eigin hendi
var 15 ára. Embættið vinnur að öflugu forvarnarstarfi gegn sjálfsvígum.
FORVARNIR „Við vitum um sjálfs-
vígstilraunir barna hér á landi al-
veg niður í 12-13 ára,“ sagði Sal-
björg Bjarnadóttir, verkefnis-
stjóri „Þjóðar gegn þunglyndi“ og
sjálfsvígsforvarna hjá Landlækn-
isembættinu. Í sérstökum áhættu-
hópi hvað þetta varðar eru börn
með námsörðugleika, börn sem
lenda snemma í fíkniefnum, börn
með lystarstol og ungir samkyn-
hneigðir sem eru að koma út úr
skápnum. Síðastnefndi hópurinn á
erfitt uppdráttar, því kynhneigð
hans er ekki sú sama og vinanna.
Loks má nefna börn, sem lenda í
alvarlegu einelti.
Landlæknisembættið hefur
gefið út bæklinginn „Að koma í
veg fyrir sjálfsvíg og sjálfs-
vígstilraunir meðal unglinga“ í
tilefni alþjóðlegs sjálfsvígsfor-
varnadags Alþjóðaheilbrigðis-
málastofnunarinnar, WHO. Bæk-
lingurinn, sem gefinn var út af
Evrópusambandinu, var þýddur
og staðfærður. Hann er fyrst og
fremst upplýsingarit um sjálfsvíg
og sjálfsvígshegðun, ætlað kenn-
urum og öðru starfsfólki í efri
bekkjum grunnskóla og í fram-
haldsskólum. Er útgáfa hans liður
í forvarnaverkefninu Þjóð gegn
þunglyndi.
Yngsti einstaklingurinn sem
fallið hefur fyrir eigin hendi og
er skráður hjá Landlæknisemb-
ættinu var 15 ára. Salbjörg sagði
að í nágrannalöndum okkar
væru slíkar tölur allt niður í 11-
12 ára.
Salbjörg sagði að síðustu tölur
sem Landlæknisembættið hefði
staðfestar um sjálfsvíg ung-
menna undir 19 ára aldri væru
frá árinu 2000. Hver landsfjórð-
ungur yrði að skila inn tölum til
Hagstofunnar og það gengi ekki
hraðar en raun bæri vitni.
„Árið 2000 var 51 sjálfsvíg
hér á landi,“ sagði Salbjörg. „Þar
af voru níu, sem voru 19 ára og
yngri, eða 20% af þeim sem fyr-
irfóru sér. Þetta ár skar sig nokk-
uð úr, því það höfðu aldrei verið
jafn mörg sjálfsvíg og þá. Þær
vísbendingar sem við höfum
fengið segja okkur, að á síðustu
tveimur árum hafi sjálfsvígin
verið færri en árið 2000. Hvað
varðar sjálfsvígstilraunir, þá
teljum við að hér séu gerðar 500
til 600 sjálfsvígstilraunir á ári.“
„Við höfum miklar áhyggjur
af unga fólkinu,“ sagði Salbjörg
enn fremur. „Það er áhyggjuefni
hversu mörg börn eru að gera
sjálfsvígstilraunir. Í mörgum til-
vikum eru þau einungis að kalla
á hjálp með því að skaða sig og fá
þá viðeigandi aðstoð.“
jss@frettabladid.is
NÁNARI UPPLÝSINGAR OG SKRÁNING
Í SÍMA 544 4500 OG Á NTV.IS
Hlíðasmára 9 - Kópavogi
Davíð Pétur Steinsson
Vefhönnuður hjá Plazt.com
„Ég byrjaði á 3D StudioMax hjá NTV,
fór síðan á Photoshop námskeið
og að lokum Vefsíðugerð MX 2004.
Þessi frábæru námskeið hafa skilað
sér í því að í dag starfa ég sem
vefhönnuður hjá Plazt.com“
Alvöru námskeið í vefsíðugerð þar sem farið er í alla
mikilvægustu þætti vefhönnunar s.s. útlitshönnun,
myndvinnslu, HTML-kóðun, gagnagrunnsfræði, Javascript,
uppsetningu og viðhald bæði minni og stærri vefsvæða.
Mikil áhersla er lögð á verklegar æfingar og í lok námskeiðs
ætti nemandi að hafa lokið við eigin vef frá hugmynd að
fullunnu vefsvæði.
Byrjar 28. sept. & lýkur 16. des
Kennt er þri. & fim. 18-22
og lau. 8:30-12:30
Námskeiðinu er skipt í þrjá hluta:
1 - Myndvinnsla fyrir vefinn með Fireworks MX 2004
2 - Almenn vefsíðugerð með Dreamweaver MX 2004
3 - Gagnagrunnstengd vefsíðugerð með Dreamweaver MX 2004
FERÐAMENNSKA Borið hefur á
óánægju meðal ferðamanna við
Bjarnarflag við Mývatn í sumar,
þar sem bannað hefur verið að
baða sig í lóninu.
Landsvirkjun ber ábyrgð á lón-
inu og í sumar settu starfsmenn
fyrirtækisins upp skilti þar sem
segir að böðun sé stranglega
bönnuð vegna slysahættu þar sem
heitir hverir séu undir yfirborði
vatnsins. Telja staðkunnugir að
þarna hafi ferðamenn lengi iðkað
böð slysalaust og Landsvirkjun
hafi ekki sett sig upp á móti því
fyrr en nú. Það kunni hugsanlega
að tengjast þátttöku Landsvirkj-
unar í nýju félagi sem rekur bað-
aðstöðu í lóninu og tekur gjald af
gestum.
Fulltrúar Landsvirkjunar
segja að skilti með aðvörunum
hafi staðið þarna í mörg ár. Hins
vegar hafi Landsvirkjun staðið
fyrir átaki í sumar þar sem
hættuleg svæði sem fyrirtækið
ber ábyrgð á voru merkt betur en
áður. Ingvar Hafsteinsson, stöðv-
arstjóri í Kröfluvirkjun segir að í
Bjarnarflagi sé mikil slysahætta
og þar hafi fyrir nokkrum árum
næstum orðið slys á barni vegna
hita. Ingvar segir að nýja skiltið
eigi að skerpa á þessu og það
tengist baðfélaginu á engan hátt.
Landsvirkjun beri ábyrgð á lón-
inu og vilji beina fólki frá því. ■
Bannað að baða sig í lóninu við Bjarnarflag við Mývatn:
Umdeild slysahætta
BJARNARFLAG VIÐ MÝVATN
Ferðamenn vilja baða sig í lóninu. Lands-
virkjun telur það hins vegar mikla slysagildru.
ÞUNGLYNDI
Talið er að allt að 500 til 600 sjálfsmorðstilraunir séu gerðar hér á landi á ári hverju.
Yngsti einstaklingurinn sem fallið hefur fyrir eigin hendi og er skráður hjá Landlæknis-
embættinu var 15 ára.
ÞJÓÐ GEGN ÞUNGLYNDI
Landlæknisembættið hefur gefið út bæklinginn „Að koma í veg fyrir sjálfsvíg og sjálfs-
vígstilraunir meðal unglinga“ og er útgáfa hans liður í forvarnaverkefninu Þjóð gegn þung-
lyndi sem var ýtt úr vör fyrir ríflega ári síðan.