Fréttablaðið - 21.09.2004, Blaðsíða 17

Smáauglýsingar
byrja í dag á bls. 4
Flokkar & fjöldi
Bílar & farartæki 89 stk.
Keypt & selt 19 stk.
Þjónusta 42 stk.
Heilsa 11 stk.
Skólar & námskeið 1 stk.
Heimilið 10 stk.
Tómstundir & ferðir 3 stk.
Húsnæði 17 stk.
Atvinna 26 stk.
Tilkynningar 4 stk.
Orkuverið er ný líkamsræktarstöð
BLS. 3
Góðan dag!
Í dag er þriðjudagurinn
21. september,
265. dagur ársins 2004.
Reykjavík 7.08 13.31 19.31
Akureyri 6.52 13.05 19.17
Heimild: Almanak Háskólans
Sólarupprás Hádegi Sólarlag
„Ég hjóla mikið og er búinn að gera það í
mörg ár, en það er eitthvað sem maður
vandist á í Danmörku, og ég hjóla nánast
alltaf til og frá vinnu,“ segir Guðmundur
Ólafsson leikari aðspurður hvernig hann
haldi sér í formi. „Maður er ótrúlega
fljótur að hjóla á milli staða og aðstæður
hafa breyst mikið hér þannig að hægt er
að hjóla um án þess að vera í mikilli lífs-
hættu,“ segir Guðmundur sem alla tíð
hefur verið mikið í íþróttum og er meðal
annars menntaður íþróttakennari og var
einnig keppnismaður á skíðum. Líkams-
rækt og hreyfing er lífsstíll sem honum er
eðlilegur.
„Ég hef spilað fótbolta frá því að ég var
krakki og ætla að vera í fótbolta þar til ég
hrekk upp af,“ segir Guðmundur hlæjandi,
en á sumrin hittir hann hóp félaga sinna
reglulega og spilar með þeim bolta á
Klambratúni. „Jú, svo hleyp ég svona við og
við en það hefur heldur dregið úr því svona
síðustu árin,“ segir Guðmundur kankvís.
Guðmundur þarf einnig að halda sér í
formi vegna starfs síns og sækir hann söng-
tíma reglulega. „Ég er alltaf í söngtímum
og það er hluti af því að halda sér almennt í
formi,“ segir Guðmundur sem undirbýr sig
nú sérstaklega fyrir sýningu sína Tenórinn
í Iðnó. ■
Guðmundur Ólafsson:
Hjólar til og frá vinnu
Ný tegund lofthreinsitækja
er fáanleg á Íslandi. Þau eru
hljóðlaus, eyða lykt á borð við
reykinga- og matarlykt og eru
ódýr í rekstri. Ryk og önnur
óhreinindi safnast á sérstök
stálblöð sem einfalt er að
þrífa. Tækin senda frá sér út-
fjólublátt ljós sem er sýkla-
drepandi. Lofthreinsitækin
eru seld hjá EEC í Skúlagötu.
Símaviðtöl lækna þung-
lyndi er niðurstaða nýrrar
rannsóknar lækna í Seattle í
Bandaríkjunum. Rannsóknin
náði til 600 þunglyndra ein-
staklinga af báðum kynjum
og 80% þeirra sem fengu með-
ferð í gegnum síma samhliða
lyfjanotkun sögðu að líðan sín
hefði batnað verulega á meðan á
meðferðinni stóð, samanborið við
55% þeirra sem aðeins tóku lyf.
Örorka vegna geðraskana
hefur farið vaxandi hér á landi á
síðustu árum, einkum á höfuð-
borgarsvæðinu að því er fram
kemur í nýjasta hefti Læknablaðs-
ins. Geðraskanir eru nú algeng-
asta orsök örorku á Íslandi. Þann
1. desember 2002 var hún 2,32%
hjá konum og 1,98% hjá körlum.
Hjá konum var örorka algengust
vegna lyndisraskana, en hjá körl-
um vegna geðklofa og annarra
hugvilluraskana. Greinarhöfundar,
Sigurður Thorlacius og Sigurjón
B. Stefánsson, telja brýna þörf
á að sporna við þessari þróun
með aukinni áherslu á
starfsendurhæfingu sem miðist
sérstaklega við þarfir fólks með
geðraskanir og að greina og
meðhöndla alvarlegar geðrask-
anir snemma.
Fólk borðar hollari fæðu
þegar það eldist en þegar
það var ungt, öfugt við það
sem haldið hefur verið. Vísinda-
menn við Newcastle-háskóla
gerðu könnun á mataræði 200
barna á aldrinum 11 og 12 ára og
endurtóku svo könnunina á sama
hópi 20 árum síðar. Það kom í ljós
að sem fullorðnir borðuðu þessir
einstaklingar helmingi meira af
ávöxtum og grænmeti og miklu
minni sykur en þeir höfðu gert sem
börn. Amelia Lake, næringarfræð-
ingur og stjórnandi rannsóknarinn-
ar, sagði að rannsóknin renndi
stoðum undir það að áróður í
grunnskólum um hollt mataræði
skilaði sér síðar á lífsleiðinni.
Guðmundur vandist því að hjóla í Danmörku og fer flestra sinna ferða hjólandi.
Smáauglýsingar
á 995 kr.
visir.is
SMÁAUGLÝSINGASÍMINN ER 550 5000
Liggur í loftinu
Í HEILSU
FASTEIGNIR HEIMILI HEILSA HÚS NÁM FERÐIR MATUR VIÐBURÐIR BÍLAR ATVINNA FJÁRMÁL TÍSKA NEYTENDUR o.fl.
Þú getur pantað
smáauglýsingar á
www.visir.is
KRÍLIN
Er ódýrara
að eiga
svarthvítan
hund?
Y. Carlsson. S. 908 6440 Finn týnda
muni. Telaufaspá/ ársspá. Alhliða ráð-
gjöf og miðlun/fjármál, heilsa f. ein-
stakl. og fyrirtæki. Opið 10-22. S. 908
6440.
FR
ÉT
TA
B
LA
Ð
IÐ
/P
JE
TU
R
Frá 1980 hefur dregið mjög úr kransæðasjúkdóm-
um á Íslandi og á aukin hreyfing fólks utan vinnu
sinn þátt í því. Þetta kemur fram í nýjum bæklingi
frá Hjartavernd sem nefnist Hreyfðu þig fyrir
hjartað. Þar kemur fram að íslenskum konum í
aldurshópnum 40-60 ára sem stunda hreyfingu
utan vinnu hefur fjölgað um 36% á síðustu þrjátíu
árum, úr 4% í 40% og meðal karla er aukningin
28%. Fyrir þrjátíu árum voru 8% karla sem
stunduðu hreyfingu en nú eru þeir 34%.
Í bæklingnum frá Hjartavernd er einnig að finna
ábendingar til fólks um að notfæra sér áhættu-
reiknivél sem sérfræðingar Hjartaverndar hafa
þróað og er á heimasíðu samtakanna, hjarta.is Þar
getur hver og einn metið líkur á því að fá
kransæðasjúkdóm á næstu 10 árum og skoðað
hvað hægt er að gera til að draga úr líkum á þeim
vágesti. Í lokin má geta þess að alþjóðlegur hjarta-
dagur verður haldinn 26. september í yfir 100
löndum.
Dregur úr kransæðasjúkdómum:
Hreyfing er hjartanu holl
heilsa@frettabladid.is