Fréttablaðið - 21.09.2004, Blaðsíða 4

4 21. september 2004 ÞRIÐJUDAGUR
Könnun endurspeglar lognmollu:
Samúð í veikindum Davíðs
STJÓRNMÁL Leiðtogar Samfylkingar-
innar njóta minna trausts en leið-
togar helstu stjórnmálaafla. Össur
Skarphéðinsson, formaður Sam-
fylkingarinnar nýtur þó heldur
minna trausts en Ingibjörg Sólrún
Gísladóttir, varaformaður. Traust á
henni hefur minnkað talsvert frá
síðustu könnun eða úr rúmum 14
prósentum í 9 prósent og traust á
Össuri virðist fara dvínandi. Ingi-
björg Sólrún vill þó ekki draga
neinar sérstakar niðurstöður aðrar
en þær að könnunin endurspegli þá
lognmollu sem ríkt hafi í stjórnmál-
unum, fólk vilji bersýnilega sýna
Davíð Oddssyni samúð í veikindum
hans. Pólitísk umræða hafi hins
vegar nánast legið niðri að undan-
förnu og við slíkar aðstæður komi
stjórnarherrar yfirleitt vel út.
Hins vegar skýrir það ekki
mikið traustið sem stjórnarand-
stæðingurinn Steingrímur J. Sigfús-
son, formaður Vinstri-grænna
nýtur: „Nei það er alveg rétt, en
Steingrímur hefur lengi haft mikið
persónufylgi sem nær út fyrir hans
flokk,“ sagði Ingibjörg Sólrún.
Hún var fámál um lítið traust
formanns Samfylkingarinnar og
sagðist undrandi á því að hún sjálf
hefði komist á blað: „Ég hef ekki
verið í fylkingarbrjósti að undan-
förnu og blanda mér ekki í þennan
formannaslag.“ ■
Kúvending kjósenda
í afstöðu til Davíðs
Óvinsældir Davíðs Oddssonar snarminnka í skoðanakönnun Frétta-
blaðsins. 26 prósent treysta honum nú minnst í stað 57 prósenta síðast.
Þeim sem minnst traust bera til Halldórs Ásgrímssonar fjölgar mjög.
STJÓRNMÁL Traust kjósenda á Dav-
íð Oddssyni eykst nokkuð á ný í
nýrri skoðanakönnun Fréttablaðs-
ins og vantraust kjósenda á hon-
um snarminnkar. Í könnun Frétta-
blaðsins um miðjan maí þegar
umræður um umdeilt fjölmiðla-
frumvarp stóðu sem hæst sögðust
57 prósent kjósenda treysta hon-
um síst stjórmálamanna en sam-
svarandi tala nú er 26 prósent.
Davíð trónir sem fyrr á toppi beg-
gja lista: þeirra sem mest er
treyst og þeirra sem njóta síst
trausts. 27,6 prósent treysta Dav-
íð mest og bætir hann við sig
nærri 7 prósentustigum frá í maí.
Engu að síður hefur hann ekki
endurheimt fyrra traust því oftast
hafa 32 til 37 prósent kjósenda
sagst treysta Davíð mest.
Litlu breytir fyrir Halldór Ás-
grímsson að hann hafi sest í stól
forsætisráðherra því traust á hon-
um eykst ekki verulega. 16,2 pró-
sent treysta Halldóri mest nú og
er þetta óveruleg breyting þótt
hann þokist heldur upp á við. Hins
vegar tekur hann mikið stökk á
listanum yfir þá stjórnmálamenn
sem minnst trausts njóta. 22,6
prósent treysta honum síst allra
en sambærileg tala í síðustu könn-
un var 8,4 prósent. Enn vænkast
svo hagur Steingríms J. Sigfús-
sonar formanns Vinstri-grænna
en traust kjósenda á honum vex
töluvert. 22,5 prósent treysta
Steingrími J. mest en aðeins 4,7
prósent treysta honum minnst.
Foringjar Samfylkingarinnar
eiga hins vegar heldur í vök að
verjast. Ingibjörg Sólrún Gísla-
dóttir varaformaður nýtur mests
trausts 9 prósenta kjósenda sem
er talsvert minna en í síðustu
könnun (rúm 14 prósent) og ekk-
ert í líkingu við aðdraganda síð-
ustu kosninga þegar hún trónaði á
toppi trausts-listans og 37,8 pró-
sent kjósenda treystu henni mest.
Að vísu hefur að sama skapi dreg-
ið úr „óvinsældum“ hennar því
átta prósent treysta henni minnst
í stað nærri 34 prósenta þegar
verst lét á síðasta ári. Útreið Öss-
urar Skarphéðinssonar, formanns
Samfylkingarinnar, er mun verri.
Össur nýtur mests trausts aðeins
5,7 prósenta kjósenda. Aftur á
móti treysta 13,1 prósent kjós-
enda Össuri minnst allra stjórn-
málamanna.
800 manns voru spurðir í könn-
uninni og tóku 60,4 prósent afstöðu.
a.snaevarr@frettabladid.is
Öryggisráðið:
Indland fái
fast sæti
LUNDÚNIR, AP Tony Blair, forsætis-
ráðherra Bretlands, lýsti því yfir í
gær að hann styddi kröfu Indverja
um fast sæti í Öryggisráði Samein-
uðu þjóðanna. Fimm þjóðir eiga
fastan fulltrúa í ráðinu en kosið er
um hin tíu sætin.
Blair sagði á blaðamannafundi
með Manmohan Singh, forsætisráð-
herra Indlands, að hann teldi að
Indland ætti í krafti stærðar sinnar
að eiga fast sæti í ráðinu. Á Indlandi
búa tólf hundruð milljónir manna.
Nú eiga kjarnorkuveldin Banda-
ríkin, Bretland, Frakkland, Kína og
Rússland fastafulltrúa. Indverjar
búa einnig yfir kjarnorkuvopnum. ■
Kosningar í
Bandaríkjunum:
Skjöl um
Bush fölsuð
NEW YORK, AP Skjöl um bága
frammistöðu George Bush Banda-
ríkjaforseta í þjóðvarðliðinu í
Texas voru fölsuð. Sjónvarpsstöðin
CBS birti fréttaskýringu sem
byggðist á skjölunum en hefur nú
beðist velvirðingar á mistökunum.
Skjölin voru sögð hafa fundist í
einkasafni liðþjálfa í þjóðvarðlið-
inu. Fjótlega komu upp efasemdir
þar sem leturgerð í bréfinu var
nútímalegri en staðist gat miðað
við meintan aldur þeirra.
Þetta mál er talið mikill álits-
hnekkir fyrir CBS og Dan Rather
fréttamann. Fulltrúar Bush sögðu
í gær að þetta atvik gæfi tilefni til
þess að tengslum CBS og kosn-
ingabaráttu Kerrys yrði gefinn
gaumur. ■
Halliburton:
Fælt frá
Nígeríu
NÍGERÍA, AP Stjórnvöld í Nígeríu
hafa útilokað dótturfélag banda-
ríska orkufyrirtækisins Halli-
burton frá að bjóða í verk á
vegum ríkisins. Stjórnvöld segja
að fyrirtækið hafi sýnt gáleysi
þegar geislavirk efni hurfu fyrir
tveimur árum.
Geislavirk efni eru notuð við
rannsóknir á olíulindum.
Halliburton hefur einnig sætt
rannsóknum vegna mútugreiðslna
til embættismanna. Í fyrra viður-
kenndu forsvarsmenn fyrirtækis-
ins að hafa látið 2,4 milljónir
Bandaríkjadala (um 170 milljónir
króna) af hendi í mútugreiðslur
vegna skattamála í Nígeríu. ■
Grunnskólar:
Flestir koma
gangandi
SKÓLAMÁL Meirihluti barna kemur
gangandi í skólann að því er fram
kemur í könnun sem börn í 6. og 7.
bekk Langholtsskóla, Hlíðaskóla,
Grandaskóla og Álftamýrarskóla
gerðu í tengslum við evrópska
samgönguviku. 1.654 börn og full-
orðnir voru spurð og kemur fram
í tilkynningu að ótrúlega margir
hafi komið á einkabíl.
„Við tókum eftir því að margir
sem voru á hjóli notuðu ekki
hjálma. Einnig tókum við eftir því
að fólk var ekki mikið að nota belti
því þeim fannst það svo stutt að
keyra börnin í skólann. Margir
bílar stoppuðu ekki við gang-
brautir og fólk keyrði of hratt,“
segir í tilkynningu nemendanna. ■
Er Ísland örríki að þínu mati?
Spurning dagsins í dag:
Á ríkið að aðstoða einkafyrirtæki við
að byggja upp þráðlaus dreifikerfi á
landsbyggðinni?
Niðurstöður gærdagsins
á visir.is
39,2%
60.8%
Nei
Já
KJÖRKASSINN
Farðu inn á visir.is og segðu þína skoðun
visir.is
MEST TRAUST
1. Davíð Oddsson 27,6%
2. Steingrímur J. Sigfússon 22,5%
3. Halldór Ásgrímsson 16,2%
4. Ingibjörg Sólrún Gísladóttir 9%
5. Þorgerður Katrín Gunnarsdóttir 6,3%
6. Össur Skarphéðinsson 5,7%
MINNST TRAUST
1. Davíð Oddsson 26%
2. Halldór Ásgrímsson 22,6%
3. Össur Skarphéðinsson 13,1%
4. Ingibjörg Sólrún Gísladóttir 8%
5. Sturla Böðvarsson 6,5%
6. Steingrímur J. Sigfússon 4,7%
HALLDÓR OG DAVÍÐ
Færri segjast bera minnst traust til Davíðs. Fleiri en áður segjast hins vegar treysta
Halldóri síst.
Ólafur Þ. Harðarson, prófessor:
Dregur úr áhrifum
fjölmiðlafrumvarps
STJÓRNMÁL Ólafur Þ. Harðarson,
prófessor í stjórmálafræði telur
að athyglisverðustu niðurstöður
könnunar Fréttablaðsins á því
hvaða stjórnmálamaður njóti
mesta og minnsta trausts séu
þær að vinsældir Davíðs Odds-
sonar virðist vera að aukast á ný
þótt hann sé bersýnilega áfram
umdeildur enda tróni hann á
toppi beggja lista. „Hins vegar
virðist hann rétta sig af eftir
þetta mjög svo erfiða fjölmiðla-
frumvarp. Mér finnst það lang
líklegasta skýringin á því hve
þeim fækkar sem bera minnst
traust til hans.“
Ólafur segir athyglisvert hve
margir treysta Steingrími J. og
enn sé staðfest lítið traust
til Össurar
Skarphéðins-
sonar. Hins
vegar segist
hann ekki
hafa búist við
hærri tölum
hjá Halldóri
Ásgrímssyni.
„Ef það skipt-
ir einhverju
máli að hann
sé kominn í
forsætisráðu-
neytið, skilar
það sér ekki
strax í meira
fylgi, „ segir
Ólafur Þ.
Harðarson. ■
INGIBJÖRG SÓLRÚN GÍSLADÓTTIR
Ingibjörg segir að könnun blaðsins endur-
spegli lognmollu sem ríkt hefur í stjórn-
málum hér.
ÓLAFUR Þ.
HARÐARSON
Sennilegast að nei-
kvæð áhrif fjölmiðla-
frumvarpsins séu að
baki hjá Davíð.
FR
ÉT
TA
B
LA
Ð
IÐ
/T
EI
TU
R
FERÐAMÁTI SKÓLAKRAKKA
Gangandi 918 55,8%
Hjólandi 226 13,7%
Í strætó 23 1,4%
Einkabíl 27,4%
Annað 1,6%
Hjálmar Árnason:
Forsætisráð-
herrar alltaf
umdeildir
STJÓRNMÁL Nærri þrisvar sinnum
færri treysta Halldóri Ásgríms-
syni í könnun blaðsins sem birt er
í dag miðað við könnun sem gerð
var um miðjan maí. Hjálmar
Árnason, formaður þingflokks
Framsóknarflokksins segir að
þetta virðist fylgja embætti
forsætisráðherra. „Kannski eru
kjósendur annarra flokka að láta í
ljós óánægju með að hann sé
orðinn forsætisráðherra. Ég held
að þetta snúist við þegar fólk
hefur haft tækifæri til að fylgjast
með honum í nýju starfi.“
Hjálmar sagðist ekki telja að
neikvæð umræða um brotthvarf
Sivjar Friðleifsdóttur úr stjórn-
inni hefði haft nokkur áhrif. Siv
vildi ekki tjá sig um málið. ■
HJÁLMAR ÁRNASON
Þingflokksformaður Framsóknarflokks segir
forsætisráðherra alltaf umdeilda.