Fréttablaðið - 22.09.2004, Blaðsíða 8
22. september 2004 MIÐVIKUDAGUR
HÁSPENNUSTRENGUR Í SUNDUR
Rafmagn fór af í Skeifunni, Hlíða-
hverfi og víðar í Reykjavík klukk-
an tvær mínútur gengin í tíu í gær-
morgun þegar grafa sleit í sundur
háspennustreng í Skeifunni. Sam-
kvæmt upplýsingum frá Orkuveitu
Reykjavíkur var rafmagn komið á
aftur um klukkustund síðar.
LANDLÆKNIR Landlæknisembættið
hefur sent út viðvörun vegna nám-
skeiðahalds „orkufólksins“ svo-
kallaða hér á landi. Um er að ræða
Bretana, Lyndu og Stephen Kane.
Þau munu nú vera búsett í Frakk-
landi, samkvæmt upplýsingum
Gitte Larsen, sem búsett er hér á
landi og er tengiliður parsins.
Kvartanir eru teknar að berast til
embættisins vegna áhrifa þessara
námskeiða, einkum á fjölskyldulíf
aðstandenda þátttakenda.
Fréttablaðið greindi frá nám-
skeiðahaldi fólksins um síðustu
helgi, meintum tilgangi námskeið-
anna og ærnum kostnaði þátttak-
enda. Í kjölfarið kom tilkynning
frá Landlæknisembættinu í gær
þar sem segir: „Ástæða er til að
benda fólki eindregið á að engin
líffræðileg eða sálfræðileg eða vís-
indaleg þekking liggur á bak við
aðferðir þeirra sem að orkunám-
skeiðunum standa. Hér virðist því
miður vera um fremur óprúttna
fjárplógsstarfsemi að ræða og
leyfir Landlæknisembættið sér því
að vara fólk eindregið við því sem
þarna er fram borið.“
Auk þess að selja aðgang að
námskeiðunum fyrir 20.000 krón-
ur fyrir hvern einstakling, selja
ráðgjöf og viðtöl allt upp í 7.000
krónur og svokallað orkuegg fyrir
tæpar 3000 krónur stykkið. Hefur
Kane-fólkið talið fólki trú um að
þar sem læknar og lyfjameðferðir
þeirra hefðu ekki ráðið við illvíga
sjúkdóma gæti það tekið við. Gitte
nefndi við Fréttablaðið í síðustu
viku sjúkdóma á borð við vefja-
gigt og síþreytu.
Meðferð til betra lífs felst með-
al annars í því að sveifla pendúl til
að spyrja um góðar eða slæmar
afleiðingar ákvarðana. Þá er þátt-
takendum kennt að meta orku
annarra með því að tengja sig við
þá með því að nota ákveðnar
fingrahreyfingar, og horfa síðan í
augu viðkomandi meðan á matinu
stendur. Ef sá sem á að meta er
fjarstaddur má nota sýni úr hon-
um, þar á meðal „blóð, neglur og
hár,“ eins og stendur í kennslu-
gögnum Kane-fólksins, sem blað-
ið hefur undir höndum. Betri séu
þau sýni þar sem hægt er að sjá
ljósmynd af viðkomandi, heyra
rödd hans eða sjá skrift hans, nota
röntgenmyndir og þess háttar.
Kane fólkið er horfið af landi
brott.
jss@frettabladid.is
Vefmiðlar:
Kvartað yfir
auglýsingum
SAMKEPPNI Fréttavefurinn vísir.is
sendi í gær formlega kvörtun til
Samkeppnisstofnunar vegna auglýs-
inga mbl.is, þar sem fullyrt er að
mbl.is „sé stærsti smáauglýsinga-
vefurinn“. Visir.is telur að með full-
yrðingunni sé brotið í bága við 21.
gr. samkeppnislaga, enda sé villt um
fyrir neytendum með fullyrðingu
sem ekki eigi við rök að styðjast.
„Staðreyndin er einfaldlega sú
að visir.is er að jafnaði, ef ekki
alltaf, með mun fleiri smáaug-
lýsingar en mbl.is og á því tilkall
til þess að vera nefndur sem
stærsti smáauglýsingavefur lands-
ins,“ segir í tilkynningu. ■
■ EVRÓPA
– hefur þú séð DV í dag?
Misþyrmdi kærustu
og kærður fyrir
að þagga
niður í henni
Nauðgað ítrekað og
haldið í gíslingu, dregin
á hárinu um alla íbúð,
hrottinn í 42 mánaða
fangelsi
DÓMSMÁL Beiðni verjenda í líkfund-
armálinu í Neskaupstað um að
ákæruvaldið aflaði sjúkraskýrslna
frá Litháen um hugsanleg veikindi
Vaidasar Jucevicius, var hafnað af
dómara Héraðsdóms Reykjavíkur í
gær. Verjendurnir óskuðu eftir úr-
skurði í málinu.
„Það kemur fram í bréfi frá
verjendum að á meðan sjúkra-
skýrslur liggi ekki fyrir eru álykt-
anir meinafræðings um áhrif veik-
inda á dánarorsökina í rauninni
ekkert annað en getgátur. Það verð-
ur að liggja fyrir hvað var að mann-
inum,“ segir Sveinn Andri Sveins-
son, einn verjenda í málinu. Sak-
sóknari sagði ekki þörf á að afla
gagnanna.
Dánarorsök Vaidasar er sögð
vera stífla í mjógirni í skýrslu rétt-
armeinafræðings. Þá kemur einnig
fram í skýrslunni að ör á kviði
Vaidasar bendi til þess að hann hafi
farið í kviðarholsaðgerð en þó sé
ekki hægt að sjá hvers vegna að-
gerðin hafi verið framkvæmd.
Sakborningarnir þrír, þeir
Grétar Sigurðsson, Jónas Ingi
Ragnarsson og Tomas Mala-
kauskas, mættu ekki í Héraðsdóm
Reykjavíkur í gær í annarri fyrir-
töku málsins. ■
■ FRAMKVÆMDIR
SVONA ERUM VIÐ
KRÖFUR UM GJALDÞROTA-
SKIPTI EINSTAKLINGA
SAMGÖNGUR Frítt verður að ferð-
ast með Strætó í dag í tilefni af
bíllausa deginum. Bíllausi dagur-
inn er hápunktur Evrópskrar
samgönguviku 2004 og er haldinn
til að hvetja fólk til að nota aðrar
lausnir í samgöngum en einkabíl-
inn og draga þannig úr mengun.
Ýmsar uppákomur eru fyrir-
hugaðar í tilefni dagsins, meðal
annars gleður dixielandbandið
Sparibuxurnar hans afa gesti
skiptistöðvar Strætó í Mjóddinni
frá klukkan fjögur síðdegis, þar
til sveitin tekur leið 111 niður á
Lækjartorg þar sem spila-
mennskunni verður framhaldið.
Þá mun Bogomil Font ferðast
með Strætó og verður í Firðinum,
skiptistöð Strætó í Hafnarfirði,
klukkan fjögur ásamt félögum
sínum. Þar taka þeir nokkur lög
og fara síðan með leið 140 á
Hlemm þar sem áfram verður
leikið og sungið fyrir vegfarend-
ur.
Í tilkynningu borgaryfirvalda
kemur fram að í tilefni af bíl-
lausa deginum verði Hverfisgata
milli Rauðárárstígs og Snorra-
brautar lokuð fyrir almennri um-
ferð allan daginn og Hverfisgata
milli Snorrabrautar og Lækjar-
götu lokuð fyrir almennri umferð
milli klukkan 7 og 9 árdegis og
frá 3 til 6 síðdegis. ■
Hverfisgata lokuð bíllausa daginn:
Ókeypis að taka strætó í dag
STRÆTISVAGNAR
Ókeypis verður að taka strætó í allan dag í
tilefni af bíllausa deginum, en hann er há-
punktur Evrópskrar samgönguviku 2004.
Líkfundarmálið í Neskaupstað:
Þarf ekki að nálgast
sjúkraskýrslur frá Litháen
SVEINN ANDRI SVEINSSON
Verjendur vilja að ákæruvaldið nálgist sjúkraskýrslur Vaidasar frá Litháen. Í krufningsskýrslu
kemur fram að hann hafi áður farið í kviðarholsaðgerð en ekki sé hægt að sjá hvers vegna.
RÚSSARNIR KOMNIR Vepr, eða
Björninn, varð fyrsti kjarn-
orkuknúni rússneski kafbáturinn
til að leggja í höfn á Vesturlöndum
þegar hann kom til hafnar í Brest í
Frakklandi.
Kafbáturinn
kom í höfn
eftir að hafa
verið á æf-
ingum með
franska flot-
anum.
FLÓTTAMENN SNÚA AFTUR Ein
milljón flóttamanna hefur snúið
aftur til Bosníu eftir lok borgara-
stríðsins í Júgóslavíu 1992 til
1995. Alls lögðu 2,2 milljónir
manna á flótta meðan á stríðinu
stóð en að sögn Flóttamanna-
aðstoðar Sameinuðu þjóðanna
sneri milljónasti flóttamaðurinn
heim á dögunum.
KVEIKT Í LÖGGUBÍLUM Kveikt
var í 40 nýjum lögreglubílum á
geymslusvæði í Apeldoorn í
Hollandi. Þetta er ekki í fyrsta
skipti sem kveikt er í hollenskum
lögreglubílum, kveikt hefur verið
í nokkrum tugum lögreglubíla á
undanförnum mánuðum.
KENNARAR MISÞYRMDU NEMUM
Sjö kennarar í króatískum einka-
skóla eru sakaðir um að hafa mis-
þyrmt nær þrjátíu nemendum við
skólann líkamlega og andlega.
Deilt er á skólann af fleiri ástæð-
um, foreldrar barna í öðrum og
þriðja bekk segja þau í raun ólæs
þrátt fyrir námið.
DEILT UM PERRIER Svissneska
matvælarisanum Nestle bættist
liðsauki í baráttu sinni við frönsk
verkalýðsfélög þegar franska
stjórnin tók afstöðu með fyrir-
tækinu. Fyrirtækið vill segja upp
starfsfólki og hafa hótað að selja
Perrier-vatnsfyrirtækið sitt. Þá
brugðust stjórnvöld við af ótta
um að Perrier-vatn hér eftir yrði
framleitt utan Frakklands.
1999 2000 2001 2002 2003
2.295
2.445
2.569
3.306
3.425
Heimild: Hagstofa Íslands
Plútóni umbreytt:
Sprengjur í
rafmagn
PARÍS, AP Frakkar ætla að breyta
plútóni úr bandarískum kjarnorku-
sprengjum í eldsneyti fyrir
kjarnakljúfa. Kjarnorkueldsneytið
verður síðan flutt aftur til Banda-
ríkjanna þar sem það verður notað
til að framleiða rafmagn fyrir
bandarísk heimili.
Starfsemin er hluti af samkomu-
lagi Bandaríkjanna og Rússlands
um að hvort land um sig eyði 34
tonnum af plútóni sem er ætlað til
hernaðar. Umhverfisverndarsinnar
hafa sett sig upp á móti plútónflutn-
ingunum og segja hættu á slysum
og hryðjuverkaárásum meiri en svo
að réttlætanlegt sé að standa í
svona starfsemi. ■
MEÐ PLÚTÓN UM BORÐ
Tvo skip sigla frá Bandaríkjunum til Frakk-
lands með plútón sem á að umbreyta.
Opinber viðvörun
vegna orkufólksins
„Orkufólkið“ sem hélt námskeið hér á landi um síðustu helgi kennir
þátttakendum meðal annars að nota blóð, neglur og hár úr fólki til að
meta orku þess. Landlæknir hefur sent út sérstaka viðvörun.
ENGILIÐURINN
Gitte Larsen er tengiliður Kane - fólksins hér á landi.