Fréttablaðið - 21.09.2004, Blaðsíða 9
9ÞRIÐJUDAGUR 21. september 2004
■ ASÍA
Framhaldsskólanemi:
Hótaði
sprengingu
BANDARÍKIN, AP Lögregla í litlum
bæ í Michigan í Bandaríkjunum
hefur handtekið sautján ára pilt
sem hótaði því á netinu að hann
ætlaði að sprengja skólann sem
hann er nemandi í.
Sextán ára stúlka sem ræddi
við piltinn á spjallrás vísaði lög-
reglu á hann. Við leit heima hjá
piltinum fundust leiðbeiningar
um hvernig búa eigi til sprengjur
og myndbandsspóla sem sýndi
hann með ýmis árásarvopn.
Pilturinn lýsti því nákvæmlega
hvernig hann ætlaði að sprengja
skólann. Kvaðst hann vilja ná sér
niðri á kennurum og nemendum. ■
Verkfallssjóður Kennarasambandsins vel staddur:
Kennarar fá þrjú þúsund krónur á dag
KJARAMÁL Kennarar fá 3.000 krónur
fyrir hvern virkan dag í verkfalli.
Um 900 milljónir eru í verkfalls-
sjóði Kennarasambands Íslands.
Allir samningar sambandsins eru
lausir og segir Árni Heimir Jóns-
son, formaður stjórnar Vinnudeilu-
sjóðs KÍ, greiðslur úr sjóðnum
verða endurskoðaðar vari verkfall
kennara lengur en fjórar vikur.
Fari önnur félög sambandsins s.s.
framhaldsskóla- og leikskólakenn-
arar í verkfall beri sjóðnum einnig
að greiða þeim bætur.
„Við borgum þeim kennurum
sem eru í fullu starfi 3.000 krónur á
dag. Við vitum ekki nákvæmlega
hvað verkfall kennara kostar sjóð-
inn daglega. Sumir eru í hlutastarfi
og skólastjórar og staðgenglar fara
ekki í verkfall,“ segir Árni. Hann
segir reiknað með um 90 til 100
milljóna króna kostnaði á viku.
Árni segir sjóðinn vel staddan,
enda hafi verið safnað í hann á
löngum tíma. Kennurum í fullu
starfi verði greiddar um 90 þúsund
krónur í verkfallsbætur á mánuði.
Af þeirri upphæð greiði kennarar
skatt.
„Þetta er tvísköttun fyrir
marga. Greiðslur í vinnudeilu-
sjóð eru teknar af launum kenn-
ara og síðan eru allar greiðslur
úr sjóðnum skattlagðar,“ segir
Árni. ■
FRÁ ÆFINGASVÆÐI
Hjálparsveit skáta í Kópavogi æfði notkun
nýrrar rústamyndavélar og hlustunartækja.
Hjálparsveit skáta:
Ný rústa-
myndavél
HJÁLPARSTARF Hjálparsveit skáta í
Kópavogi hefur tekið í notkun
nýja rústamyndavél og hlustunar-
tæki en sveitin er hluti af Alþjóða-
björgunarsveitinni.
Að sögn hjálparsveitarmanna er
vélin sú besta sem völ er á og er
samskonar vél til dæmis notuð af
stærstu björgunarsveitum í Banda-
ríkjunum. Myndavélin og hlustun-
artækið kostuðu samtals ríflega 1,8
milljón króna. Félagar í hjálpar-
sveitinni æfðu notkun tækjanna í
Hafnarfirði þar sem þeir brutu nið-
ur veggi í auðu húsi og leituðu að
fólki í lokuðum rýmum. ■
FR
ÉT
TA
B
LA
Ð
IÐ
/V
IL
H
EL
M
NÝR FORSETI Í INDÓNESÍU Fyrstu
tölur úr indónesísku forsetakosn-
ingunum benda til þess að forset-
inn, Megawati Sukarnoputri, nái
ekki endurkjöri. Þegar búið er að
telja um 10 prósent atkvæða er
andstæðingur hennar, Susilo
Bambang Yudhoyono fyrrverandi
hershöfðingi, með 59 prósenta
fylgi en Sukarnoputri 41 prósent.
ÓLÖGLEGAR KOSNINGAR Fulltrú-
ar Öryggis- og eftirlitsstofnunar
Evrópu segja að framkvæmd
þingkosninganna í Kasakstan hafi
ekki verið í samræmi við alþjóða-
lög. Eftirlitsmennirnir segja að
fjölmiðlar hafi verið hlutdrægir.
Tveimur stjórnarandstæðingum
hafi verið bannað að taka þátt og
kosningaseðlar hafi bæði verið
rafrænir og skriflegir sem hafi
skapað rugling á kjörstöðum.
FIMMTUNGUR ORÐINN 65 ÁRA
Einn af hverjum fimm Japönum
er orðinn 65 ára eða eldri, að
sögn japanskra yfirvalda. Meðal-
aldur Japana hækkar með hverju
árinu og ekki er útlit fyrir að það
breytist. 14,4 milljónir japanskra
kvenna og 10,5 milljónir jap-
anskra karla hafa náð 65 ára
aldri.
SKIP FÉKK Á SIG BROT Rúða
brotnaði og töluverðar skemmdir
urðu á rafmagnstækjum um borð
í Andey ÍS, skipi Frosta hf. í
Súðavík þegar skipið fékk á sig
brotsjó á föstudagskvöld. Það var
statt við Straumnes og á leið út
til veiða. Enginn skipverji úr sjö
manna áhöfn slasaðist. Skipinu
var siglt heim og standa viðgerð-
ir yfir, samkvæmt BB.
■ SJÁVARÚTVEGUR
ÁRNI HEIMIR
JÓNSSON
Iðgjöld í verkfalls-
sjóð kennara
námu um 101
milljón króna á
síðasta ári og
vaxtatekjur voru
um 62 milljónir. Í
sjóðnum eru um
900 milljónir. Úr
honum greiðast
um 90-100 millj-
ónir á viku.