Fréttablaðið - 21.09.2004, Blaðsíða 37
Amerísku englarnir riðu feitum
hesti af 56. Emmy verðlauna-
afhendingunni á sunnudag og
þökkuðu þættirnir, um líf með
eyðni á 8. áratugnum í Banda-
ríkjunum, fyrir sig með 11 verð-
launum. Lokaseríunni um út-
varpsgeðlækninn Frasier gekk
einnig vel og hlaut sex verðlaun.
Lokaserían um hina geysi-
vinsælu Friends féll hins vegar
gjörsamlega í skuggann og fóru
þeir vinir tómhentir heim, þrátt
fyrir að hafa fengið tvær tilnefn-
ingar.
Angels in America fékk flest
verðlaun kvöldsins, alls sjö tals-
ins. Fyrir hálfum mánuði voru
Creative Arts Emmy verðlaunin
afhent, þar sem míní-serían
hlaut fjögur verðlaun. Samanlagt
fengu Englarnir því 11 verðlaun,
jafnmörg og sjónvarpsmyndin
Eleanor and Franklin frá 1976
sem hingað til hefur trónað í
efsta sæti þess sjónvarpsefnis
sem hefur hlotið flest verðlaun-
in. Meðal leikara í Englunum
sem voru verðlaunuð í flokki
mini-sería/sjónvarpsmynda voru
Al Pacino fyrir bestan leik í karl-
hlutverki, Meryl Streep fyrir
bestan leik í kvenhlutverki,
Jeffrey Wright og Mary-Louise
Parker fyrir bestan leik í auka-
hlutverkum. Eftir að ljóst var að
Meryl Streep hlaut verðlaunin
sagði hún, „Það koma dagar
þegar ég sjálf tel mig vera of-
metna, en ekki í dag.“ Önnur
verðlaun Englanna voru fyrir
bestu leikstjórn og besta handrit.
Þrjár vinsælar þáttaraðir,
sem nú hafa runnið sitt skeið á
enda fengu tilnefningar í flokki
gamanþátta, Beðmál í borginni,
Frasier og Vinir. Sarah Jessica
Parker og Cynthia Nixon sáu til
þess að Beðmál í borginni færi
ekki tómhent heim. Sú fyrr-
nefnda var verðlaunuð sem besta
leikkonan í gamanþáttum en
Cynthia var útvalin besta leik-
kona í aukahlutverki í gaman-
þáttum. Þetta var í fyrsta skipti
sem þær stöllur hlutu Emmy-
verðlaun. Aðalleikarar Frasier
voru einnig verðlaunaðir á loka-
spretti þáttanna. Þeir Kelsey
Grammer og David Hyde Pierce
voru útnefndir bestu leikarar í
aðal- og aukahlutverki í gaman-
þáttum. Eftir 11 ár á skjánum
hefur Frasier því hlotið 37
Emmy-verðlaun allt í allt.
Það kom þó öllum á óvart
að ný gamansería, Arrested
Development, sem ekki hefur
fengið mikið áhorf var verð-
launuð sem besta gamanþátta-
röðin, fyrir bestu leikstjórn og
besta handritshöfund gaman-
þátta. Einnig kom mörgum á
óvart að svanasöngur Friends
skyldi ekki fá nein verðlaun þetta
árið.
Mafíósunum í Sopranos tókst
að stöðva fjögurra ára sigurgöngu
Vesturálmunnar sem besta
dramaserían, auk þess að Drea de
Matteo og Michael Imperioli voru
verðlaunuð fyrir leik sinn í auka-
hlutverkum. Besti leikur í karl-
hlutverki féll í skaut James
Spader fyrir the Practice og enn á
ný var Allison Janney útnefnd
sem besta leikkona í aðalhlutverki
fyrir leik sinn í Vesturálmunni.
Í anda raunveruleikaþátta
kom það tveim einstaklingum
mjög á óvart þegar þeim var til-
kynnt að nú væru á milli tvö- og
þrjúhundruð milljónir að fylgj-
ast með þeim og þau ættu að af-
henda verðlaun fyrir besta raun-
veruleikaþáttinn, sem féll svo í
skaut Amazing Raze. ■
■ FÓLK
ÞRIÐJUDAGUR 21. september 2004
Gamanleikarinn Sacha Baron
Cohen hefur verið sakaður um kyn-
þáttafordóma í garð íbúa Kazakstan
í þætti sínum Ali G. Cohen, sem
leikur meðal annars fréttamanninn
Borat frá Kazakstan, sagði helstu
afþreyingu íbúa landsins að skjóta
hunda og nauðga.
Roman Vassilenko, blaðafulltrúi
sendiráðs Kazakstan í Bandaríkjun-
um, hefur snúist til varnar fyrir
þjóð sína. „Samkvæmt Borat er for-
gangsröð íbúa Kazakstan þessi:
Guð, maður, hestur, hundur, kona og
síðan rotta. Ég er ekki viss um að
konunum okkar líki þetta, hvað þá
mönnunum.“
Yerzhan Ashikbayev, hjá utan-
ríkisráðuneyti Kazakstan, tók í
sama streng. „Slíkar yfirlýsingar
geta ýtt undir kynþáttafordóma.“
Talsmaður Cohen segir að leikar-
inn hafi verið að gera grín að illa
upplýstum Bandaríkjamönnum.■
ALI G Hann gerði grín að illa upplýstum Bandaríkjamönnum.
Ali G ýtir undir kynþáttafordóma
Helstu Emmy-verðlaun
Gamanþættir:
Leikkona í aukahlutverki; Cynthia Nixon, Sex and the City.
Leikari í aukahlutverki; David Hyde Pierce, Frasier.
Leikari; Kelsey Grammer, Frasier
Leikkona; Sarah Jessica Parker, Sex and the City
Besti gamanþáttur; Arrested Development
Drama:
Leikkona í aukahlutverki; Drea de Matteo, The Sopranos
Leikari í aukahlutverki; Michael Imperioli, The Sopranos
Leikari; James Spader, The Practice.
Leikkona; Allison Janney, The West Wing
Besta Dramasería; The Sopranos
Mini-sería/sjónvarpsmynd
Leikari í aukahlutverki; Jeffrey Wright, Angels in America
Leikkona í aukahlutverki; Mary-Louise Parker, Angels in America
Leikari; Al Pacino, Angels in America
Leikkona; Meryl Streep, Angels in America.
Besta sería/mynd; Angels in America
■ SJÓNVARP
Englar í efstu hæðum
MERYL STREEP Sagði í þakkarræðu sinni
að í þetta sinn hafi verk hennar ekki verið
ofmetið.
AL PACINO Var mjög sáttur við verðlaunagripinn sinn, sem hann fékk fyrir leik í mini-
seríunni Englar í Ameríku.