Fréttablaðið - 21.09.2004, Blaðsíða 15

ÞRIÐJUDAGUR 21. september 2004
Borgartún. Má þar nefna Fjár-
festingarbankann Straum sem nú
er í húsinu númer 30 en flyst
brátt í háhýsið númer 25 sem
bankinn á að stærstum hluta.
Sparisjóður Vélstjóra er í númer
18 og hefur verið í mörg ár, Ný-
sköpunarsjóður er í Húsi At-
vinnulífsins og Lín og Íbúðalána-
sjóður í Höfðaborg.
Áfram skal haldið
Stórhýsunum við Borgartún á
enn eftir að fjölga. Á horninu við
Höfðatún þar sem Sögin stóð er
nú grafið fyrir nokkrum húsum
sem samtals munu telja um 24
þúsund fermetra. Hið hæsta telur
sextán hæðir en önnur verða
lægri. Í húsunum er gert ráð fyrir
blandaðri atvinnustarfsemi, þjón-
ustu og verslun og munu þau um-
lykja torg, Höfðatorg, sem verður
stærra en Ingólfstorg og iðandi af
mannlífi, gangi áætlanir eftir.
Ráðgert er að framkvæmdum
ljúki síðsumars 2007.
Þar sem Bílanaust stendur nú
verða skrifstofur, verslanir og
íbúðir innan nokkurra ára. Níu
hæða, níu þúsund fermetra,
skrifstofu- og verslunarhúsnæði
verður tekið í gagnið árið 2006 og
verður þar meðal annars mat-
vöruverslun af stærra taginu. Ári
síðar er ráðgert að ljúka sautján
þúsund fermetra íbúðarhúsnæði á
lóðinni.
Af þessu má sjá að þó margt
hafi breyst í Borgartúninu á enn
margt eftir að breytast. Gatan
sem eitt sinn var grá og guggin er
og verður aðalstræti atvinnulífs
borgarinnar.
bjorn@frettabladid.is
AUSTURRÍKI, AP Austurrískur blaða-
maður sem fékk upplýsingar um
að vopn væru geymd í skóginum
við Vín fann engin vopn heldur lík
af konu sem hafði látist eftir að
handsprengja hafði sprungið.
Líkfundurinn kom í framhaldi
af frétt sem blaðamaðurinn skrif-
aði fyrr í mánuðinum í tímaritið
News. Þá hafði huldumaður komið
þeim upplýsingum til blaða-
mannsins að vopn væru í skógin-
um. Í kjölfarið fann blaðamaður-
inn handsprengjur, vélbyssur,
sprengiefni og fleiri vopn og
skrifaði um það frétt. Eftir að sú
frétt birtist fékk hann aðra ábend-
ingu um að vopn væru á öðrum
stað í skóginum. Þá fór hann á
staðinn ásamt fulltrúa stjórnvalda
og fann líkið.
Grunur leikur á að konan sem
fannst látin hafi verið manneskjan
sem hafði samband við blaðamann-
inn. Það hefur þó ekki verið stað-
fest. Blaðamaðurinn segir að heim-
ildarmaðurinn hafi líklega verið
Bosníu-Serbi. Í frétt tímaritsins
fyrr í mánuðinum var sagt að lík-
lega hefðu Bosníu-Serbar komið
vopnunum fyrir í skóginum fyrir
áratug síðan af ótta við að stríðið á
Balkanskaga myndi teygja anga
sína til Austurríkis. ■
Frétt í austurrísku tímariti dregur dilk á eftir sér:
Fann lík í skógi
BORGARTÚN 25, STRAUMUR
Starfsemi Straums flyst í þetta hús fyrir
árslok. Fleiri fyrirtæki verða einnig í húsinu.
BORGARTÚN 27, KPMG
Umsvif KMPG eru mikil líkt og hús fyrir-
tækisins ber með sér. Nokkur smærri félög
hafa þó hreiðrað um sig á neðri hæðum.
BORGARTÚN 35, HÚS ATVINNULÍFS-
INS - Nokkur helstu hagsmunasamtök at-
vinnulífsins raða sér á hæðirnar fimm í
þessu glæsta glerhýsi.
BÍLANAUST FER - Hér verða skrifstofu-
og verslanabyggingar upp á níu þúsund
fermetra og sautján þúsund fermetra
íbúðahús að auki.
GRUNNUR GRAFINN - Hús, sem samtals munu telja 24 þúsund fermetra, verða risin á
þessari lóð innan fárra ára.
BORGARTÚN 27 - Myndin var tekin
1987. Húsið vék fyrir öðru nýju og glæsi-
legu.
BORGARTÚN 22 - Enn á sínum stað, þar
eru nú m.a. Efnalaug og fasteignasala.
Myndin var tekin 1979.
GAMLA KARPHÚSIÐ - Embætti ríkis-
sáttasemjara fluttist yfir götuna fyrir fáum
árum, í Höfðaborg. Myndin var tekin 1980.