Fréttablaðið - 22.09.2004, Blaðsíða 33
MIÐVIKUDAGUR 22. september 2004
Það eru jólin hjá milljónum
Stjörnustríðsaðdáenda úti um allan
heim þessa dagana en í gær komu
fyrstu þrjár Star Wars-myndirnar,
Star Wars: A New Hope, The Emp-
ire Strikes Back og The Return of
the Jedi, út á DVD í fyrsta skipti.
Það er óhætt að fullyrða að engrar
DVD-útgáfu hefur verið beðið með
jafn mikilli eftirvæntingu enda
vandfundinn jafn þéttur, ákafur og
trúr aðdáendahópur og Stjörnu-
stríðsnördarnir.
Heilinn á bak við Stjörnustríð-
in, George Lucas, hefur tæplega
þriggja áratuga reynslu af því að
fóðra þennan hóp á því sam hann
hungrar í og kann öðrum betur að
fá liðið til að kaupa kvikmynda-
tengdan varning. Það eru ekki
nema nokkur ár síðan hann gaf
þessar þrjár myndir út í endur-
bættum útgáfum á myndbandi en
þrátt fyrir það efast hvorki hann
né markaðsdeildin hans um að
þessar sömu myndir muni
rokseljast á DVD.
Ómótstæðilegt aukaefni
Ástæðurnar eru einfaldar en í
fyrsta lagi er Mátturinn auðvitað
með Lucas og fáir geta staðist
þessar sígildu myndir í endur-
bættum útgáfum í DVD-gæðum
og svo er Lucas auðvitað ekkert
illmenni eins og Keisarinn í
myndunum og dekrar þess vegna
við hirð sína með því að fleygja
aukadiski með þessu DVD-safni
en þar hefur hann hlaðið fjórum
klukkustundum af aukaefni og
alls konar góðgæti.
Heimildarmyndin Empire of
Dreams er það sem ber hæst á
þessum diski en þar er á ferðinni
tveggja og hálfrar klukkustundar
löng heimildarmynd um þríleik-
inn, sköpunarsagan sem hófst upp
úr 1970 er sögð frá upphafi og við
fáum að kynnast Lucas og hug-
myndahiemi hans. Sjálfur lét
hann sig auðvitað ekki dreyma um
að Star Wars yrði að þessu magn-
aða fyrirbæri í meningarsögunni
og ætti eftir að leggja grunninn að
stórveldi hans.
Þá fáum við einnig að heyra í
ýmsu lykilfólki í þessu mikla ævin-
týri, farið er ofan í saumana á per-
sónum og leikendum og hönnunar-
sögu geislasverðanna sem urðu
draumur hvers ungmennis eftir
1977. Sverðin eru svo heillandi að
vitað er til þess að nokkur fjöldi
Stjörnustríðsnörda lagði fyrir sig
háskólanám í eðlisfræði í þeim til-
gangi einum að læra að búa sér til
alvöru-geislasverð. Rúsínan í þess-
um feita pylsuenda er svo smá inn-
sýn sem Lucas veitir okkur inn í
Episode III sem er væntanleg í bíó
í vor. Eftirvæntingin eftir þessum
lokakafla Stjörnustríðsbálksins er
yfirþyrmandi en þetta sýnishorn
slær varla á spenninginn enda
miklu frekar hugsað til þess að
magna hann enn frekar.
Hvert mannsbarn þekkir auð-
vitað söguþráð Stjörnustríðs-
myndanna þannig að það er óþarfi
að tíunda hann hér og þrátt fyrir
að stór hluti heimsbyggðarinnar
kunni þessar þrjár myndir utan að
munu þær örugglega reykspóla í
DVD-spilurum út um allan heim
næstu árin.
thorarinn@frettabladid.is
Dýrð Máttarins á DVD
SVARTHÖFÐI Það er engin spurning að þetta er ein flottasta innkoma nokkurs skúrks í
samanlagðri kvikmyndasögunni. Fólk tók andköf þegar Svarthöfði birtist í byrjun Episode
IV umkringdur stormsveitarmönnum sínum. Svarta gríman er andlit illskunnar, djúp rödd-
in var eitruð og andarteppan hræðileg.
HANS ÓLI Íslandsvinurinn Harrison Ford
er senuþjófur þríleiksins en naut þess að
vísu að Han Solo, eða Hans Óli eins og
hann hét í Nýja bíói á árum áður, var ein
skemmtilegasta persóna myndanna.
BIÐIN Á ENDA Íslenskir Star Wars-nördar lögðu á sig margra klukkustunda bið til þess
að verða fyrstir til að fá nýja DVD-pakkann í hendurnar. Þeir voru mættir fyrir utan verslun
BT síðdegis á mánudag og biðu miðnæturopnunar með óþreyju.
Perfect Akureyri 15% afsláttur
Ísbú›in Álfheimum tveir fyrir einn flri›jud. og mánud.
Ísbú›in Kringlunni tveir fyrir einn flri›jud. og mánud.
mangó Keflavík 15% afsláttur
park 15% afsláttur
tex mex 20% afsláttur
COS 15 % afsláttur
Kiss Kringlunni 15 % afsláttur
Bíókorti› - frítt í bíó, áunni› á vissum tímabilum
Sérkjör hjá Bónusvideo 250 kr. spólan
†mis tilbo› frá BT
Pizza 67, Háaleitisbr., pizza me› 2 áleggs teg. + brau›st. (sótt) á 990
Xs Kringlunni 15% afsláttur
Perlan Keflavík 15% afsláttur af öllu
mótor 15% afsláttur
Blaðbera
tilboð
2
fyrir
1
Ísbú›in Kringlunni og Ísbú›in Álfheimum
Bla›beraklúbbur Fréttabla›sins er fyrir duglegasta fólk
landsins. Allir bla›berar okkar eru sjálfkrafa me›limir í
klúbbnum og fá tilbo› og sérkjör hjá mörgum fyrirtækjum.
Vertu me› í hópi duglegasta fólks landsins.
Ísbú›in Álfheimum og Ísbú›in Kringlunni
b‡›ur bla›berum Frétt ehf. 2 fyrir 1 af ísum
mánudaga og flri›judaga.
Tilbo› fæst a›eins afgreitt gegn framvísun
pakkami›a.Flugvélalaus
King Kong
Peter Jackson, leikstjóri The Lord
of the Rings, hefur ráðið sérfræð-
ing í flugumferð til að koma í veg
fyrir að flugvélar villist inn í tök-
ur á nýjustu mynd sinni, King
Kong.
Tökurnar fara fram á Nýja-
Sjálandi en myndin gerist áður en
farþegaflugvélar urðu tíðir gestir
í háloftunum. Til að sleppa við að
taka rándýr atriði aftur vegna
flugumferðar ákvað hann því að
ráða sérstakan mann til að fylgj-
ast með himingeimnum. King
Kong er væntanleg í kvikmynda-
hús á næsta ári. ■
■ DVD
■ KVIKMYNDIR