Fréttablaðið - 22.09.2004, Blaðsíða 11
MIÐVIKUDAGUR 22. september 2004 11
Tengivirki í Fljótsdal:
Tilboð
samþykkt
KÁRAHNJÚKAVIRKJUN Landsvirkjun
hefur samið við Keflavíkurverk-
taka um gerð tengivirkis í Fljótsdal,
en þaðan munu liggja Fljótsdalslín-
ur 3 og 4 sem eru háspennulínur
sem flytja raforku úr Kárahnjúka-
virkjun, 50 kílómetra leið að fyrir-
huguðu álveri í Reyðarfirði.
Kostnaðaráætlun hljóðaði upp á
um 682 milljónir króna, en tilboð
Keflavíkurverktaka var upp á tæpar
458 milljónir króna, eða um þriðj-
ungi undir kostnaðaráætlun. Einnig
bauð í verkið fyrirtækið Fosskraft
sf., rúmar 473 milljónir króna. ■
Creutzfeldt-Jakob:
Varað við
sýkingu
BRETLAND, AP Gera má ráð fyrir að um
það bil sex þúsund Bretum hafi
brugðið þegar þeir lásu bréf frá heil-
brigðisyfirvöldum þar sem þeir voru
varaðir við því að þeir hefðu hugsan-
lega þegið blóð sem væri sýkt af
Creutzfeldt-Jakob sjúkdómnum.
Sjúkdómurinn er það afbrigði kúa-
riðu sem leggst á menn.
Stutt er síðan tveir sjúklingar,
sem talið er að hafi smitast af
Creutzfeldt-Jakob við blóðgjöf,
létust; annar af völdum sjúkdómsins
en hinn af öðrum ástæðum. Rúm-
lega 150 manns hafa látist af völdum
sjúkdómsins, flestir í Bretlandi. ■
Múlavegur:
Skarð eftir
skriðu
SAMGÖNGUR Nokkrar stórar skriður
féllu á Múlaveg milli Dalvíkur og
Ólafsfjarðar snemma í gærmorg-
un. Sú stærsta var um fimmtíu
metra breið. Stórt skarð kom í veg-
inn nokkur hundruð metra frá
munna Múlaganga. Til mikillar
mildi hafði lögreglan lokað vegin-
um skömmu áður en skriðan féll.
Ekki var búið að opna veginn þegar
blaðið fór í prentun. Þá féll skriða
inn á golfvöllinn í Ólafsfirði og olli
þar skemmdum.
Almannavarnarnefnd Ólafsfjarð-
ar kom saman til fundar síðdegis í
gær. Ástríður Grímsdóttir, sýslu-
maður, segir að nefndin hafi skoðað
hlíðina fyrir ofan bæinn og talið að
þar væri ekki hætta á skriðu. Hins
vegar kunni að falla skriður úr Kleif-
arhorni og Ósbrekkufjalli, en bæn-
um stendur ekki hætta af þeim. ■
ÓLAFSFJARÐARVEGUR
Nokkrar skriður féllu á veginn eftir mikla
rigningu í fyrrinótt.
ÍS
LE
N
SK
A
A
U
G
LÝ
SI
N
G
A
ST
O
FA
N
E
H
F.
/S
IA
.I
S
-F
LU
2
56
89
09
/2
00
4
Njóttu dagsins
Taktu flugið
Bíllausi dagurinn gefur okkur tilefni til að huga að ferða-
máta framtíðarinnar og velferð umhverfisins. Flugið er
einhver ódýrasti og öruggasti kostur sem til er í fólksflutn-
ingum, auk þess að vera orkusparandi og umhverfisvænn.
Þess vegna hvetjum við landsmenn á faraldsfæti til að leggja
bílnum, taka flugið og njóta dagsins.
www.flugfelag.is | 570 3030
bílla
usa